Kuru Kuru自家製手作意粉 (已結業)

午餐 @ Kuru Kuru自家製手作意粉 餐廳的面積不算很大 , 裝修也不算突出 , 但勝在乾淨企理 , 井井有條 ~見到有 連豬 & Pepe 揮春 , 但未 FC, 未肯定是否「黃店」~Menu ~自家製冰茶，由紅茶加橙汁調成，清新好喝 ~餐湯 : 店員說是蕃茄忌廉湯 , 但喝到的是比較似用茄膏開水煮成的湯 , 味道太過一般 ~粟米菠菜本菇忌廉意大利粉 : 意粉彈牙，吸滿忌廉汁，粟米菠菜本菇作配菜，增添清爽口感 , 食材配搭得宜 , 且味道清新 , yummy ~明太子忌廉意大利粉 : 意粉同樣彈牙，完全與點鹹點辣的明太子醬混和 , 面頭的乾脆紫菜為意粉加添香味 ~算是性價比高的餐廳 ~本篇完 ~

下午經過西環新開的西餐廳見未試過又有點肚餓就入去點了這個菇菌煙肉白汁意粉配粟米薯角加檸檬水，雖然份量唔太多但都很飽肚，白汁香濃，意粉唔會太硬同太淋身，薯角都炸得夠香脆，好味道

堅尼地城開了一間餐廳，主打自家製手工意粉，價錢非常親民，加套餐有湯，沙律和飲品，基本上一百元左右，好抵食。平時叫開的肉醬意粉，嚟到就叫牛豚肉醬，感覺上高級咗少少。意粉食得出跟一般餐廳的不同，偏身有彈性，有嚼口。肉醬味道不錯，調味恰到好處。每條意粉都沾上了肉醬，非常美味。少少的沙律杯，清新的味道。有絲絲洋蔥的洋蔥湯，清淡甜美。咖啡品質達到水準，苦澀帶甘。以價錢來說，整體是ok的，值得推介給家庭組合。

其實之前都食過幾次架喇，今次第一次試下午茶餐。 食過幾次覺得最好食都係明太子意粉所以今次其中一個餐都係叫左明太子意粉！明太子好香，意粉又彈牙粟米就凍冰冰，薯角都唔差啦！另一個叫左蟹棒蕃茄意粉，呢個就一般，但係意粉勝在幾好食，都值得一試既跟餐有杯水果茶送，我覺得幾特別，茶味甘甜，配埋橙既味又幾特別。 其實呢間餐廳意粉就係主角，其他都係普普通通架，但係意粉都值得推薦下午茶餐個份量好小，過下口癮，如果想飽肚就食返正餐啦！ Main menu hku student 有9折啊！

餐廳主打手工意粉，手作意粉跟本日出面食既意粉有好大差別，手工意粉質地比較實同彈牙配合淡淡既白汁，味道好好，同時好有飽肚既感覺，個蛋糕平來平平無奇，配合個堆忌廉有變左唔同味道，口感好奇妙，不能用文字形容。午市價錢好公道，下午茶更加係抵食，平均$40內，卻有$80以上既質數，有好既地方，當然有唔好既地方，飲品比較淡同多冰，個人覺得蕃茄系列意粉味道淡，市面上茄醬多數配豬肉同牛肉煮，有牛肉味，又滑身感，不過每人口味唔同，好難合乎每人口味。好支持，同已經光顧左好多次，感覺有質素既餐廳。

小妹好鐘意食意大利粉 仲要話手工製 簡直係必試 今日番左西環呢邊搵野食 夜晚經過幾次都好多人 今日下午見無乜人排隊 所以就試下啦😉😉😉😉😉入到去地方都幾大 二人，四人枱為主 叫完野食已經坐滿人主打食意大利粉 我地都叫兩個試下明太子忌廉意大利粉 份量偏細 大食既可以考慮加大 明太子份量都幾多 食落咸中帶少辣 幾惹味另一款叫左德國香腸椰菜蒜蓉蕃茄意大利粉呢個相對失望 似普通蕃茄意大利粉 腸仔選材亦都晤好食 好咸加$20有湯同飲品 呢個粟米湯飲得出係沖粉嘅貨色 無特別柚子蜜算係特飲 要on top再加$5 但係柚子蜜醬唔夠 杯野好淡 既然加得錢 對呢杯嘢好失望另外叫咗薯角 $29 有咁嘅份量 好佛心但係薯角切得太大 部分未炸到入心 薯仔有少少唔熟 建議下次切細嚿啲 火喉會易啲控制埋單$162 西環比較少意粉嘅選擇希望佢可以做得更好

