KiKi麵店 (希慎廣場)

營業中

休息中

黎到先發覺，幾多人都好似我咁，等3點後買一送一。今次唔洗好似之前咁，每日得一杯有尼個優惠。今次係7杯揀2杯。好好多。今次就叫左荔枝椰果青檸特調同埋百香果愛玉茉莉綠茶，尼2杯加埋$35。 荔枝椰果青檸特調叫左少甜少冰，點知搞到偏酸。但係椰果又好甜。奇怪。百香果愛玉茉莉綠茶就甜度固定，對我黎講就甜左少少。（利申：平時飲開凍檸茶走甜同凍奶茶半糖既人）整體黎講係ok。不過要等，都幾多人排隊。可能過左第一𨍭會好D。

職員超級冇禮貌，問基本問題都可以一面不情願不回答，然後直接幫你落單，然後直接擰轉面，呢間餐廳因為員工而冇生意好正常。。。。。。。。。。唔會再幫襯，嘢食正常冇乜特別，返大陸食仲開心

下午3點後就有買一送一啦，一週七天天天送的款不一樣，今天是週日，是檸檬愛玉冬瓜茶。注意是外帶喔，點吃的才可以進店坐，不過店旁邊都有一處座位。🌟檸檬愛玉冬瓜茶 36（買一送一）很清爽，有夏天的感覺～不過有一杯有檸檬有一杯沒有個人覺得相比其他店的同一款冬瓜的味道會偏淡🌟豆乳雪絨仙草紅茶豆奶 38雪絨的口感很綿密，搭配的是豆奶也很特別，個人覺得冰量還是太大了，已經要了少冰但是還是半杯冰…價格的話還好～買一送一很划算，但店員看起來比較繁忙，等了差不多10分鐘才有空點單

希慎basement開左好多新食肆，今日冇食lunch，到下午茶時間想食啲飽肚少少嘅野，就揀左呢間，諗住可以配埋台式飲品🧋叫左個津白水餃麻辣湯麵，店員都幾細心，Scan QR Code落單後店員再同我哋confirm 一次係唔係麻辣湯底麵質整體嚟講我就覺得普普通通，佢嘅麻辣湯底唔算太辣，至少我啲咁weak咁怕辣嘅人都仲食到個水餃就真係好普通，明明睇得到裏面有肥膏，但係都係覺得個餡好乾檸檬愛玉白桃烏龍，唔知係咪因為我食麻辣嘅關係，我就唔係好覺個桃味，另外，明明叫咗少冰都仲有三份一杯嘅冰😓檳城雞絲叻沙湯麵，湯底有點兒太鹹熱仙草奶茶，正常下午茶餐可以揀嘅飲品只係得三款，有啲失望😔整體環境唔錯，乾淨，職員好Nice 👍🏻

出門走走，途經地鐵出口進入商場，店舖位置非常方便，店員服務態度好，送餐亦都快脆，點了套餐，潮汕六寶白胡椒湯麵🍜👍👍！湯底清清地好味，牛丸幾有牛肉鮮味濃郁，墨魚丸爽嫩彈牙好吃，黑木耳配青瓜絲清新爽口😋

KiKi麵店 (希慎廣場) 📌銅鑼灣軒尼詩道500號希慎廣場URBANHOOD B1樓B106-107號舖下午茶餐 $68津白鮮肉水餃湯麵我揀麻辣湯底算係少少辣易入口🤣水餃個餡算足料大大粒有四粒麵身有咬口👍🏻凍檸檬愛玉白桃烏龍唔知係因為下午茶餐定係堂食飲品都會比外賣細杯呢🫠不過茶味清香可以解膩👍🏻⭐️Rumple港女評分⭐️味道: 3/5環境: 4/5服務: 4/5抵食: 3/5Please follow Rumplestiltskin aka 名字古怪的小矮人呢個港女代你試盡香港好食好用嘅🤩#Rumplestiltskinaka名字古怪的小矮人 #飲食 #美食 #優惠 #抵食 #hk #food #foodphotography #foodstagram #hkfood #hkfoodie #foodiehk #香港美食 #香港美食推介 #香港平食 #香港平民美食 #香港平價美食 #平民小食 #週末好去處 #銅鑼灣美食 #銅鑼灣美食推介 #銅鑼灣好去處 #銅鑼灣餐廳 

