KiKi麵店 (K11 Musea)

營業中

休息中

本身想食個間full哂，又有少少趕時間，見到K11 musea 有間Kiki麵，朋友話未食過一直都想試下，剛好我都未食過就試下.全日套餐 $148有一個前菜+一份主食+一杯飲品前菜我就揀左蒜片台式腸，而主食就叫左蟹王油拌麵(+$10)，飲品就叫左白桃烏龍 .碗麵入面本身有少量蟹肉同蟹膏，個餐附上蟹黄油、蟹黃蟹肉同埋醋，可以按自己喜好加入拌麵到食。每啖都食蟹黃醬幾鮮味，幾creamy 。台式腸幾香口，白桃烏龍茶味較重，唔太飲到白桃味。.全日套餐 $148呢個餐就叫左盛酥大雞排伴麵，可以叫飯。不過食得Kiki麵就叫返佢哋個招牌-伴麵。雞扒份量勁大份炸得幾香脆，個麵就普通。

冇諗過依個商場咁多人, 本身想食另一間沾面, 但係要等好耐. 朋友唔中意等, 見KIKI唔算等太耐, 我地兩個抱住都未試過既心態試一試啦. SET DINNER唔算太貴都係一百蚊左右一個餐. 叫左個花膠鮑魚面, 小食揀左雞翼, 杯飲品加左錢, 但唔記得叫左乜, 淨係記得死甜唔好飲. 講返個面, 就係一舊花膠一舊鮑魚, 之後就幾片生菜, 個湯底係清雞湯味, 家x牌果隻. 本身如果個面條好有特式既我都覺得算啦, 但個面其實同出面上海餐廳d湯面擔擔面差無幾. 咁百幾蚊個餐真係唔知為左食乜. 食一次夠, 唔會有下次. 寧願去食個拉面好過. 

叫了沙茶牛肉麵及芋圓奶綠，牛肉冇味，洋蔥唔新鮮，奶綠好似溝稀奶水，冇奶味冇綠茶味。奶綠內的芋圓好細粒，用飲管好難食到，不過食到都冇用，因為冇芋圓味。未食過咁差嘅一餐，浪費咗$120，碗麵食到一半已唔想再食，奶綠飲咗幾啖已經唔想飲。咁冇心去煮嘢食比客，不如唔好做生意。

到底我飲緊啲咩同食緊啲咩？首先個甜品細到我以為係啲咩迷你版，樣樣嘢都細細粒，又勁細杯，仲要收33蚊，我同朋友對望完真係呆一呆。跟住我叫杯珍珠奶茶，乜呢度唔係賣台式嘢咩？我無諗過嚟到會係港式奶茶加珍珠，如果係咁我去茶餐廳飲都得啦，做咩嚟呢度？仲要珍珠勁少又唔好飲，奶茶好苦澀，我真係無辦法飲晒，飲咗2啖就放咗喺度，成杯近乎無飲過。因為嘢飲嘢食嚟到，我太過失望，甜品食咗幾啖後先醒起要影相（其實幾啖都接近食晒），真係無下次！

同另一半經過KiKi麵店，見到佢地個個餐牌 - 蟹黃油拌麵覺得好吸引，所以就入嚟試下。蟹黃油拌麵 + 涼拌皮蛋豆腐 - 我地跟套餐叫，有個前菜、主食、飲品，皮蛋豆腐不過不失，正常。可惜我對佢地嘅蟹黃油拌麵期望過高，首先只有極淡蟹黃味，另外，蟹黃油我覺得有點少，吃到後面要吃得十分吝嗇。胡麻棒棒雞拌小醋麵 配 煙燻無骨鳳爪 另加酸辣汁水餃 - 胡麻雞拌麵真的普通，我覺得跟在街市買的雞絲拌麵加胡麻醬是完全沒有分別🤣。鳳爪的確有煙燻味，雖不合我口味，但我認為尚算可以。酸辣汁水餃沒想過加$28只有兩粒，CP值十分低。

