K2 Kitchen (已結業)

呢度啲嘢唔太貴，Lunch食牛小排（HKD103再加一）都唔會好過份咁。見到牛小排真身，嗯…知會唔太飽。肉就多筋咗啲啦，熟咗少少，其他味正常囉。我叫咗跟茶又真係成碗菜上，搞笑喎，但幾好味。全部嘢最有驚喜竟然係杯凍朱古力！冇水溜溜，幾濃味，仲有超勁厚嘅cream，正！美咪指數：7/10抵食指數：7/10

又到左不定時老細請食飯😂😂今次到k2 kitchen 啦！🤣👉🏿✨鮮三文魚彩椒意大利飯 Hkd 73 💸📌會有餐前餅同餐湯～呢個飯都算正宗喎，飯粒係半生硬👍🏿三文魚幾多，配埋彩椒脆脆地又幾好食，夠creamy✨但係唔中意佢入面有啲蒜片，小小吃不慣呀😔👉🏿✨烤羊排配虎蝦 Hkd 153 💸📌羊排有3舊，叫左7成熟，岩岩好。唔會膻，仲好軟熟tim!虎蝦都夠大隻呢！其他同事嗌了牛小排都非常好食😆大家可以試試喔～

今日又嚟觀塘見客，順便在附近食埋個lunch先返公司，由於上次食這間K 2 Kitchen餐廳後覺得味道不錯， 所以決定再encore。上到去才一點半，餐廳全場爆滿，需要等五數分鐘才可以入內。今天餐牌與上次有點不同，但價錢就差不多， set lunch價錢幾十元至百鬆D都有, 包括有餐前小食、餐湯、 主菜和飲品,都算超值。餐前小食，分別是法式餅條和芝士提子梳打餅，細細份食落又脆口， 鹹鹹哋味道不錯。餐湯是南瓜湯，好濃郁南瓜味道，略帶糊狀，味道香濃，加上法式餅條一起食，非常滋味。主菜分別是香煎鱸魚配黑松露薯蓉和扒日本水飼豬肉眼配牛肝菌汁， 兩款都味道不錯。 尤其是香煎鱸魚 煎得非常香脆，加上鱸魚肉質嫩滑，食落口感軟綿綿的，非常美味。 唯獨美中不足是分量太少 ，食落還有點肚餓。而日本水飼豬肉份量適中，肉货好嫩滑， 食落肉味香濃， 口感鬆軟。 加上牛肝菌汁，味道出奇特別惹味。跟餐附送兩杯嘢飲，可凍可熱， 任君選擇。 在咁有情調的餐廳進食，埋單每人都不過是百幾，非常超值，期待下次再來。

呢間都算係觀塘工廈入面嘅隱世高質餐廳吧，朋友帶女朋友黎食，覺得好好，然後推薦我，果然冇介紹錯入面環境有格調，適合情侶約會我叫咗個安格斯肉眼轉做dinner set，加多份鵝肝前菜係南瓜容焗扇貝，南瓜蓉香濃，估唔到同扇貝可以咁配合，最值得讚嘅係扇貝真係超級大粒廚師餐湯嘅味道有d重，如果飲太多可能會有d濟，但好在唔算大碗，當係打開胃口吧，上面嘅餅乾條好有特色，我都係第一次見，如果脆d就更好了，宜家有d索風。主菜安格斯扒十分厚，我叫3成熟，我覺得可以再生少少，因為我女朋友嘅五成熟好似都比我嗰份生，不過整體黎講真係好滿足，啖啖肉，而且調味唔濃，可以享受到牛扒嘅香，美中不足嘅係餐刀感覺不太利，鋸到我地好狼狽，鋸到好似鬥木咁鵝肝十分好食，香脆嘅皮入面包含住香滑嘅脂肪，一咬落去係有爆開嘅感覺，真係好爽！鵝肝都算大，雖然我嗰份唔夠女朋友嗰份厚，但比佢嗰份大甜品味道中規中矩吧，但勝在夠靚，朵花靚到我唔捨得整爛佢順帶一評，飲品我點咗凍檸水，檸檬味好突出，好好飲，本身以為普普通通嘅餐飲竟然都有驚喜

