kikusan (已結業)

餐廳環境有木既質感 柔和嘅燈光氣氛幾舒服 幾啱同朋友傾吓偈前菜: 秘製榨菜冷豆腐(冇左之前既牛油果冷豆腐嚕) 變左冇乜層次 但味道都幾開胃鱸魚整既松子魚 酸酸甜甜 炸到外皮脆卜卜千層豬扒擔擔拉麵 入面有芝麻同花生千層豬扒既口感做得幾好 有質感清酒. 日本酒 : 白岳本格燒酌 吉田藏純米大吟釀餐具用到木既筷子 感覺好舊唔舒服 ———————————————————————————————————————————————————-

日本風crossover 上海風的食肆，裝修看似MUJI 但偏暗一點，可能今日天氣唔好啦 😅午餐選擇共有11款，價錢由$78- $158有拉麵，飯、吉列豬扒，咖喱、鰻魚、牛肉、天婦羅、燒豚肉選擇頗多，就算每日喺度食晏都可以天天不同。 黑松露野菌蒸雞飯$108配點心兩款及熱烏龍茶小籠包皮薄餡足，可以見到裏面啲有湯汁，所以食嘅時候要小心。菠菜汁皮蝦餃蝦餃沒有加豬肉或肥肉，有一，兩粒筍尖，不過不失，賣相有趣。滑雞上面鋪了很多蔥碎，清新雞係滑嘅，似食棉花雞或雞扎裏面嗰嚿雞，有少少雪藏味，唔係鹹但似有用雞粉提鮮的味道。配上日本本菇，少少舞茸片。呢個就係北菇雞飯嘅進化版 😂😂重點係加了黑松露醬，令味道提鮮及多元化，同時亦可以將價錢提升一大步 😂😂總括來說坐得舒適，而且位處銅鑼灣中心地帶，貴租係必然嘅，所以要提高賣價係明白嘅。另外有下列幾點希望餐廳方面留意一下。1. 木器係容易令人感受到日本風，但使用日子久了，令人感覺唔乾淨。2. 木匙羹、木筷子已經變黑，因為已經用咗好耐及洗了好多好多次，所以係時候要換啦。3. 今日坐吧枱用膳，枱面的木有黏乎乎感覺，亦見到枱面有崩及刮花的情況，就算唔更換都需要

平常去旁邊的千兩，因很久沒有去kikusan ，便入去了。之前幫這間餐廳做了一個好評，今次無論是對食物或員工態度也大失所望。態度去到三個人，因有兩個遲了3分鐘入席，他們只給了一杯水，我見他們繁忙自己去拿多兩杯，看見有熱水壺，倒出來試一杯茶，他們說茶需要$5杯，我說那不需要了，因只是你們沒有給我水，我才自己來倒。他大聲答道「$5杯茶，三杯茶」（像在大排檔落單那種聲線）。之前不是這樣的，但是今天每一個侍應生態度真的差... 不知是否因為是午飯時間。所以奉勸大家就算旁邊的餐廳滿座也不要再午飯時間去這間店。食物松子魚 - $138 - 細少得可憐 （看圖）綠茶流沙包- 　$38 + 10 沒有綠茶味沒有 「流」心 - 整件事與「流」沒有關係。（看圖）午餐豬肉飯 很乾.....

本身就為咗kikusan卷去食，但去到嗰陣係menu搵極都無，然後就叫咗個侍應嚟問。我地問：「你地唔係有個壽司卷？咩kikusan卷？」侍應答：「我地從來都無賣壽司嫁喎。想食壽司啊？去隔離千兩啦！」我同朋友聽完嗰下都呆咗，個侍應再講：「我地menu已經轉咗一兩年嫁喇。」但係上年食果陣仲有kikusan卷嘅。總結，第一次食飯遇到啲咁無禮貌嘅侍應，服務態度係零，以後亦都唔會再幫襯依間餐廳。如果大家想感受零服務質素嘅餐廳的確可以去試下。

今日係希慎行街行到肚仔餓就揾嘢食！上到嚟13樓見到有間門口無menu嘅餐廳 好奇心驅使下就去試下佢哋嘅下午茶差唔多有10款不過見到有天婦羅就想食 (唔知點解覺得一間餐廳天婦羅整得好都應該唔差)主食連飲品73蚊 性價比其實唔高湯烏冬煮得啱啱好好煙韌 湯底亦都夠濃天婦羅入面有四件蝦 南瓜 冬菇 茄子炸出嚟之後偏油 由其係冬菇茄子本身好吸油 但炸得唔夠脆 整體四件炸粉都少厚個人覺得真係麻麻地 同埋有啲貴下次要試吓晚餐 試吓其他fushion菜

