L Kitchen

營業中

休息中

今次食呢餐廳既午市套餐，午市優惠時間係⌚️11:30 - 4:30，堂食套餐配罐裝飲品＋沙律 / 麵豉湯。🍝🍝蕃茄雞肉扁意粉（辣）＄59蕃茄汁食得出唔係普通茄膏整出嚟嘅味道，有啲Fresh，但略嫌過蕃茄汁唔夠Creamy，有少少水。不過可能我比較鍾意食Creamy啲嘅意粉，覺得個意粉汁一般。但有啲辣味配搭番都算中規中矩，雞扒份量適中，一份餐有一塊雞扒。個湯都係普通麵豉湯，有齊一般海帶嘅配料。餐廳位置喺天一商場嘅邊位，要行入少少先會留意到。中午時間逼啲，都多學生幫襯。服務態度好而且見店員同啲客仔有傾有講，不過環境位置舒適度一般，岀入有啲逼。整體嚟講，下次經過都會嘗試埋其他套餐。餐廳除咗意粉之外，仲有日式套餐供應。59蚊包野飲加碗麵豉湯，已經比起附近餐廳算相宜。

天水圍一向都好多良心小店，如果去開濕地公園呢頭，最適合就梗係去埋附近呢個商場 —— 天一商城到搵食醫下個肚啦！今次就搵到呢個位置比較隱蔽嘅L Kitchen，價錢親民，以平民價就可以食到特色嘅西日料理～胡麻凍豆腐💰HK$24凍豆腐口感滑嫩，加埋胡麻醬沙律菜，味道清新～明太子厚甜蛋燒💰HK$24明太子沙律醬同甜蛋嘅味道真係好夾，甜甜哋令人好開胃～吉列炸蝦💰HK$29即叫即炸，蝦肉鮮甜，點埋沙律醬更惹味～吉到炸蠔💰HK$外層嘅炸粉鬆脆可口，唔會有好油膩嘅感覺～牛肉溫泉蛋壽喜燒烏冬💰HK$69壽喜燒湯底好清甜，肥牛牛味重亦唔會有太多肥膏，溫泉蛋夠嫩滑，最欣賞係烏冬口感煙韌，以呢個價錢食到唔係平價嘅烏冬，好有驚喜～慢煮安格斯西冷💰HK$148賣相豐富，有埋薯角同埋胡麻醬沙律菜，價錢都算係親民！牛扒經慢煮完之後用咗七味粉去調味，牛扒中間顏色夠粉嫩，但食落去肉質都係比較韌，有啲失望～

雖然環境真係擁擠咗少少 但勝在食物選擇多 而且抵食又高質😍午餐仲免費配埋權裝飲品同沙律/麵豉湯-🤍酒煮蜆肉烏冬 $65用石鍋裝住熱辣辣已經好加分🤩蜆肉份量夠多 食落都冇咩沙🦪熱湯有滿滿蜆肉嘅鮮甜味🍲加卡烏冬煙韌 配埋七味粉夠惹味🍜-🤍明太子魷魚忌廉汁意粉 $69忌廉汁幾creamy 都幾重明太子味意粉同魷魚都幾彈牙🦑-回訪嗎：🙋🏻‍♀️味道 🌕🌕🌕🌕🌑抵食 🌕🌕🌕🌕🌑-

朋友拉我去咗一間，話係隱藏版美食 hotspot！🍴入到去，感覺好親民，服務員一笑已經覺得好warm。第一擊，炸彈雞翼！外皮炸得啱啱好，啖啖肉之餘仲要juicy到滴油，啖啖都話晒係手嗒嗒！😋跟住黎嘅係牛肉丸扁意粉，丸子彈牙得嚟唔會太淋，佢哋啲蕃茄醬汁濃郁得嚟唔係好酸，是但啲試下擺係口入面滾兩轉，真係一流！意粉彈性啱啱好，咬落去個種Q彈感覺，食落教人開心。甜品方面，朱古力布朗尼哩，口感綿密得來又多層次，幾得意！同埋個冰淇淋妙到讚，香滑之餘又唔會太甜膩，最啱我呢班噏嘴貓。整體黎講，呢間吸引咗我再次光顧嘅慾望！飯後拉埋啲friend一齊喺街口雞啄幾句，日日都咁寫意就好啦！👌🏻

店舖位置十分隱蔽 食物卻人令喜出望外！叫左個「泰式地獄牛肉烏冬」$69 辣度正常湯頭十分惹味，喜歡食辣既朋友絕對可以一嘗☺️👍🏻烏冬質感👍🏻👍🏻食得出唔係平價烏冬🤣牛肉正常小食：汁燒慢煮雞胸 $39超級嫩滑，入口即溶，好好味👍🏻👍🏻😎極力推薦健身人士🤭嗌左個慢煮安格斯西冷 $148跟餐加$10配和風意粉因為西冷需時解凍，店員貼心先上意粉及小食☺️服務態度一流👍🏻👍🏻意粉可選擇加蒜蓉底及辣汁炒，我地只揀左蒜蓉底。普通意粉亦炒得非一般水準👍🏻最後，上埋個西冷。跟左個柚子鹽，十分特別😊👍🏻西冷唔會太乾，恰到好處。薯角炸到外脆內軟，忍唔住食多幾條🤤總體嚟講，係一間值得光顧既餐廳👍🏻店員有禮又細心，食物絕對比得上外面的西餐廳👍🏻大家可以多多支持佢地😎係天水圍難得一見既清泉👍🏻

