La Famille (已搬遷) 新店位置

成日行過海港城見到呢間賣戚風蛋糕嘅店舖好靚每一個蛋糕都有一個迷你嘅玻璃樽蓋着今日就買返幾個迷你蛋糕返屋企試吓伯爵茶☕️伯爵茶味係呢間蛋糕嘅必食推介茶味十分之香濃帶有佛手柑嘅回甘上面仲放咗一粒迷你嘅馬卡龍好可愛玫瑰紅桑莓荔枝🌹呢個口味真係應該所有女仔都會鍾意首先入口嘅時候已經係好濃嘅玫瑰味中間亦都吱左好多玫瑰味嘅cream上面放咗新鮮嘅士多啤梨同埋紅桑莓呢個都係另外一個必食嘅推介開心果🎂戚風蛋糕用咗好多開心果落去整就咁食個蛋糕都好好食加埋中間啲cream令佢更加濕潤奶香同開心果好夾而職員都會好小心咁用紙盒包得好好拎到返屋企都冇揩到啲cream

之前在中環買過來吃，覺得不錯，適逢好朋友生日，所以決定再跟朋友分享這個品牌的蛋糕。選了3款，分別是日本柚子，宇治抹茶椰香和莫希托。4個人吃，也不算很多，一次可以嘗試3種口味，很興奮。每一款的蛋糕都很鬆軟，奶油吃起來不覺得很膩。很怕吃馬卡龍，因為普遍都很甜，但這個莫希托蛋糕上的馬卡龍不會太甜，可以接受。宇治抹茶椰香蛋糕上有一個白巧克力的球體，也是甜度剛好，蛋糕的抹茶味挺濃。日本柚子蛋糕可以吃到一小顆一小顆的柚子粒，很清新。

不嬲好鍾意食La famille嘅戚風蛋糕，呢日經過海港城店，難得見到D款咁齊，索性買咗4件未食過嘅口味返屋企試下！La famille嘅戚風蛋糕真心好食，入口鬆軟有彈性，精髓在於忌廉，質感輕盈不膩，入口有淡淡嘅奶香，食完成個都唔會覺得漏。柚子戚風蛋糕口感輕柔，同時夾咗少少柚子皮，可以食到柚子嘅清甜，忌廉亦添加柚子味道，味道清新。面頭佐以紅莓、藍莓及越橘裝飾，酸甜有致，值得推薦。一見到日本白桃，我已經毫不猶疑鎖定目標！蛋糕嘅桃味比較清雅，不過面頭鋪上的日本白桃肉超甜，配合香滑嘅忌廉，簡簡單單的配搭已經好好食！Mojito味道嘅蛋糕十分少見，所以立即就引起我嘅注意！蛋糕食落有淡淡檸檬薄荷香氣，味道唔算好濃，不過勝咗味道天然唔人工。面頭用三粒青檸馬卡龍做點綴，加上少少酒香嘅忌廉，好特別嘅一款！宇治抹茶味係四款入面我最鐘意嘅，戚風蛋糕本身都用咗宇治抹茶去整，食到抹茶嘅香濃與回甘，面頭嘅抹茶醬更有點睛作用，香滑又濃郁，與蛋糕一齊食，每一口都散發甘香。

妹妹琴日生日，今天同囡囡去海港城買蛋糕補祝。La famillie 嘅蛋糕我同囡囡一向都好鍾意食，因為唔止賣相出色，靚到好似藝術品，味道仲要非常好。今次就揀咗三件戚風蛋糕，有開心果味，柚子味，同埋白桃味。柚子味好清新，上面有啲黃色嘅柚子味忌廉，而戚風蛋糕都有濃濃柚子香，而且口感好輕，中間仲有好多忌廉。白桃蛋糕上有好多粉紅色嘅白桃粒粒，味道好新鮮。開心果味蛋糕面頭有一啲雜莓裝飾，綠色嘅開心果戚風蛋糕有香濃嘅開心果味道。 妹妹見到咁多咁靚嘅蛋糕，都好開心，大家一齊分享。

🔺La Famille小編好喜歡食甜品🍰🧁🎂😋但好怕好多cream 搞到食cream多過食蛋糕😹呢間甜品店賣嘅蛋糕就岩晒小編心意😀.小編揀左4款蛋糕🍰盛莓藍蝶、開心果、朱古力同皇牌士多啤梨👍🏻每款蛋糕嘅size唔會太大個 可以加錢寫生日牌😛每款蛋糕嘅賣相都好精緻 蛋糕整得好鬆軟 甜度剛好 重點係唔會太甜！值得推介😁😁

