K2 Kitchen (已結業)

今晚和朋友一起訂了餐飲吃晚飯，放工後搭地鐵過去，地點很方便，附近就有地鐵站，到了餐廳迫不及待就點了酒飲，這款氣酒有梨味和士多啤梨味，很適合女士們，我飲到停不到口。前菜有煙三文魚配西柚，西柚的酸味帶出了三文魚鮮味，亦配有青檸蜜糖乳酪，更有不同層次的味覺享受，而且開胃不少。還有意大利火腿配皺皮瓜，火腿香濃味道不太咸，配香甜皺皮瓜，真是很出色。這兩款前菜我都很喜歡。我和朋友各點了兩款湯，我個人喜歡周打魚湯，很重海鮮味，而南瓜湯都很濃，各有不同。主菜，我選了卡邦尼意粉，意粉很彈牙而且掛汁，味道很好，不油不膩。另外，有兩款小食份量很足，而且好香脆。餐廳的員工都很有禮貌招待，一定會再來幫襯。

好友共聚,既想寧靜坐得舒適,又想食得開心好味樓上鋪是不二之選聽到店員推介下,自己又諗下點左以下食品南瓜茸大扇貝,煙三文魚血橙芝士火箭菜,是日廚師餐湯南瓜湯,鮮蜆周打湯,韓國蠔,沙甸魚多士配合蕃茄沙律,有骨黑豚豬鞍,油封鴨脾煙肉白豆,鱸魚菠菜枝豆意大利飯經驗店員推介下加錢轉餐又真係抵玩好多喎,加58元就可以多個湯同前菜是日廚師餐湯南瓜湯--南瓜都幾香,真係唔錯鮮蜆周打湯--好香既魚味,好鮮味既湯煙三文魚血橙芝士火箭菜--一口咬入去肥美香口既三文魚,d汁一下必晒出黎南瓜茸大扇貝--焗完既南瓜唔單止唔會蓋過海鮮味仲可以帶出海鮮香味韓國蠔--10蚊一隻抵到爤,真係肥美可口而有dd海水香味沙甸魚多士配合蕃茄沙律--同平時罐頭完全連味都唔同,超香口,配合埋個多士一流有骨黑豚豬鞍--好香既黑豚味,散發出黎既肉香而不肥膩油封鴨脾煙肉白豆--隻鴨脾肉都好入味,少少咸配合埋個白豆就丫丫好喇鱸魚菠菜枝豆意大利飯--鱸魚好有魚香,煎左個面鎖住d汁,入口魚香味十足食完野朋友話冇甜品唔完美喎,個甜品都幾得意,都唔錯餐飲正常野,而個朱古力就濃味好飲

今日同2個朋友去觀塘搵下D樓上鋪食下野就決定上K2 KITCHEN試下入到去個環境都幾好,幾舒服今日就點左以下食物沙甸魚多士配合蕃茄沙律,韓國蠔,黑豚豬鞍芥末蘋果茸,油封鴨脾煙肉白豆,鱸魚菠菜枝豆意大利飯,另外加58蚊轉套餐就轉加多左南瓜茸大扇貝,煙三文魚血橙芝士火箭菜,南瓜湯,鮮蜆周打湯南瓜湯---都幾香南瓜味鮮蜆周打湯--幾香魚味,好鮮味韓國蠔--第一次食韓國蠔,10蚊隻都算抵啦,都幾肥美鮮味煙三文魚血橙芝士火箭菜--舊三文魚好厚身,食落去配合埋橙同芝士好正,好有魚油香南瓜茸大扇貝--超香南瓜味,咁樣焗出黎令到成碟野升一個LV,帶出鮮味沙甸魚多士配合蕃茄沙律--D沙甸魚應該煎過,咁香口既同平時開出黎既都唔同既,再配合埋多士一起食,亙補不足,變成多士有味,沙甸魚唔肥膩黑豚豬鞍芥末蘋果茸--咬口適中,而豚肉味濃油封鴨脾煙肉白豆--隻鴨脾煎完將D汁鎖住,好香口呀鱸魚菠菜枝豆意大利飯--鱸魚超滑身加重魚香味黎個甜品--一粒粒硬身朱古力都幾得意杯朱古力都夠濃味

