La Itameshi

營業中

休息中

Friday night又去左將軍澳海傍搵食，入左 La Itameshi，餐廳係坑口已經有19年歷史，宜家搬左去將南更將食物加入日式元素，意日Fusion 好有特式😍🔹 意大利洋蔥包、蒜蓉包先黎軟熟麵包，配埋黑醋和橄欖油，好正！🔹芝麻吞拿魚沙律配雜豆沙律用上澳州吞拿魚，肉質比較結實，四邊粘上黑白芝麻，再將呑拿魚外層煎熟。吞拿魚入口好滑溜，芝麻香味濃郁，呑拿魚面的柚子醬更將味道提昇。雜豆沙律好豐富，有紅腰豆，雞心豆，綠豆，藜麥，薏米和生菜。入口清新，口感豐富，作為前菜一流!🔹煙肉辣肉腸薄餅薄餅上枱熱辣辣，餅邊烘得好香脆。配料有辣肉腸和煙肉，辣得有層次感，芝士好濃郁!🔹卡邦尼意粉配温泉蛋意粉彈牙好掛汁，芝士和温泉蛋蛋味香濃，唔錯!

Nice alfresco dining at this restaurant in Tko which serves Japanese fusion foodWe had the clams which were in a sake sauce which was low quite subtle. Iberico ham followed, which well cooked. Steak and fries although the steak was slightly chewely but again cooked very well.They really went to town with the dessert! Chocolate fondant was great and much preferred over the macha Tiramisu

呢間餐廳既前身係係坑口村既La Piazza，嗰時都已經好多人幫襯🫣而家搬咗黎海邊，環境大啲仲舒服左而家個名變左係La Itameshi，係因為佢用咗好多日本食材整法國菜😍睇完menu,樣樣都想試😂🫣一黎已經試左2款麵包，有蒜蓉包同埋法包，兩款食物都冇鬆軟香脆香煎新鮮鴨肝配柚子汁：鴨肝油脂好豐富😍配左柚子汁好fresh，唔會覺得油膩👍 旁邊仲有一大片新鮮菠蘿香煎鱸魚配柚子醬：鱸魚既魚皮處理得好好，所以食落好脆身，而入面嘅肉質滑嫩，點柚子醬又幾夾幾清新👍side配左薯條、茄子同超甜南瓜😍重點係個smoky ketchup😍好impressive蒜片辣椒意粉：呢個意粉一d都唔膩，意粉既質感好爽彈，處理得好乾身，連埋蒜片辣椒一齊食，好惹味❤️呢度嘅Service一流，老闆會介紹食材，我要等你食完先上下一道菜👍沿路見到其他客人嗌Pizza，都整得好吸引，決定下次要再嚟試🤭

呢到個環境好chill 真係可以happy Friday ! 🥖係諗緊食咩既時候，就先食住個脆既蒜蓉包，另外意大利包唔會乾身，食落仲軟淋淋的～🐚北海道帶子刺身配明太子($298)好鮮甜！ 啲汁帶有檸檬香～ 所以唔會好滯…🍟🍔和牛漢堡配紫菜薯條（$168）-好juicy既burger呀！ 佢啲芝士係流出黎嫁！ 🍨杏仁芭菲（$98）-呢個芭菲係自家製嫁～ 出面食唔到… 🙊老闆話佢所有野都好好味. 雲吞係一定要食. 但今日已經食到好飽， 下次一定會黎試！ 🌊食完個癲拿仲可以去海邊行行， 好開心❤️

一班朋友見新開，一齊試下。係大型屋苑兼單車徑旁，非常易揾。乜都叫下，又叫下佢d signature 咁。首推馬刀貝，好大隻加好鮮味。鬼佬雲吞，好食加唔係周圍有。牛扒好好食。其他pizza pasta 都係有水準之作。

