Kim's Spoon (南豐中心) (已結業)

今晚在荃灣出沒，在南豐中心閒逛一陣，食晚餐睇睇OpenRice 有咩好推介。附近餐廳嚟計，呢度有80個讚，所以就揀咗呢度。20:45就座，見炸物拼盤賣相幾吸引，點了之後，還有點了牛肉粉絲湯，以及韓風芝士飯（雞肉）。呢間餐廳嘅特色之處係枱面上有一大盅泡菜，可以任食，仲幾好味添！然後到韓風芝士飯登場，賣相唔錯。食落味道幾好，芝士做到拉絲效果，讚。雞肉份量唔少，送飯一流。到炸物拼盤。看起來很大盤呢，畢竟價錢$98。點知，食落去就唔太對路⋯薯條只有表面薄薄地脆少少，可能係我唔識欣賞韓式薯條吧。但係，其餘的炸蝦、餃子同埋紫菜卷都同「好食」呢兩個字無緣，有點失望。然後，時間大約2130，職員開始想趕客走。泡菜，收！水壼，收！其實係咪真係要咁早就趕客先？唔緊要，我食埋個牛肉粉絲湯就走。當我食嘅時候，除咗喊之外，我無嘢補充。真係好後悔俾佢收咗我壼水⋯仲有，個粉絲好碎，唔好食。衰啲講句，吉野家打邊爐啲韓式粉絲都好食過佢。最唔愉快係，喺我仲食緊個粉絲湯時，個職員走埋嚟，無乜禮貌咁問我係咪唔要（個鍋）。我一直都無停過咁食，食埋都走啦。都唔係差幾分鐘姐，又未到十點，使唔使咁呀？呢間嘢（包括其他分店），無下次！

要食韓國菜，荃灣都冇咩選擇🤨🤨近近地就去新之城呢間kim spoon 試下啦！叫左炸雞，辣炒年糕同埋飯卷👋🏼👋🏼炸雞好多粉 完全同出面d炸雞唔一樣，求其淋少少汁上去就算😫👎🏻👎🏻👎🏻炒年糕同飯卷都尚可接受，不過不失啦！不過呢兩樣都好難整得難食😂😂😂😂餐廳入面都幾寬敞，可能平日夜晚少d人啦，入到去得兩枱🙈🙈所以坐得都幾舒服！希望可以改善下食物質素就會更好喇🤪🤪🤪🤪🤪

一連兩天的課程，攪到lunch要繼續滾水淥腳。今早已睇定directory，一夠鐘就殺過黎，好彩韓食無俾外傭佔領，順利有位入座。我選原味石頭鍋飯，無飯焦，隻蛋 ... 唔好咁熟就好d。豬肉夠味，醃菜份量多。老公選牛仔骨，好肥好多醬餐飲㨂熱柚子茶。

韓式晚餐🇰🇷部隊鍋🍲.雖然話部隊鍋可以自家製，但係見到餐廳咁吸引又心思思想食😂超大個鍋啊，二人份都可以餵飽四個人👨‍👩‍👧‍👦！入面有好多餸，包括火腿、香腸、午餐肉、茄汁豆、泡菜、豆腐、金菇、生菜，仲有最重要嘅公仔麵🍜！鍋側邊都有四個間隔，有齊牛肉、芝士、蛋同芋絲😍味道就稱不上好好食因為都係平凡既餸😂但氣氛搭夠，四個人烚吓烚吓都幾開心，好溫暖🥳.仲點左其他食物啊😌🇰🇷甜辣炸雞🐔個甜酸醬幾好食，不過略嫌炸得唔夠甘香鬆脆。🇰🇷卡邦尼年糕就認真麻麻😭首先係個汁好淡，好似用水溝咁，其次係個年糕林到一個點，少少煙韌都無！🇰🇷牛肉米紙卷🐮入面有牛肉、青瓜、蘿蔔同埋酸瓜，而且夾住落左黑芝麻既壽司飯🍣，味道一般不算太香口，卷都夾得唔夠實，一夾即散。仲有仲有，最欣賞其實係有泡菜免費任夾😍😍😍超正！總括質素好一般，勝在每人唔使$100就可以埋單😃