餐廳有供應生蠔，我們點了不常見的韓國生蠔，每隻只是$10，抵食之選。體積不算大，但幾厚身，非常新鮮。自製煙燻三文魚伴血橙汁，羊奶芝士，火箭菜輕盈分子泡沫帶點青檸味；火箭菜覆蓋的煙燻三文魚比壽司店厚切刺身更厚一點，血橙汁則提昇了這道前菜的味道。香檳忌廉汁配拿波里茄茸藍青口嫩滑，還帶點爽。南瓜湯濃稠而不膩侍應說伴碟圖案是以南瓜蓉、紫薯蓉、蔬菜汁製成，絕無添加人造色素。鹿兒島有骨黑豚豬鞍爽脆不韌、肉味帶甜香，單吃或蘸些青蘋果蓉吃也同樣美味脆皮朱古力心太軟賣相有心思，碟上畫有一朵大花，心形的心太軟旁邊還有雪糕、蜜瓜、鮮橙、提子、棉花糖。心太軟如餐牌上的名稱般，外脆內暖，與雪糕同吃更是不敗配搭。友人也讚賞有朱古力饀的餅乾條。手工啤酒來自立陶宛，味道清爽。

週日的晚上我們早早就到了K2 Kitchen 、因為這裡踏入七時後就已坐無虛席。南瓜湯$28 奶泡綿密、口感幼滑、帶清甜味、配麵包條脆卜卜很夾。周打蜆湯$32 質地較濃稠、蜆肉火腿份量足料、味道亦很奶滑。前菜要了正在推廣的$10/隻韓國生蠔、平時少吃韓國生蠔、果然有驚喜！生蠔非常新鮮、爽滑唔腥。經理說生蠔兩日來貨一次、難怪這麼新鮮。香檳忌廉煮南青口$118、青口是新鮮的非急凍、所以肉質爽而滑溜、香檳忌廉汁唔會太膩而且奶滑。紅酒和牛面頰 $220 以小砵盛著、旁邊的多士可沾紅酒汁吃。牛面頰肉質超級嫩滑、好軟、是我吃過最好吃的牛面頰肉、醬汁亦調配得恰到好處！輕煎北海道刺身帶子、黑松露意大利飯 $128Risotto 好creamy、就算放了一會才吃都不會黏在一起、忌廉汁仍然香滑、飯粒軟硬度適中、不過黑松露味道可再濃一些。鮮果雪葩伴鮮雜果 $58 以原隻菠蘿上、雪葩用新鮮菠蘿肉打成、酸酸甜甜清新怡人、作為甜品很不錯啊！四個人分享亦剛好

【一般般】K2 Kitchen照燒和牛肩胛係觀塘的最後午餐， 同事埋單既Farewell飯送別我呢位小人物。同事帶左我地一團人黎K2 Kitchen, 係一間觀塘好常見既樓上西餐廳。 呢類型西餐廳都好多時都係走工廈風， 裝潢上不俗。不過呢類餐廳食物質素上真係好參差，一不小心就中個大伏😭。同事既我就唔方便影啦，影自己個份算了。 今次叫左個照燒和牛肩胛👈一個lunch set有 Appetiser﹐ 湯，main course同杯野飲。 Appetiser係 Parma Ham Biscuss Roll ☞ 無咩特別。湯係蘑菇忌廉湯， 味道還可以， 有濃厚既蘑菇味， 質感唔夠滑係失色之處。主菜照燒和牛肩胛擺盤不俗，燒汁偏甜有果味， 喜甜既我幾欣賞。 製作上係做得唔錯， 保持到牛既肉汁。 不過， 牛肩胛燒得太熟， 接近well-done﹐實在有點老，唔夠嫩。而杯咖啡就 So-so. Overall唔差既。 不過lunch就唔會成日咁食啦。

今日同事提議K2 Kitchen，因為之前吃過質素不差。參考了一下Openrice的MENU，但去到發現原來是經常轉的。*小點今日的小點是忌廉雞湯味的迷你撻，很有吃忌廉湯的感覺；唯不太夠熱，再熱一點應該會更好食。*田園沙律沙律有芝士碎作topping，有一個清新的開胃菜。*香煎美國極黑豬肉眼配黑醋汁 ($153)黑毛豬煎得很香口，肉質很爽嫩，而且很JUICY。配菜食，少一點油膩感。*熱朱古力朱古力淡了一點，不太夠味，要扣分。