呢間舖頭之前係係坑口村既La Piazza，以家就以另一個格調搬咗嚟將軍澳 叫La Itameshi😆我哋之前食過，已經覺得唔錯～而最近見佢個格調好似唔同咗又搬咗，所以就嚟試下🫶🏻 餐廳風格比較chil，適合同朋友係到暢談😜 仲係pet friendly 添🐶🐱前菜首先會遞上蒜蓉包同意大利洋蔥包做個前菜先😋洋蔥包趁熱食，洋蔥味幾特出，配埋餐廳提供既橄欖油同黑醋一齊食都幾夾。另外蒜落包上面搽咗好多蒜，所以蒜香味十足🤩北海道帶子牛肝菌意大利雲吞 $178呢個意大利雲吞好吸引，大大推介💕 雲吞皮煙煙韌韌，入面仲充滿帶子、松露、野菌🤩 配埋佢較為杰身啲既黑松露忌廉+ 意大利香草醬汁一齊食，變得更香更好味🥰新鮮紐西蘭白酒煮青口 $258老闆話佢地每逢星期四五都會入貨，所以個兩日先有得😆啲青口大大隻，全部都好厚肉，食落幾juicy，加埋啲蒜片同洋蔥一齊食味道更香濃😚 佢既汁係由白酒煮成既，帶有微微既酒味同少少酸味😋明太子忌廉意粉 $208因為本身河馬仔同家姐都比較鍾意有煙韌有口感啲 ‘Al dente’ 既意粉，佢呢個就做到啦😆 明太子味濃郁，另外可以再加啲檸檬汁落去一齊食就帶有清新感覺，仲更開胃

襯著週末都想往外走走，今日就來到將軍澳「La Itameshi」，他們裝潢簡潔，給人有種異國風味，好讓人喘息一下。芒果軟殼蟹沙律色彩繽紛既沙律來到，真係落足材料，先有大大隻鬆脆軟殼蟹，再有清甜芒果，最後還有新鮮爽脆沙律，口感酸酸甜甜，多重口感，非常開胃。雜菇松露意大利飯來到時已聞到香噴噴的松露香，松露跟意大利米飯，合二為一，做到粒粒掛汁，充滿著濃郁的菇味，厚滑煙韌，菌香四溢。香煎三文魚扒三文魚煎至外層香脆，入口嫩滑不乾，口感香甜，再有酥脆薯條更是添上添花。

🤩第一次全部滿分！！🤩以前有一間喺坑口開左18、9年，叫La Piazza 嘅意大利餐廳，最近想再去試先發覺一早搬左去將軍澳😯餐廳老闆話原來係想轉下新風格、menu等，決定改名做La Itameshi，融合意大利同日式料理，進駐將軍澳海傍。用餐環境真係一流😍個人推薦坐外面，望住個大月亮食西餐好浪漫🌹.炸烤菇配黑松露沙律醬 （$188）評分：💛💛💛💛💛以為炸會令到菇本身乾曬，點知一咬落，外脆內軟，菇依然非常juicy軟身，點埋佢地自家製嘅黑松露沙律醬（用左Mozzarella同Parmesan兩種芝士整）口感好豐富。真材實料，完全冇慳過！除左炸菇之外，我覺得沙律菜都好值得提，因為食落口完全唔鞋，好柔軟同嫩綠，完全唔係一般嘅沙律菜伴碟🤤.日本南瓜湯 （$88）評分：💛💛💛💛💛的確見到價錢可能會卻步，但確實值得一試，南瓜打得非常滑，有手磨芝麻糊（起沙）嘅口感～啖啖忌廉香，南瓜味亦好濃！.廣島蠔周打湯 （$108）評分：💛💛💛💛💛睇相都知道落足料😳廣島蠔好鮮甜，周打湯落左薯仔粒、洋蔥等等，撈勻忌廉令口感更幼滑🤤.燒西班牙黑毛豬配富士蘋果醬（$408）評分：💛💛💛💛💛黑毛豬本身肉質好淋，完全唔會

