K-POT 部隊鍋 (已結業)

想食雞煲，點知都係旺角搵到！新年都開門，感動！雖然訂左位，都要等十分鐘。佢除左食雞煲，重可以打邊爐，一舉兩得！個雞煲汁好濃，有多種味道嘅湯底，同樣嗜辣的我們難得見面，當然要吃我們都十分喜愛的麻辣火鍋了。所有野都可以任食，包括豚肉，牛肉，配菜，飲品.雖然係最平，但係肉質一啲都唔差，豚肉幾爽味道亦唔錯！唔用佢黎做湯底打邊爐真係浪費左！由於個汁好濃，d雞入哂味至於打邊爐配料，鵝腸係洗乾淨哂d肥膏，正！因我好怕見到d鵝腸唔洗肥膏，可惜無蝦滑同墨魚滑，響玲唔係自己制，因為睇住佢開盒囉出黎，響玲唔夠脆。

第一次食韓式火鍋，想試下同平時食開既火鍋有咩分別我地揀左韓式涮涮鍋$178 有5款肉(牛肉，梅豚肉，豬腩肉，雞腿肉，海魚柳。)加$20可任意叫兩款湯底，揀左芝士同埋麻辣湯底。芝士湯底會有一碗芝士比你倒落去，好特別既湯底食落比較濃味，而麻辣好有驚喜，裡面加左好多一條條辣椒乾+少量花椒，食得辣既人就會好享受~前菜都係有海帶、泡菜。我地坐正自助拎野食前面，一眼望落都幾多款野食，仲有三大部電視播住kpop mv音樂，夠哂潮~ 韓式火鍋多左平日係傳統火鍋唔會見到既野食：年糕、黃色一節節好搞笑既豆卜串、韓式魚糕等。最特別係四色熊仔魚蛋頭，我諗小朋友見到一定好鐘意~肉類都唔錯，鐘意梅豚肉夠哂薄切滑身、牛肉都好嫩口對得住個價錢、海魚柳就麻麻喇有骨刺、豬腩肉一啲都唔騷、整體黎講肉質鮮美。甜品都係自助形式，貼心既係每款都係一口既份量，啱哂食完火鍋太多又有甜品胃既你。其餘飲品隨意拎。坐落都好舒服，我地坐左over兩個幾鐘都冇趕我地走服務好好，經理(?員工會主動幫我地換野食，問我地食邊款，好快手抵讚。會再去食。

見到佢有個午市90放題 ，2人同行1人半價，諗住唔貴試一試，其實而家一餐lunch要過百唔出奇，我個人覺得係值唔值問題… 4：20入場，全場得2枱客。雜丸/菜/飲品/乳酪/甜品 自取，離遠見到有個驚喜-棉花糖機😲……行近發現封左！我地揀人參雞湯底，完全無味，連乜乜韓燒個人參雞湯都比唔上。自助乳酪：配料及糖漿供應本應加分，一嘗就乳酪過酸，棉花糖係硬！硬！（有興趣可以去嘗嘗）主菜上枱：薄到透光，我男人認唔住要讚佢刀功……我相信係機切架囉！總括：可一不可再

亂沖亂撞 一同二人撞上韓式部隊鍋，韓式設計韓式風味。。。前菜 泡菜，牙菜，海帶味道唔夠入味，煎泡菜餅同壽司無咩特別松露芝士湯底，濃濃松露香味，加入芝士更香(芝士自行擺入湯底中，建議一次過唔好擺曬 會越煲越膩)豬 -薄薄的 烚1分鐘到好爽 唔硬 ，但有數塊肥豬肉😨肥牛 肉質分佈明顯 不太肥 不太膩款式算多 多以韓式為主 食物新鮮食完仲有自由配搭糖果乳酪 。以上食品都系任食。。