平時大家慶祝生日必備的蛋糕，而家有多一個選擇。La Famille係本地戚風蛋糕專門店，係海港城都可以見到佢的身影。售賣的除咗有蛋糕之外，亦有晶螢通透的巴伐利亞，見咁多款式都陳列得非常靚，當然要買返兩件啦。戚風蛋糕用上新鮮忌廉製造，每口都充滿鬆軟的空氣感，入口非常有彈性。挑選左人氣的伯爵茶戚風以及香印青提，前者有淡淡茶香味，唔會奪走蛋糕的味道； 而香印青提選料新鮮，帶有清甜生果味道，係兩種截然不同的風格。而白桃同野莓巴伐利亞可以當餐後甜品品嚐，將不同的材料加入啫哩之中，清新香甜，加上creamy的底部，係個值得推介的甜品。

心情唔好嘅時候, 最好就係食甜品令自己開心返, 特別係女仔有第二個胃留來食甜品! 今日就去左la famille食佢地最出名嘅戚風蛋糕, 計我話見到咁靚嘅甜品, 無論男女都會開心返哂啦!今次我地叫左幾款唔同口味嘅小蛋糕, 雖然係小蛋糕, 但係size都唔算好細, 同男朋友/ 朋友share都夠!法國玫瑰法國玫瑰係佢地皇牌中嘅皇牌, 蛋糕上面嘅翻糖玫瑰花真係超靚, 另外仲有紅莓同埋鮮忌廉酸酸酸甜甜咁好夾, 一定要講嘅就係呢個玫瑰蛋糕, 食落真係有淡淡嘅玫瑰花香味, 唔會太濃但係食完後會感覺到個口有一陣玫瑰花嘅餘香味!皇牌士多啤梨我對呢個蛋糕好有期待, 因為我本身超級鐘意食士多啤梨! 呢個士多啤梨蛋糕都無令我失望, 上面鋪左幾粒好甜嘅士多啤梨肉, 蛋糕充滿士多啤梨味, 而家分佈好平均, 好似食緊一個好鬆軟嘅士多啤梨咁, 非常特別, 士多啤梨控一定要試下!另外叫左2個新出嘅蛋糕仔!意式香草奶凍睇落好似好普通, 食落就知原來有好多層次! 好多粒藍包圍住嘅係奶凍來 (好似布甸嘅口感), 奶凍好滑, 奶味都幾濃, 另外仲有啖啖鮮忌廉, 本身以為會好甜, 點知奶同埋忌廉都係清新得來唔會太甜太漏, 配

今日同屋企人去咗海港城見到呢一間法式戚風蛋糕專門店因為佢非常之少cream成個都係彈彈嘅戚風蛋糕size又的骰 價錢唔貴五顏六色小朋友好鍾意☺️.💟日本白桃蛋糕味好濃 好香桃味中間有少少cream 有小小桃肉上面topping嘅桃肉非常之甜撈埋啲cream食 勁香果然用日本嘅原材料係唔同啲☺️💟和茶三色由三隻日本嘅茶撈埋一齊食上去似係伯爵茶加綠茶加朱古力伯爵茶味道唔算好出不過綠茶嘅味就好濃加上上面嘅綠茶cream感覺似係食咗朱古力綠茶蛋糕加上紅桑子酸酸may May賣相又靚 少女心爆發💟法式香草奶凍上面嘅布甸非常香又滑勁好味撈埋蛋糕 非常之法國風小朋友非常鍾意食呢個配埋啲藍莓 非常好味💟日本柚子柚子味好出超香估唔到上面嘅macaroon都做得好好仲好脆非常推薦 味道好新鮮好清新💟雙重朱古力上面有脆脆嘅朱古力brownie非常濃沃嘅朱古力味朱古力味戚風蛋糕唔算好濃味加埋唔會有一種好漏嘅感覺反而覺得 好香朱古力好幸福.所有蛋糕都超靚的的骰骰價錢唔貴 賣相又靚如果生日唔太想花好多錢又食得唔多絕對係一個唔錯嘅選擇唔單止價錢貴 賣相同味道都好出色❤️.🎀La Famille🎀尖沙咀廣東道 3 - 27

屋企人生日 唔想買美心東海堂 收工經過K11 見工都幾多人買呢間 走過去望望 蛋糕款式幾多 而且好靚❤️最重要既係少人食蛋糕 唔想買咁大個既話 呢度就岩哂！款款蛋糕都好靚 睇左一輪最後買左呢個玫瑰荔枝紅莓蛋糕佢唔算多cream 所以食多兩啖絕對唔膩！而且入口就食到淡淡玫瑰荔枝味 蛋糕又鬆軟 而且唔算貴 一定會再買！

