Krispy Kreme (已結業)

放假的時候，花了些時間整理近400GB的食相，原來海嘯前有吃過冬甩又拍下相，自己都忘記了，雖然餐廳已結業，但還是出來寫寫感想吧。記得餐廳試業時興起過一番熱潮，未開業店方已送來幾盒大盤冬甩，無記錯在舊公司時，四十人要吃百二件，平均每人吃三件，男同事很多吃了一件已經要裝肚痛撤退，卻想不到一眾女生在半小時內連帶男的一分也吃下，回想起也滴汗．．．那天是心情差得可以日子，要了一件蜜瓜味來減壓，一層分子味道蜜瓜糖衣扣在冬甩上，又加上糖漿，很甜很好吃！當然再甜一倍就更好了！在愁雲慘霧的日子，想吃一甜到底的東西平伏心情，也總想起這冬甩的好．．．

這裡逢星期五咖啡半價. 試過一次後覺得咖啡比冬甩吸引. 卡巴仙奴的泡打得很挺很實, 比很多有名的咖啡店要好. 記得很久之前它剛登陸來港時, 覺得冬甩是甜到不能接受, 但配上咖啡後, 這個組合竟是絕配. 銅鑼灣店的環境很好, 人不多又坐得舒服, 值得推介.

由開業一直話想食, 終於屋企人都買左一個mocha味俾我試下。之前已經聽講話佢d冬甩有幾咁甜, 所以食時都驚驚地, 但試過之後又覺得唔係甜到漏丫, 咖啡味都好香, 而且幾鬆軟~知道佢最近出左迷你版, 咁都幾好wor, 可以一次過試多口味。

方便關係，去了krispy creme買杯飲品消暑。要了兩種味，想試不同的味道，誰知兩種都令人失望。原本我要了雜莓雪糕沙冰，朋友要了mocca雪糕沙冰，但『喝』了第一啖雜莓後覺得頗『藥水』，之後朋友說與我交換，唉。不過mocca雪糕沙冰也不是好，上層是mocca，下層才是沙冰，似思樂冰多點。送了一個原味的小 donut 給我們吃，唉，上次吃完我已sure不是我杯茶，今次依然甜到嘔，還有好重『trans fat』的味道 雪糕沙冰 medium size $26真的不會再來。

上次係元朗買 好難去 都係黎番LEE間好食NEW YORK CHEESE味同原味可能我夜去 6點幾 所以D 口感我覺得硬左

第一次食krispy kreme係o係澳洲，門口紅燈亮時即刻走入去買，一次過依半打都得!! haha~當知道krispy kreme引入香港，簡直興奮莫名!!試過好多唔同味道，都係original glazed最好食!! 推介!!如果買返屋企，雪過入雪櫃，記得好似個盒教你咁，用微波爐叮8秒先食! 真係好食到不得了!!仲記得銅鑼灣店開張o個時有得睇doughnut製作過程，點解而家無左o既??淨低d冷冰冰的機器...

在香港機場上機前見到有Doughnut賣, 買左兩舊: Neapolitan –分開紅白啡三隻色. Original Glazed –有一層薄薄既糖衣一食! 哇塞~~ 甜到hihi~~食完一舊已經冇可能食第二舊~~點解小時候在商場既自動Doughnut機爸爸買過俾我食咁好味既?

到Lee Garden 後，吃義順和買Krispy Kreme 外賣成為指定動作。今天依然買了半打特色冬甩（$60 / 半打），綠茶、黑巧克力、藍苺、泡沫咖啡、杏仁朱、蘋果肉桂。除了綠茶、黑巧克力、杏仁朱比較單薄，藍苺、泡沫咖啡、蘋果肉桂都係豐富纇，filling 好多，相對地有飽腹感。泡沫咖啡真的賣想相cutie！