提起觀塘，我隨即想起工廠大廈裡琳瑯滿目的西餐廳 今天跟家人來到觀塘，不禁食指大動，於是前來品嚐廣受好評，位於工廠大廈裡的k2 restaurant (並享用中午一點前結帳的九折優惠😛)。主菜1) *西梅釀鴨胸配車厘紅酒汁*酸酸甜甜的西梅，跟鴨胸頗為的搭配。鴨胸煎得剛剛熟，不會太乾。鴨胸的皮太韌，反覆嘴嚼後，還是吃不了。(如果皮煎得更脆，會更容易進食之餘，也會更惹味!)*極黑豬(kuro buta)肉眼配黑醋汁*極黑豬肉眼有少許油花，肉味頗濃，肉質佳。豬肉的表面煎得香脆，能夠鎖住裡面的肉汁。豬肉本來陪白桃汁，不過當天只有黑醋汁。只可惜豬肉跟酸溜溜的黑醋一點也不搭配*黑松露野菌意大利飯*🍚中規中矩的意大利飯，飯粒軟硬適中。味道比較平淡，黑松露和野菌的味道都不突出。甜品*綠茶慕斯蛋糕(是日甜品)*蛋糕雪藏得太硬。吃起來，口感像雪糕。綠茶味假惺惺的，味道像廉價的雪糕...總結而言，餐廳的服務和環境不錯，食物賣相尤其別出心裁! 可惜食物味道不過不失，尤其甜品失準。以每人盛惠一百多元的午餐來說，性價比有待改善。服務方面，侍應有禮貌，細心和服務「周到」，主動提供sharing plate。環境方面，

K2Kitchen是觀塘工業大家樓上西餐廳，港人用心經營，當晚跟女性朋友飯聚，覺得他們的食物不錯，不是最正宗是有點帶有港式風味，但tune得個style不錯，是挺精緻的。我們點了兩個主菜upgrade成為dinner set, 大約200元一位，朋友最喜歡他們的海膽湯，味道鹹鮮又rich。我們各自點了牛柳和rib eye,7成熟，肉質和肉汁都發揮出水準，肉味都ok的。甜品很大碟挺rich，比較喜歡apple pie with icecream,很fulfilling,至於心太軟比較像朱古力蛋糕多一點。整體來講感覺是不錯看的。

觀塘多美食就係人都知，今日放工之後，又黎觀塘搵食，發現有間係工廠大廈入面食多國菜嘅餐廳 K2 Kitchen裏面嘅裝修主要以黑色為主，座位唔算太多，但係座位比較闊落而且舒服！前菜：烤菠蘿西班牙辣肉沙律伴意大利黑醋免頭有啲白色嘅分子泡沫，食落去酸酸地好開胃餐湯：紅蘿蔔湯用新鮮紅蘿蔔加啲cream打成嘅，好重紅蘿蔔味主菜：烤鹿兒島黑豚豬鞍配上蘋果用蜜糖芥末汁，可以中和到油膩嘅感覺主菜：鱸魚意大利飯路遇好滑身，有好濃嘅芝士味甜品：綠茶蛋糕蛋糕唔會太甜

放工去附近地方食farewell 飯e度d service幾好ga，尤期對我地e 堆選擇困難証既人。不斷叫waiter 埋黎又不斷未confirm 到叫乜食，好彩都無黑我地面。叫左個4人dinner set ，再加d 散叫。份量唔算好多，每人一人一啖咁，不過賣相好精緻，整得靚到唔想拆散佢最尾既dessert 有彩蛋。味道正常發揮，但係賣相一流。即使叫兩個相同dessert，但係d 朱古力裝飾同周邊公仔都碟碟唔同，所以真係好用心a！

在眾多觀塘工業區的樓上西餐廳中，選了K2 Kitchen跟美女朋友撐台腳。這裡非黑即白的設計，純白鹿頭擺設特別醒目。是一間有點港式風味的西餐廳。食物都幾好既，造型細心，煮食有誠意，同三五知己黎high din一下，加一兩杯house red都ok。最喜歡他們的海膽cream soup,好有海膽的鹹鮮味，口感比較condense，是個人最愛，而朋友就喜歡他們的牛柳。叫了一塊西冷188HKD，一份牛柳伴鵝肝198HKD，加48HKD upgrade去套餐，就會包埋頭盤，湯，甜品和飲品。頭盤選了salad,湯就海膽同椰菜花湯各要了一份，海膽湯我個人真的喜歡，可能是我喜歡鹹鮮的味道。甜品要了心太軟，還可以吧，沒有很流心，但都算熱辣辣咁。飲品我自己upgrade了去house red,配合紅肉一流。勇氣38HKD加了輕煎帶子做side dish，都唔錯。