係旺角唔知食乜好，睇睇下有個店員話90分鐘 放題 7：30前離座 只係Hkd 118/person，唔洗等位，就試試啦熟食種類都算多，味道都ok，kimbap 就麻麻地，年糕，泡菜果d正常！cheesecake都係一般，不過咁嘅價錢放題算係咁！豬皮同平時食果d 唔同，呢個膠質重d，未用沙爆過果種，魚蛋唔錯！豬肉肥牛都係任食，食完就叫店員攞過咁食到好飽！最令人驚喜係有froyo機，froyo toppings，同埋好多種類嘅飲料例如 洛神花干 比大家沖水飲！！仲有棉花糖機添！咁嘅價錢有甘多選擇，而且味道幾好，真係算唔錯！

之前食過一次 環境同食物整體感覺不錯，今次約埋朋友黎等930pm“85折時段優惠”,有折扣就緊係要食好d喇，所以就點左尊上牛肉放題$248+任食海鮮$38，要食返餐勁既。

星期五晚熊貓去食 K-POT 部隊鍋，總之一句唔會再去。背景: 美國尊上牛肉套餐放題同人參雞湯底食物:個湯底完全無味，清水一盤。牛肉，豬肉切到紙咁薄，漉兩漉就唔見嗮d肉(另一方面來講就是唔怕唔熟)。魚就是冰鮮魚。雞落咗去熬湯無食到(講真d豬牛都差到咁，仲點咁食雞)。其他配料就去配料區任攞，有一般丸類，菜及交特色的熊仔魚板，韓式魚蛋，韓式豬皮還有韓式公仔麵。但大部份配料都頗難食，唯一覺得好食的是韓式魚蛋。最後甜品可謂是日焦點，店內有 froyo 機讓顧客可以任食。而 froyo 的味道就跟外面的 froyo 店差不多。價錢: 每人$236 (唔知點解給我們打折), 放題來講唔算貴，但同一個價錢絕對可以食美味得多的晚餐)…服務: 後生個個經理服務態度唔錯，會留意你要唔要refill 牛肉，其他店員就咁收咗你個空碟就算。環境: 還好，唔算太擠。洗手間尚算清潔。綜合意見: 請我都唔去。

好朋友正日生日 一於組團慶祝佢生日，帶左佢去試下食韓式涮涮鍋，真係唔搵都唔知有韓式火鍋，平時都係食開燒肉多。唔理咁多入到舖第一時間望下周圍環境先，環境不算好迫，每張座位之間都有一定距離，唔驚傾到興高采烈郁手郁腳時撞到其他枱既人，我地9點半後入座有85折，揀左尊上牛肉放題$248同部隊鍋湯底，自助吧有熟食有鍋物，熟食有泡菜炒飯，韓式煎餅同年糕，鍋物有必食既午餐肉，泡菜餃總之好多好多野揀，除此之外，仲有乳酪任食，超多款配料，唔食返三杯都對唔住自己。生日點可以淨係飲果汁，緊係要吹返枝燒酒先盡興喇。

今日同同事放工經過飛達中心樓下見到有韓國部隊涮涮鍋放題， 日本涮涮鍋就食得多，韓式就真係未試過，同埋睇到CT信用卡有85折優惠就決左試一試，揀左尊上牛肉放題同豬骨湯底，個放題真係堅多野食，包埋一口牛肉粒/豬腩卷/豚肉/魚柳同雞肉，見到牛肉既油花感覺值回票價，烚到牛肉岩岩轉色 點一下醬油再放入口，軟嫩好好味。出面既自助區泡菜餃同福袋係必食，福袋一定要等吸收晒湯既味道先至好食。有個真心必點推介，就係加$38就有咁大碟既海鮮放題，仲係要任食喎。講完食就講下服務，店舖有wifi有手機套正，唔驚醬汁整污糟部手機。

9:30pm入場有折，所以就去試一試啦 。一開頭就有三樣小食比你先，三樣入面比較推介泡菜，因為小辣得黎比較爽口，重可以添加，嘿嘿！另外2樣就。。。不是我杯茶。今次叫左人參雞湯底，成個鍋只有四分之一隻雞，少量人參鬚，但都有少少參味，全部自助形式，重有雪糕食，不過個人認為自助的食物種類唔多，除左開頭有2碟肉，之後肥牛果d肉類要再加錢叫！以百幾蚊黎講，我寧願加多少少去放題，起碼大把野食可以簡。