之前成日喺K11行過呢間餐廳，今日有啲想食台灣嘢，味道都算正宗，不過K11太多好嘢食，係個容易被忽略嘅選項，如果想(喺K11)食平啲嘅話都不失為一個好選擇💁🏻‍♀️ ♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺₊⋆ ᙏ̤̫ ⋆⁺₊⋆ ♡ ⟡ 蟹黃油拌麵 ($158) 蟹黃醬好誘人！雖然我知道呢個唔係最正宗嘅蟹黃麵，但金黃色嘅濃郁醬汁真係幾吸引～不過我又犯相同錯誤了：影相影太耐結果啲麵結成一餅嘢😖整體嚟講都算唔錯～ ⟡ 鹽酥大雞排飯 ($148) 非常大塊！感覺食曬會喉嚨痛🥵雞排皮炸到脆卜卜，雖然外皮有啲乾，裏面嘅雞肉都幾嫩嘅👌🏼我哋轉咗做拌麵，但拌麵冇醬，如果係飯嘅話應該會冇咁寡 ⟡ 涼拌皮蛋豆腐 幾特別嘅涼菜！我哋嗌嘅全日套餐包一杯嘢飲+一款小食，呢個幾消暑，但冇乜味，分量頗細，唔好對佢有太大期望🤕 ⟡ 蒜片台式腸 呢個唔鍾意⋯⋯本身以為係平時咬落爽口/口感比較硬朗嘅腸仔，點知係煙韌類腸仔，被背刺了！還我正宗台灣腸仔！ ♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺₊⋆ ᙏ̤̫ ⋆⁺₊⋆ ♡

昨天和友人去睇戲, 未開場前先去吃晚飯, 由於佢同戲院同一層, 所以想節省時間, 選擇左佢😋我叫左酸菜魚湯麵配蒜片台式腸配熱白桃烏龍, 友人要鹽酥雞排飯配皮蛋豆腐配凍白桃烏龍, 另外加左一個菜, 等左一陣兩杯飲品先到, 玻璃杯好精緻🥰, 外層加多一層玻璃, 令你摸落去唔會感覺到凍同熱👍, 我叫的酸菜魚湯麵, 飲一啖湯, 飲到辣但飲唔到酸, 我自己就覺得辣左一点, 亦唔係好熱, 再試啖麵, 味道ok,唔會太淋亦剛剛好, 但魚片係好滑但食唔到魚的鮮味, 試下台式腸, 味道啱啱好又不甜又不咸😋 友人比左最細舊雞排我試, 食落好熱, 有肉汁又唔乾又唔會太多粉醬好厚, 依個絕對有驚喜😘🤩不過如果我食就份量比較多, 再試少少皮蛋豆腐, 汁底太咸覺得麻麻地, 最後飲白桃烏龍, 雖然凍左, 但有一陣白桃香味, 飲落好舒服好清新😋👍148元貴唔貴真係見人見智, 但以K11尖沙咀區, 我相信都算絕對超值🥳, 都係入場睇戲前的最佳選擇👍👍

Tastes great. But a waiter with curly hair and wears a pair of glasses is impolite. A good waiter should give customers more smile and help. Instead of that he looks very impatient. I can’t believe in such a shopping mall. There is a such impolite waiter. He made a bad impression on me. And it makes me sad. It was my first meal in HK. Not good.Btw A waiter all in black is very kind. He helps me pay the bill.

第三次来这家店了，之前尝过他家的酸菜鱼面，好好吃，好吃但就是比较辣。第二次尝试的事鸡丝凉面，不辣，很香的芝麻香味，有很多鸡丝，凉凉的很清爽。这次尝试的事卤肉饭，也不错但有点点腻，感觉这家还是面比较好吃

🔸Kiki麵🔸🔆大家可能覺得點解又係Kiki麵，之前的post我係介紹Kiki麵的飲品。今次終於有機會坐低食啦~我地超級肚餓，所以叫左2個$148全日套餐，套餐包括一份小食+一份主食+一杯飲品~🔆涼拌鯛魚皮+蟹黃油拌麵(+$10)+紫薯鮮奶(+$18) $176👌🏻涼拌鯛魚皮 鯛魚皮非常彈牙，不過有小小硬，要咬多幾啖先好吞呀。醬汁好惹味，有啲好似泰式風味，酸酸辣辣。👍🏻蟹黃油拌麵佢碗蟹黃係分開上的，都幾大碗，成碗倒落幼麵到，撈到每條麵都有蟹黃就啱架啦。蟹黃味好香濃，落埋佢比嘅醋同麻油，再加左唔少風味。麵條幾爽口，每啖都食到蟹黃的顆粒同小小蟹肉。🐭今年無食到大閘蟹，係到滿足番自己條蟹癮🤣🤣👌🏻紫薯鮮奶鮮奶味幾濃，但紫薯蓉唔夠多，味道較淡。🔆煙燻無骨鳳爪+川味牛肉湯麵+白桃烏龍 $148👍🏻煙燻無骨鳳爪鳳爪好爽脆好好食，佢個醬汁微辣，味道有啲似戟汁醋肉乾咁hahaha，成件事好match!! 👌🏻川味牛肉湯麵幼麵爽滑，湯底食得出川味的麻香，亦唔會太鹹。牛腩有小小鞋，但overall牛味幾濃，都唔錯。👍🏻白桃烏龍白桃烏龍清香，啱哂食完濃味野再飲！🔆Overall非常滿足，晚餐$148嘅set