人生每日都有嘅難題：晏晝食乜好？喺希慎B1行過見到KKi 麵店裝修幾靚好似好耐冇食台灣嘢，個$148全日套餐好似幾抵，就決定入去試吓用QR Code手機下單非常方便👍🏻叫咗個$148全日套餐：前菜+主菜+飲品自己又口痕叫多咗個小食前菜：涼拌皮蛋豆腐添加咗肉鬆同木魚花，口感非常豐富主菜：古法藥膳排骨湯麵排骨比想像大，而且湯底真係同台灣夜市有比，藥材味非常濃郁，絕無偷工減料小食：酸辣汁水餃酸酸辣辣幾開胃，但唔算好驚喜$148而且不收加一，Lunch嚟講真係性價比真係幾高，值得再試

前排同朋友食咗希慎廣場b1層嘅kiki麵，以前食過包裝kiki 麵，餐廳真係未試過，估唔到都幾唔錯喎～第一次同朋友食就試咗《胡麻棒棒雞拌小醋麵》，叫咗走蔥，上枱賣相好啱打卡，如果連埋蔥絲賣相應該會再靚啲～雞肉份量都足，上面有加炸乾蔥點綴下，增加味道層次，連埋小醋麵一齊食，冷麵食落酸酸地超級開胃～但最驚喜係隨餐附送嘅小食，揀咗《煙燻無骨鳳爪》份量好多，而且煙燻味香，鳳爪Q彈，一食就勁中意😍跟餐仲有飲品，揀咗熱白桃烏龍茶。而朋友食咗《鵝肝滷肉飯》，我就冇試到，但朋友話好食，都只係加$10就有鵝肝食，滷肉入味，份量多～

一心去食粥，點知經過希慎B1,新開左一排食店，見到舒淇品牌麵店就去試下，下午茶時段，不用等位，人流都多，服務員好快安排位置，自助落單，係基本趨勢。 選擇左1個下午茶，$68魯肉飯+白桃烏龍茶，另加20蚊，有2隻香茅雞翅膀，再叫1個全日餐$148，牛肉麵配涼拌豆腐皮旦，飲品檸檬愛玉茶。魯肉飯不錯，香茅雞翅膀下次可以不加，因為微熱+口感張住，熱白桃烏龍只係1個茶包+熱水，非常失望。牛肉麵份量不太少涼拌皮旦豆腐好味，檸檬愛玉也不錯，整體都可以，不過食完餐後覺得很口乾，有代改善。

這間在希慎廣場的Kiki茶，新開張了不久，點了皇牌珍珠奶茶少甜及黑糖珍珠茉莉綠茶。珍珠奶茶少甜口味比較啱我，另外茉莉綠茶就比較淡口，size都算大，呢個價錢喺呢個商場度都算幾抵，口渴都係一個ok嘅選擇！

之前見Kiki麵都幾出名，今日同朋友行過見到希慎原來新開咗間Kiki 麵嘅門市，可能尼得早舖頭唔算好多人，餐廳風格好木系，門口又有位可以俾人坐低飲嘢都幾好。餐廳係用QR code自助落單，我同朋友叫左2個全日套餐，包一份小食同一杯飲品，亦都可以加錢升級KiKi茶，難得嚟到試埋佢哋個茶飲啦。我叫左蟹黃油拌麵+蒜片台式腸，兩款味道都唔錯，蟹黃麵第一啖覺得好好食，但食奈左有啲膩，台式腸雖然唔算好驚喜，但都係好食嘅。朋友試左香蔥鵝油雞飯+煙燻鳳爪，朋友就話鵝油味唔算好重未夠香，不過雞幾滑幾好食，反而個鳳爪幾好食。佢地茶飲都唔錯，但我覺得佢哋嘅麵好食啲，整體價錢來講喺銅鑼灣算係咁，可能下次做優惠嗰陣會再嚟試吓，不過佢哋原來唔收加一都幾好。