蟹棒蕃茄忌廉🦀 💲69溫泉玉子卡邦尼🥚 💲69明太子忌廉🍼 💲59平日午市升級套餐🆙 💲10（沙律/餐湯+飲品）菠蘿果茶🍍 加💲5（跟餐）✅ 意粉彈牙 感覺幾可愛😂✅ 蟹棒意粉連蟹蓋上枱👀 一打開係空既😹 不過蕃茄忌廉同意粉幾夾 推薦呢款👍🏻❔ 卡邦尼平平無奇偏膩🥴 而明太子醬沉曬底🤨 程度係連侍應本身擺咗上枱都自己拎起睇一睇有無擺錯lol👅Taste：3.25/5💰CP值：3.25/5🙋🏻‍♂️Service：3.25/5👁‍🗨Stylishness：3.5/5

堅尼地城日本餐廳比較少見，尤其是非傳統嘅日本菜。見到Kuru Kuru 喺嗰度開新店，於是過來一試。先叫一客德國香腸小食。香腸好好味，薯角亦都炸得香脆。Kuru Kuru 的手制意粉口感不錯，但係溫泉蛋令到本身較稀嘅 Carbonara 汁更加水汪汪，亦令本身淡味既汁更加淡。農家 pizza 上有不同的菇和意大利煙肉 pancetta. 賣相不錯， 可惜餅底未焗熟。餅面因為唔夠芝士， 而令到 pizza 一攞起上面啲餡料便跌了出來。師傅似乎要留意一下。

今日做完嘢有啲夜，唔想食太飽。經過堅尼地城附近見到KuruKuru，之前喺荃灣見到已經想試，不過成日都好多人排隊冇機會試，今次有機會，就決定入去試吓！我本身好中意食明太子，所以諗都唔諗就叫左明太子忌廉意粉。果然無令我失望，係正常既日式意粉味道！意粉唔會太腍，比一般港式意粉硬身，有口感，明太子忌廉醬好掛到上意粉，好軟滑好奶，辣辣地既明太子令個醬唔會好膩，無諗過六十蚊都唔洗就食到個咁高質既日式意粉！有機會一定要食呀！！！好creamy好濃明太子味跟餐仲有個胡麻醬日式沙律同野飲，我叫左自家製冰茶，本身以為只係普通烏龍茶，點知原來係水果茶黎！仲有新鮮橙食！個冰茶夠福又唔會太甜，好岩夏天解暑或者食完野解油膩！食完見仲食到野就叫左件自家製威風蛋糕～$28唔貴，而且擺盤幾靚！佢仲有埋鮮忌廉一齊食，佢啲鮮忌廉好輕身，唔似一般蛋糕啲忌廉咁膩，夾埋鬆軟既威風蛋糕，真心好食！食完真心好滿足！無諗過佢仲係無加一架！！！一百蚊左右食到高質日式意粉仲要有沙律有野飲有甜品，真係抵呀！

放工去搵朋友拎野順便食個飯，朋友帶左我去Kuru Kuru食日本手工意粉明太子忌廉意粉食落好有鮮味又好creamy，意粉硬度都夠，仲辣辣地，加埋紫菜嘅香，味道唔錯，值得品嘗!!菠蘿果茶天氣咁熱, 整返杯菠蘿 果茶爽下, 真係有鮮菠蘿, 唔係罐頭切粒菠蘿勁有誠意, 清新茶味refreshing.肉醬炸茄子感覺有點像煎釀三寶，但配上肉醬味道更佳，完全沒想到兩者是何等匹配。这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民

早前在家附近開了家手作意粉店，試業期間完全就不到時間去吃，還是等正式開業才有機會來吃晚餐。牆上有煮意粉的示意圖，在中間的多人大枱還有盆栽裝飾，有日式小清新的感覺。雖是手作意粉店，但他們也有小食，手製薄餅等食物。重點的意粉用不同醬汁分了類，大約有五類左右，配以不同食材。被圖片吸引，我們選了這個蟹棒蕃茄忌廉意粉，有個大蟹蓋放在頂，這個殼是沒有肉的~一絲絲有鮮味的蟹肉全混在微甜的蕃茄忌廉醬中，意粉煮得剛剛好，爽口彈牙的很好咬口！整碟的份量不少呢。烤德國香腸皮嫩肉嫩，會爆汁的，充滿鹹香的味道。還有清甜粟米粒和香脆薯角相伴呢。這個茄子比我想像還要好吃。炸過後香口皮又脆，茄子肉水嫩，配牛豚肉醬後味道更豐富。手製拿玻里薄餅頗大個，自家風味的配料有茹、西蘭花、車厘茄、蟹棒和雞肉等食材，配上茄醬和芝士，有家的味道。即製薄餅上的芝士當然有拉絲的效果。手製薄餅的厚度介乎薄脆批和鬆厚批之間，咬起來鬆軟，像麵包的口感。吃了那麼多道菜也只是200元左右，非常抵食！之後如果晚上不煮飯也會多來~

