Konditorei Gute (已結業)

主人一看見就想試試這款甜品，經過奴隸獸的推波助瀾，終於買了這瓶焦糖吉士布丁（HK$22）。食落口感頗滑，不過有少少黏口。蛋味非常濃郁，不太甜，主人話好~~好~~味~~呀！

jan 11, 08,買了2件,3人在food court內瓜分咗佢1) blueberry cheese cake-重芝士味,但質地都軟,近底用上了好多藍莓,good-只是細件咗d同貴咗d 2) puff with almond-個皮食落無蛋香,而且好似唔多新鮮-個cream好滑,不錯- 個盒好簡約,而且好挺身,個設計同紙質有d似中環置地嘅Le Salon De The & La Bouxxxxx,只喺佢用白色- 見其他食家話佢個朱古力mousse cake,栗子撻同焦糖布丁都好好味,下次先

也試了這個蛋糕並將它"解剖".厚厚的栗子茸和白朱古力慕絲,十分重,如果用鬆軟的海棉蛋糕便會不夠承托力.所以那些是牛油蛋糕底罷.硬了點,後來將吃剩的一半先從雪櫃拿出來"攤"一陣,好D.

响 city's super買完塊靚牛扒，再過嚟買兩件cake跟太座共享...好想好想買roll cake，但個價錢始終令人太卻步la..都係忍手為上...cake款式不多亦較大路，只選chocolate hazelnut及mont blanc栗子山...賣相不怎樣特別，但味道卻不錯--- chocolate mousse頗滑，甘苦味剛好，若果hazelnut份量多番D會更好...栗子山望落去貌不驚人，但卻內有乾坤--- 表層係栗子蓉，內層入面係栗子蛋糕、白色栗子mousse及rasberry 果醬，再加一個薄薄嘅朱古力sponge cake做底層。相當費心思，味道亦相當不俗。鐘意食栗子甜品嘅一定要試試...

平安夜果晚特登過嚟呢度買個聖火旦糕返屋企食,揀左個粟子白朱古力慕絲旦糕,個感覺同個名都好似好好食咁,話哂都成$220蚊一個,比之前o係帝苑買ge 藍梅cheese cake仲要貴成$40,之前果個令人很滿意,當然,今次對呢個成二百二十蚊ge旦糕充滿希望啦!點知...可能希望愈大失望愈大啦, 旦糕好硬,無乜白朱古力味,雖然總括來說都ok,但真係唔係太值二百二囉.....

在Triple O's食完, 其實已經相當飽, 但見到這可愛的焦糖布丁, 還是忍不住買了4個, 回公司與同事一起分享, 幸好它不只有外在美, 味道也人人讚好, 22元真相當抵食。焦糖汁是沉底的, 它附有一隻小匙, 你可以由底食上, 也可以先把它全部混合後才食, 無論用什麼方法, 都是那麼好味的!

去開海港城shopping,心思思行過這間餅舖八卦下.買了件荔枝芝士餅和布丁.店員問我係咪堂食,我話yes,佢就給我們兩set叉.呢種service幾好.布丁很滑;荔枝芝士餅酸酸甜甜,唔太膩.最想講的,估唔到呢間也有月餅賣!個樣幾cute,完全唔似平時買開那些.說是什麼法+日idea($118/4個),外面是脆餅,中間有層蛋糕,紅豆和吉士夾心.睇落都幾特別.訂了2盒下星期取.希望今年唔使再被人話'乜又係呢D呀???!!'

小弟不嬲係一個roll cake狂人。遙記起數月前响osaka食過嘅strawberry roll cake，一試難忘。嗰種香滑、鬆軟嘅感覺，實在非筆墨所能形容...返到香港，見到嗰D roll cakes，眼冤，完全提唔起勁去試...得知呢度有日本空運過嚟嘅roll cake，大喜過望，即刻走去睇睇...嘩...要成一百多大洋一條，未免貴咗D啩...上次响osaka食嗰件極品都係二十多大洋港幣而已...恨得牙痕痕...退而求其次食咗件ginger butter cake。厚切，食落薑味不濃，淨係覺有D辣辣哋；反而牛油味甚足，甜度亦剛好....睇嚟若要一試"來路" roll cake，真係要揾幾個人籌旗夾錢先得嘞...

其實konditorei gute 只係賣蛋糕, 同隔離間麵包店係無關係,兩間唔同既公司我見樓下俾左個喊面,其實應該係little mermaid bakery, 所以想為konditorei gute 澄清

之前都有去過呢間買蛋糕面包,我記得都好好味,不過而家裝修左,面包款式都唔同左.我買左2粒朱古力冬甩,$6一粒.朱古力粉好苦,外皮好實,唔多好味,一咬之下有朱古力醬流出黎,都幾香.不過整體都係差差地.

$100元一條的生果卷蛋，聽聞是每天由日本空運抵港，難怪價錢如此昂貴。卷蛋最講究蛋糕質素，不能太濕又不能太乾，這裡的，最大賣點是蛋味夠濃，一點也不乾，但我略嫌不夠鬆軟。另一好處是中間的忌簾filling比一般港式卷蛋少，口感輕盈。整體上味道是不錯的，但值不值$100元就見仁見智了。此店亦有供應各式各樣的蛋糕，但看樣子不什吸引。

海港城的Gas Gute已換成了香氣滿溢Little Mermaid Battery，每次經過都忍不住要「索一索」。　而此間Konditorei Gute，就是寄居在麵包店隔離，甜品種類不算太多，但都很精緻。貪方便易拎，就買了薑味蛋糕與朱古力蛋糕各一，當是第二朝的早餐。兩款蛋糕均保持濕潤，牛油味重，是我喜歡的質感。薑味蛋糕的薑味不濃，反而更似牛油味；朱古力味就夠有濃濃的可可味，愛朱古力人士會欣賞。蛋糕份量不少，吃半片已經非常飽肚，再食就會滯。　整體印象不差，下次再試其他不同的甜品。

o係雜誌見到介紹呢間cake shop,所以搵日走左去睇發現真係幾得wor每件cake都做得好靚, 價錢$25-28,唔太貴試左件mango puff,同mango chessecake,d 芒果超甜下次會再試埋其他既cake