K2 Kitchen (已結業)

朋友相約於觀塘吃飯， 其實放工已經好攰，本身諗住返屋企， 不過見一早約咗 ，唔好放飛機 。餐廳環境以黑色為主調，配合半開放式廚房， 視覺上都幾匹配。意大利火腿拼溫室皺皮瓜為是日前菜。 作為飯前小食， 真係值得推薦，但係唔明點解佢要叫做意大利火腿， 經過我嘅味覺細心咀嚼， 明明係巴拿馬火腿。 最得人鍾意係勝價比高，大大碟，用料十足。主菜方面， 巴馬臣芝士煙肉蛋黃醬意粉， 到枱已經好吸晴， 冇諗過有一隻蛋黃喺上面， 視覺上已經好驚喜，將個蛋黃同意粉混合， 成個意粉嘅味道層次又再次提升。另一主菜，香煎厚切鵝肝伴紐西蘭牛柳， 鵝肝厚切係真嘅， 如果可以再大舊啲， 真係冇得頂。 彩虹咁嘅配搭，真係估佢唔到。之後先發現，原來主菜加58蚊可以轉套餐，咁樣就變得更抵食。 下次再嚟食一定會醒目。

官塘工廈真係好多好食裝修又靚既餐廳 今次就試K2 kitchen 地方唔難搵 都近地鐵站 裝修令人眼前一亮 lunch set唔算貴 100左右 我今次就叫左羊肩肉 肉質鬆軟多汁 而我朋友就叫左柚子魚柳 酸酸甜甜味道清新 下次一定會再黎試

第一次光顧，在工廈內的裝潢都唔會太大期望的！食物本身定價中高等！時段優惠單點菜75折根本無法考慮使用，因為主菜份量都吃不飽一個細食OL!,只好叫套餐！ 從頭盤開始，頭盤都算可以，到餐湯 南瓜湯 、周打魚湯賣相好但味道比 金寶湯還要差！ 主菜 ：煎比目魚加番茄醬他他，見到賣相都唔知想點托托貝意粉唔熟，意粉又凍安格斯肉眼扒，我點三成熟，可能包無死啦熟度是準確的，點知size 是長方型，隻眼去左邊？！有一半是切不開的粗筋，食到好無穩伴碟設計真係第一身直覺覺得是剛剛出來西廚學院出來的！ 總之感到中伏

近排返工好辛苦，好想食餐好嘅，見呢間好多人讚，又唔太貴，就去左試下。一入到去，枱同枱之間好有空間，一啲都唔逼，waiter 好足夠，會一路睇下你使唔使添水或者幫你換碟。我地2 個人，叫左2 個set dinner, 西班牙辣肉腸沙律，好 fresh, saucing好好，好開胃，紫薯湯好重紫薯味，但飲落唔會太滯，帶子海膽湯，味道ok, 主菜叫左羊仔鞍，外面煎得好香口，入面仲好juicy, 好好食！仲有鵝肝配牛柳，其實我第一次食鵝肝，勁好食，外脆內軟，其真個texture 係一層好簿嘅衣，包住好juicy 肉汁嘅感覺，勁勁勁好食，不過食得多會滯，配埋牛柳食就一流！甜品加錢要左個心太軟，之後個老闆走左過黎我地到，話呢度啲心太軟用左特別配方，外面係脆皮的，雖然我冇特別食到外面有幾脆，但是個巧克力醬係好 creamy, 又唔會死甜，擺盤仲一流添，呢餐飯真心正。不過，份量唔算多，如果主菜份量多返小小就perfect 喇

記得上次光顧K2 kitchen，已經是1月份了，仍依稀掂掛著當時的滋味，決定和朋友再來吃午餐。這次午餐更換了新菜式，且有生蠔海鮮刺身供應，是一個簇新的體驗。先來法式小點紫薯忌廉湯紫薯味突出，忌廉味香濃，兩者配搭得宜。鮮三文魚彩椒意大利飯三文魚肉質鮮嫩，意大利飯很creamy。烤羊扒伴虎蝦羊扒7成熟，內裡透紅，煎得恰到好處，羊肉味濃，沒有任何羶味。虎蝦真材實料大大隻，肉質爽嫩。甜品另加10元添加了甜品，賣相精緻。飲品分別點了伯爵紅茶及熱即磨咖啡，非常滿足的一餐。

Learnt this restaurant through internet referral, we didn’t expect too much for a simple lunch in a Kwun Tong. I have booked a table for two via Openrice self booking system in their apps. We attended on time, we were the first arriving at noon. We were served to be seated with a free welcome appetizer “Parma ham with bread stick”, then we ordered 2 lunch sets, with “ purple yam soup” to start with, 2 entrees “Grilled Rib Steak with veggies”, “Baby Pork Leg with veggies”, “Mango mousse cake” as

