Kim's Bowl (遠東金融中心) (已結業)

每天的午飯時間，金鐘一帶的餐廳總要排隊等位，對於我這些沒耐性的人，早已習慣買外賣，前幾日就來到Kim's bowl買了韓式腐皮壽司午餐。日本腐皮壽司就食得多，韓式腐皮壽司反而比較罕見，而且腐皮亦是由韓國直送。今次外賣兩份韓式腐皮壽司帶回office開餐。一客三件，分別是吞拿魚沙律、炒泡菜和泡菜豬肉。腐皮本身帶有甜味，米飯壓得很實，加上豐富餡料，吃完三件都已經覺到很飽足。另外一份則有粟米沙律 、辣味魷魚和醬燒牛肉。個人就最喜歡醬燒牛肉，牛肉質地軟嫩入味，吸收了香甜的韓風醬油。粟米沙律賣相色彩繽紛，混有爽脆的黃椒、紅椒切粒，口味輕盈又醒胃。青橘子韓國傳統茶裡面有真材實料的青橘子果皮，酸甜又清新。紅棗韓國傳統茶紅棗行氣活血，味道天然淡雅，甜度相對較低。

同同事食完飯唔夠飽, 周圍行睇下有咩小食,見到呢間kim’s bowl 有3件韓式腐皮壽司既set, 就決定試下啦! -叫左兩個combo share食:Combo A ($58)蟹子蟹柳沙律，辣味魷魚，醬燒牛肉 Combo B ($56)粟米沙律、醬油鹹魚仔同香辣豬肉 以為壽司會細細舊,點知送同飯既份量都好慷慨, 好大舊! 食完三舊都飽哂😂每個味道都好突出, 咁多個最中意辣味魷魚同醬燒牛肉🥰 每個餐都有包野飲 有紅棗茶/生薑茶/柚子茶/青橘子茶選擇 – D 飲品都係養生之選!

今日喺公司路過 有啲想食韓國嘢又唔想去咁遠見到呢間外賣館都幾方便 試咗新嘢 韓國風味豆腐壽司 叫咗蟹子蟹柳沙律 蟹子幾清新蟹柳唔會煮到過淋撈埋沙律食 都幾開胃 辣味魷魚壽司 呢個比日式嘅魷魚辣少少 味道幾好 襯埋腐皮壽司好得意 醬燒牛肉壽司 牛肉整到好嫩好滑 醬汁幾好味 撈埋都幾有新鮮感 另外重疊三舊腐皮壽司 味道都唔錯酸酸甜甜咁我揀咗柚子茶 自家製柚子味道清新 價錢先至係五十幾蚊絕對可以試 喺金鐘呢啲地方 正常嚟講冇一百蚊都食唔到餐飽呢度住佢係一個好好嘅選擇

返工想快快脆脆食個午餐，就去咗樓下呢間韓式外賣店買外賣食🤔餐牌選擇都OK多，可以即買即拎走，不過見到有款餐牌係有唔同種類嘅腐皮壽司，望落幾吸引，就決定買來試吓😀我買咗combo A同combo C，望落去賣相都幾吸引，腐皮顏色仲要唔同，幾colourful🤤Combo A(蟹子蟹柳沙律，辣味魷魚，醬燒牛肉)~蟹子蟹柳配合沙律醬味道比較酸甜開胃，條條蟹柳絲配合粒粒脹卜卜嘅蟹子口感比較豐富~辣味魷魚辣味比較重，而且調味偏鹹，可能會遮蓋左腐皮嘅香甜味，但係魷魚比較滑溜溜，咬落去有質感~牛肉肉質比較結實，醬料味道啱啱好，唔會搶過腐皮香甜味~Combo C(吞拿魚沙律，炒泡菜，泡菜豬肉)~吞拿魚沙律味道比較清新，甜味較為突出，食物感覺又OK🤩炒菜冇想像中咁辣，反而部分泡菜仍然保持爽口感覺，酸酸甜甜嘅感覺夠開胃😋泡菜豬肉汁有另一種口感，口感較為結實嘅豬肉碎配上酸酸甜甜比較林嘅泡菜味道幾夾，不過同一碟有兩款泡菜壽司可能就較為類似，會適合鍾意食泡菜既人~青橘子茶&柚子茶~青橘子味道較為特別，淡淡的橘子香味配合酸酸甜甜嘅感覺幾開胃，柚子茶甜味就比較濃啲🤔

