Krispy Kreme (已結業)

今日同朋友專登走0黎試, 要0左original 味... 件doughnut 唔熱, 面頭一層厚厚0既糖衣, 食落口果然同其他comment 所講咁超級甜. 味道其實係ok 的, 間唔中食0下亦無妨, 不過咁甜, 食一個就真係好夠0架喇.$10 一個唔係真係咁貴, 不過估計0個$10 入面有$5 都係去0左Krispy Kreme 個名度!

剛開張時食過一次，心諗駛唔駛咁誇張呀！排隊排到出門口，不過見條隊都郁得幾快，姑且排下啦！入到店內，至發現原來有promotion，每人免費送一個原味冬甩。個冬甩新鮮滾熱辣，面頭浸糖漿薄薄一層，啱啱凝固，一啖咬落去，鬆軟非常，甜味適中，真係冇得彈。跟住買多個吉士冬甩，都唔錯，不過個原味冬甩真係超班。

昨天簡生放工專登去買的,我叫他買三幾個試試便算啦,因為我不好甜食, 點知他買了一打回來, 那麼我們當晚餐算了,先食Original glazed, wow!真的好鬆軟,好有麵粉香味,但上面那層簿簿的糖衣,真係幾甜, 第二個是NewYorkCheesecake,我覺得內裏的Cheese味唔夠,而且整个Doughnut原有的香味都給上面那堆不知明的糖甜到漏咁蓋過, 我們決定進軍第三個Capachinno(不過三個都是和簡生share的),需然裏面的custard好軟滑,但甜到把我的喉龍封住似的...不能再吃了,剩餘的９個今天我們繼續努力, 其實我覺得原味係最好的,但下次再食的時候我會先用人手把上面的糖"批"走,我相信會很好味.

又是公司下午茶﹐這次是慶祝剛剛趕工完成﹐不知是誰去買了一大盒donut 回來。我這次吃了個朱古力環﹐為什麼不說是朱古力donut﹖因為根本就不像是donut 囉﹐很鬆軟的﹐形狀是donut 不過口感似蛋糕多一點。外面當然還有那層薄薄的勁甜的icing。上次吃的時候覺得太甜﹐沒有太大好感﹐不過這次又不會喎﹐一個大的donut﹐當同事們還在說吃那個好﹐那個會沒有那麼甜的時候﹐我已經把我那份吃清光了﹐哈哈哈...

My first entry!!星期六morning去完Brunch Club, 心思思想食個Chocolate Custard Doughnut, 但結果被new item=> Strawberry Shortcake吸引住。Strawberry Shortcake樣貌好似New York Cheesecake﹐但topping係crushed butter shortcake, 入面係strawberry jam+少少cream。好好味同不覺太甜。無上次學校krispy kreme sale﹐食個chocolate iced食到失聲(因為太甜)。

無論因為太甜、太油膩、太漏都好，總之對鬼佬炸餅圈都沒甚好感。但是日晨早經過，見佢有個Breakfast Deal，一杯大咖啡，兩個炸餅圈，只需25蚊。見佢無咩人又幾清靜的，而晨早吃甜一點也不相干，就來幫襯。八時多己有十幾款不同款式的炸餅圈賣緊，單看排場也是琳瑯滿目的，就要了一個原味，一個紐約芝士。炸餅圈細細個的，吃兩個也不是問題。先吃原味，似乎舖面的糖霜已作了適當的調整，薄薄的都不算是很甜。炸餅圈是熱熱的，吃多兩口，油膩的感覺就來，不過好在不太大個，幾口已吃完；再吃芝士的，牛油餅碎舖在炸餅圈的上面，而忌廉芝士餡就藏在中間，甜度比原味的低，但就更漏。好在有杯幾夠份量的黑咖啡，如不是都不會這麼容易能應付這兩個又甜又膩的炸餅圈。有一點要讚，幾位件青的店員服務態度很好，招呼做足，很有朝氣。雖然還是本地的茶啡多士合胃口，但偶一為之，都無傷大雅的。

早幾日，妹妹突然問我有冇試過這店的Doughnut，有點慚愧，未食過。趁今日要去中環做Training，就走上伊利近街買番個。款式確實幾多，部份賣相都幾吸引，但一眼就看得出一定是很甜的。其實之前看過食評，已知這店的Doughnut會是幾甜的。但身為甜怪的我，一於無視之前話太甜的評語，更揀了應該是好甜好甜的焦糖朱古力味。果然是幾甜，卻全都是焦糖的甜味，朱古力味則欠奉。或許是已被焦糖的甜味蓋過了。不過，Doughnut本身都算是幾鬆化，不是太差。題外話:早幾年好像在歐洲的某地方吃過類似味道的Doughnut，因有點似曾相識的感覺。

一連兩日去食冬甩，皆因萬聖節!無他，太喜歡蘭桂芳的歡樂氣氛了，今年再次與細妹出動去扮鬼扮馬。　時間未夠，帶了細妹去吃冬甩；Krispy Kreme的成功大概於此：它令每個人都想試!事先警告過她原味都已經超甜，但她吃時仍然感驚訝了，唉，都說要至少減一半糖!　因為不好意思只試不買，又買多個萬聖節冬甩，當是應節也好。很驚喜這個冬甩本身不甜，加上外層的糖碎後就是正常的甜味，絕對可以接受!不過講到口感，我還是最喜歡原味糖衣。　靈機一閃：下年可以考慮一下冬甩造型!