妹妹今天放假，約了一起去觀塘的工廈吃午飯。餐廳位置方便，在工廈的13樓，地方尚算寬闊。午餐包括法式小點、餐湯或沙律及飲品，甜品要加$10。點了香草松子仁醬烤焗三文魚柳，魚肉很厚實，不鹹也不淡，不用點醬也可以。三色點綴很色彩繽紛。另外點了香煎美國極黑豬肉眼配法國白桃汁，厚厚一大塊，配上濃濃的醬汁，很開胃。兩個套餐一個跟飯，一個跟蔬菜。飲品點了熱檸檬蜜及熱牛奶朱古力，不過不失。吃得飽飽的，連甜品也吃不下了。

諗住禮拜日同班sis聚聚，訂左座2點去到點知原來得兩三台😅見佢lunch menu寫住免費添飲，我嗌左鮮奶朱古力，兩位sis嗌左唔記得咩茶🙈我鐘意飲重奶味嘅鮮奶豬力力所以order果陣問staff可唔可以落多d奶比我😆結果真係好重奶味滑一滑幾正。諗住免費添飲就order多杯多奶豬豬，泥左飲左兩啖之後個staff突然同我講免費添飲只限茶包類飲品。心諗GG啦我呢杯係咪要正價🙉好彩最後都free左比我。整體食物幾好，環境寧靜(可能人客少？)，係下次會再泥嘅cafe🙆

朋友剛從法國回來，仍懷念著法式味道。於是和他結伴到K2 Kitchen。午市供應午餐，有多款菜式選擇，而且還包前菜，飯/薯菜及飲品，價錢也不貴。法式精緻小點用Ham卷成的小點，帶有點點法式風情紫薯忌廉湯紫著香濃，帶少少忌廉味，兩者味道並存而沒有違和感。田園沙律很清新的味道，朋友都讚不絕口。焗三文魚龍脷卷配菠菜忌廉汁很花心思的一道菜，龍脷柳成卷狀包裹著三文魚，味道層次極豐富。香煎美國極黑豬肉眼配意大利黑醋肉眼厚切，豬肉味濃郁，肉質很鬆化。熱情果慕絲蛋糕熱情果味突出，蛋糕也很軟滑。熱朱古力面層有忌廉及朱古力粉點綴，提升了格調。

觀塘工廈內的一間高質西餐廳，來一個給視覺及味覺都會滿足的午餐~餐廳的LUNCH SET MENU，提供數款午餐選擇，並會定期轉換菜式，提高新鮮感~餐廳的格調猶如一般西餐廳，有少許像CAFE，令你覺得置身工廈之時，又有舒適及享受的感覺~前菜 : 周打蜆湯撻將濃濃的周打蜆湯放入撻皮內，再輕輕焗一焗，食時把整個撻放進口裡，口感是外層香脆，內裡卻有爆漿的感覺，周打蜆湯暖暖的浮遊在整個口內，這個食法及口感確實特別 ~餐湯: 甘荀湯香濃的甘荀味融入到每啖湯之中，當中口感更帶有少許棉棉的甘荀在內~主菜: 香煎美國極黑豬肉眼配法國白桃汁這是午市套餐中最貴的一個，整個賣相不俗，有悉心設計的擺盤配菜，相當吸引 ~ 從不同角度去看這度菜，確實會發現它的美感，獨立分別擺放的配菜，伴著大大塊的黑豬肉眼扒，卻有強烈的對比 ~黑豬肉眼並非意味著它的顏色為黑色，這是它的品種 ; 它的肉質其實相當雪白，豬肉的味道亦挺強烈，而口感更不會太硬，所以都成為西餐廳常用的豬扒 ~這一塊扒做得非常香口，外層被煎香得帶有一點焦油，一切開，當中的肉汁由內而外滲出，同時都會感覺到它的肉質不硬，但卻有種實在的感覺~配上味道有點像黑醋，酸酸

好朋友生日梗係要搵好地方慶祝啦，觀塘工業區有好多好嘢食，今次揀咗K2，因見佢show出嚟嘅相片，甜品可以寫字而且寫得幾靚，試吓新嘢先online可以訂位非常方便，一去到就可以入座(我平日去，枱沒有爆滿)一坐低便提供兩柸水及遞上Menu，並簡介當日精選海鮮（但沒有hard sell),朋友不吃生蠔所以婉拒了。我們揀了原隻法國油春雞（set)及龍蝦龍（half)蝦汁天使麵(加$58變set, 有餐湯丶頭盤丶餐飲及甜品）。頭盤揀了自家製煙三文魚，配有橙汁火箭菜及芝士，配搭好fresh,南瓜蓉大扇貝，Size夠大夠彈牙周打蜆湯味道鮮甜夠濃郁，另外點的廚師推介是什菌湯（打蓉）清香易入口。先上了油春雞，雞外觀普通（但伴碟精美）但切開一試，雞皮是薄薄一層帶脆的，煮得剛剛好雞肉比較嫩，有驚喜！（之前在其他餐廳吃過的，都煮太熟肉是硬的）龍蝦天使麵（Menu亦有註明是half)，食物上枱時亦有驚喜，因為這隻half的龍蝦,伴有大大的龍蝦鉗，(外間的很多不連蝦鉗)所以覺得份量特別大，睇到都已經好滿足，事實上味道剛剛好，不會太濃蓋過龍蝦鮮味，而天使面的份量也不少，個麵我哋食唔晒呀！餐飲我們點了cappucci

