Kiwi Sweets (非門市)

當日收到這個令人憤怒的蛋榚，立即聯絡店方，聲稱蛋糕造型沒有問題，甚至乎是完美，拒絕任何退款。噢！難度是我的眼睛有問題？原本用朱古力造的祺桿衹用了手寫紙張造成，單車上的顔色是馬虎地塗上食用色素，公仔上的粉末還沒抹好，好像小朋友手工當上的泥膠公子，近看還見到手指模呢，非常恐佈，這是值這個價錢嗎？我真係孤陋寡聞哦，原來這是店方說完美的製作，衹是每人審美角度不同🤔。當初預訂時店方還說公仔係預早製作，不能預先參看，我有點猶豫，他們說經驗非常豐富，着我放心。但當日收到時，眼睛看的另我非常震驚，我怎樣交待給我的朋友們呢？。。。所以在此為大家銀包着想，要選他們製作蛋榚，要慎重考慮，以免被嚇到

2021年9月22日9歲＆5歲boss蛋糕，來賓們大讚mtr cake樣子美麗又好食，看得出師傅的用手唧樹花，另外小朋友大搶食港鐵朱古力皮，有別於出面的糖膠卡通得個樣字，唔好食，看見小朋友搶食港鐵朱古力皮，非常心滿意足，期待下年訂製榴槤拿破崙，與摰友分享

朋友光臨寒舍，買左啲西餅招呼客人件件裝飾都咁靚，一啲都唔hea當然相機食先up上instagram，即刻有朋友問，立刻推介大家嘅第二個胃都準備好～在場朋友全部嘩然歡呼，真係好好味呀榴槤拿破崙簡直係好味嘅極緻！鍾意榴槤嘅人一定要試吓，即使對拿破崙冇興趣都可以試吓其他水果，佢哋嘅拿破崙無得輸！其他西餅都係酒店水準下次一定要堂食啲堂食限定嘅甜品

極度好食，好多款式都系精心製作，無論鍾意好甜定清淡都會搵到你鍾意既款式。好隱密既美味小店。仲會定期出新款，店家好注重食物質量。極度良心小店。香港需要更多這樣的店，大力支持。生日蛋糕，西餅都非常適合。

今次已經係第三次買榴蓮拿破崙食喇😌頭兩次都未的起心肝寫食評，今次已經第三次回購，點都要寫番啲嘢讚揚下先😆睇下件拿破崙啲榴蓮蓉滿滿的，好香，好有榴蓮味，味道一流😋由於佢係期間限定架，榴蓮愛好者一定要試試呀😍

我地嗌咗3個甜品（梳乎厘班戟$40，朱古力心太軟$40，Creme Brûlée $36，同埋一個黑松露芝士炒蛋牛角包（$28）首先講下我哋第一個食嘅係黑松露芝士炒蛋牛角包，我想講呢個牛角包真係整得好出色，因為佢首先有好脆嘅口感，而且啲炒蛋真係好滑，而且份量勁足料，配埋黑松露簡直係Perfect Match😋😋而且重點係價錢都唔係好貴❤️❤️所以呢個係我覺得性價比超高嘅一項之後就講下嗰三個甜品啦， 我覺得呢個梳乎厘班戟其實係好creamy，真係可以做到入口即溶嘅texture 👍👍而且配埋隔離啲cream同buffy真係會令Soufflé Pancake 提升一個層次👍👍而且變得更加出色而朱古力心太軟同Soufflé Pancake一樣都係有隔離啲cream同buffy😋😋而且呢個朱古力心太軟配埋cream同buffy 可以令到個心太軟冇咁漏（不過其實呢個心太軟都冇坊間嘅咁漏，幾恰到好處）最後就講埋呢個Creme Brûlée啦，落單嗰時我都要上網翻譯下先知原來係法式焦糖燉蛋😂😂不過呢度嘅法式焦糖燉蛋最大嘅selling point應該係唔熱嘅法式燉蛋，因為普遍坊間嘅法式焦糖燉蛋都係好熱嘅

