Kudos (已結業)

比人放飛機，臨時約第二個朋友食飯，朋友話要有蟹，牛，pancake,movenpick....我只諗到食buffet,上網揾到kudos,見到有威靈頓牛扒，我想試好耐，再睇埋食評有蟹喎，所以就算佢唔係movenpick都book左。 semi buffet, 主菜我揀左威靈頓牛，有驚喜，好好食，openrice 仲有coupon print,total 300幾per person，唔會覺得太貴🤗威靈頓牛：5成熟，酥皮脆鬆，肉又juicy,我自己真係覺得好ok 😋出面啲冷熱盤就無咩影相，刺身唔新鮮，但是蟹都ok,唔大件，不過有海水味湯都有一中一西，有麵淥不過湯底勁咸，有辣酒煮花螺，都唔錯🤔其實我無咩食出面啲嘢🤣不過食物種類都算多。甜品有幾款，我食左creme brulee 都唔錯但面果啲糖唔夠。有yogurt 食，野莓味酸酸地幾好味，另外有4隻味haagen daz 揀Overall,有coupon就啱返個expectation,無coupon 就below average 🤓

其實我覺得認真麻麻地， 首先係個牛排， 勁多根又overcooking, 變咗成塊嘥咗， 然後D主食都叫做可以接受， 味道略為清淡， 建議可以增加一些味道， 生食海鲜挺新鲜， 但係仍然都係欠缺一啲味道， 最失望係甜品，D蛋糕5凍又 好酸， 又好似 擺咗好耐咁， 然後D環境叫做可以接受， 但係食物衛生就真係做得唔好， D碗碗碟碟有好多污漬， 然後又就咁放喺度，冇人理又冇人更換仲有D食物食曬又出得好慢， 叫啲員工又 唔係好醒目， 又要等好耐， 最搞笑就係有個廚師同我講， 咩新鮮出嘅甜品同埋5系新鮮出嘅甜品有咩分別？ 咁請問你有冇食過唔係凍嘅甜品？總括而言 呢間酒店喺食物方面同埋員工工作態度及效率上有很大的進步！

今日開始休息等三月的媽媽，應該月中就會開工有二個星期休息，今日就過咗香港同個坐飛機多過我坐啲士的舊同事食午餐，因為跟住又飛去杜拜玩十幾日，今次同我提早過生日，雖然4月先喺我生日，因為我三月開工就連做二個媽媽到5月二十幾號，她又飛咗去澳洲玩個幾月，所以我忙她又忙，今次喺第一次去呢間食半自助，但就比較特別可以唔叫主菜，我哋見出面的嘢都好豐富，而家又食唔到咁多就食$198再加一無主菜，同事又有75折好抵，二個人都喺$330左右，食物又多而且食h字頭的雪糕，同事話本來試她食過都覺得幾好，因為都加到$198就覺得唔太值，呢間半自助都喺貴些少，點知食完非常滿意話下次可以再嚟，食飽就由銅鑼灣行去北角，搭地鐵各自回家，今晚以為只係煮比老公，點知啲女又話返嚟就去超市買是旦煮，開開心心好充實的一日

2月13日 情人節加兩位老闆生日， 見佢有七折 一家人 慶祝 ，都好抵食又有蝦 長腳蟹 即開生蠔 二百零蚊 味道都唔錯 ，點知食完之後 返到屋晚上 肚屙又嘔第日 仲要睇醫生 ，醫生話食錯野， 腸胃炎 ，過咗幾日睇報紙 先至知道原來 有好多客人 都有肚屙及嘔嘅情況 不過就唔係 同一日

話說嗰日同朋友慶祝，喺網上搵吓有邊間酒店嘅自助餐比較值得推介，到最後係一個網站度搵到一間位於銅鑼灣嘅酒店入面嘅自助餐餐廳，不過我想講呢間自助餐餐廳所收嘅價錢，同佢供應嘅嘢食同服務係完全唔成正比嘅，嘢食質素就唔多講啦都係不過不失，但係如果你問我嘅話我會比較推介熟食，因為我覺得佢做得比其他食物好食，例如同樣食龍蝦熟食嗰隻龍蝦啲肉新鮮啲，反而凍食嗰隻龍蝦肉可能擺得耐得滯，啲肉質反而冇咁新鮮，所以我都係會比較食多少少熟食。