店名：KiKi麵店地點：銅鑼灣希慎廣場菜式：台灣菜KiKi麵店開到黎希慎廣場，原來都有外賣茶飲。黑糖珍珠鮮奶 $37叫左杯凍黑糖珍珠鮮奶。黑糖珍珠鮮奶呢個價錢份量係500ml，甜度固定，我地叫左少冰。黑糖珍珠鮮奶用膠杯上，幾啖就飲嗮，黑糖加鮮奶都幾好飲，甜甜地，都好滑，如果可以減甜度會更好。黑糖珍珠有咬口，味道甜甜地，份量就好快就食嗮，質素都可以啦。呢個價錢勉强可以啦。今日復活節假期最後一日，無人等，好快就有得飲。

喺銅鑼灣希慎行完街見KiKi麵店新裝修好之前喺IFC同尖沙咀都經過過但冇入去食今次終於喺銅鑼灣有機會試下入到用手機落單 叫咗個蟹黃油拌麵餐$158滿心歡喜期待好快上咗餐飲白桃烏龍茶 甜甜地不過不失等咗15-20分鐘左右終於上咗個蟹黃油拌麵啲麵係硬嘅 好似一餅嘢咁 分唔開 而且凍晒啲蟹黃油係硬嘅！！！「鯨 」乾晒咁好明顯放咗好耐咁都算 我當正常我諗住撈撈吓就會鬆軟返點知撈極啲麵都係一餅嘢咁 同啲蟹黃油撈唔埋因為啲蟹黃油都係乾硬晒我一放入口 嘩！！！！！腥嘅！！！！！我不斷飲杯餐茶沖淡口裡面啲味同一時間 坐我對面枱嘅女仔同侍應講話佢食緊嘅花膠點解係酸 問侍應係唔係正常侍應即刻同佢換過一碗新呢個時候我人生的抉擇如果我同侍應講碗嘢好腥好似我跟風咁 想換過一碗新 好似好玩嘢咁最終我冇選擇換 我最終食咗兩啖就無食只係食咗個豆腐皮蛋小食 味道正常入到口個蟹黃油真係入唔到口就係咁收咗我$158埋單時，個紮馬尾企門口嘅女仔職員scan唔到我個支付寶QR code 冇咩禮貌咁講：「部機scan唔到喎！」之後交部機俾個短頭髮女人職員去scan個女人試都係唔得，又係一句唔好意思都冇話：「部機scan唔到喎！有

行過地鐵站，見到希慎下層重新裝修就入去行下，發覺都有唔少餐廳，今次就試下未食過嘅KiKi麵。餐單有單叫同SET，我叫左個$148套餐，包一個餐前小食，一份主食同一杯野飲，用電子落單。小食叫咗個涼拌酸辣魚皮，超出預期好食，好有驚喜。味道偏重同有少少辣，好惹味同彈牙，食得出好新鮮。主食叫咗個香蔥鵝油雞拌飯，一黎聞到幾香，雞就正常發揮，份量都好夠。餐飲轉特飲叫咗豆乳雪絨仙草紅茶豆奶，好大杯，紅豆味都算出，加上淡淡奶香，係幾好飲。埋單唔洗加一，明碼實價，餐廳出面有做外賣茶飲，選擇幾多唔算貴，下次行過應該都會試多次。

知道希慎廣場翻新完，咁岩做野去開銅鑼灣就順便去行下，見到原來KiKi麵咁岩都開咗係度就試下。QR code自己落單，又快又方便睇到佢有個希慎限定米芝連套餐不過最後都係俾個$148套餐吸引到小食嗌咗個蒜片台式腸，好Juicy胡麻棒棒雞拌小醋麵，麻醬加埋少少醋既酸味，食落唔好滯，仲好醒胃餐飲最後揀咗黑糖珍珠鮮奶