KURI Cafe

營業中

休息中

今日特登過去食Lunch，簡左豬扒。前菜正常，豬扒就正到不得了。豬扒有成吋厚，但肉質好嫩，好Juicy，好好味。豬扒大細望落係跟一般餐廳一樣，但因為好厚，我呢個成年男人太飽食唔晒。

大元街市平台呢間cafe，一開始我覺得“都係食cafe個啲嘢囉” 但食完發現性價比好高。原來仲可以帶狗狗來一齊食嘢，本身冇養寵物的我現在都好喜歡來，因為食物好吃，員工又友善，特別見到佢哋對狗狗好nice,讚！👍今次見佢地有聖誕餐，即刻約埋屋企人一齊來食個聖誕大餐，又係性價比超高！仲有可愛聖誕薑餅人特飲。burger好大份，個包又甜甜地幾好食，再配埋蕃薯條！我最愛😍我地又叫咗龍蝦意大利飯，仲有比目魚，都係好好食，絕對唔係街市貨色。另外一份龍蝦配牛柳，龍蝦焗得剛剛好，肉質好滑好甜，如果個牛柳可以配少少汁就perfect !🤗

食物 環境 都要俾100分👏🏻一入座餐廳職員已經擔心🐶會太熱好細心咁俾咗把小風扇佢吹💖餐單亦有多款寵物食品🦴🐶 煙三文魚碎蛋牛角包🐶 白酒忌廉青口配多士🐶 炸軟殼蟹蒜香辣茄意粉🍹 凍榛子咖啡🍹 凍蜜桃冰茶🌟價錢貼地，無論飲品同食物都質素高👍🏻一坐低已經撞到朋友帶兩隻狗狗黎放假鬆一鬆。小妹先點了🥐，煙三文魚加碎蛋沙律已經迫爆個牛角包，旁邊仲有新鮮沙律菜伴碟，搞到🍗都好想食😂炸軟殼蟹蒜香辣茄意粉味道濃，軟殼蟹炸到好鬆脆而且好大隻，差啲大到遮住啲意粉🍝加多個白酒青口，粒粒都好飽滿，加埋白酒忌廉配蒜蓉包，ummm…yummy😋不過我要特別推介餐廳嘅飲品，全部都用心調配，有我最愛嘅榛子咖啡，而且焦香咖啡豆味，好岩我口味🥰食完仲可以係入口嘅打卡位影相，你地睇雞髀🍗笑到好開心😁😁😁

第二次幫襯大元平台呢間cafe 喺呢個平台佢價錢算唔平，特別係旁邊開左出名以本傷人既撒利亞，更加有比較今次叫左個海鮮意大利飯，菠蘿梳打欣賞佢意大利飯既口感，唔係港式燴飯，除咗上面兩隻青口同蜆，飯入邊都仲有魷魚同埋蝦仔，份量不少。而且個汁濃縮左入去個飯入面，十分滿足菠蘿梳打，我叫咗少甜，味道啱啱好👏之後仲叫咗個蛋糕，size細左啲，味道正常，食完個飯唔夠飽，食埋件蛋糕就啱啱好！呢度既環境好，乾淨，服務友善，店員都好細心同會吹下水。食物絶對好過撒字頭，可以話係呢區最出色既西餐！

約左一班狗狗黎大元邨玩，順便黎食個下午茶😄餐廳係pet friendly, 但會安排有寵物既客人坐埋一邊🫶🏻唔會影響其他客人～.✨Kuri炸物拼盤✨有雞軟骨、炸雞塊、炸魷魚圈、薯條、炸蕃薯仔😁最好食係炸蕃薯仔，脆脆地甜甜地咁🍠其他主要都係來貨野啦，奇怪係配沙律醬😅個人覺得茄汁會夾d, 問左店員另外攞✨牛油白酒蜆肉扁意粉✨呢個意粉有種喺屋企整出黎既味道🤣唔差既，蜆仔細細粒咁但無沙👍🏻係個意粉煮得over左少少，有dd糊口✨抹茶牛奶、泡沫咖啡✨正常發揮既cafe飲品🙂

大元邨街市樓上早排開咗間Pet-friendly嘅cafe，今日終於有機會嚟試吓～佢門口仲有個打卡位俾狗狗們打卡添☺️ 店鋪係木系風格，播住輕鬆嘅音樂，weekend嚟呢度食個brunch都悠閑☺️⭐️ 班尼迪克蛋配煙三文魚 ($72) ❤️7.8睇落份量好似唔多，但原來有成四大塊煙三文魚！荷蘭醬調得幾惹味，蛋黃半熟唔算好流心，如果可以流心啲更好～沙律菜幾新鮮，再多少少份量會開心啲🙊 整體都可以俾好耐冇食egg benedict嘅我過吓口癮～⭐️桂花咖啡 (+$12) ❤️8.0雖然係QR code落單，但依然有得揀少甜同脫脂奶，好貼心☺️ (雖然如果可以走甜更好🤣）桂花味好清香，咖啡亦幾香滑，大家可以試吓！

以輕食為主的店舖，空間濶，走寵物或親子路線。這個半熟香煎吞拿魚沙律多士味道得宜，賣相不錯。而且多士香脆，感受到用心製作的誠意。至於凍棒子鮮奶咖啡，客人可選擇甜度及冰度，預期之內的口味，咖啡豆是即磨制作，但未有驚艷之處。是個放鬆好地點，比起連鎖式經營的咖啡店更溫暖。

