KOI Thé (已搬遷) 新店位置

做嘢超慢等嘢飲等左10幾分鐘，嗰店長忙緊埋數，兩個女仔Staff掛住吹水，整整吓杯嘢飲又行開，有客喺門口又睇唔到，見到個客又hea住吹多陣先落單，離晒大譜......

之前聽朋友講50嵐係香港開左分店 但係一直都見距唔到 原來距改左名 叫KOI The 店入面就見到50嵐個名既然搵到距當然要黎試下！我地叫左 百香果愛玉 綠茶瑪奇朵綠茶瑪奇朵真係好正 奶同綠茶分開兩層 一飲落去 斜度岩岩飲到一半奶一半綠茶 而且少冰少甜 已經唔係好甜 岩曬我口味 另外我朋友叫了百香果綠愛玉 我本身不太鍾意百香果 而且我覺得呢個反而甜左少少！值得一試！

週六既早茶過後，走了一會H&M ，口就渴了途經此店正剛開門，就入去點了飲品嘗嘗。自己本身想食yogurt, 所以見到有益力多味既綠茶就猶豫著，因為一般益力多都是甜的，我害怕飲太甜的飲品，最後知道有得選微糖，那就試試吧。飲落感覺不錯，有益力多味，又有綠茶本身既澀味，又不是太甜，我挺喜歡的。

初四喺旺角食完韓國野，諗住走去卡拉OK Hea下，點知原來香港人真係冇咩野做，哈哈full晒，仲話要等幾個鐘頭先有機會有房，咁梗係唔等啦。跟手就慢慢行過去登打士街嗰邊諗住買杯野飲，認真講本身幾討厭呢條街，因為真係任何時間都好多人，要用九牛二虎之力先行得過。不過呢度都有好幾間台式飲品店，好似清玉、茶湯薈、貢茶等，我地當日就揀左 KOI Thé，係台灣50嵐喺香港開嘅品牌，主打瑪奇朵飲品，以前都有幫襯過好幾次都覺得OK。烏龍瑪奇朵 $23/中之前飲過幾次，分別係水蜜桃、榛子瑪奇朵，都覺得佢地嘅瑪奇朵的確幾香甜幼滑，今次叫咗烏龍瑪奇朵 - 少甜。本身烏龍茶幾清，配合瑪奇多嘅甜味，啱啱好。飲嘅時候喺杯蓋上𠝹開少少，不用飲管，入口既有細滑奶泡，又有淡淡清茶，解渴得黎唔會好寡，不俗，價錢亦唔貴。

登打士街有着林林總總的小食店， 只談台式飲品，一條街便有5，6間同業，競爭十分激烈！🙈 今次係我第三次飲來自台灣 50 嵐的「KOI Thé 」，  而吸引我的賣點就是有着其獨創的金黃色珍珠的黃金珍奶。  所有飲料都有大、中、小三個size選擇 一個人飲小size 就剛好。😜 和一般的同業一樣， 可選正常甜 100%、少糖 70%、半糖 50%、微糖 25%、無糖 0%， 但與別不同的是，竟然還有特甜 120% 選擇，岩晒重口味的食客。😂  值得一讚的是「KOI Thé 」是可以走冰的！😳 有時候女仔想飲凍野但又怕肥，「走冰」就最岩啦～ 黃金珍奶（微糖走冰）（小）（$18）  奶味突出，茶味比較淡，飲落感覺香滑。 黃金珍珠顧名思義就是珍珠的顏色係金黃色，😯 並不是其他同業普遍的黑色， 因為它們的珍珠主要用木薯粉製成的 。  所以黃金珍珠特別煙韌有彈性，好似識反彈咁，好有口感☺️！ 温馨提示：奶茶本身味道偏甜，唔鍾意太甜的話記得叫少甜呀！

我一直都系台式飲品控，差唔多飲曬全港既珍珠奶茶鋪。之前有好長一段時間，心目中最好飲既珍珠奶茶系天仁茗茶。可惜飲得耐左，開始厭，人總是貪新鮮跟住我就發現左五十嵐黎左香港。其實五十嵐系台灣已經開左好多間，直頭同七仔一樣，梗有一間系左近。而香港既分店都冇令我失望，好好飲，成為香港我最喜愛台式飲品！雖然佢地既主打系黃金珍奶，但個人覺得紅茶瑪奇朵同檸檬綠茶最好飲。佢地既茶有種清香，唔會澀。搭配檸檬或者奶蓋都好出色。我個人既習慣系會要半糖或者微糖，正常份量既糖一來太唔健康（其實飲呢d飲品已經唔健康，但一個為食既人系唔會俾阻到！），二來我唔中意飲太甜。食飽飲杯檸檬綠茶真系一流，解膩，真系會飲上癮。唯一唔好既系一杯中杯已經要22蚊，價錢偏貴。如果同台灣比，價錢更加相差一大截。真系好掛住台灣啊😭