約友人食飯，佢一向唔鍾意食煎炸油膩野，所以揀左依間上海x日本fusion菜，兩樣我都鍾意食。《Kikusan卷》Kikusan卷係Kikusan既招牌菜，青瓜壽司小卷面頭再鋪碎吞拿魚、海膽、三文魚籽、蔥碎，人人台上都叫了起碼一碟，吞拿魚海膽新鮮，加上碎蔥三文魚子吊味，盛惠$82，一百蚊有找，必叫！《南瓜味增湯牛肉溫泉蛋烏冬》本身覺得南瓜味增好似有啲格格不入，但南瓜味唔太搶，主要為味增味加一份甜味，牛肉質數一般，烏冬彈牙煙韌，中規中矩啦。《小籠包》其中一個上海菜必叫嘅小籠包，同朋友食咗一個先記得影相，佢皮薄豬肉餡入味，略嫌可以再多少少肉汁，$48/4個都唔錯，可以一試。

太耐無去銅鑼灣Hysan 誠品樓上覓食，見到個門面，感覺好grand 咁，睇下個餐牌，價錢又唔貴就入左去了。內裏好特別，見到兩個open kitchens，一個係中式，另一個係日式，真係未見過一間餐廳又有中式又有日式的料理。好多人都叫那個椰菜絲沙律，疊到好高，個味道都唔錯。我地又叫中式野（小籠包、擔擔麵）又叫日式（炸雞）。 想試下中日fusion 菜，都可以去試下。

午市時間，閏蜜介紹了我到位於希慎的一間餐廳，它是集結日本和上海菜，相當特別。😆到了希慎13樓之後，就進入餐廳，我發覺地方也挺闊落，坐得也挺舒服。☺️看完午市套餐，價位是$68-$158不等，而我就叫了價位最低的那一款套餐，就是「煎韭菜豚肉餃子飯」($68）套餐。😋前菜方面我就挑選了豚肉小籠包，以及菠菜皮蝦餃，小籠包相當多汁，而菠菜皮蝦餃也很皮薄餡靚。😜之後侍應就送上了煎韭菜豚肉餃子飯套餐，一碗白飯、一碟餃子、一碗芽菜，而你亦可以自行倒餃子汁來提味的。首先，煎韭菜豚肉餃子很香，三隻餃子🥟都份量十足，相當足料。 至於芽菜就有麻油味，也很惹味！😛飲品方面叫了熱柚子檸檬蜜，這是不用加錢的飲品，味道是正常的！😀整體來說，用餐過程也相當舒服，沒想到上海菜Crossover日本菜也是挺work，下次也會幫襯的！🥰

呢日黎到希慎既Kikusan，好彩唔洗等位，黎到直接可以入去想簡簡單單食個lunch，但估唔到呢到性價比都幾高！環境幾舒服，見到佢室內配置分開兩part，一邊比較中式，一邊就係日式午餐可以揀一個前菜、一個主菜、一杯野飲 前菜我地揀左一份點心小籠，分別係小籠包以及菠菜皮蝦餃，雖然皮有少少厚，不過味道幾好，小籠包入面既料都唔會好熱好滾，唔洗擔心辣到口主菜係辣雞肉碎溫泉蛋飯，非常惹味，辣味夠，一開始擔心會唔會好乾，同埋重口味，但撈埋溫泉蛋後，辣味同鹹味融入晒蛋汁，再撈埋飯入面，完全唔覺得太重口味另一份就係炭燒牛肉配飯，一上枱已經聞到好香炭燒味，牛肉既紋理都好靚。入面既肉粉紅色，睇到會即刻忍唔住夾黎食！再點一點汁，令到每件牛肉味道更加突出左，肉質亦唔會太乾，燒得剛剛好白飯亦冇太濕，放一放牛肉上去，已經吸收晒炭燒香同肉汁，就算食晒牛肉，剩低既飯都好好味！

Kikusan卷 $82w/海膽、三文魚籽、免治海羅、蔥、青瓜卷首先個賣相都幾精緻 青瓜卷上面鋪滿吞拿魚、海膽同三文魚籽 海膽食落好鮮甜而其他魚生都好新鮮 以呢個質素同價錢黎講 cp值極高🤩評分: 9.5/10🌟麻辣蝦燒賣(2件) $42睇落好fusion既燒賣 出面用咗麵條包住粒燒賣 食落微辣更加突出蝦既鮮味 而燒賣上面都有啲蟹籽 食落都好滋味😋評分: 9/10🌟———————————————————————kikusan (銅鑼灣)銅鑼灣軒尼詩道500號希慎廣場13樓1301號舖

午市套餐有豚肉小籠包、菠菜皮蝦餃和熱柚子蜜。主食選了「滑蛋吉列千層豬扒飯」，千層豬扒好像是上海菜館的做法，並非日式版本，個人認為也不錯。共$98，另收加一服務費。假日希慎廣場的餐廳間間都滿座，唯獨這一間有頗多座位，結帳時就能明白所以。