今日就特別D走入鴨脷洲試下呢間開業十多年既甜品店, 舖頭主打蛋糕🎂 有自己既工場,廚師都曾經係酒店工作過,所以食物質素絕對有保證👍🏿 再加上有自設廠房係舖頭附近, 所以大部分既食物都係即叫即整🥰 舖頭係不設座位所以要食既話就要買外賣喇🥡黑松露芝士炒蛋牛角包🥐($28)呢個包黎到既時候無論係香氣定係造型都深深吸引住我😋牛角包咬落好鬆脆, 蛋好滑而且有濃濃既黑松露味, 成個包都好足料D蛋多到有少少滿瀉, 淨係味道已經贏出面果D好多倍, 再睇埋個價錢絕對食得過🤩 梳乎厘班戟🥞($40)個人黎講都算係幾鐘意食soufflé pancake 😚 鐘意佢既外脆內軟既口感🤤 而呢度既pancake 絕對係做到入口即融既效果, 再夾埋廚師自家製既雪皅,士多啤梨同埋加左crumble既cream真係多重口感🤩 不得不提佢既自家製雪皅真係超好食, 我同朋友都不停讚個雪皅好正,真係好令人回味😍 朱古力心太軟🍫($40)心太軟係唔少女仔其中一個必叫既甜品, 雖然平凡好多地方都可以食到, 不過要整得好食絕對係唔容易😤 呢度既心太軟用左dark chocolate 做原材料, 個心係流dark chocolate

🔎Kiwi Sweets (鴨脷洲)📍鴨脷洲惠風街14號地下===========================隱蔽的街坊小店 🍰🧁這間餅店應該開左差不多十年👧🏻數年前買過蛋糕🍰食覺得唔錯👍🏻所以近日經過見到有新產品當然要一試價錢真的超值🤩街坊小店價錢🥳🔸黑松露芝士炒蛋牛角包🥐$28牛角包非常香口脆皮，一咬下去幾乎掉哂D碎😂炒蛋好香滑份量都好多再配上黑松露這個配搭簡直無得輸😋😋👍🏻👍🏻👍🏻🔸梳乎厘班戟$40🔸心太軟$40你們無睇錯😎的確係四十蚊😝👧🏻👦🏻覺得跟出面$1xx的沒有太大分別也是輕盈鬆軟😋十分推薦住南區的你們一定要來試試😋👍🏻

星期日下午，想食件蛋糕享受一下假日悠閒時光，經過鴨脷洲大街，就到了kiwi sweets 買一件甜品回家吃。原來kiwi sweet 正推廣甜品八折優惠，原價$26的caramel crunch seasalt white/dark chocolate mousse, 折後$21，抵吃。帶回家後，食第一啖，面頭有很多朱古力碎及厚厚的白朱古力mousse, 太甜了，沒有吃到焦糖脆脆的味道，有點失望。再吃多幾啖，吃到落杯底，就可以嚐到焦糖脆脆，味道層次豐富些，不錯的。整體略嫌焦糖脆脆太少，如果店方多放一點脆脆，而白朱古力mousse 減少一點, 會更好。

店名:Kiwi Sweets地址：鴨脷洲惠風街14號地下好味指數：7.3/10價錢：$30/2件Walnut Toffee Cheese Cake整個cake都比較甜，拖肥味道很突出，連cheese cake 也只吃到很濃烈的拖肥味。面層有一些脆脆的果仁，配合一起吃也是不錯的。店名:Kiwi Sweets地址：鴨脷洲惠風街14號地下好味指數：7.2/10價錢：$30/2件Green Tea & Red Bean Mousse Cake這兒的拿破侖非常好吃。今次試的綠茶紅豆芝士蛋糕水準未夠，綠茶味道不夠清新，不像綠茶味道，友人還說有點像洗潔精的味道。mousse夠滑行，但整體還是一般。

通常大街比人嘅感覺都係漁村，隔涉，海鮮生鮮。應該無人會覺得呢度會有精緻西餅食。呢間餅店開左都有幾年，我一諗起食餅，就諗起佢，佢啲餅絕對以街坊價黎講唔平，但比起一般連銷鎖餅店超hea 西餅，kiwi sweet 一啲都唔hea，仲幾精緻，味道與賣相並重。   今次食嘅係熱情果cake, 面頭有層熱情果汁嘅啫喱，酸酸的，裡面係軟綿綿cream like 蛋糕，甜甜的，整體吃起來酸酸甜甜的真不錯。