今晚黎到一試工廈既西餐店，不嬲都知觀塘工廈好多好野食，但估唔到係咁高質梨味果酒 西餐當然唔少得酒啦，呢間都有果酒同手工啤提供。環境靜靜地，配埋酒，傾計一流呀 黑松露薯條 🍟薯條控必點，意外地好好食呀！我不嬲鍾意食粗身薯條，但呢個幼身薯條，好脆卜卜呀 煙三文魚西柚前菜仲叫左呢個 煙三文魚配西柚都幾正，加埋啲青檸乳酪醬 芝士薄脆，非常開胃同好食呀！ 炸魷魚圈 都係叫黎送下酒，吹水既小食 。新鮮熱辣辣炸起！正 卡邦尼意粉好傳統既意粉 蛋漿放係蛋入面，賣相好意粉一上，可以自己倒蛋漿，自己撈! 輕煎北海道帶子·黑松露意粉因為輕煎既關係，入面仲係刺身，外面微脆 ，好有口感。 意粉調味岩岩好 不淡不咸。呢間餐廳環境靜，好岩慶祝生日或者同朋友閒聊，加上有埋酒同小食，一定會再黎呀

餐廳地點唔多就腳但環境幾好，勝在幾有情調，慶祝紀念日唔錯的選擇。我地一行4人點左個梨味同士多啤梨味酒，高興一下。食物種類好多款，海鮮肉類應有盡有。頭盤點左煙燻三文魚伴西柚，ParmaHam配蜜瓜，每樣野上碟都嘩一聲，因為賣相好靚。三文魚同西柚切到好似一樣咁，所有食材都好fresh!Main Course揀左鹿兒島黑豚豬鞍同焗原隻波士頓龍蝦，豬鞍煮得剛剛好，完全唔韌，配埋青蘋果茸，食得多都唔會膩。再來多個北海道刺身帶子黑松露意粉，帶子輕煎保留鮮味，份量亦都唔少，好滿足。整體所有食物都用心烹調，味道同賣相都好出色，值得推介！

朋友話想食法國餐，我哋又無咩意見，知道觀塘好多工廈餐廳，於是就向呢區出發，最終揀咗呢度試試。餐廳嘅食物都幾多選擇，店員告知揀主菜就可以加$58轉做套餐，有頭盤、湯、甜品同餐飲喎! 另外，我哋再叫咗啲開胃菜 share! 烤沙甸魚多士配蕃茄沙沙 - 沙甸魚烤得好香，同平時罐頭嗰啲唔同，配埋酸酸辣辣嘅蕃茄沙沙，yummy! 生蠔 - 店員介紹韓國生蠔正做特價$10/隻，我哋就要咗半打，生蠔雖然係細隻啲，但都好新鮮，屬爽口類型，抵食! 自家煙燻三文魚伴血橙汁，羊奶芝士，火箭菜 - 三文魚係餐廳自家煙燻，配埋酸酸哋嘅血橙汁，好開胃!椰香日本南瓜茸焗大扇貝 - 南瓜茸好綿好滑，帶子肉質唔嚡，唔錯! 鮮蜆周打湯 - 飲到有蜆味嘅白湯。南瓜忌廉湯 - 南瓜味香濃。鹿兒島有骨黑豚豬鞍伴楓糖芥末籽，青蘋果茸 - 黑豚豬鞍外皮煎過吓，鎖住晒啲肉汁，切開見到豚肉係粉紅色，食落 juicy 又彈牙，仲好鮮味，配埋個甜甜哋嘅醬，又係另一種味道，真係好好味呀! 香煎深海雪花鱸魚伴菠菜枝豆意大利飯 - 魚扒煎完都仲 keep 到好滑，由於意大利飯加入咗蔬菜，令整體更清爽。油封法國鴨脾伴煙肉煮白豆 - 食到鴨脾肉一絲

好耐無食西餐..今晚黎觀塘工廈覓食..環境好唔錯..一班朋友傾計好唔錯..餐飲有得試新鮮果汁製水果酒..叫左梨味..好香..唔會好甜..好開胃..我地4個人..前菜有煙三文魚西柚青檸蜜糖乳酪..一黎真係分唔到三文魚同西柚..好似..但擺碟好靚..三文魚好鮮甜..配埋西柚好新鮮既配搭..另外仲有意大利火腿配皺皮瓜..超甜蜜瓜配咸咸地既火腿..一流..叫左個黑松露薯條..薯條好幼身..脆卜卜..好香..主菜係焗原隻波士頓龍蝦配牛油松露醬..龍蝦唔算大隻..但好鮮甜爽口..仲有d洋蔥碎菇伴菜..食落好香口..另有鹿兒島黑豚豬鞍..好少聽係來自鹿兒島.食落好juicy..唔會好漏..一人兩件岩岩好..意粉份量唔算多..但擺碟好花心絲..好落都好味d..刺身帶子黑松露意粉同芝士煙肉蛋黃醬意粉..意粉煮得岩岩好..係爽口既..食落好香滑..好唔錯..最後仲有細細件既甜品作結..再大d就食唔晒啦