將南海旁有好多高質嘅還餐廳餐廳由坑口村搬到將南今次食嘅嘅呢間就主打日式西餐餐廳嘅食物設計得好有心思再配合埋浪漫嘅餐廳環境喺到用餐真係好享受☺️🔸芝麻吞拿魚沙律配柚子胡椒汁 $228呢個沙律好大份，沙律菜全部都好新鮮，色澤好靚。食落口感爽脆，配埋柚子胡椒汁食非常惹味。芝麻吞拿魚口感好豐富，吞拿魚亦嫩滑鮮甜👅🔸日式照燒銀鱈魚 $228銀鱈魚嘅外皮燒得相當香脆，魚肉亦都燒得啱啱好，食落口感好嫩滑，加埋燒汁去燒十分之夾😍呢道菜仲配埋薯條、燒菠蘿，燒南瓜、茄子同雜菜。薯條新鮮即炸，相當可口🤪🔸照燒雞薄餅 $158Pizza外皮炸到好脆口，加上佢係薄身pizza，所以口感好爽脆😆最估唔到係照燒雞同pizza呢個配搭會咁夾，用日式醬油去焗再吱埋沙律醬真係好好味😋🔸3.7北海道牛乳奶凍 $78甜品擺盤相當精緻，牛乳奶凍食落好滑溜，奶味亦好香濃。仲有士多啤梨同埋藍莓伴碟，兩樣水果都好甜☺️

將軍澳南海邊既新屋苑有好多充滿氣氛餐廳，星期六去左藍塘澳地下商場既「La Itameshi」✨，餐廳結合意大利🇮🇹及日本元素，木🪵系裝修再配合輕奢華，再加埋海邊海風既滲透，令人有渡假感覺。星期六下午有lunch menu，性價比較高，前菜有蒜茸包，香脆好味。燒美國黑毛豬扒🐷 $188 配薯蓉，黑毛扒以低溫慢煮方式熟成，肉質保持鮮嫩，帶點微粉紅色，外面香煎，香氣撲鼻👍🏻，再加埋配菜，非常滿足。另外，魷魚🦑牛油果🥑沙律🥗 $248，份量大得驚人，以木制沙律盆盛載既新鮮沙律菜，清新爽口，牛油果熟嘅程度剛剛好，再加埋大量日本🇯🇵魷魚仔，層次感豐富，配合埋日式柚子汁，開胃又好味。最後甜品🍮西班牙蕉糖布甸，布甸甜度適中，表面一層脆蕉糖，再配搭士多啤梨🍓及藍莓🫐，上碟擺盆精𡟹，色香味美俱全。

話說近十年前的將軍澳，甚少精緻又帶情調的餐廳。若然想靜靜食餐飯，坑口村會係其中一個選擇。可能舖租平又或者自己生意，小店式經營，有一定質素保證。村內有間隱世西餐，價錢相宜，但菜式唔會令你失望，最出名為自家甜品及牛扒。舊老細請客，除非飲茶，否則可以幫佢book 定呢間餐廳。時光流逝，小店搬出舊村，進駐海邊商場。位處雖然隔涉，不過為海濱長廊必經之路，裝修簡單，不做打卡餐廳，感覺仍然舊有味道。Lunch menu不馬虎，每日新鮮更換。當日中午12時到達，menu仍未準備好。簡單點了燒肉眼扒，可配薯條或薯蓉。套餐另配沙律或餐湯。上枱一刻，令人失望。牛扒 medium rare變medium well，牛扒質素心裡有數，竟然淋上黑椒汁，醬汁過濃，掩蓋所有味道。薯蓉香滑，帶牛油香，不過主菜扣分，間接令其失色。還好，甜品搭夠。杏仁芭菲，保持水準。不過勿以餐牌做水準，所謂芭菲，只是兩個雪糕球。自家杏仁雪糕，加上杏仁碎，配上蜜糖加朱古力，帶點焦糖味道。杏仁有咬口，雪糕口感濃厚，不死甜，亦有層次。小店價錢相宜，但海濱長廊四圍都有餐廳，就顯得唔夠突出。

