Kim's Bowl (遠東金融中心) (已結業)

最近好多餐廳都做外賣自取優惠，上網見到經OpenRice訂呢間餐廳嘅外賣自取有優惠，折完之後覺得價錢都幾合理，就決定買來試吓。泡菜豬肉粉絲可能本身唔算係好食得辣嘅關係，呢個泡菜對我來說辣咗少少，不過都算幾惹味。豬肉嘅份量真係少咗啲，每一片都切得好薄，變相成碗野好似淨係食泡菜粉絲咁。韓式風味嘅粉絲算中規中矩，不過不失咁。平時晏晝經過呢間餐廳，都唔算好多人排隊，想買外賣又唔想排隊等咁耐的話，都可以考慮吓幫襯呢間。

冇得出街食🤔又想食韓國菜🙈就揀呢間啦😄喱間外賣自取有8折discount優惠！選返預計取餐時間都好快好方便啊！去到嘅時候都見到好多外賣盒排緊隊等緊取🤣🤣都幾多人幫襯下。不過交低張單，服務員就好快將嘢食送到去你手上👍🏻我地分別叫左「泡菜豬肉韓式便當」、「照燒雞肉配粉絲」、「甜辣炸雞」個泡菜豬肉韓式便當嘅豬肉其實好辣😂唔食得辣嘅朋友要注意啦🙈不過照燒雞粉絲好好食，粉絲都好足料！甜辣炸雞係必食嘅😋總括嚟講呢間食物質素都唔錯啦😄

因為食厭咗連鎖港式快餐集團的ABCD早餐，所以搵啲新口味，呢間Kim’s bowl早餐時段，亦有不少選擇，唔錯。而且喺商業區，都有幾間分店。最近我鍾意咗食「韓國人蓋雞粥$38」。一打開蓋，已經聞到雞粥嘅香味，裡面有鮮人蔘、雞肉粒、紅蘿蔔粒、翠肉瓜粒等，材料非常豐富；吃著還帶點微微的鮮人蓋香氣，口感不像港式粥店賣的綿滑粥底，而是有軟爛米粒的咀嚼感，味道鮮甜，好味，感覺好健康。聽說早上有米氣，有助提升面色和精神呢。這個韓國人蔘雞粥，只有早餐時段才有的。雖然味道不錯，但份量比較細，如果男仔可能唔夠飽，要食2碗。

韓國菜真心好食，必試推介。有了openrice自取外賣之後，每樣事情都順利了，一個人唔知食咩，打開openrice 外賣自取app ,公司附近所有食市餐廳都可以搵到你自己想食嘅美食，今天選了泡菜豚肉粉絲，真心好食，份量十足，包裝好，又夠衛生，熱辣辣粉絲絕不輸堂食呢

平日午膳很多同事都喜歡到Kim’s bowl 買外賣,價錢都是5到60多元一個套餐，價錢不貴，而且仲有好多選擇！近期見佢最新推出左一款韓式壽組合，喜歡食韓國菜的當然要試一試啦！今次呢款韓式壽司有少許特別，用上甜腐皮做外皮，甜甜的腐皮，加上六種不同配料，香港很少地方能夠食得到，比較特別的有辣味魷魚，生魷魚加上韓式辣醬，很野味！銀魚仔壽司口感豐富，用料十足！粟米和韓式沙律就比較健康😆套餐還會有凍柚子茶，很解渴呢！偶爾一次品嚐不同種類的食物也很不錯呢！

今天又lunch meeting ，唯有買外賣食個short lunch 拉，公司樓下這個Kim's bowl 新推出了韓國腐皮壽司，賣相幾靚，而且食起上來幾方便😁😁Combo 有3⃣️件，很大的，辣味尤魚最惹味，不過稍為咸左小小，泡菜豬肉很有韓國特色其實還有其他combo組合，還有其他韓式小食，泡菜還可以買返屋企😊😊😊仲有韓式便當，喜歡食飯可選擇便當，最吸引牛肉便當呀配上韓國特飲，不錯的午餐選舉😌

Kim's Bowl今日晏咗食飯所以去咗啦公司樓下食下午茶，見到一間食韓國嘢嘅餐廳就揀咗佢。佢係一間專做外賣嘅韓國餐廳，店內呢就有少少嘅企位。咁我就揀咗一個combo a，呢個set可以揀兩杯嘢飲同埋三件壽皮壽司咁我就揀咗以下呢幾樣嘢：飲品：柚子 +紅棗茶 食物：Combo A蟹子蟹柳沙律腐皮壽司：蟹子非常新鮮粒粒彈牙蟹柳就唔係一般嘅百佳貨辣味魷魚腐皮壽司辣味魷魚非常惹味，真係好有韓國嘅風味醬燒牛肉腐皮壽司牛肉嘅味道非常濃，而且佢用醬油去燒，完全將牛肉嘅鮮甜味帶曬出嚟。簡單嚟講三件腐皮壽司都做得好出色，佢個腐皮食得出係自己整嘅，帶有少少嘅甜味，但係個豆香又唔會被完全遮蓋。

位於遠東金融中心的韓國外賣店kim’s bowl ,午飯的時候總是大排長龍。所有食物都經過精心準備，並整整齊齊的放在加熱的架子上。 他們供應各式各樣的韓國美食，包括便當，石鍋拌飯，水晶麵，泡菜和豬肉飯，紫菜包飯等等，還配有一杯凍熱茶。比較喜歡她的mixed mushroom and Beef ，跟之前韓國吃到的口味一樣，味道很正宗，韓式傳統拌飯配料豐富，分量十足，平均都是60多元一個便當，在金鐘算是很不錯的午餐選擇呢！

同事食完極力推介，今日一於到我試下😙😙這間Kim’s bowl 又幾多野楝喎⋯⋯有手卷、便當，飲品，仲有啲嘢可以一樽樽買返屋企🤗🤗環境幾靚，干干浄浄，店員服務唔錯添👍👍我叫咗個韓式健康拌飯，好多餸喎，而且賣相好精美，味道唔錯，口味好正宗，有啲似喺韓國旅行時嘅感覺😍😍同事叫咗雜菌牛肉飯😀個煎蛋好吸引呀，可以撈埋一齊食，加啲醬好惹味，一啖接一啖，果然係好選擇，下次再試吓其他款式.Yummy!