聽個聽就知巴閉啦😂黃金珍珠喎！真系無呃大家，珍珠果然系黃色😊同其他黑色嘅珍珠相比，佢嘅size比較細粒😝用左木薯粉製口感極煙軔😉仲帶小許甜味奶茶嘅奶味比較重，飲起上嚟都幾滑身😬吾錯吾錯！👍好在店員提配嗌左少甜，甜品適中

新潮橙色珍珠奶茶🍹珍珠？唔一定係黑色架😎 識飲一定係飲橙色珍珠😛咁就唔驚會食左車軚或者拖鞋落肚啦😂黃金珍奶☕️ ($21)平時黑蚊蚊的珍珠係加左焦糖⚫️但黃金珍珠係用木薯粉秘製架！😍比平時的珍珠更加細細粒🙆🏻入口反而仲Q彈🤘🏻加埋正宗香醇台式奶茶👍🏻激盪出口感上的震撼！😍温馨提示：奶茶本身味道偏甜唔鍾意太甜的話可以叫少甜呀☺️

行開旺角想掃街，於是順住登打士街行下睇下有咩食啦。點知發現左呢間叫KOI嘅台式飲品店。見到佢地掛住晌台灣先見到嘅「50嵐」招牌，就好掛住佢地嘅茶。於是就買左杯晌台灣常飲嘅柑桔檸檬。下午嘅客人都幾多，大約等左10分鐘就有啦！台灣果邊有得加蜂蜜，但香港無得加。不過佢地一樣都會放返粒柑桔落飲品度。味道第一啖係好酸好酸！(面都縮埋了！)如果可以好似台灣咁加返蜂蜜中和返就好了。檸檬同柑桔的味道都好出好濃，酸味之中帶點微微嘅苦澀味！好解渴！果然有質素！Good!!唔似得出面D台飲店得酸味同糖水味。KOI嘅價錢我個人覺得在台飲店之中，佢地屬偏高，$24得中杯，大杯要再貴D。其他台飲店多數都係$20左右就有大杯。所以客人要諗清楚究竟你想要質素定買是價錢平。總結:雖然價錢比較貴同份量較少，但味道質素的確比其他台飲店好。值得一試。最多我飲少杯星記咖啡。XD至於佢地同「50嵐」有無關係就有待考究。

珍珠控又出動啦，見到這間人山人海，裝修簡約，說是台灣五十嵐集團成員，便決定要飲返杯。付款後，等了10分鐘有多。點了綠茶珍珠，甜度是微甜，綠茶味甘香，沒有被甜味蓋過，珍珠是大粒珍珠，外面是透明的，中間有點白色，跟其他台式飲品鋪的珍珠有別。口感QQ，珍珠份量夠多。不過員工未問是否即場飲，就已經篤開了，想不即場飲都不可，服務質素有待改善。

Happy Friday 同女朋友逛旺角。行到一半有啲口渴。仲話一定要飲奶蓋！見到這間50嵐品牌台灣奶茶。覺得伏味唔濃。但點睇個餐牌都無奶蓋🤔一問之下。原來瑪奇朵就係奶蓋😂又長知識啦。正宗。普通。紅茶奶蓋。可以試到間鋪嘅實用。少冰，少甜先飲到茶同奶嘅味道。奶唔太咸，茶唔太甜，適中就係最好味👍因為要同時飲到奶同茶，佢用刀仔係cover 上面開吼，所以無飲管。我幾鐘意咁特色嘅做法👍

話說行過俾呢間新開嘅台式飲品店所吸引，特別是那黃金珍珠奶茶，看上去令本來覺得飽滯嘅我，都突然有點想喝，於是我放棄了原本的天仁茗茶，而選了這間。本人叫了半糖少冰，可惜的是喝下去仍舊是甜，而且奶味和茶味完全唔balance ，我的的確確在喝「奶」茶。哭........ 本來黃金珍珠應該值得令人期待，可惜都未能力挽狂瀾，難過的我覺得俾呢廿二蚊真係唔多值。

經過見到焦糖吸引左眼球所以買黎試下…Caramel black tea macchiato 焦糖紅茶瑪奇朵$33佢會問係米而家飲，之後開比你飲奶蓋……奶蓋味原來係甜，飲落都都滑身同香，紅茶味都濃，其他奶茶店之前飲開咸咸地，講真感覺大同，但價錢比其他貴點而都係咸味才是我杯茶，所以只會一試

好難飲，完全飲唔落口。 仲話係台式飲品。 我去開幾間都未試過咁難飲。好心俾多d心機經營下。鋪面做到幾靚都冇用，唔好飲就係唔好飲，希望會有改善。但我不嬲有飲珍珠奶茶心癮既人，家陣都搞到我冇興趣再飲了。 請改善飲品質素罷。

係旺角行街見到黃金珍珠^_^停低睇下咩黎睇下Mean，選擇好多一時間都幾難選擇^_^最後我決定都係選擇招牌黃金珍奶原來黃金珍珠顏色，有別於傳統珍珠^_^係淡黃色的我叫左少甜飲落奶茶比例剛好^_^黃金珍珠非常Q彈，真的不一樣珍珠。^_^但價錢$30一杯略貴