Craving for hotpot on Friday night after the unexpected OT, went to a Korean hotpot restaurant at Mongkok at around 9:45pm.We ordered the $248 beef buffet. The beef was ok but the beef can be thicker. Compared with other specialty hotpot buffet restaurant, i have to say that this restaurant do have alot of different hot pot food varieties and at 9:45pm, they still refill alot of food out which make us quite content as we were scared that we can only choose the leftovers. The thing i like about t

呢間鋪頭d野超級難食 又好貴！！ 服務員d態度腫好差添 完全唔值得去 我地三個人食左千幾蚊 真係好唔底！！！而且點菜時waiter完全沒問清楚係三人每人一份份，我地亦沒問，就這樣被冤枉左千蚊，唔係缺錢，態度起碼認真點吧！

終於有機會在香港一嚐部隊鍋的滋味 。 店內裝修十分韓式，電視播韓國女子組合MV。我地揀左兩個湯底 - 人蔘雞湯(好清甜+足料，有栗米同一隻雞調味)、部隊湯(同韓國食既一模一樣，夠入味、唔會太辣) 前菜方面有泡菜、芽菜、黃瓜，但泡菜味道一般，好酸。另外有沙律吧，有不同種類的沙律菜、小蕃茄等，可作輕食。主打($178)：牛豬雞，牛薄而不膩，豬同雞多肥肉、好膩。火鍋配料有好多選擇，如韓式午餐肉、魚蛋、年糕、蘿蔔、粉絲餃等，但熟食飯團一般。最後是甜品時間，自製乳酪，任加toppings，有熊仔塘、朱古力碎碎、脆片等，味道亦不會太甜，是我好喜歡的乳酪味，正！服務態度：十分貼心！有電話袋送，食果時唔洗怕整污糟個電話，仲有像根俾女仔紮起頭髮 店內食物和服務都是不錯，可惜任飲任食的時間太短，得90分鐘，一班朋友想一邊傾計一邊食真的不太夠時間呢。>_<

冬天凍凍地，最岩打邊爐但成日都中式邊爐會悶，今日來點新花樣，就是韓式火鍋!!K-POT 部隊鍋的環境算乾淨整齊，檯面不會油油膩膩的...而今次我地選了$158 牛、豬任食火鍋 (另有其他價錢、種類選擇)肉類比較薄身，而且肥肉比較多，至於湯底亦有很多蔬菜墊底...但可以任食的關係就算了...整體的味道都ok，不會太咸或太重味精，而食物配料都頗多頗新鮮的!除了主食外，仲有我最喜歡dessert bar，包括乳酪同其配料，好吸引呀！另外要讚一讚:staff有禮貌，額外仲有提供除味噴霧、電話充電等等服務做得幾貼心，加分!*9半後入座仲有85折～

又係放題時間，火鍋係牛骨湯底，好濃味，夠鮮甜，職員又不停加湯，服務好，而呢個元貝好新鮮，仲超抵食添，望落好大隻，入口不會有雪藏怪味，又滑溜溜 重點美國特級和牛登場啦！ 肉色紅潤有光澤，入口香濃牛香同適量脂肪，圖片可見脂肪平均，滿口油香，super good，而且切得好薄，易熟，好味韓版飯團， 黑色好味d, 細細粒，泡菜辣辣几正，食多几粒都唔會滯呀！另外仲有呢個超級大隻海蝦，放入火鍋一陣就熟，加上本身就新鮮，所以好有咬勁，蝦肉感覺好有彈性，加上鮮甜湯底，好配合然後要介紹係豚肉，薄切得黎，肉色好潤澤，一落邊爐十秒即可食用，非常好食，又濃鮮豚味嘻嘻，韓國熊仔魚餅，好爽口彈牙，個樣又Q最後甜品時間，自製乳酪，放題有得整黎食，好有新意，如果食得甜既會好啱，我就鍾意佢個乳酸味，但甜度可稍為減減會更好，但的確好fresh!