假日帶著兩歲寶寶出街的話，寶寶啱食+ 坐得舒服的餐廳成為最大Concern (甚至大於食物味道)因此，口袋裡的餐廳list 即時由地區小店變為商場連鎖店。這天來到希慎商場的 kikusan地方十分闊落，帶著寶寶的隨身物品也吃得自在前菜：是日點心 - 波菜皮蝦餃 + 小籠包 （6/10）味道不過不失，波菜皮跟一般皮沒有太大差別滑蛋吉列千層豬扒飯（6/10）看到薄薄的炸粉及呈千層狀的豬扒，是滿帶期望的畢竟在香港找到高質的炸豬扒是難過封關可惜……. 咬下去只有虛有千層外表的乾瘦豬肉，豬肉香味及口感都欠奉黑松露野菌蒸雞飯　（8/10）這個飯挽回不少分數啊！！精緻的蒸籠賣相已令人充滿期待，無骨雞肉肉質香滑最重要是雞汁、黑松露、野菌的香味完全滲進飯內，非常開胃！＝＝＝＝＝＝＝＝＝＝＝＝＝＝＝味道：7/10環境：8/10性價比：7/10

第一次係去中環閒逛時值舊年6月中, 無意發現這間餐廳。有些少點心又有些日式定食會出嘅單品, 甜品只有四款,你啱就啱唔啱就飲茶吧!點心方面: 菠菜皮蝦餃(3件)$48可以算係佢地嘅得意之作。蝦餃餡蝦肉爽脆用料上乘。難得的是雖然做得咁好但並沒有刻意在做形上跟潮流做公仔點心。蝦肉春卷(3件)$46就炸得乾身。主菜要了錦繡天婦羅飯$78 同千層豬排据擔擔拉麵$78 以呢個價錢算係抵食, 薄豬扒一層層相疊再炸相對一件過口感較柔軟而且炸的時間較短, 對技術及時間要求可以放輕鬆一點,如果炸千層豬扒能夠單獨上而非浸住担担湯的話將會對食呢件豬扒的口感肯定更上一層樓。天婦羅飯則限於價位未達致雜錦兩個字嘅標準不過在中環的白領麗人應該已經覺得好豐富了。相對而言主菜價錢比較相宜。甜品係花生黑芝麻驢打滾$48 日式年糕配雲呢拿大葉汁$52 唔明白點解甜品要咁貴?!盡管兩個甜品都好食。而另一次在希慎試咗的西班牙極黑豚肉义燒$138單點則是合乎水準亦具西班牙黑豚風味。口感係少少實淨中又有點軟淋。脂肪約20-30%不會太油膩。唯一可能怕甜的朋友會嫌蜜糖較多。另一個試咗嘅係一個素食-黑麻婆豆腐飯, 個人而言因為是熱食麻辣

銅鑼灣大把好嘢食，但係帶住個兩歲小朋友真係好頭痛搵咩食好。普通餐廳坐得窄，帶住小朋友都係商場餐廳比較適合。希慎都算餐廳選擇多。星期六呢間餐廳好多人等位，但好快就有位坐。我係俾個黑松露蒸雞飯吸引咗我入嚟，因為覺得呢個飯比較適合小朋友食。1. 黑松露野菌蒸雞飯 - 呢個飯我覺得好出色，雞無骨又滑味道又唔會太濃味。好啱小朋友食亦都好啱我自己食 🤣 嗰個飯係有味飯，佢用荷葉蒸都有荷葉嘅香味。我下次來會自己食一客 ✌🏻2. 滑蛋吉列千層豬扒飯 - 我本人好鍾意食滑蛋豬扒飯。但香港真係好難搵到好食，一係個蛋太乾一係個汁唔岩味，蛋、飯同個汁嘅比例要啱係香港真係好難搵到。呢間個蛋仲多過啲飯，但味道OK嘅。上菜之前我諗緊乜嘢叫做千層豬扒？？唔通舊豬扒可以一層肥肉一層瘦肉咁夾著？？原來佢將一塊勁薄嘅豬扒卷成一塊厚身豬扒。因為佢成塊都係瘦肉我又覺得有啲硬，唔多夠豬肉味，但佢炸得ok嘅。食咗三樣嘢重叫多咗個炸雞親子飯。呢個唔記得影相，但同豬扒飯一樣其實都好普通。佢始終都係蛋份量太多，但舊雞炸得都OK。銅鑼灣weekend食lunch又有lunch set，都算抵食。又啱小朋友食嘅，我諗我都會再嚟幫襯。為咗個黑

lunch 🍱 very good ! 1. lunch set : 雞肉肉碎溫泉蛋飯 🐣🥚🍚 配 #點心 & tea 🍵 （ 飯份量多， 肉碎：口感滑 唔會太鹹 剛剛好. 加埋溫泉蛋🍳 💯 perfect ! 點心： 兩粒都幾好 唔係hea. 💰~ $ 100 假日午餐 算幾好了 surprisingly good and very happy with the price and their menu 📖! various choices, noodles, rice with different combinations!