有水準小店🥕蕃茄煙三文魚菠菜扁意粉(辣)$68⭐️⭐️⭐️⭐️⭐️扁意粉煮到入晒味索晒汁，表面有幾大塊煙三文魚，味道正常，仲有好多菠菜，再加上有微微香辣，成件事幾惹味開胃。🥕溫泉蛋卡邦尼烏冬$63⭐️⭐️⭐️⭐️⭐️溫泉蛋煮得剛好，一整開就爆晒蛋液，撈落烏冬度好正，醬汁非常多又勁creamy ，每條烏冬都掛汁，烏冬煮得勁淋身，完全適合🐰食用哦！🥕明太子魷魚忌廉汁意粉$68⭐️⭐️⭐️⭐️☆好多明太子，意粉口感適中，都係爆多醬汁，完全夠撈意粉食。🥕咖喱炸雞烏冬$58⭐️⭐️⭐️⭐️⭐️係日式既甜甜咖喱，咖喱汁夠多又夠濃郁，撈晒烏冬一流呀～炸雞炸得勁香脆可口，雞肉又嫩滑。🥕凍檸檬茶+沙律 跟餐D+$15======詳情======L Kitchen天水圍天秀路8號天一商城1樓1023號舖================#香港美食指南 #hkfoodie #hkfood #hkeat #yummy #相機食先 #吃貨 #吃貨日常 #RR吃貨 #美食 #香港美食 #天水圍好去處 #天水圍美食 #RR天水圍 #RR西餐 #西餐 #蕃茄煙三文魚菠菜扁意粉 #煙三文魚 #溫泉蛋卡邦尼烏冬 #卡邦尼 #卡邦尼烏冬 #溫泉蛋 #烏冬

豚肉溫泉蛋壽喜燒烏冬$68豚肉肥瘦適中，入口唔會好鞋，不過豚肉味唔夠香，溫泉蛋都算滑溜，但蛋味唔夠香濃，烏冬咬落爽滑，少少煙韌，湯底味道偏甜左少少。整體來講，唔算非常好食，又唔係難食，正正常常。番茄泡菜豚肉烏冬（辣）$68泡菜小小酸辣，番茄味湯底唔算好突出，主要都係泡菜味，唔算好咸，豚肉數量同壽喜燒一樣，不過不失。芝麻八爪魚$10汁比較杰身，味道少少甜，無太大特別。朱古力曲奇（送）朱古力唔算脆，而且偏甜左d。芝士蛋糕（送）食唔到太大芝士味，口感唔夠幼滑，餅底太厚。雖然以呢個價錢來講，食物普普通通，又唔算控食，但職員服務態度幾好。

一年都去唔到天水圍一次(唔計體育館😂)，今次為咗賞花，就真係走入天水圍市區。本來仲諗住去新北江食米線/餃子🥟，可惜疫情期間😷只做外賣生意，👦🏻👧🏻唯有敗走去另一個商場 - 天一商城搵野食！今次就入咗去L Kitchen，食物質素幾好🤪。🌟蒜香辣味蜆肉意粉🍝蒜香意粉炒得偏濕身，雖然叫咗少辣但辣度仍然頗高。蜆肉飽滿冇沙，數埋都有成10幾隻。意粉未至於係Al Dente，不過都算有咬口唔腍。加上少量磨菇🍄同洋蔥🧅，的確炒得幾惹味😝。🌟牛肉溫泉蛋壽喜燒烏冬♨️壽喜燒烏冬用上熱鍋承載，保持熱度🔥，所以食到最後烏冬仲係暖，加分🈵。壽喜燒湯底偏甜，私心認為可以加多少少湯🤣。牛肉🐮份量頗多，重牛肉味又唔太多肥膏。烏冬用上雪藏貨，滑捋捋又彈牙，整體嚟講呢個烏冬係整高分😍。

L Kitchen (天水圍)新年期間唔係好多鋪頭有開，見呢間幾多選題，所以試下～🔺冇加一收費前菜：沙律足夠嘅芝麻醬，新鮮嘅蔬菜🥬👍🏻偏辣嘅泡菜湯，有啲濃，好似有蕃茄溶化咗喺個湯到咁，同出面嘅泡菜湯有啲唔同～😋豬肉片半肥瘦，個湯會解咗豬肉嘅油膩，兩者好夾🤤烏冬就係一般讚岐烏冬，好煙韌👍🏻冇一般壽喜燒咁甜，反而更易入口😋肥牛唔會太肥👍🏻👍🏻溫泉蛋仲keep到凍凍地~金菇略為少咗啲，如果多啲會好啲🤪

