K-Palace

營業中

休息中

今次嚟試下韓國嘢，這間韓國餐廳改左名做景福宮，見佢裝修都好整潔，就入去試下啦，光線充足，坐嘅位置都很寬闊，有梳化位， 適合 朋友，情侶，家人聚會這裏也不例外，都係有韓國人的傳統，用餐前會送上韓國小食，今天小食有黑豆，芽菜和kimchi，三款小食都好好，黑豆軟硬適中， 係送酒小食，芽菜清清地，解油膩，kimchi辣度好正宗Soy Sauce Marinated Crab with rice (1pc)我哋就嗌咗一隻醬油蟹，醬油蟹大大隻，好多 蟹膏，處理得很乾淨，唔可以食嘅部位已經除去，啲肉好鮮甜，醬油味唔係太重，唔會太鹹，另外亦跟紫菜飯，可以加埋飯一齊食，可以更加享受到蟹嘅鮮味Grilled Beef另外我哋嗌咗個燒牛肉，係鐵板上，牛肉仍然很嫩滑，一啲都唔係"鞋"，份量仲很多，因為用鐵板上嘅關係，會有餘溫燒住啲牛肉，會有機會變老，廚師巧妙用了生菜墊底，所以不會這麼快變老，可以慢慢食

以前聽朋友講黃鋪有間唔錯嘅韓國菜，上網睇原來已經改左名做景福宮。餐廳環境好闊落，位同位之間都有好多位置。一入餐廳已經發現全部員工都係韓國人。坐低之後侍應就會直接送上韓式小菜，有泡菜，豆芽，黑豆。醬油蟹飯(1人份) ($188)醬油蟹好多膏，每啖蟹膏都好鮮好甘香。最重要係隻蟹夠新鮮，完全無腥味，拍得住係韓國食嘅質素。而蟹唔會死鹹，配埋紫菜白飯，味道岩岩好。燒牛肉($198)燒牛肉用鐵板上，未上到檯已經聞到好香韓式燒烤味。牛肉好滑，唔怕鞋，配白飯食真係一流。飲品-Coke zero ($18 each)呢餐埋單都係$460左右，心掛掛想去韓國嘅朋友可以黎呢到止住癮先~

朋友喜歡食醬油蟹，於是就帶我嚟呢度一齊試下。呢間韓國餐廳改左名，而家叫景福宮。鋪頭裝修風格同韓國一樣，統一嘅不鏽鋼餐具，韓國人大叔職員用韓文招呼我哋，韓劇味超濃。🌸醬油蟹係必食嘅，佢隻蟹好大，佈滿金黃嘅蟹膏，蟹肉好實淨，入口咸味鮮味，充滿口腔。蟹蓋上嘅蟹膏加紫菜飯，甘香味甜。我見每枱客人都會叫醬油蟹🌸烤牛肉，牛肉調味啱啱好，味道適中，紫菜白飯一齊食，特別開胃。🌸半半炸雞（原味和甜酸味）呢度嘅韓國炸雞不嬲都出名脆，而且雞肉非常嫩滑，一定要試。

K-Palace 景福官📍紅磡民泰街41-47號黃埔新邨安榮樓地下D號舖由韓國人主理嘅地道韓國餐廳🇰🇷鄰近黃埔地鐵站A出口 ～兩分鐘就到 K-palace 店內座位闊落😁光猛又舒服重點價錢親民性價比高💰又好味今次繼續Encore醬油蟹🦀真係全城最抵😁 $188/ 隻 ～ $366 /2隻超大隻蟹～肉質夠鮮甜配埋醬汁撈飯一流😍入口有大量起膠蟹膏✨超級好味同埋入口完全無腥味‼️必食‼️*醬油蟹仲跟埋紫菜飯😍燒牛肉 $198 牛肉肉味濃配上洋蔥🧅、甘筍、蔥一同炒香口感豐富～不論單食定伴飯都一流