我未試過打食評，但今次真係嬲到唔打唔得！我好鍾意食自助餐，但我真心未試過一餐自助餐係我未飽就已經想走本身見到有半價就覺得好抵，加上多好評，咁就訂枱試下啦。去到先點主菜，侍應問「牛扒有五成、七成、全熟，請問要幾成？」我要五成，係五成呀。咁點完就梗係食住等啦，先試熟食：炸海鮮卷，應該放耐左，好油。肉醬千層面，還可以。錦滷雲呑，相對好食少少。中湯，似飲有少少味嘅滾水。開左個胃就梗係食海鮮啦：各類魚生，無味嘅。蝦，還可以。翡翠螺，係好食但好多沙。生蠔，即開好新鮮，但蠔種偏海水味重無蠔味，呢樣唔係人為嘅，我接受。壽司，舊飯我唔知係人手定機整，好實，衰過人地平價連鎖店。終於主菜黎啦，見到個買相好靚呀，但切果下已經覺得唔對路，放入口係熟哂架，啲肉仲要硬嘅。好，算，我未食過威靈頓，所以有可能正常係咁。總結來講，成餐飯除咗杯雪糕同埋職員嘅服務態度，無一樣我覺得係我可以接受囉。

這餐廳在酒店一樓，亦不需多說，環境滿分！今次是第二次來吃半自助餐，對上一次都已經是一年多前！今天是情人節，幸好早幾天訂了枱，如不預早訂枱肯定沒有得吃！！半自助餐是主食要在餐版裡選一款，今天我選了半熟羊扒，情人選了豬扒。先說我的半扒，如怕生您亦可同服務生說要幾多成熟，我本人喜歡生一點，所以叫了五成熟，羊扒鮮嫩有羊味加上薄荷啫喱醬，真的十分美味！而我情人的豬扒用鐵板上，豬扒的生熟程度有八至九成，要全熟的可在鐵板上兩邊微微煮熟，豬扒亦嫩滑多汁！主食真的十分美味！再說說自助餐部份，前菜沙律多款、有湯兩款，魚生剌身、壽司十多款！凍蝦、凍蟹、凍螺、麵包蟹及青口不停添加！前菜我的至愛，即開生蠔，每次攞三隻，我猜我吃了四打左右，亦不停的為您供應！還有多款熱食和甜品！吃到我和情人很滿足！

1月尾時黎過一次, 亦有起openrice 寫了篇餐後感, 當時對食物方面有些失望,但意外嘅係餐廳竟然有所comment (應該話餐廳對每篇食評都有comment), 或許是官方式回覆, 又或是真的會改善, 但至少佢地會花時間了解食客嘅意見, 呢方面不得不讚因之前網上有promo, 所以一次過買左唔少coupon, 正值年初四相約朋友一家黎用膳, 今次食物質素比上次好左。熱食同之前一樣差不多, 但佢地main course 真係好得, 以咁嘅外觀同質素真可媲美出面嘅西餐廳!香煎羊架: 今次再黎encore, 份量足夠, 雖然肥左少少, 但味道幾好, 有羊味但唔太so香煎大蝦, 3大隻, 家人話好食, 雖然我無食, 但以外觀黎講都好吸引!今期新菜式: 威靈頓牛柳要左7成熟, 牛柳連穌皮一齊食的確好味d, 牛柳仍然keep 到 juicy, 加埋穌皮一齊入口味道豐富左!新鮮生蠔: 上次生蠔新鮮, 但今次更加新鮮, 連一向唔好生蠔嘅我都食左好幾碟, 開蠔師傅辛苦了雜莓雪糕: 酸酸甜甜, 如其他食評講嘅一樣, 感覺好fresh, 好味! 覺得佢比H 雪糕更好(私心問一問, 唔知酒店方面會唔會考

不錯的主菜分量及款式配搭叫了羊架，味道不錯長腳蟹肉質不乾生蠔味道好但甜品種類較少值得推介的半自助晚餐雖然地方雖少，但未有出現搶食情況有時做特價或信用卡優惠的確抵食

早兩三年來過一次，今日心血來潮想食自助餐便再來這裡，晚上8:30入座基本上沙津已沒有refill，芝士都是剰下一丁點...問服務員為什麼8:45已停止添加食物，她說跟師傅說說，但過了一段時間都沒有人添加食物，止時我都放棄了。而其他大部份的食物都是很一般的，而主菜份量都非常少，本應看到外面自助食物那麼養劣，都以為主菜可以填一填個肚，誰不知都是不行！我們二人由8:30坐下，不夠9:30就已經可以結賬。但不明白這個質素為什麼可以收取$4xx一位！最後回家要吃即食麵...