黎到一年一次係呢頭做嘢，成個人又濕又熱，搵左呢間近近地食個飯。我地成11點幾12點到，正常都係未有人，好似包左場咁（冷氣一到，個個爽哂）唔貴，加10元或15元就可以有套餐。先來前菜，有湯同沙律，正常。溫泉蛋卡邦尼，79元，同事話有啲淡。蕃茄系列大家係滿意，而且夠哂味。我呢個係芝士雞肉蕃茄，70元，雞肉夠嫩，芝士剛剛好，唔會過份。煙肉西蘭花蒜蓉蕃茄，59元，同事話ok。蜆肉蝦仁蕃茄，90元，配料算多。仲有叫咗個pizza，佢地話ok。咁熱嘅天氣頂唔順叫左冰茶，我係走甜，茶味可以多小小，橙皮嘅澀味帶左落杯菜度，幾特別。同事有叫菠蘿果茶，同樣調劑，有人覺得夠甜，有人覺得淡，因人而異啦。佢有印花送，荃灣同堅尼地城分店適用，兩年內兌換一份意粉。

西環越來越多特色小食店，這家開了三個月左右，主打自家制意粉薄餅，但早上來到，只能試早餐。早餐選擇不多，約六十元上下，比茶餐廳貴得多，但份量充足、食材質素好，味道和大路貨有明顯分別，而且環境舒適，多付一點也值得。

呢家手作意粉店喺我屋企附近 今日終於有時間，所以就來一嘗究竟。原來呢度都幾多野食揀 除左意粉 仲有pizza 烏冬同小食～我地先嗌左個煙三文魚凱撒沙律份量頗大，清爽口感，令人倍感清新。之後就係呢個肉醬炸茄子：感覺有點像煎釀三寶，但配上肉醬味道更佳，炸得好惹味～～四重芝味pizza ：即叫即做，熱辣辣出來，特製的拿坡里薄餅餅底，較外頭普通薄餅為煙韌，有點像Naan的口感，而餡料中的芝士非常香濃，令人一食上癮。溫泉玉子卡邦尼：意粉軟硬度適中但加左蛋之後 忌廉汁就淡了一點點。蟹棒蕃茄忌廉：意粉跟卡邦尼的一樣用上Linguine，做到Al Dente，醬汁酸酸甜甜十分開胃，配上蟹棒，為意粉增添了點點蟹的鮮味，令味道層次更為豐富。感覺好似龍蝦汁！！最鐘意呢個意粉

意粉食得比較多，但係手打意粉通常就好少食，有好多人話手打意粉好食過普通嘅乾意粉，今日就同一個朋友呢到堅尼地城嘅呢間手打意粉店，試下佢地嘅意粉睇下，有冇啲咩特別<<鮮橙冰茶 + 鮮茄湯 + 沙律>>沙律湯同埋嘢飲係跟餐嘅，平時成日飲開檸檬茶，但係橙茶就好少飲，橙本身比較甜，佢嗰啲茶都冇咩點樣加糖，飲落去似英國茶但又唔係好澀， 做茶底唔錯，呢個配搭個效果好飲。 等陣食啲嘢比較油， 所以跟餐叫多咗個沙律同埋鮮茄湯， 兩者菜都比較多 味道新鮮<<蟹棒蕃茄忌廉意粉>>超級濃嘅蟹味！意粉同平時食開嘅乾身意粉分別係比較煙韌， 個口感同埋層次好好多，加上用料十足嘅蟹肉同埋蕃茄，食完就嚟飄上天堂 呢個味道係鹹嘅， 咁先可以帶得出蟹肉嘅味道<<溫泉玉子卡邦尼意粉>>好厚嘅牛奶及忌廉味，呢個意粉唔鹹， 佢本身嘅 芝士 味道已經十分濃郁，適合就咁連埋意粉食，比較淡身反而令我哋容易食出嗰啲芝士嘅味道，加上溫泉蛋流出嚟嘅蛋黃撈埋落去原來可以咁好味都係講佢你唔食過手打嘅意粉係唔會知道味道上面嘅分別，有啲似你食上海麵同埋食