原本book 左13樓，點知打黎話無開，只開2樓個間，所以一試2樓 I kitchen，應該都係同一餐廳開 (原本想轉另一間，2樓似pub restaurant 而且無窗，13樓有窗比較光，不過算) 星期日兩人食Brunch，叫左兩個all day breakfast ，價錢7十幾至9十幾根據要幾多款食物。食材新鮮好味，特別係牛角麵包好食，而且呢到brunch大部分飲品可以免費添飲，呢點幾好幾岩中意假日飲多杯咖啡既人。服務方面要提提有位年紀較大既侍應叔叔，佢好熱心招呼同介紹brunch有咩食，而且好客氣知道我地有咩需要，要特別感謝。

原本諗住食個平時食開既午餐, 點知去到先知轉咗做聖誕節午餐餐牌, 價錢仲要貴過平時個價, 但呢一刻我已經坐低咗, 唯有留低繼續食囉, 叫咗個飯同意粉, 雖然個價錢係貴過平時既午餐餐牌, 但個餐都好多嘢食, 餐湯, 餐前菜,餐前小食, 主菜仲要甜品加餐飲, 相比下價錢都算合理餐前小食 - 長餅乾條, 唔算好脆, 應該都放耐咗, 士多啤梨芝士餅乾都係一般蟹肉海膽忌廉湯 - 呢個值得推介, 真係好好味, 忌廉味好濃, 加上有蟹肉同海膽粒, 好好味澳洲鮮藍青口, 白酒牛油汁 - 青口都算新鮮, 但有一兩隻青口裡仍有雜質, 未清乾淨, 白酒味唔濃, 唔太覺有牛油汁諾曼弟鮮蠔意大利飯 - 蠔有三隻都, 好新鮮, 意大利飯比較濕唔算好杰身, 有芝士溶撈埋啲飯, 味道不錯輕煎刺身帶子黑蒜扁意粉 - 半生熟帶子口質不錯, 外層熱熱, 內裡刺身質地, 扁意粉都有啲芝士溶撈埋, 感覺好杰身好膩熱情果慕絲蛋糕 - 呢款蛋糕都好好味, 中層有片好似沙冰既蓉, 夾喺中間一齊食, 口感不錯總結 : 雖然冇諗過12月18日都有聖誕套餐食, 但食物質素同價錢都算合理

在觀塘下班，家中各人都有要事，再一次下班後自行吃晚飯。工廈中的美味，再一次令我想起，是次找到另一家餐廳，看看能否再有著驚喜。門前的裝修主色為黑色，感覺雖帶點隆重，卻又有專業的感覺。枱面也是黑色為主色，再加添一個小蠟燭，很有氣氛的感覺。室內卻有寬闊的空間，可容納多人，而且也可以辦一些特別的聚會似的。靜靜的一角，也適合二人的浪漫聚會，看來是個非常不錯的地方。看看餐牌，還未想到吃什麼，待應給我簡介一下，凡惠顧主菜、意粉、意大利飯等，也可以額外加費轉為套餐形式，會配上頭盤、湯、甜品、咖啡或茶等。最後我點選了厚切美國黑安格斯肉眼，轉了套餐，再加配黑松露牛油芝士焗生蠔，期待這個豐盛的晚餐。等了約十分鐘，頭盤先為我送上。黑松露牛油芝士焗生蠔，黃金色上枱，已經散發很香的牛油味。松露入口感覺剛好配合蠔鮮，牛油與芝士令蠔更香更鮮，令蠔鮮味勝出，一試難忘。帶子海膽湯，當中使用奶油打出的泡沫，令口感更滑，配麵包條，已非常吸引。帶子海膽湯，待應說會較腥，入口卻沒有腥味，海贍混和帶子的鮮味，香中帶濃，甜中帶鮮，湯暖暖的溫度，令香氣更突出，當中有著數粒帶子，更覺矜貴。安格斯肉眼扒，肉眼扒配著配菜，色彩形成強烈對比。