餓咗幾個鐘嘅我原本打算去食燒味飯, 臨入去前眼尾稍到有間食韓國菜嘅餐廳, 愛韓國菜嘅我二話不說就轉軚了!Brunch 炸雞便當盒$88咩都有啲唔洗煩, 啱晒心多嘅我! 餐檯上擺放了一盒泡菜比你隨意食! 不太喜好泡菜的我只覺辣!便當盒都幾豐富有炸雞, 韓式魚旦, 炒粉絲, 腸仔壽司, 炸泡菜餃子, 前菜及泡菜, 食晒嘅都會幾飽! 炸雞肉質幾嫩滑, 泡菜餃子有啲辣, 炒粉絲雖然沒有配料不花巧但幾夠味! 其他嘅就冇乜特別! 飲品熱薑蜜夠晒濃郁暖胃驅寒

好吃，夠好味我分享攝影及煑食。我愛韓食。這店附合正宗韓風的風味。蓮藕一份，加十元便有。下午茶多澱粉質，又粉絲，又年糕，如果配沙律菜會更好。價錢合理，當然平些更好。

平時午餐，都會選食中餐，不過如果係落雨天，我會選擇公司樓下呢間韓國餐廳。因落雨，不想濕身。我通常都選食拌飯類，因為價錢平，有肉有菜，份量又多，另外又有一杯飲品，通常我都選熱飲。今日選咗牛肉拌飯，我發覺今日嘅食物好新鮮，因為有時啲食物係預先煮定，又凍又硬，可能今日好生意，之前嘅賣曬，所以即刻要煮，所以好新鮮！另外自助泡菜，任食。如果鍾意食泡菜，一定好抵！

本來想去路德圍揾食，諗住行下南豐中心先，卻在1樓發現了這間韓國餐廳，在門外翻看menu見價錢吸引，於是入去試試。我們兩個人點了泡菜煎餅，卡邦尼年糕及雞肉米紙卷；泡菜煎餅有沙律菜伴碟的，沙律汁酸酸甜甜好開胃，煎餅多料幾好食；卡邦尼年糕就麻麻哋，芝士似杰身白汁，冇乜卡邦尼汁味；雞肉米紙卷味道ok, 米紙好薄。這餐廳沒有令我失望，可以再嚟。

第一次光顧, 點了泡菜豬肉飯, 買相也可以, 但當把最上面的煎蛋放入口中, 蛋邊是硬的, 整個煎蛋是凍的, 這也能端上給客人, 真節儉. 其餘配菜尚可, 飯有點糊. 讓這次光顧變作最後一次.

昨晚4人用膳，點左一個2人餐，一客醬油炸雞，另外一個石窩牛肉豆腐湯配飯。2人餐包既蕃茄忌簾年糕真係吾掂，個汁就正，但年糕個芯好硬，懷疑仍未煮熟。另外餐包既特選pizza,又焗得吾好。侍應態度又麻麻，係環境不錯。仲有個商場改左新之城，但仲寫住南豐商場，搵到我哋係咁找地鋪。好心個地址名改返好係新之城啦，否則客人不易找到店鋪。

下午茶餐，份量適中，呢個set 係由炒年糕，炒粉絲同韓式炸雞組合而成，都食得番韓國食過果啲感覺，炸雞既醬甜甜地，雞肉都好滑，炒粉絲合格，比較意出望外既係個炒年糕，我好驚食到啲太林既年糕，但呢間軟硬適中，又夠辣，好味！！另外，呢度都跟足韓國，泡菜無限量添加(唔似香港其他韓國鋪咁孤寒) ，鐘意泡菜既朋友一定要黎！