今日肚仔我哋經過金鐘揸住部車有冇地方泊。朋友介紹呢間外賣幾好食，咁我就去試吓啦。佢其實喺遠東一樓，後面嗰個位，幾隱蔽。唔知就望吓保安叔叔啦！樓下真係冇車位，建議返工嘅人先好黎。服務員態度誠懇，我就叫左Combo.我同阿姐講我唔鍾意飲熱飲，佢就轉左凍飲俾我。出餐時應細心查看食物等細節，非常認真，水準和價錢配合，如果唔旺，講真值得一試。剛剛試咗，六件腐皮壽司🍣，各有唔同水準，一定用好食來形容，放心。都係果句行過路過就試吓。啊仲有幾特別飲筒係環保，餐保也是環保。愛環境保護的你，一定要支持下！

返工食黎食去都係果幾味，好悶。見到呢間韓式外賣店有腐皮壽司Set, 幾特別，忍唔住試下新野先🙆🏻‍♀️🙆🏻‍♀️每份Set 包括腐皮壽司3件同傳統茶1杯，同朋友分別叫左Combo A & B 各一。Combo A 既腐皮壽司有蟹子蟹柳沙律、辣味魷魚同醬燒牛肉三種。腐皮壽司既飯預先要調左味，所以齋食都好香。三款入面，得醬燒牛肉係熱既，而且全部都好多餡👍🏾三款入面我較喜歡醬燒牛肉，牛肉調味成甜甜地又幾入味。Combo B有粟米沙律、醬油鹹魚仔同香辣豬肉三款口味。醬油鹹魚仔比較特別，起初會以為好鹹有啲想卻步，但鹹鹹香香同甜甜既腐皮又配合得唔錯👏👏另外呢到傳統茶既選擇都幾特別，偏向養生，有柚子、紅棗茶、生薑同青橘子。今份人hy日試左青橘子，同柚子類似，但比較酸，都幾開胃😌

Affordable takeaway found in admiralty!Similar price with fast food storeBut it’s definitely more healthy and with a great diversity of choicesNew dishes are coming out every month tooTried combo A for $58 With 3 main courses Crab meat salad is fresh and crunchy No allergic reaction for me even though I usually don eat seafoodSeasoned squid is slightly spicy but not overcooked love the saucing Bbq beef is really tenderHot when served and with a fulfilling texture Hot ginger tea is mildNot as spi

今日過開金鐘開會，lunch time 見餐廳太多人，所以就去左Kim’s bowl 買外賣上office食。Kim’s bowl 以外賣為主，有各式韓式飯盒可供選擇。我同同事各自選左韓式傳統拌飯同泡菜豬頸肉飯盒。韓式傳統拌飯 -分上下兩層，上層有牛肉、蛋、紅蘿蔔絲、白蘿蔔絲、蛋絲、紫菜，賣相色彩繽紛， 而白飯分隔晌底層，將所有材料同辣醬就拌勻食得，牛肉味道濃郁。泡菜豬頸肉飯盒 – 賣相唔錯，除左泡菜豬頸肉外，仲有粉絲、鵪鶉蛋、翠玉瓜、漬蓮藕、魚仔乾等，豬頸肉爽口入味，夠辣夠惹味，送飯一流。梨花園濟州青橘子 - 味道不錯，酸酸甜甜，感覺清新。

