Kim's Bowl (海港中心) (已結業)

因為要去尖沙咀海運，遲了出門，見到好塞車，心想不如塔船。。。出了會展 肚仔餓（本來想食*小月） ，想記有間韓國快餐 ，做望下有乜食。。。一入到去，就比熊仔吸引住。。。單買要$35。。。 所以，買佢 飯卷套餐 （ 姐姐都好好， 因賣曬牛肉卷，換豬肉同可以轉 蘆薈熊仔）泡菜豬肉飯卷 包裝好仔細。 拆開咗張紙之後， 再打開個 錫紙， 見到裏面 有一條條嘅白色痕， 原來佢好細心咁樣已經切開一份份， 但又冇跌出嚟喎個配搭都唔錯， 個紫菜都ok， 其他都普遍同出面一樣， 不過我幾鍾意佢嗰個甜蛋同埋 紅蘿蔔絲/ 碎。同埋 喺其中一面紫菜上面 灑咗啲白芝麻， 小小香口。熊仔蘆薈茶因為諗住送畀人，所以未試。。。

今日早餐試新嘢，去左公司附近Kim's Bowl餐廳後面嘅外賣部。除左我之外只有一個客，店員幾快手熟手，由落單到走得5分鐘搞掂。見加湯同加小菜都幾平，就加黎試下。主菜雞肉炒粉絲味道調較得好濃，粉絲食落第一啖有啲油，味道還好，食第二啖已太咸。雞肉更加係咸到有少少苦。魚蛋湯入面有一粒粒類似天婦羅嘅碎粒、一片片嘅魚蛋皮同幾粒蔥，咸咸地，唔覺好味。醬油蓮藕又係咸到條利會唔舒服。食左呢個早餐後成朝要不停飲水，唔會再幫襯。

午餐食左附近Kim's Bowl嘅牛肉紫菜飯卷, 灣仔分店嘅野食係－早整好嘅,所以好快買到。－打開包裝, 發現呢間飯卷份量比起其他餐廳大好多, －個女仔食會有d飽｡牛肉飯卷裏面好有料到, 有牛肉、雞蛋、青瓜、醃漬黃蘿蔔同埋紅蘿蔔, 而外面嘅紫菜亦掃上－層麻油同白芝麻，好似似模似樣咁。可惜,紫菜淋曬, 飯卷硬度不足, 加上價錢又唔便。整體黎講, CP值唔高, 但係灣仔韓式野食唔多, 推介果d好想食韓國野, lunch hour又唔長嘅辦公族黎食。