平常到Lee Garden 開會後，到Krispy Kreme 買冬甩係指定動作。今晚開完會巳經係8pm，店裡冷清清的，僅三數個南亞客人。買五送一，plain 每枚賣$10 ，特色每枚才賣$12。心想又toppings、又fillings，價錢才相差$2，marginal cost 著實偏低！點了六個特色冬甩，才$60，選了「綠茶」、「拿破崙」、「草莓」、「蘋果肉桂」、「泡沫咖啡」、「紐約芝士」。即場吃了枚「綠茶」，好味，略嫌size 細小，其實唔多夠喉！回到家，跟女伴、老爸分來吃。「拿破崙」幾一般。「草莓」係草莓味果醬糖漿filling，絕不‘藥水味’。「蘋果肉桂」係蘋果果醬糖漿加蘋果細粒filling，味道幾麥當勞的蘋果批餡料，好味。「泡沫咖啡」係咖啡味吉時filling，好好味！好多料！「紐約芝士」係忌廉芝士餡料作filling，頂著crumbles，好好味。好宏偉！講真果句，冷凍後的甜甜圈，風味不俗，味道不比即食差。

專登去銅鑼灣倒數，無理由淨係數完個10下就算數! 當然要試下d特別野!為左實現2007小願望，所以走左去一直都覺得好甜既甜甜圈試下美國人既favorite! 四個人去食，原本都係諗住試4款，原來買5送1，貪心既我地，當然要試多幾款喇。專登叫外賣盒，因為覺得佢個盒好有美國feel，以下係各款味道既評語︰Powdered Strawberry filled –相對唔太甜，裏面既醬可以話同麥記既士多啤利jam一樣味Neapolitan –分開紅白啡三隻色，粉色甜到漏!Chokko Fudge Cake –嘩…好多朱古力，甜死人!Chocolate iced with sprinkles –有小時候食雪糕會加既彩虹碎糖，六個之中最甜!Original Glazed –有一層薄薄既糖衣，唔太甜，個人認為係最好食Glazed vanilla cake –都係一個字，甜! 不過算係第二最好食我地幾個都怕甜得滯，所以每人都叫左杯飲品中和下︰Flat White –奶味重，不過咖啡味可以濃dIced Coffee –雪糕就多喇，不過唔多覺有咖啡味Chocolate –一般喇真係唔明白點解d美國人會咁鐘意

我食過情人節個款心型味朱古力吉士味原味朱古力鬆圈半糖衣咖啡朱古力我覺得原味最好食雖然勁肥但次次食完都覺得好幸福!~

看見出了幾款聖誕做主題的Doughnut, 明知好甜, 但又好想試, hehe...最後揀了雪人冬甩加朱古力咖啡.雪人Doughnut- 賣相十分可愛! 面層有白色糖霜, 入面有檸檬果醬.朱古力咖啡- 面層有棉花糖, 好香滑!

記得舖頭開張無幾耐, 已經去了幫襯. 第一次食的係chocolate custard(唔知有無記錯)加一杯mocha.第一口食落去, 好好味, 因為自己好鍾意甜食, 基本上所有蛋糕cream糖漿都係我最愛.當我食完成個之後, 真係...連我好鍾意食甜品..都覺得好滯. 再加上飲埋mocha, 足以飽一個下午.至於mocha, 沒特別. 雖然幾甜, 但見佢分店愈開愈多, 我都斷斷續續有幫襯.

今天上課前經過這兒,忍不住吃了個冬甩,要了杯咖啡,頂一頂肚,因今天的課要上4小時...自己不嗜甜,但卻很喜歡吃甜品,只要甜度剛好就行了! 但今次這個冬甩,也未免太甜了吧,從汒汒甩海之中找到個樣子不太甜的,還以為自己走運了,誰知一入口就甜得像吃糖一樣...god! 太甜是令我絕不再吃冬甩的原因吧.要了杯熱的mocha,可接受!但味道比starbucks差一點,不過價錢卻差一截,還是飲得過的!最喜歡的,是這兒的環境,唔算太嘈,可以接受! 可是,想不出有再來的原因...

去揀大閘蟹，路經此地，坐低飲杯咖啡，吃件餅。原來這裡的咖啡選擇也多，用的是illy豆，穩陣波。腦子要休息，要了杯早晨之選泡沫咖啡，及一件橙色的南瓜頭。咖啡不算香，泡沬幾幼滑，勝在平平地，大杯裝30蚊唔使，平過轉角的大連鎖咖啡店，不過當然這裡沒有那邊那麼好坐。南瓜頭是沒有南瓜味的，只是橙色的糖霜，內裡還有果占，加上炸冬甩，很膩，純粹應節，也是咖啡良伴。店員服務態度很好，值得一讚。埋單36蚊，坐了一會，也是時候回家吃蟹了。