今日又周圍搵野食啦🤤🤤今晚黎到位於觀塘工廠大廈嘅呢間K2 Kitchen 我同朋友18:30到，算幾早所以冇咩人，人到19:00人開始多了最近唔小心鐘意咗影枱上嘅蠟燭。睇睇menu 先啦，我叫咗個厚切美國黑安格斯肉眼加咗58蚊再加多68蚊要多份鵝肝，大食的我😳先黎前菜自家煙燻三文魚伴血燈汁羊奶芝士，火箭菜。羊奶芝士我都係第一次食，食落好似酸奶味咁，幾creamy 。不過怕羶嘅人可能就唔會特別鐘意呢味啦。睇睇,我哇咗聲！有3厚切舊煙三文魚，啖啖肉，而d汁都幾特別，酸酸地嘅橙汁幾開胃。呢個係同打海鮮湯。幾特別有條面包條又好似餅乾條嘅野係湯上面點住食。好味，但我嫌佢唔夠脆口，唔夠乾身。不過點湯食都幾好味，係質感扣少少分。睇睇個厚切牛排，賣相幾靚。食落都好重牛味，有一點扣咗少少分係就係把刀有d 難切🙈唔夠利。另外個人覺得可以再落多少少鹽，重口味的傢伙，嘿嘿😂又係睇睇5成熟煎成點嘅時候，都算做得唔錯呢個最讚，鵝肝，又大又厚食落重外脆內軟，先食一小啖試試鵝肝嘅香，之後再夾埋菠蘿！個人覺得菠蘿都夾，但果種甜就蓋咗少少鵝肝嘅味。最後係搽茶紅豆mousse,唔錯唔會話太甜！仲包咗一杯凍檸水。

家人並不喜歡這餐廳，首先大家話中午時間較嘈雜……另外老爸老媽唔啱口味，佢地話選擇少，父母話沙律太酸，而我妹妹話'豬柳麻麻地，燒春雞還可以，@我覺得這餐最好是蟹籽意大利飯，同杯espresso,雖然优惠時段buy 4 set lunch ,get 1 free 但是味道麻麻，不會再去。

前菜 三文魚青瓜好夾，好新鮮，三文魚好香雜菜湯d菜好新鮮，湯唔似不停翻煲過，🙂 用料好多，幾濃郁！豬扒煎得剛好，有鍋氣👍🏻👍🏻有焦黃，口感好嫩滑，冇咩筋和冇渣。👍🏻👍🏻👍🏻份量好多，可以唔需要叫飯，叫菜就ok。我次次都叫菜，因為佢啲蘿蔔、瓜菜煮得好清甜！蘿蔔唔係本地蘿蔔，圓滾滾的，特別好味同甜。同埋豬扒配（燒汁），味道好配合，旁邊有雜菜點綴，不同顏色，令整碟菜好吸引同美觀。另外飲品，我簡左伯爵茶，佢哋都係同其他餐廳一樣用茶包，味道唔錯，頗濃。加左2次水都係一樣濃郁香口，飯後飲下當解茶咁真係唔錯。

桌子細、隻碟大、份量少、味道不錯但價錢收高級餐廳價。這兒並不是一個食氣氛和傾計的地方，極嘈。純粹食野係ok,牛扒真的好味，燒春雞非常細，甜品係一口size,（建議別叫），上菜速度快。待應生服務態度不錯。

女接待員服務極差，我地7大2B到咗，其他人未到，我地話訂咗10位，該女接待員不停問我地電話號碼，因為訂位個朋友未嚟到，我地即時講唔出個電話號碼，女接待員話有兩檯10位，所以一定要問電話號碼，最後要我地講出個號碼先俾我地坐低！（其實兩檯都係10位，都係長檯，唔明有咩分別？）之後坐低，俾6張檯我地，該女接待員就拆開咗1張檯，話因為我地10個人，其實我地仲有兩個小朋友，我再問該女接待員拎多張檯俾小朋友坐，佢話小朋友唔會有檯，你坐好我再俾椅子我地，點都唔俾張檯我地，話所有檯都有人訂咗，之後我話有11個大人，先肯俾我拍埋個張檯一齊坐！呢間係工廈嘅餐廳，一個set dinner 最少200-300蚊，唔知以為係高級餐廳食緊！未食完就問收得隻碟未？成舊羊扒都未食完！真好笑！服務咁差，真係唔好諗住去食下一次！P.S.近抽氣扇位地下有煙灰缸