我極愛甜，為什麼會那麼遲才試Krispy Kreme?呃..無論如何，flying pan之夜，我與朋友順路就去了試食，終於。　一去到，店員即每人送一個原味糖衣冬甩；剛出爐的關係吧，拿在手裡的冬甩還很暖。咬一口，輕輕軟軟的冬甩伴以薄脆的糖霜，口感很好；但，甜味傳到味蕾，天，真的甜得幾過份!!連食Mrs fields都覺得適中的我，也有這種感覺，難以想像一般人吃下去的反應..　一人試了一個，不好意思就這樣離開，而且除過甜外冬甩其實是好食的，所以又買多個焦糖忌廉脆米。事實證明，我們的選擇極不明智，因為它比原味更甜得離譜!而且口感還不及原味。　雖然如此，我其實幾喜歡這間小店：環境、服務、款式、特色。請問幾時出顧客意見表?請一定要刪減一半糖份啊...

又到星期五. 又係donut 的日子.不過今日的donut 添了點離愁, 卻又夾雜了新開始的喜悅, 好復雜的味道!這五打donut 又再証實了"瘦田冇人耕,耕開有人爭"這道理.

尋日同朋友買左兩個halloween既特別版黎試：一個係好似南瓜咁既、而另一個就同朱古力碎糖差唔多。南瓜型o個個裡面有蘋果餡，味道都ok，甜就遇左，只係面頭既橙色糖漿如果溶溶地既話就有Ｄ倒胃口;朱古力碎糖除左Ｄ碎糖既顏色同平時既有少少唔同之外，係冇任何分別，我自己就唔係咁鍾意食有碎糖既野喇。始終都係original最好食。

睇到雜誌話D東甩好正,所以特登返工前鼠過去買,我己經醒目,打定電話問定地址同點去, 諗住由中環地鐵去到,再返中環地鐵, 我諗好快,就由中央街市踏扶手電梯上,開始我旅程,第一個路口, 我就落左去, 搵唔到, 問差人叔叔,叫我再上返去, 再踏多程扶手電梯, 到第二程踏完,再落返地面, 又轉來轉去, 都搵唔到, 所以問路人甲,經過上山落山再上山,見到蘭芳園都玉葉糖水後,終於搵到啦, 我一到睇緊餐牌時,收銀哥哥送一個原味東甩比我食,可能肚餓, 覺得幾好味,唔洗一分鐘食晒,跟住就買一打萬聖節東甩+送3個東甩的優惠餐,買幾個都差唔多錢, 仲多幾個, 買set抵d嘛, 諗住返公司, 三個女仔一齊食, 環掂未食飯, 都可以掃晒,點知返到公司再食多一個時,我自己都己經覺得好飽,同好溜,但為叫d同事食多d,我最後都食多3個,而我公司d靚女同事,全部夾理都係食多3個,個個都話唔係唔好食,但太好甜.剩唯有分佢, 大家第二日當早餐食,而肥b第二日食完都話甜都漏,下次都唔會預佢,而得出結論, 東甩要即食,過啖氣就唔好食,唔好貪心食多幾個,好似我咁,溜到死,同人少,千祈唔好貪平買set,仲有問定人點去先好去買

適逄傷癒, 慶祝一番. 今日買了兩打donuts 番公司答謝同事. 買了一打original, 一打assorted 的deal. $175.好失敗.. 未曾影到相經已要同人爭拿了自己想試的口味. 我吃過new york cheesecake, maple iced glazed, crispy caramel kreme, cinnamon glazed 和raspberry filled. 當然, 每款是切開幾小份跟同事們分享. 全個吃肯定吃兩個便不能再吃下去.其實越吃便越覺得每款也是差不多味道.. 可用兩個字形容-- 很甜. 最後還是吃了個original 覺得它簡單得來最好味. 有filling 的其實是有些多得滯, 令人嘗不到donut 本身的鬆軟質感. 而且味道太甜, 嘗不到donut 本身的香.所以我想應該都是反璞歸真的original 最好味.

公司的闊佬同事連續兩個星期五都買了兩打原味回來請大家吃. 試了一個, 果然不錯. 不出一個小時再去拿多個來吃!細個時很愛吃chocolate custard donuts, 隔兩,三天定會吃一個. 於是兩天後禁不住引誘午飯時間行上店子自己買了個chocolate custard 想回味一番. 已特地那天午飯吃少些來留位給donut, 但下午茶時間吃完donut 後真的飽得晚飯都不想吃. Chocolate custard 對現在的我是太甜了, 不會想再吃. 但原味還是OK 的.款式除原味外還有十四款. 造型及味道款式都十分吸引. 下次我會想試New york cheesecake, 還有lemon cream 及maple glazed!

月前來自美國人氣當甩店"Kris Kreme",一直不以為然,友人繼續OT,上山路過,姑且試試,試罷起碼多個話題.Counter擺放各式其式的當甩,店員見我心大心細,登時拿個原味給我試食.質感鬆軟,很甜,甜到有點過火.小弟一向適應力強,受得起.無可能白吃便走人吧,花$12試多個脆皮朱古力.質感一樣,甜度,都係一樣.真難明為何有些人能一口氣,劈一打那麼神奇?兩件已經到頂,再吃真係變成一個,外貌甜美,但俗不可耐,無內涵的女子.小弟一向對當甩無研究兼無興趣,今次抱著一試心態而已.專程來吃,真係費時,路過也可當買個麵包"攝牙罅".如果由當甩,變成炸魚薯條,我諗我會更加開心.