相信金鐘上班一族很明白午飯的痛苦, 放飯時段, 餐廳選擇又少 而且滿是排隊的人。話說尋日約左同事午餐, 原本諗住去遠東連鎖式餐廳食, 實在太多人, 等緊期間行經這間韓式外賣店, 見選擇多, 好似不錯, 就決定購買外賣。另外, 店裡也有2至3個站立位, 可以在台內食用午餐。韓式傳統拌飯韓式傳統拌飯配菜有紅白蘿蔔絲, 豆芽,翠玉瓜絲,綠色菜, 海苔, 牛肉和太陽蛋. 整體而言, 蔬菜配菜有6款, 很多樣化, 牛肉甜甜地,很入味, 太陽蛋蛋黃仍保留少少生, 用附用的韓國辣醬將所有食材拌在一起, 真得不錯, 蔬菜配料令拌飯十分有口感, 加上牛肉和韓國辣醬令拌飯夠味, 有驚喜! 泡菜豬頸肉便當同事點左泡菜豬頸肉便當, 主菜係泡菜炒豬頸肉，前菜有蘿蔔乾, 蛋, 藕片和炒翠玉瓜, 還有小量的韓國炒粉絲。泡菜豬頸肉炒得很入味,泡菜的酸辣汁, 送飯真得一流, 而前菜細細份款式多, 很合適貪新鮮的人, 同事話便當好食, 值得推介。飲品方面除咖啡和檸茶外, 有韓國飲品, 柚茶,紅棗茶, 薑茶 蘆薈茶比較健康的選擇! 整體上, 外帶韓國便當來說, 做得很好， 金鐘上班一族可以試下佢地, 不會失望的.

喺金鐘出發去做野之前先醫肚，食返個豐富午餐先有能量工作！今次揀咗呢間位於遠東金融中心的Kim’s Bowl，喺香港多區都有分店架，門面簡潔乾淨店舖主打韓式外賣便當及飯卷，也有韓式腐皮壽司，夏日特飲等等，仲有而家好Hit嘅韓國芝士條呢韓式傳統拌飯外賣盒已將白飯及餸菜分開，非常貼心。由多款不同種類的韓式前菜、牛肉、煎蛋所組成的韓式傳統拌飯，七彩繽紛，營養豐富，感覺健康！底下的飯量頗多，有米香，同伴飯材料混合後非常滋味又飽肚雜菌牛肉便當精選飯盒有雞、牛、豬多種選擇。揀左呢個雜菌牛肉便當，好精緻呢～牛肉炒得香口，肉味濃郁，送白飯食啱晒！另外仲有韓式什菜炒粉絲同韓式前菜，好豐富呢紅棗茶底下有粒粒紅棗肉，甜甜地，好清潤養生，啱晒女生補氣血生薑茶熱騰騰的生薑茶薑辣度剛好，唔會太甜，暖胃又暖身，秋冬必點

中午在金鐘一帶搵食，買了韓式傳統拌飯及泡菜豬頸肉便當。店舖主要做外賣生意，但亦設有立食座位，跟朋友太餓的關係，便直接在店裡用膳。韓式傳統拌飯精萃在於拌飯醬，紅紅的拌飯，辣度適中，用料簡單，但就是有一份韓式滋味。泡菜豬頸肉便當泡菜不是很辣的那種，豬頸肉伴上泡菜一同進食是很不錯，旁邊的炒粉絲甜甜咸咸的，調味不錯；而醃製的小菜類，味道亦中規中矩；飲品則點了熱紅棗茶，味道甜甜的，帶點紅棗香，喝完瞬間感覺很養生，哈哈。

公司話要開會，諗住食個Quick Lunch 🍴 ，同事話想食韓國🇰🇷料理，就近近地落樓下買Kim’s Bowl 🍲 呢到有好多吸引既便當🍱賣，分別有雜菌牛肉 HKD 78 、照燒雞肉 HKD 72 同埋 泡茶豬頸肉 HKD 78 ，賣相討好，味道又一流。一行二人，同同事分享黎食， 咁就咩都可以試下🥢雜菌牛肉便當🍱：嘩，賣相好吸引😍有多款前菜，翠肉瓜、鵪鶉蛋、蓮藕仲有乾魚仔👍🏽🐟主菜外仲有韓式炒粉絲🍜好夠色水同味道，另附照燒汁，重口味人士可自行加入。主角雜菌牛肉牛肉味濃郁，加埋芝麻同蔥花，香氣四溢🐂韓式傳統拌飯🍚：拌飯既精髓係菜料要夠多同埋夠熱騰騰😆，惹味紫菜，接近流心既太陽蛋 🍳，爆香左既洋蔥同牛肉🐂，仲可另上韓式拌飯辣醬，完全食到韓國🇰🇷既味道，可以止一止癮😂飯餐可特價加14 蚊配上韓國傳統茶🍵: 蜜糖柚子/蜜糖紅棗/蜜糖生薑/青橘子🍊，秋季時分，滋潤非常。生薑真係好夠薑，飲完好暖身☕️