黎到觀塘工作，知道工廈區有好多野食，係k2 kitchen 一個人食午餐。Menu 都幾多選擇，有飯，肉類等等，可以配沙律或者湯，仲有飲品。餐前小菜係三文魚青瓜，幾得意點綴一下。意大利雜菜湯好足料，有洋蔥，紅羅白，薯仔等等，味道好香濃，有d 似羅宋湯。意大利紅茄燴牛尾配有機糙米飯$83牛尾好入味，有少少配菜，加左蕃茄煮，好開胃。飯係糙米飯，口感較特別。揀左熱檸水作餐飲，呢餐好滿足,埋單100有找。

K2 kitchen 系觀塘工廈有名小店環境清靜闊落黑白嘅格局 感覺置身於鋼琴🎹之中1️⃣輕煎北海道刺身帶子 黑松露意大利飯 $128愛菇人士愛點 真系好多菇😍😍有risotto飯應有嘅硬度 黑松露味好香北海道帶子新鮮 不過唔算大粒2️⃣香煎厚切鵝肝 伴 紐西蘭牛柳 $198鵝肝堅系厚切 入口好快溶 正!!牛柳 五成熟 好有肉汁 好好食😋😋3️⃣三色果仁焗紐西蘭BB羊仔鞍 $248小編叫左七成熟 剛剛好羊鞍上嘅果仁好香 羊仔鞍肉質嫩滑多汁食到老媽子心花怒放😂😂

姊妹談心，她說之前晚飯曾在此吃，感覺不錯，所以今天一同來此吃午餐。12:15來到，我們是第一枱客人，看到每一枱已放上頭盤，巴拿馬火腿捲餅乾條，不知是否已放在桌上好一陣子，吃下去非常乾身，毫無油潤感。。。蘿蔔蓉湯吃得出是鮮打的，但最好自己加一點鹽巴調味。主菜是蜜糖芥末豬柳卷，上桌時肉呈灰色，心想跟煲湯瘦肉像極了。。。誰不知放了一片入口，口感和煲湯瘦肉沒兩樣，真心覺得難吃，姊妹２人各勉強吃了半份已投降。

Encore !! This is my second visit to K2, same as before, we made reservation through OpenRice App, easy to place a booking either for lunch or dinner. We booked 3 ppl for lunch at 12 noon. Welcomed by polite staff by the door, served to be seated, warmly served us with a free appetizer “salmon with cucumber”, we decided to order 3 different lunch sets, With Minestrone Soup to start with, entree we had “Lemon Risotto with Alaska Crab meat”, “Stew Gem Hen Pollo Alla Cacciatoka”, “Yaki Australian W

餐湯係蜆湯同野菌湯。味道濃郁有心思！牛柳唔會太咸，調味適中，火候亦控制得宜！鵝肝亦煎得內軟外脆。豬柳包有豐富肉汁，酥皮亦好香口，伴碟的醬汁亦配搭得很好！而且上碟的配菜又加上其他顏色伴碟，增加食慾！甜品的畫花極有心思，而且甜而不膩！為豐富的晚餐完美地畫上句號！每個餐大約$250，仲有飲品奉送！餐廳免收開瓶費之餘，仲會細心幫客人雪酒，提供酒杯同冰桶！而餐廳待應的服務更令人感到滿意，細心為客人換碟又加水👍🏻

去過這間餐廳好幾次，整體上覺得食物質量有保證！味道、賣相都是令人滿意的。我們點了兩份主菜並加了$58 轉套餐。套餐包括的前菜分別是自家煙熏三文魚配橙汁羊奶芝士火箭菜及日本南瓜焗大扇貝。三文魚是厚切的，與一般的煙三文魚不一樣，魚肉肉質結實，咬起來口感不錯。另一款前菜味道都不錯，南瓜的鮮甜跟扇貝的鮮美很匹配！餐湯是鮮蜆周打湯，味道偏重，但整體是好味的。主菜分別是巴馬臣芝士煙肉蛋黃醬意粉及輕煎北海道刺身帶子黑松露意大利飯。主菜味道濃淡適中，我特別喜歡意粉，意粉的軟硬程度剛好。甜品方面，是日甜品是無花果凍餅。凍餅味道不過不失，但令人感到驚喜的是碟上畫出來的圖案！最後到餐飲，伯爵茶味道最有保證，最重要是無需要加錢！