紅磡俾我嘅感覺係不嬲都出名多嘢食，又多小店～前排同朋友行行吓紅磡附近，突然間好想食醬油蟹！然後發個紅磡都多韓國餐廳🤔最後決定咗揀呢一間！我見入邊係正宗嘅韓國人主理～同佢對答都係講英文或者講韓文🤣裝修未去到好華麗，但係有一種好似去咗韓國食嘢嘅感覺😗我哋叫咗一隻醬油蟹，只係$188🦀️隻蟹嚟到，我同我朋友都覺得比想像中大隻！因為通常出邊食醬油蟹都比依度貴同埋依度細隻但佢仲要比韓國餐廳嘅都大隻～而且有好多膏喺上面另外佢仲配咗紫菜飯，可以撈埋啲蟹膏一齊食😋食落去啲肉好彈～而且佢啲醬汁撈起嚟唔會係死咸有種鮮甜嘅感覺😋 CP值超高！另外仲叫咗個Grilled beef~嚟到嘅時候渣渣聲，好治癒！同埋份量超級多！又有蘿蔔同洋蔥，加埋啲白芝麻好好食！如果叫多碗白飯，攞嚟撈飯就正😆😆

果日係星期一晚去食入面客不係好多，以平日晚都人流都偏少但好在可以同朋友靜靜地食飯，飲酒👍🏻想食醬油蟹好耐了，理到店家應該係韓國人質素應該有保證😂2隻醬油蟹先$3xx , 好抵😋個醬汁唔太咸，個朋友第一次試都覺得好好食，叫多碗飯黎餸汁🤣🤣仲有個芝士炸雞都好正👍🏻👍🏻鐵板上夠哂熱，我中意🫶🏻食下食下忍唔住都叫左兩支燒酒飲，一流👍🏻理間係可以book mark 番食的 平靚正 韓國餐廳👍🏻

之前聽朋友講黃埔有間幾好食嘅韓國菜，去到發現原來最近餐廳改咗名做景福宮😜呢到環境闊落坐得幾舒服😌仲keep住播住唔同時期嘅熱門韓國歌🇰🇷🤣炒年糕鍋 $288佢份量都幾大，個日同朋友2個人食都食唔哂🙀入面嘅配料好多包括有有韓國年糕、魚板、雞蛋、炸海苔冬粉捲、炸餃子、蔬菜同埋麵🫶🏻呢到嘅辣炒年糕比較特別，佢係偏向長同瘦身，質感幾彈牙軟糯，唔會太辣食得好辛苦，甜辣味道好香好濃係幾野味，令人食唔停口，再加上每種食物都沾滿咗韓式醬汁，唔會食到好膩😆😆食到最後加埋個麵滿足感🆙🆙無骨半半炸雞（原味同甜酸）$198呢款無骨炸雞有原味同甜酸兩款口味，啱晒鐘意啖啖肉嘅朋友😏炸雞外脆內嫩，keep到肉質鮮美多汁，每一口都好滿足☺️原味炸雞保留咗雞肉本身嘅原汁原味，口感香脆；甜酸口味就有啲微微甜酸嘅味道，多咗啲特別嘅滋味，好適合做下酒菜😋

超地道韓國餐廳，餐廳環境都好舒服前菜有泡菜，芽菜同黑豆無骨半半炸雞（原味&甜酸） 韓國一定會去食炸雞🍗🤭，呢到既炸雞都非常有韓國風味，原炸炸雞外皮炸得勁香脆，雞肉肉身仲保持到好juicy多汁，甜酸炸雞更係好惹味好食，值得一食🤤炒年糕鍋 入面食材好豐富，年糕都好有驚喜，係一條條咁，煮耐左口感非常好，煙煙韌韌咁，好好咬口，入面仲有一個麵，2個人share超有飽足感，仲有好多魚板，索埋啲湯汁食，好入味忌廉溝鮮奶 粒粒葡萄🍇