為左慶祝我寶貝兒甥仔入學成功我去Harbour city 買左個靚靚蛋糕同佢慶祝呢個蛋糕仲要係佢親自揀架添💕😍咁呢間La famille chiffon cake 係tst 港威商場入面, 我去果陣已經見人頭湧湧好多人排隊❤️🙈佢地有幾個部份既, 咁左手邊櫃係for 1人既minicake 為主,右手邊就係各個size 既大cake 相信for 3 4 個人都ok 😙而且櫃下面仲有一part 係好特別既cake黎經過一路既挑選,我地要左英國earlgrey chiffon cake,價錢唔貴😙而且仲好貼心有一個專屬冰袋,蠟燭,同一把刀attached ☺咁先講下個cake 先, 佢既外表好精美😍🥺呈白白地色,上面有好多外國朱古力同糖粒做decoration🙋仲有唔同既水果(藍梅紅梅)做裝飾添咁一cut開佢地既中間就有佔好大部份係佢地出名既chiffoncake ,蛋味好香 😙而且仲有小小cream 添😎佢地既cake 整得好鬆軟好fluffy 😘小朋友好鍾意,而且最開心係佢地用既糖唔算好多,所以佢地個cake 唔會甜到好流,可以食得多d, ladies都可以放心🤗而且佢地表面既朱古力有唔

今日同女朋友出去尖沙咀 眾所周知 女仔有兩個胃 其中一個係專用嚟裝甜品嘅 所以就算食到幾飽 之後都要食甜品 身為一個港女 我女朋友又點可以唔試下名牌嘅蛋糕呢 今日冇去到有一個英文字母嘅牌子度買蛋糕 而係去咗呢間la familie 到買 但係質素亦都非常之好我哋食咗一個雙層特濃朱古力蛋糕 朱古力嘅味 係未食就已經聞得好清楚 食落簡直不得了 朱古力嘅甘香加上蛋糕本身嘅甜味一次過湧入口腔入面 咁大個仔都未試過呢啲感覺 非常之正豆之後我哋又食咗一個抹茶蛋糕 我哋成日去食日本菜 當然會飲到抹茶 但係抹茶蛋糕就好少食 呢度嘅抹茶蛋糕好似將濃濃嘅抹茶凝結成為蛋糕一樣 味道十分之重 最後就當然要試埋熱情果蛋糕啦 熱情果係一種好酸嘅生果 搭配蛋糕黎食 啱啱可以中和咗蛋糕忌廉嘅油膩感 呢個配搭好新鮮 值得一讚

呢排食咗好多甜品，加上因為同事farewell,買咗呢一間嘅蛋糕做散水餅。款式都幾多，彩色繽紛，賣相都唔錯因為同同事們都特別為食，所以大家一齊分享一齊食呢間啲蛋糕唔會話好甜，戚風蛋糕🍰口感鬆軟,唔會好乾身整體來說都唔錯

次次經過都覺得呢間野啲戚風蛋糕好吸睛😻全部都超級精緻 細細個咁 幾岩一至兩個人食🤪仲要有好多口味 唸左好耐先揀到😂.☕️英國伯爵茶一睇就想食 因為佢超精緻😻面頭有馬卡龍 蛋糕好濃伯爵茶味🤤偏苦左少少 不過因為有cream 釣返個蛋糕味上黎🤪咁就冇咁苦.🍮意式香草奶凍比佢面頭個奶凍吸引左🤣覺得好得意 食落去滑溜溜 甜度適中 仲有啲新鮮藍莓係上面👅個戚風蛋糕好鬆軟 難怪佢咁岀名 真係好值得一試😋.🍫雙重朱古力呢個都好唔錯 咁岩有朋友超中意食朱古力😆就嗌埋呢個試下 味道有少少似魔鬼蛋糕🙈上面啲cream同個蛋糕有濃濃既朱古力味好正😋

今日同閨蜜有喜事慶祝，當然要搵d靚靚蛋糕，咁樣影相先靚❤喺海港城繞個圈，路經呢間專賣戚風蛋糕嘅鋪頭，被精緻有貴氣嘅蛋糕架吸引左，真係睇到嘩嘩聲，每件蛋糕雖然好細個，但係外表好靚，即刻買4個用黎慶祝！款式好多，我揀左最新推出嘅盛莓藍蝶、意式香草奶凍、香芒熱情果同日本白桃。呢個戚風蛋糕非常鬆軟，蛋糕中間有驚喜，係用上北海道新鮮忌廉，食落甜而不膩！配上空氣感口感，實在絕配！而且蛋糕好細個，可以試多d唔同嘅味，女仔就最啱！

La Famille係香港有好多間分店 每次行過都覺得蛋糕好靚 賣相精緻原來呢款蛋糕叫戚風蛋糕 戚風蛋糕最大特色是口感鬆軟 果然 一試就令我愛上分店限定 - 沖繩菠蘿完熟香蕉 HKD60是K11分店限定 所以一定要嘗嘗! 有淡淡香蕉味 咬一口蛋糕 質地鬆軟 頂層有一層菠蘿蓉 甜甜的 蛋糕中心的忌廉 口感香滑新品 - 日本完熟蜜瓜 HKD60蛋糕有清新香甜感覺 蜜瓜甜度十足 人氣之選 - 日本柚子 HKD54蛋糕入面有柚子粒 甜度適中 📍La Famille 尖沙咀河內道18號K11購物藝術館B1樓B102B號鋪