不嬲有食開Kim’s Bowel嘅Kimbap 但係今日就有啲餓，想食大份少少嘅下午茶，見佢都有好多唔同嘅選擇，我今次就試咗腐皮壽司，有三款可以揀，我覺得每個Combo都好有心思，因為佢個構成係參考韓式料理，有前菜、韓式小菜同埋肉類嘅主菜，再加杯飲品！完全係Mini晚餐combo A蟹子蟹柳沙津，方便嘅係蟹柳切碎咗之後好易入口！個人就最鐘意辣味魷魚，生魷魚煙煙韌韌韌，而且調味夠辣，感覺好正宗！醬燒牛肉就係傳統韓國嘅調味，咸咸甜甜咁！combo B栗米沙律同蟹子蟹柳沙津調味差不多，但個人就鐘意啲栗米夠甜，而且有多少少蔬菜碎，好似健康啲咁！醬油鹹魚仔，咸味比較重，但都係有陣甜味係到，所以都好特別！而香辣豬肉比辣味魷魚無咁辣，感覺韓式醬落得唔算太多，所以都好好食！

今日過咗嚟金鐘做嘢，見到呢間韓食店主打take away，啱哂我同同事，可以買完嗱嗱臨番公司食！我就食番個韓式傳統拌飯，同事就點咗個雜菌牛肉飯盒，再一齊加咗濟州青橘子茶！唔好睇少呢間外賣店，以為外賣就唔新鮮同埋啲食物會凍哂！我同同事買完番公司都要十零分鐘，但番到公司啲食物仲係暖！我點嘅韓式伴飯真係眼睇以為好少，其實好大碗，而且配埋韓式辣醬真係好惹味！至於同事嘅雜菌牛肉飯盒都唔錯，啲配菜好豐富之餘，牛肉夠軟滑，而且份量亦唔少！至值得一讚嘅係杯凍飲，青橘子茶，酸酸甜甜幾解渴，難怪店員都推介如果覺得好飲，可以買一瓶自己番屋企沖，價錢都只係$80！

金鐘廊這間韓式快餐餐廳，店面乾淨企理，感覺時尚，坐位就係吧檯位，可望到海景，幾舒服😌 Order了两份腐皮寿司 Combo A蟹柳沙律，辣味章魚，韓式牛肉combo B粟米沙律，香辣猪肉和酱油咸鱼仔味可以試晒六隻味各有所長，鹹魚仔出奇地夾，唔抵係有味，配埋甜甜嘅腐皮，真係食到幾種層次👍👍辣味章魚都幾辣下，醬汁小、小偏鹹，夾埋腐皮飯都還可以😌😌　飲料叫左柚子和青橘子，適合夏天飲幾清新，堂食外賣都可以的！當然外賣坐喺屋企舒服就更加好啦😊

依間係外賣店，主打韓式料理，有飯捲、便當、芝士條同腐皮壽司，環境乾淨企理，地理位置又非常方便。本身都想食拌飯，但想食個款已經賣哂，同同事望望下就決定食依個韓式腐皮壽司。嗌咗兩個set，另外配咗飲品。佢都幾多嘢揀，有柚子茶、生薑茶、紅棗茶同青橘子茶，如果啱飲仲可以買一樽樽嘅返去沖。腐皮壽司出爐熱辣辣，我最中意係辣魷魚同辣泡菜豬肉，兩個配上傳統腐皮都好惹味，加上裡面嘅飯都有調味過，一啲都唔會單調。另外沙律就比較清新，粟米有甜味，沙律醬唔會太稠，食落唔好滯。醬燒牛肉同魚乾小仔都比較甜口，餡料豐富。成個食落都好特別新奇，帶走又方便，包裝又幾好睇。

胃口欠佳，感覺好悶熱，想食啲冷盤，成日食日本魚生，有點厭，見到喺金鐘廊Kim’s bowl 韓式料理店，新推出有腐皮壽司，就試吓啦☺☺店舖唔算大有幾個位可以企喺度食嘅，我就選擇返公司😛😛combo A係蟹柳沙律、辣味章魚同牛肉，有D清新有D濃味，我最中意就係個章魚，辣得嚟又好過癮😍😍 Combo B腐皮壽司，醬油鹹魚仔、香辣豬肉、粟米沙津共三款。鹹魚仔份量不少，香辣豬肉是韓式泡菜豬肉，配腐皮壽司都幾正，配杯柚子茶，不錯！

金鐘廊都有不少食肆，好多都已快餐為主畢竟呢度都係商業區，好難可以慢慢坐低，所以今日我都係外賣啦！韓國野向都係我至愛，Kim’s bowl 都有幾多傳統小食和飲品😌😌今次試Combo A，蟹子蟹柳沙律，辣味魷魚，醬燒牛肉蟹子蟹柳配合沙津👍👍都幾Fresh 即叫即做，啲飯夠晒味，幾大件，要食兩三啖😻😻combo B 有炸魚仔，豬肉泡菜和粟米沙律🥗幾健康，泡菜夠辣，仲有豬肉幾香口👍👍地道韓式飲品，柚子茶，幾清新的柚子香😍😍