紅磡不嬲都多嘢食今次就試吓呢間韓國人主理嘅K palace 一入到去就見到入邊嘅裝修非常之光鮮，同埋座位遼闊，侍應同埋老闆都係地道嘅韓國人！一嚟就送上韓國嘅精美小菜，有泡菜，豆芽，黑豆我最鍾意就係食韓國醬油蟹$188呢間啲韓國醬油蟹好新鮮，絕對唔會死鹹，而且蟹膏充足，啖啖都食得出鮮甜甘味，配上紫菜牛油白飯真係一流！炒年糕鍋$288配料好充足，有魚糕，紫菜卷，餃子，雞蛋，年糕，方便麵等等。配上韓式辣醬，鮮紅色嘅湯底，所有嘢都索曬湯汁，辣辣地好過癮！

二訪 Kpalace ，最近改咁名叫 「景福宮」大家嚟黃埔千祈唔好去錯第2度😙 今次店鋪翻新咗，比以前更光猛～今次我哋係生日晚飯第2場嚟食，因為閨密話好想食醬酒蟹! Let’s go ~.醬油蟹飯 $188(1pc)/$366(2pcs)我哋叫咗1隻，醬油蟹都大大隻，超爆膏，非常鮮甜，味道唔會太咸，跟住係蟹蓋度撈埋紫菜飯，簡直幸福到暈～.無骨半半炸雞（原味&甜酸）$198宵夜又點少得食炸雞，2款炸雞各有特色，酸辣味酸酸甜生，一啖啤酒一啖炸雞，既邪惡又幸福～ 原味炸雞甘白可口，都有雞味嘅~.🍺食炸雞又點少得配搭𝗯𝗲𝗲𝗿! 𝗖𝗮𝘀𝗮 𝗰𝗼𝗹𝗱 𝗯𝗿𝗲𝘄 𝗯𝗲𝗲𝗿 𝗵𝗸𝗱$𝟰𝟱🍻正啊好友就要 檸檬梳打 $48 .🍻Overall嚟講人均$2百頭的確係抵食！𝗼𝗽𝗽𝗮服務超就親切 ～ 醬油蟹大大隻味道可以，性價比高~🤭中意醬油蟹既你一定要去試吓～.如果大家中意俾個like支持下🤟🏽 𝗖𝗶𝗮𝗼~...🍺K-Palace 景福宮(紅磡)🍻紅磡民泰街41-47號黃埔新邨安榮樓地下D號舖

紅磡係一個搵食好地方，好多臥虎藏龍的好餐廳。今次去到紅磡搵到有間性價比極高既韓國餐廳✨**K-Palace**✨ 景福宮韓國人主理！連侍應都係韓國人嚟㗎。兩位小姐好肚餓，樣樣都想食，今次叫住3款先。下次會再試埋其他野食！去親韓國餐廳一定會有前菜架啦~而裏面一定包含泡菜架啦~今次令我眼前一亮嘅係黑豆前菜，甜甜地好好味！❇️Soy Sauce Marinated Crab wit Rice (1pc) $188黎到一定會叫既醬油蟹飯，呢個偷飯賊真係有啲料到。醬油蟹size幾大隻，鮮甜無腥味。濃濃的醬油汁，加上金金黃黃的蟹膏，放到充滿紫菜的白飯上邊，撈埋一齊真係一流！❇️Braised Pork Ribs燉豬排骨，豬排骨燉到淋晒，一咬落去都唔使用力就骨肉分離。除咗豬排骨好食之外，配菜其實都一流㗎。有年糕白蘿蔔紅蘿蔔樣樣嘢都入晒未。又係好好餸飯架！❇️Cold Buckwheat Noodles 水冷麵亦都好正宗，煙煙韌韌冰冰凍凍配上一條條梨條，好Fresh好好味。記住一定要落黃芥末和白醋先得㗎！