Lunch 想在天水圍找餐廳見到天一商場有間餐廳未試就嚟左呢度好在12:45 前修坐因為一到13:00 就即刻full 晒呢間餐廳好多選擇，有西式、日式原先想食西式，但見到日式都好吸引於是即轉左食日式同友人叫左兩個餐Lunch 想在天水圍找餐廳見到天一商場有間餐廳未試就嚟左呢度好在12:45 前修坐因為一到13:00 就即刻full 晒呢間餐廳好多選擇，有西式、日式原先想食西式，但見到日式都好吸引於是即轉左食日式同友一叫左兩個餐蕃咖鯛魚蜆肉烏冬 （$78）D辣味岩岩好，唔會太搶蜆肉比想像中多，都有7-8隻，本身見蜆先叫，但估唔到鯛魚都好甜、好鮮，真係好驚喜～另一個係牛肉溫泉蛋壽喜燒（$68）牛肉岩岩好，唔會太老，個壽喜燒湯底好甜～重點係我差唔多飲晒個湯底，但過左一段時間都冇好渴，所以應該冇點落味精順帶一提Lunchtime 11:00-14:30 佢係送沙律/湯，同埋野飲～所以幾抵食～蕃咖鯛魚蜆肉烏冬 （$78）D辣味岩岩好，唔會太搶蜆肉比想像中多，都有7-8隻，本身見蜆先叫，但估唔到鯛魚都好甜、好鮮，真係好驚喜～另一個係牛肉溫泉蛋壽喜燒（$68）牛肉岩岩好，唔會太老，個壽喜燒湯底好甜

今次係第二次嚟呢間餐廳堂食，之前都叫過兩次外賣，每次都隔咗一段時間，就係想知質素可不可以保持住咁好，測試結果係……..得架！🥳🥳👏🏻👏🏻我今次食咗兩款慢煮既食品，一款係牛一款係豬，初時感覺慢煮豬會唔會好「鞋」好乾，Waitress好有心介紹俾我哋知，慢煮豬會好味過牛，可以一試。豬肉比牛肉更juicy ，兩款肉我覺得同嗰燒汁幾夾反而另一款芥辣就苦少少無咩酸味，唔太同啲肉夾到。薯條係即炸，出菜嗰陣仲熱辣辣，面脆裡面軟，唔乾。就咁食都夠味，我覺得加不加茄汁都好食。

在商場閒逛時發現這間文青小店睇完menu就入內與家人試試lunch set咖哩炸蝦烏冬，咖哩不會過甜，配烏冬幾好食炸蝦炸得剛剛好明太子味道突出，配忌廉口感濃厚慢煮牛排口感嫩滑，不用配醬汁都夠味跟餐加大約$1X可以跟沙律同水果茶，沙律醬俾得夠唔好慳住水果茶不會過甜整體感覺頗有驚喜店主服務感度殷勤有禮座位都算闊落，坐得舒服唯一缺點是店面比較細，如果太遲去就可能要等位

開心大發現又多一間飯堂味道不錯，份量充足服務非常貼心仲要價錢經濟實惠天水圍高質素食店推介推介👍👍👍明太子厚甜蛋燒 $20外皮燒過，微微焦脆熱辣辣，蛋香四溢，不配汁已很好食想不到，配上明太子汁才是精髓推介👍韓式涼拌粉絲 $48粗粉絲加麻油及醬汁撈勻伴有泡菜及溏心蛋若可濃味一點會更好溫泉蛋卡邦尼意粉 $58意粉硬度適中醬汁 creamy加上溫泉蛋流心蛋汁簡單菜式，美味不已推介👍

《街坊小店西日美食》三點三 食番個豐富下午茶先😚小店設計有型 坐得舒服唔迫夾👍食物種類豐富吸引 主打日式料理 亦有西式意粉同扒類和十多款小食價錢亦唔算貴 合理👌一個下午茶餐 另加兩份小食 飲品凍菠蘿紅茶🤭#輕量咖哩炸蝦烏冬咖哩甜味中帶少少辛辣👍🍤香口 烏冬滑溜煙韌有嚼勁😋#吉列炸蠔 值得一讚 佢哋嘅炸漿做得超好薄薄地 食落鬆脆香口 冇油益味🦪 炸得剛好 仲有濠汁爆出嚟😋#明太子厚蛋燒蛋捧咬落鬆軟 焦香微甜😋

自從屯馬線開通之後，我們多了來屯門元朗天水圍覓食。.今次就去到天水圍天日商城，有一間別說一格的西藥食餐廳。都是自家經營，出品有誠意。.慢煮安格斯西冷$128值得一讚西冷好新鮮，粉嫩的肉質，而且味道有很香濃的牛肉味。切好一塊塊，沾上美式芥末汁及燒汁食，味道一流。本身有配薯條及沙律，另加$10有意粉，絕對吃得飽。.韓式拌麵 $48夏日炎炎最好食冰涼的食物，這個韓式拌麵材料豐富，微辣十分的開胃。.也有不同的小食，推介玉子蛋，燒得熱烘烘，很有雞蛋的蛋香。秘製流心蛋也很不錯！.另外可以加錢轉套餐，豐富一點吃一個full set dinner!