將軍澳海旁一帶有好多酒吧餐廳🥂，每間都各有特色。最近新開左間浪漫意日🇮🇹🇯🇵餐廳，以高級日本食材烹調意大利美食，食物質素都幾好！✨廣島蠔周打湯 $118 🦪周打湯濃稠度適中，將忌廉拌勻後口感更加幼滑，內裏有三隻廣島蠔和薯仔粒。✨新鮮紐西蘭清酒煮刀貝 $258用上紐西蘭巨無霸白刀貝，有成半隻手掌咁大，共有七隻。刀貝肉質鮮甜而且充滿彈性，肉汁豐富，d牛油清酒汁配埋蒜蓉包食一流，推介！👍🏻😋✨香煎鱸魚配柚子醬 $328鱸魚頗厚身，魚皮煎到好香脆，魚肉鮮嫩多汁，味道鮮甜，配上柚子醬有助提鮮。伴菜亦很出色而且份量都唔少，用上日本蔬菜番薯、南瓜、茄子、薯蓉，味道更為香甜。✨抹茶意大利芝士餅 $88芝士餅上有粒士多啤梨，灑左啲玫瑰花瓣喺日本餐碟上感覺浪漫。💓 芝士餅忌廉頗多，所以口感特別幼滑，覺得蛋糕可浸多d咖啡/抹茶增添芝士餅濕潤～😊味道：4.3/5賣相：4/5環境：4/5性價比：4.2/5🏠 La Itameshi📍 將軍澳唐賢街29號藍塘傲格林威治村地下4B號舖☎️ 27195688

假日路經此餐廳，看報道，是同區另一間口碑不錯的餐廳搬過來，適逢節日就落去試吓水準吧。正所謂節日唔掠水，幾時掠你水？好吧，叫一個套餐加A la carte, 都唔平，當食餐好啲啦。未叫嘢食，已經感受到餐廳樓面的節奏，老實講接近茶餐廳模式運作，樓面、收銀、水吧習慣性叫出餐、幾號枱埋單等，似乎同餐廳的格局都有幾大出入。食物到來，頭盤有芒果帶子、蟹肉南瓜湯、肉眼牛扒、套餐近$800，另加$250一碟明太子意粉。老實講，唔難食的，但質素好一般，首先芒果撈帶子，唔會難食得去邊。個湯係比較稀啲，但份量還可以，肉眼扒不錯，但是肉身較薄。擺盤略嫌有點畫蛇添足，玫瑰花、好多其他配菜，其實可減少。牛扒加玫瑰，有點不倫不類。甜品是Catalona ，電話問店員是什麼，都唔係好講得到，只是話類似布甸的甜品。當晚食落好似未退得晒冰，只是表面用火焰槍燒過。整體感覺一般，合格，成餐飯$12xx，性價比就頗低了。

至愛牛肝菌雲吞，原汁原味，大㕑原班人馬，印度人老闆和樓面經理熱情招待，－貫做法先等客人食完頭盤才通知㕑房煑主菜，尊重出品，今日試吓禾風新菜式，明太子意粉好味，煎鱸魚皮脆肉嫩. 重拾在坑口帮襯廿年的感情。

由以前坑口村 La Piazza食到搬舖 改名為 La Itameshi 日式意大利菜 keep到水準不特止 仲超有驚喜 用日式食材 原來係甘夾魷魚沙律 配柚子汁清新好味麵豉醬焗羅馬生菜從未食過 好特別！ 好正！片西冷比以前更香！必食推介！馬糞海膽意大利粉飽到食唔到甜品下次要返嚟試其他嘢