餐廳位於紅磡民泰街，在黃埔站出數分鐘便到，十分方便環境寬闊舒適，乾淨企理，裝修簡潔，光線充足✨餐廳由韓國人主理，提供多款韓式料理，味道正宗，注意落單時要用英文溝通~點菜後店員便會送上三碟韓式小菜，分別是泡菜、芽菜、黑豆🦀醬油蟹飯 $188/1隻醬油蟹上枱時已經切好，分了蟹蓋及蟹身，非常貼心醬油蟹大大隻非常新鮮不會腥，肥美爆膏，口感綿密，濃香鮮甜，回味無窮蟹肉鮮甜中帶辣，肉質軟滑，口感滑嘟嘟像啫喱醬油蟹醃製得十分入味，調味恰到好處不會過鹹，味道正宗將紫菜白飯加進蟹蓋內與蟹黃一起伴吃，邪惡好吃👍🏽🥘炒年糕鍋 $288天氣開始變冷，吃鍋的季節來臨了炒年糕鍋份量非常多，二人完全吃不完食材十分足料，有韓國年糕、魚板、雞蛋、炸海苔冬粉捲、炸餃子、蔬菜、泡麵辣炒年糕是韓國最具代表性的經典美食，韓式年糕煙韌軟糯，口感彈牙，包裹著creamy濃稠的韓式醬汁，味道甜辣甜辣，香濃惹味；配上炸海苔冬粉捲、炸餃子等韓國特有的食材，感受滿滿韓味，而且食物掛滿韓式醬汁，口感豐富🥤可樂 $18 , Milkis $25K-Palace📍紅磡民泰街41-47號黃埔新邨安榮樓地下D號舖

黃埔嘅K palace景福宮係一間由韓國人主理嘅韓國菜餐廳，食物正宗而且質素高，價錢合理，環境舒適，服務親切。我今次去試咗兩款主食，分別係韓式無骨豬手同埋炒年糕鍋，都好滿意。韓式無骨豬手，份量十足，一大盤嘅豬手，肉質軟嫩多汁，豬皮彈牙有咬口，可以用清新嘅生菜包埋一齊食，加埋醬汁香甜微辣，配上韓式泡菜，酸辣開胃，仲有蒜片同辣椒提升風味，好適合同朋友一齊分享。炒年糕鍋係一個鐵鍋裡面有年糕、魚板、雞蛋、炸紫菜飯團等，年糕煮得好軟糯，白菜同蔥增加鮮甜，醬汁濃郁帶辣，食落好滋味，炸紫菜飯團吸收埋香辣醬汁，食落更加滋味。

早幾日同朋友去咗黃埔，又想食炸雞，又想食豬手，一於試吓喺附近嘅K palace!餐廳座位闊落，都坐得好舒服，侍應好快俾咗啲前菜我哋食，估唔到黑豆又幾好食！之後，叫咗個冇骨嘅原味同埋甜酸味炸雞。我就鍾意食甜酸味多啲，上面有滿滿嘅醬汁，每一啖都酸酸甜甜，食多幾嚿都唔覺得油膩🐽之後，去到我念念不忘嘅豬手，呢個豬手真係要大力推薦，佢仲配咗好多酸辣嘅配菜同埋新鮮嘅生菜！好多餐廳都幾好少生菜🥹將唔同嘅配菜夾埋豬手放上去生菜一齊食，真係大滿足！雖然只係叫咗兩樣嘢，但係都已經飽到上心口，性價比極高！鍾意食豬手同炸雞嘅朋友，絕對不能錯過🫶🏻

走到黃埔見到間光鮮韓國餐廳,氣氛不錯就入內嚐嚐.餐廳由正宗韓國人主理,鋪名更叫景福宮,充滿韓國風味,當中更有一兩枱韓國人用餐,整個氛圍令人錯覺置身泡菜國~~先來泡菜,芽菜同黑豆前菜泡菜微辣開胃,芽菜清爽開胃~🔸醬油蟹飯($188 /1pc)醬油蟹蟹膏部位呈淡黃色,雖然蟹膏份量不算多,但味道卻鮮甜,無腥味.肉質嫩滑而鹹度剛好,配上紫菜飯,變得不單一及飽肚 🔸無骨韓式豬手($238)豬手軟嫩入味,豬皮位置充滿膠質有彈性.配上韓國料理必備配料:綠椒/蒜頭片/韓國辣椒醃菜等. 新鮮生菜包裹以上配料一齊吃,清爽減膩.份量極大,建議三人以上食用