買咗永安快閃優星期六晚半自助餐全包$384已經包埋服務費、印QR Code上去食就得！不過Openrice都好似有半價應該差唔多價錢 ⋯訂位都方便但兩日前佢會打黎Reconfirm冇覆就當自動放棄，準時六點半上到去發現個場真係細左三分一、原來佢比左以前Open Kitchen個位開高級日本餐廳不過完全係唔起眼嘅一間餐廳。半自助餐所以每人要揀一個Main course、今次揀咗每日限量火鍋一個、牛扒同銀雪魚各一。先講主菜：火鍋好大份而雞湯底似青紅蘿蔔湯好飲過出面中湯、蝦係梅既但D海鮮牛肉都OK。銀雪魚好食但真係太細太細太細、牛扒一般建議可以食其他！出面最旺場一定係生蠔海鮮區、生蠔有三種比較細隻但都OK。師傅得一個密密開但今晚唔爆場都唔使等好耐、海鮮有青口/螺/小龍蝦/凍蝦/長腳蟹，長腳蟹好大隻好厚肉不停Encore但有時要等佢Refill不過今晚我覺得佢最好味！三文魚刺身最搶手不過Refill快、仲有吞拿魚同埋甜蝦，佢隔離仲有中湯偏淡、西湯係海鮮蕃茄比較酸。過少少有D丸類似以前湯粉麵嗰啲但得丸冇麵全自助！熱食比起以前少但蒸扇貝、豬頸肉、炒蜆、粥粉面飯都有出現但一般般。感覺冇以前咁熱，可能

自從Kudos 改左做semi buffet 後就好幾年無黎了, 今次見永安同kudos 做promo , 折完三百幾真係好抵!當晚一黎到發現kudos 比以前細左好多, 面積細左一半, 地方迫劫左, 而食物都少左!一人一個main course, 本身想揀火鍋, 雖然menu 有但佢地當晚無供應, 而其他嘅main course: 例如龍蝦果d 就要加錢!我地3人行, 最後叫左以下3款:煎羊架, 有3件份量足夠味道唔錯唔會so! 牛扒 7 成熟, 煎得香脆味道就普通牛扒咁樣囉!香煎雪魚, 係幾滑同幾香, 但份量真係超少超少同超少, 少到難以置信咁細份! 小朋友都唔夠食果種! 但係係幾好食嘅! 生蠔有3款, size 正常唔特別大隻, 我個人唔好, 所以無咩好食唔好食嘅感覺! 如好生蠔者,應該會好開心! 凍盤: 龍蝦仔, 長腳蟹, 青口, 螺但refill 得有d 慢, 每次refill 嘅份量都唔多, 所以想夾多幾隻都有難道! 而其實熱盤嘅選擇都唔多, 味道亦好普通所以無特別影相了!甜品亦普通, 係豆腐花最好, 有豆味又滑仲可以自己"畢"如果3百幾真係十分十分之抵,平時起出面食個好

2個人想舒服d食個飯朋友搵到openrice半自助餐半價優惠坐低後先點左main course我地揀左美國熟成牛扒，香煎鱈魚柳主菜係好食既，魚滑，牛扒亦有肉味自助餐熱食既野食真係好一般有蒜茸粉絲蒸帶子，帶子細細粒咖哩海鮮較辣，仲有西蘭花，薯仔紅酒牛肉較韌龍蝦湯好濃，偏鹹，有d似醬汁但真係有龍蝦肉排隊拎生蠔，每次限取3隻有3款生蠔揀，所以就每樣1隻有大隻有細隻，唔算厚肉肥美其中一款海水味較重另外冷盤有小龍蝦蟹腳，螺，刺身刺身真係一般般甜品方面有haagen dazs，亦推介木桶豆腐花意大利芝士麻糬有麻糬粒👍🏼👍🏼朱古力香蕉布甸都ok其他就啱打卡影相既特別係清酒荔枝啫喱，無荔枝味

其實我地係黎食個叫‘Semi-buffet’ 既dinner 者, 每人有一個主菜, 有*三款*生蠔, 海鮮, 刺身壽司任食都算, 點解可以有甘多其他前菜, 熱盤, 加埋粥粉麵, 多款甜品連haagen dazs 雪糕任食？仲要我地四個人送一枝紅或白酒, 埋單5折每人只係$3xx？點解既？！🤐😁😋🤤😍😍😍😍😍😍😍😍😍😍😍總結：好食！抵食！！必食！！！😍😍😍😍😍😍😍😍😍😍😄「食定唔食？食得哂先好食！」😂

去咗呢頭行街，搵間下午茶先～款式唔係好多～一般麵飯都有主菜味道一般般，冇咩特別突出沙律，款式唔多咁啱啲生果唔甜⋯甜品有豆腐花，小朋友最愛有朱古力海鮮～個樣唔新鮮冇食過～壽司，賣相一般般甜品蛋糕仔，個樣唔吸引冇食過～自己整碗河粉食，河粉都幾滑，墨魚丸都幾彈牙！個湯底就淡左啲～最吸引就係啲雪糕啦！Haagen dazs ！有六款口味！兩款有麻薯夾心㗎～好好食！haagen dazs冇得輸呀！麻薯口感煙un～雪糕好香甜！食幾杯都回本～*本身book嘅時候見佢有充氣彈床玩，點知去到職員話今日大風唔開⋯？但係嗰日天氣係熱到流晒汗！嗰日人流唔多，可能見冇咩人費事開掛⋯