手機下單十分方便，我選了個全日套餐 ($148)，包括小食＋主食+飲品各一款。**小食: 台灣腸經典嘅台灣腸, 配上蒜片, 好有台灣夜市風味，惹味開胃。**主食: 蟹黃油拌麵 (+$10)蟹黃真係大大碗， 而蟹黃油則另上， 我不明白用意何在，但蟹黃麵味道偏淡, 而且當中蟹肉不多, 說實話，有點失望。順帶一提，kiki自家制辣椒醬也很出色，送麵一流。 放在調味盤上可自己隨意落，幾方便。**飲品: 熱冬瓜茶地道嘅冬瓜茶, 貼近台灣口味，味道偏甜

點知食完KiKi麵店嘅蟹黃麵後，我係實心實意嘅感動啊！首先，個蟹黃啖啖肉，啱晒我呢啲鍾意蟹味重嘅食客。蟹肉蟹黃攪入綿滑嘅飯麵中，係真係絕配👍，每啖都令人回味無窮。再加上d麵條Q彈得嚟唔會過腍，啱啱好咁捏住口感，咬落去彈牙又夠味。而佢嘅香腸都幾有驚喜，唔單止色澤誘人，嗰陣脆脆嘅口感同肉汁齊噴，簡直唔得了啦！想唔到咁簡單嘅食材都可以係咁香口，辣辣地混埋酒香，真係太吸引喇😋。絕對係響到飽肚之餘，又有種「食埋佢嘅廚房都得」嘅衝動。落肚後舒服到就連呼吸都感覺到甜，是次用餐經驗真係食指大動🍜！下次會考登記咗，一定會同閨蜜再黎轉轉！

K11 musea嚟講，Kiki嘅食物價錢係相對較親民嘅一間餐廳，今次嗌左辣子雞拌麵，個麵餅幾好食，有趙口，辣椒味好香，辣到不得了，鍾意食辣嘅朋友一定唔可以錯過，不過白桃烏龍就爭咁啲，似喝水，唔太好意思好似一啖都冇飲、原封不動就咁劈低，所以隨便飲咗兩啖就冇再掂。至於服務方面，以個人同frd今次嘅食物體驗，服務實在有好大嘅改善空間。首先佢係根據你order嘅嘢食嘅價錢上餐，即使你QR code order先都好，佢都一定會搞掂咗貴啲嘅餐先再搞平啲嘅餐，兩碗麵之間相隔等咗>15mins，而且埋單嘅時候，服務員會講：「最平嗰個埋單先」，說話技巧有待提升。

不大驚喜嘅尖沙咀KiKi麵店Fb:下一站豬欄; IG@Pig7station之前試過KiKi麻辣撈麵，覺得好惹味，就試試堂食係咪一樣😅今次點左蟹黃油拌麵，蟹肉真係大大碗，不過味道偏淡；另外，紅燒牛肉麵就緊係唔少得啦，不過牛肉就比較硬，好難咬，湯都OK夠濃郁🥲另外點咗幾款小食，有麻辣鴨血、鹽酥雞同埋滷水金錢肚，其實幾款小食味道都偏淡🫠味道比較單調，偏淡😅相比之下，個人覺得春水堂比較出色😅今次有啲失望

台灣麵一定會諗起KIKI麵自從佢開咗鋪之後我分別都食過唔同分店今次就帶我朋友嚟食一次喺香港都係我食台灣嘢會諗起頭三間餐廳之前只有包裝面已經覺得好好食自從佢開咗分店之後就經常都想食我記得係下午茶餐，所以好抵食