吃完食記不甚美味的小食，繼續遊走於古舊的鴨脷洲大街。街角一側，見到Kiwi Sweet鮮艷悅目的綠色門面，蠻為吸引！位於橫街的小店，店內一側擺有一張兩人枱。小店除了曲奇，馬卡龍，鬆餅和蛋糕外，還提供咖啡等飲品，供客人於店內享用甜品。甜品櫃有數款甜品，每款只餘下數件，售價由 $20-$25不等。芒果慕絲蛋糕$25件，層次分明，賣相精緻嬌滴可人，可媲比大酒店之作，煞是惹人憐愛。最底層是朱古力脆脆層，然後是兩層芒果慕絲夾著一層的芒果啫喱，頂層以鮮芒果切粒和小葉裝飾，兩旁則配以朱古力片作點綴。由於店家沒有添加任何色素關係，故芒果慕絲和啫喱色澤較為暗啞無光，而非坊間所見的鮮黃亮麗。一試，芒果味兒淡淡而清香，口感輕盈而不甜膩，層次也叫豐富。不過，懷疑蛋糕已放置了一段時間，朱古力脆脆濕腍了少許，慕絲質感也實硬了少許，且有陣雪味﹗以錫紙杯盛載的法式焦糖布甸$20外貌恰如焗西米布甸般，較為平凡，不甚突出。用小匙輕輕一搯，面層有一層層薄薄而香脆的焦糖。再輕輕用舌尖一抿布甸，濃郁的蛋味和奶香即時與舌尖交纏著，繼而向口腔擴散。味道是輕盈而馥郁的，惜質感偏稀了少許，未夠幼滑，入口只有糊糊之感。

Raspberry white chocolate mousse cake 的賣相很華麗，有紅桑子原粒加金色粉末閃閃吓，又有白朱古力 swirl。一口吃下去有多種層次感： 微微甜酸味紅桑子的外層，包着白朱古力加紅桑子的軟滑的慕絲，而最內層是朱古力蛋糕。此蛋糕不太甜，亦不太膩，比相像中更可口。Mango napoleon cake的拿破崙皮屬薄型，夾着新鮮芒果粒及芒果忌廉，也是不太甜亦不太膩的蛋糕，多吃幾件也無妨。這小店位於小巷裡，雖不起眼，但原來不少歌星及歌星粉絲辦parties 曾光顧其＂3D / 特別造型＂蛋糕。

我覺得這度的食評全部都係朋友自己打，我覺得這間店的蛋糕冇個好食，今日我買了四件蛋糕返屋企食，我買了鮮果撻、開心果慕絲、焦糖朱古力、黑森林，但係我試晒四款，我同老公覺得仲衰過東海堂，但係我地兩個已經覺得東海堂俾美心收購後已經退步了，但這度的蛋糕係衰過，又唔滑、有餅底的話又唔脆、沒有開心果味、鮮果撻我覺得有雪味，我唔知係D生果雪得耐定係成個雪了好耐，個撻好硬，總之這間餅店真係唔值得賣二十至二十五元件餅，仲要唔大件。雖然話買四件八十元，但係本來係諗住買兩件，咁店員又講話買三件七十，再加多十元又多件，我見食評又好似幾好，所以諗住唔會差得去邊，但係最尾兩件，我真係食了幾啖就冇食落去，因為完全令唔到我食落去，慕絲又唔滑，真係唔知自己食緊什麼。所以食評都係唔好盡信。下次試新店都係買一件好，貴些就貴些，好過現在仲買貴了幾十元。

Kiwi Sweets未開之前 成個鴨脷洲連香港仔都冇咩邊間餅店系似樣嘅食蛋糕都系食埋果晒d美心之類嘅野~~悶到死開左Kiwi Sweets之後鴨脷洲即刻有晒生氣難得有間咁正嘅舖頭當然要幫襯la食就食過唔少次不過因為成日唔記得影相所以而家先寫Kiwi Sweets產品除左有蛋糕之外仲有其他酥類、撻類、曲奇嘅野賣有時買番件番屋企當下午茶真系一個唔錯嘅選擇我第一次系道買嘅野系咖哩牛肉批，個批d料少左d，但咖哩牛肉嘅味道好香，一食就有意欲食下一啖吞拿魚蘑菇批嘅味道都ok~但就好似普通左d~不過都好好味我曾經系Kiwi Sweets買過好多蛋糕產品大部分都好正系某幾款我覺得太甜不過大部分都唔會令我失望而父親節果日我就試左個泡沫咖啡曲奇妙趣慕斯蛋糕個蛋糕嘅感覺好新鮮入除左有慕斯之外仲有d oreo比起其他集團式舖頭真系差好遠間野系就系比較貴但試過就知你比嘅錢唔系白費嘅