呢間位於金鐘既韓式便當專門店，非常專注的只賣韓式便當，深受OL歡迎係一間專做外賣的店，所以大部份人都係買完拎返office食的menu上便當既選擇都好多，有伴飯亦有普通便當我點左呢個係牛肉伴飯，店家好貼心的將佢分開左上下層以免咁快就整到d飯濕哂，仲配左飲生薑茶先講個飯既材料，超多配料，牛肉既份量都唔少食法好簡單，就係將佢全部撈埋一齊就得我個人鐘意用埋佢上下分層既盒shack到d材料均勻牛肉係超好味，撈埋一齊食成個口感都好特別另一同事點左個韓式傳統便當相比之下好大盒，但價錢都只係差十幾元，所以可以自行選擇生薑茶好特別又健康既生薑茶，比起飲可樂等等既更為健康辣辣地既口感令到我更加開胃

從金鐘廊向遠東金融中心方向行，轉左便見到這家韓式快餐，提供很多選擇，其中最吸引便是今天早利亞選的精選飯盒，分別有雜菌牛肉 $78、照燒雞肉 $72及泡菜豬頸肉 $78，賣相非常美觀。另外朋友選了廚師推介，韓式傳統拌飯 $68。店子以外賣為主，飯盒設計細心，韓式傳統拌飯以碗上，但飯餸分開，以保存最佳狀態，另附韓式辣醬，可以跟飯拌勻享用。早利亞的雜菌牛肉精選飯盒包括多款前菜，主菜雜菌炒牛肉外，還有韓式炒粉絲，另附照燒醬，喜歡濃味的朋友可以按需要加入，但早利亞覺得牛肉本身味道適中，加了干魚仔後已經很夠味了。飯餐還可以特價加$14 配上韓國傳統茶系列，分別有蜜糖柚子、蜜糖紅棗、蜜糖生薑及青橘子，秋冬時分，零舍滋潤。店子也有非常受香港人歡迎的紫菜飯卷，跟店員傾偈了解，原來早上11點前的早餐時段，供應肉鬆飯卷及火腿芝士飯卷，只售 $25，售完即止，下次早點起身，返工前去買來試試先。

平時係金鐘返工食黎食去都係個啲大型連鎖快餐店，食都食到悶😞而家多左呢間食韓國野，終於叫做有新野🤩餐廳以外賣形式為主，方便我呢啲上班一族👩🏼‍💻.雜菌牛肉便當便當基本上可以分豬雞牛三款，我呢啲牛魔王梗係揀牛肉啦🙉便當既份量比我想像中大😲賣相都好精緻❣️除左飯，仲有粉絲、牛肉、蓮藕片、乾魚仔、翠玉瓜、泡菜同鵪鶉蛋，非常豐富🤤🤤啲粉絲好好食，落左芝麻麻油好惹味，口感彈牙，下次我會就咁買一盒粉絲食😉乾魚仔好好食，好香口。蓮藕片好爽口。泡菜辣得黎好爽脆。牛肉好嫩滑，又好入味😋送飯一流👍🏻.韓式傳統拌飯 佢哋細心咁分開拌飯同配料兩層☺️食嗰陣先將配料倒落飯度連埋辣醬一齊撈，拌飯既配料有牛肉、雞蛋、紅蘿蔔、芽菜、紫菜、菇等等，酸酸辣辣，豐富又滋味😝.生薑茶：生薑味超勁，都幾辣喉，但飲落甜甜地，又幾好飲喎😎青橘子茶：其實同平時飲到既韓國柚子茶分別不大，但呢款就冇咁甜，幾清新😊