韓國食物比較熱氣，現在夏日炎炎當然不想吃石頭鍋飯，更不想吃鐵板。夏日推出了幾款沙冰，有五味子沙冰，有機豆腐沙冰，紅豆沙冰，柚子沙冰如果跟餐加$20可以轉比較特別有機豆腐沙冰，我選了有機豆腐沙冰一試，未飲過喜歡這裡因為有任食泡菜，酸酸辣新爽脆，很開胃又醒神另外我選了簡單喬麥冷麵餐$98 冷麵很冰凍，有羅白蓉，泡菜，半隻蛋，青瓜絲，完全清爽輕食感覺，夏天沒胃口最適合最難得可以加$28 配小食，2件紫菜粉絲春卷，2件紫菜卷2，2件炸蝦。 有機豆腐沙冰來了，很大杯味道方面有點像豆漿，豆味道很重，但比豆漿甜度更淡，覺得可以再甜一些比較好喝，太清了沒味道感覺……

家人先前已經試過一次 Kim's Spoon，說它的韓式拌飯值得一食，味道像他早期在韓國吃到的一樣。雖然我和他在韓國時也有吃過拌飯，但那時的飯一開始便冷掉了，沒想像中好味。這天我也有事要到荃灣走一趟，順道來這裡先吃午餐。我們在剛開始營業便到達及入座。我們點了家人食過的泡菜豬肉拌飯，另外再試牛肉拌飯，兩個的份量都很多。配料有泡菜、菠菜、大豆芽、紅蘿蔔絲、黑木耳絲、粉絲和雞蛋。菠菜用了鹽和麻油醃過，粉絲亦以同樣的調味炒香，整體上能吃到食材自身的味道。珍珠米飯的軟硬度適中。泡菜豬肉使用了家人最喜歡的薄切豬肉片，泡菜酸辣度適中。牛肉片應該是用一般韓國醬料烹煮，頗入味可口。上菜時飯是熱呼呼的，吃到最後仍是微暖的，味道自然比冷吃的好。飲品比主食遜色得多了。冷袖子茶普普通通，有少許袖子肉，不會過甜。蘆薈茶則非常甜，味道甚至像藥水味有點假，無法喝完它。基於烹調手法，很難把韓式拌飯弄得很驚豔，作為連鎖店它的質素不俗，跟傳統煮法差不多，價錢份量也合理。

每個月拍拖紀念日7號⋯我同男朋友都會搵好野食😆慶祝一下🤣🤣今次試韓國菜，來左荃灣哩間叫Kim's spoon餐廳！地方都幾大⋯雖然平日食晚餐，但都book定位，驚要等好耐！我地book7點，7點未見好多人⋯但我地食到八點就人山人海⋯餐廳坐滿晒人！哩間餐廳幾好，用餐時間沒有限時，可以慢慢食😊慢慢坐！唯一缺點係個台太細⋯我地兩個人食，叫兩樣野食同兩杯野飲⋯已經迫爆張台⋯食飯都要就住就住！同男朋友叫左個2人部隊鍋⋯超大個鍋⋯好足料⋯好味⋯d野食好多⋯我地兩個人都食唔晒🤣🤣🤣仲有咩左份甜酸炸雞⋯喜出望愛⋯好好味😋😋😋當然唔少得叫特飲⋯我叫左杯香芋沙冰😄味道普通。早知叫草莓或藍莓沙冰🤣🤣🤣男朋友個杯就唔記得叫咩⋯但佢話都好好飲（只能提供相片參考）🙈🙈整晚食飯真係食到飽飽⋯埋單四百幾⋯都有少少偏貴⋯但食物唔錯⋯下次會再來食！

同朋友出去食野想食啲特別啲嘅叫左個一個人分量嘅部隊鍋同紫菜捲。。己經覺得好飽。。分量好足又好食。。泡菜仲可以任食之后又叫左2杯飲品，一邊飲一邊同朋友傾計係一個唔錯嘅選擇最后買單300幾蚊認真抵食。。食完仲有得抽獎（7折優惠）BTW，有個年紀有D大嘅姐姐超好人超 nice多謝曬