餐廳係Pet Friendly 食店見到職員會盡量安排有寵物同無寵物既客人簡單分隔坐，讚👍🏻食物叫左卡邦尼意粉同新推出既辣肉膠Pizza，食物水準Okay，下次會再來試其他😋

在4月谷友介紹的寵物友善 Cafe🐶🐱，和朋友光顧了好幾次。但近月內兩次的體驗愈來愈失望，十分可惜，食物質素嚴重下降。🥺和朋友點了軟壳蟹意粉和蜆肉意粉，兩份意粉味道偏鹹，蓋過其他食物味度，軟壳蟹身有些苦，可能未處理好腮部，外觀也十分差，看不出是軟壳蟹，朋友説炸得有點像小強曱X😖😰，大埔也有很多Cafe有這款，這算是我們見過貌相最差的，不知店主和廚師有沒有煮軟壳蟹經驗，而我點蜆肉意粉内有碎壳，食起來要小心，非常不便。😞朋友沒有心情打卡，只有我發給老公的相片參考，實物比相片還差。😅原先想一同外賣給家人，但老公和女兒看見食物相片，説相片好像拍得霉霉黑黑，意粉貌相像茶餐廳款式😓，問我這款是否煎太陽蛋意粉？😅最後表明不用買了。我還記得早期有紅菜頭的意大利飯、煙三文魚花意粉，卡邦尼烏冬等等款式都是味度不錯具特色的，貌相也吸引，朋友以前會影相打卡，現在款式少了，更愈來愈似薩X亞，味度品質也是。😣除了食物質素下降，咖啡也好像沒有以前好喝，多了陣霉味，感覺少了人光顧，但員工服務是周到的👏，雖然她們説話有時給人不耐煩服務你和沒禮貌的感覺。希望店主和廚師用心一點處理好食物味道和感觀，評語有點嚴厲😠，但由一個

寵物有善餐廳 在 大埔 大元村 吃早餐 整體普通，不過裝潢擺盤價格都可以，我哋叫了一個早餐加一杯飲品連加一$102.3/2人。好似過左早餐時間星期六日有最低消費額。吞拿魚沙律牛角包 ，牛角包都鬆化，蔬菜都新鮮，吞拿魚份量都多。2杯咖啡味都偏弱小小，泡沬咖啡(+$12)泡沬口感可以，另買約$33朱古力咖啡拉花都ok，朱古力味淡但幸好不甜。空間感都可以，坐得都舒服，有寵物可坐係近窗，門口又有寵物公園整體感覺都可以。

今日同屋企人去左大埔大元邨街市上面嘅平台食早餐，見到樓上開咗間刺蝟做主題嘅餐廳就決定入去試下，overall質素唔錯，又平又抵食，服務態度好好，我地係度坐左一個朝早，好chill，下次可以再黎試下呢度嘅lunch～精選早餐（$88）種類好多，好豐富，味道唔錯👍三文魚碎蛋牛角包🥐（$58）相當大份，好抵食，仲跟左個沙律，同事話係橙油醋，好fresh好清新，同個牛角包好夾～焦糖咖啡（跟餐+12）咖啡好香，好飲！

稍為有少少空檔、去附近的美食廣場食個早餐。其實想試好耐，但每次都食咗早餐😂星期日上午10點左右，人唔多，唔洗等位。食個quick breakfast😂煙三文魚牛角酥，牛角酥好香牛油，亦都好脆口，不錯👍🏻煙三文魚稍為鹹了少少，份量都ok餐飲加了錢，因為最近喜歡了expresso tonic🙈細細杯，未溝暈，就咁飲，expresso 好苦😂都係要mixed 咗先啱我口味。環境清靜，上菜速度都快，整體唔錯，會再來，不過如果早餐餐牌隔一段時間會轉下就好👍🏻

系大元邨街市樓上商場平台有個新寵物公園外，原來仲有間新開幾個月既寵物友善餐廳。食物好有質數。尤其咖啡本人覺得非常香醇，從不喜歡椰子食品既我，試了一杯椰子味咖啡。非常好喝。pizza內有好豐富既海鮮。會再幫襯。

大元邨最近美食廣場變咗寵物友善場地再加上呢間Cafe開咗一段時間所以再嚟一試去到唔使點等位就有得坐坐餐廳靠窗就有一班主子係度🐕🐕下午茶時間又得lunch set同埋T set叫咗西京海鮮燴飯同炸魚手指薯條🍟西京海鮮炊飯味道幾好不過最近轉左米 所以比一般飯身偏硬如果大家落單嘅時候可以備注寫煮軟啲個飯都入味 加埋啲海鮮🦞幾滿足另外叫咗兩碟炸魚手指薯條+10 轉黑松露薯條+10 轉明太子薯條炸魚就有啲遜色第一碟嚟入面都係剛炸起嘅但到第二碟嚟嘅時候炸魚入邊好似啱啱溶雪最後第二碟淨係食咗薯條度另外叫左特濃朱古力朱古力味就夠濃 配合牛奶夠滑

過開呢邊做嘢，再次光臨大埔店😜環保舒服，最緊要冷氣夠，大熱天時呢樣真係加分見到外面個寵物公園好多狗狗，超得意同職員傾傾吓先知原來啱啱轉左Menu，多左小食，不過就要午市先有得食我哋今次3個人試食3款早餐，上枱牛角包好大隻，夠鬆化，煙肉唔會太燶，其他食物都保持水準牛油果多士份量就比較少，應該比較適合女士咖啡好飲，呢區比較少有呢個質素既咖啡見到隔籬枱食嗰個慢煮雞湯烏冬都好似好正，下次試😋依家有加一收費，比以前貴左少少，不過都可接受