La Postre (厚福街) (已結業)

今日經過尖沙咀諗起之前試過一間西班牙餐廳好好味今次諗住食多次.週二星期二嘅晏晝一點左右夏日唔算多大概坐滿左六成.嚟到西班牙餐廳一定要食返西班牙嘅食物，之前喺電視上面見到西班牙蛋餅喺蛋同埋薯仔整嘅今次有機會一試，聽講都係好出名的一道小吃. 我以為係整個圓型蛋餅，上來係1/4 不過都好飽肚，超多薯仔而且好soft口感，taps方便叫左黑毛豬火腿可樂餅（偏鹹，粉比較多可以略過）魷魚墨汁可樂餅相對好味好多（可以食到粒粒魷魚粒）🐙個人超鍾意食黑松露同埋八爪魚，推介呢一款慢煮八爪魚（分量唔算大不過就好軟嫩）配上黑松露見蛋黃醬見到有牛扒都想試吓揀澳洲牛眼扒（7成熟）牛扒咁個不過不失 沒有太大驚喜.🍔值得推介嘅係漢堡包98蚊超大份量，裡面有義大利酸瓜同番茄 牛肉餅好juicy 薯條份量大夠脆

尖沙咀Tea Time 甜品傾計推介❤️抹茶麻薯窩夫朱古力棉花糖布朗尼窩夫📍抹茶麻薯窩夫附黑糖漿+紅豆 比你自己控製份量加落窩夫每件窩夫都夾住煙韌麻薯🤤配埋雪糕 Perfect📍朱古力棉花糖布朗尼窩夫嗜甜既會好中意～黑朱古力醬同樣自己加入窩夫不停向窩夫打圈落朱古力醬真係好滿足！特別一提：Oreo餅乾+窩夫及雪糕非常匹配兩款都值得試～但抹茶窩夫嘅味道突出如果只有一個胃 就揀Matcha啦☺️餐廳環境都適合女仔傾計可以影下相～但職員可能比較忙態度強硬接待時有不太合理既位置🥲

次次去厚福街一望入去就會見到一個好搶眼既藍色招牌 la Postre 但係每次都冇試到 去咗另一間食今日終於黎到睇吓佢點解咁多好評啦！由裝修到餐牌都好靚，一入去就好似去咗外國咁好舒服坐得西班牙海鮮羊奶芝士焗飯足料！有小蟹鉗，蜆肉，魷魚，蝦🦐上面鋪咗一層羊奶芝士，令到味道更濃郁！十二小時慢烤西班牙乳豬伴焦糖菠蘿需要等30到45分鐘！如果想試既記得一坐低就叫咗先！乳豬食得多，慢烤令肉質更鬆軟 味道濃厚 個皮少脆口 點埋個醬非常配合 焦糖菠蘿🍍酸酸甜甜更開胃女皇麻糬窩夫（荔枝麻糬）係一個皇冠👑有心思！咬落去脆入邊仲有荔枝味嘅麻薯 層次十足 有好多不同嘅水果做伴碟總結，

LA POSTRE係厚福街開左咁耐, 終於搵左個happy friday黎食啦！<西班牙海鮮濃湯>其實就係一個好濃嘅蕃茄湯, 有蝦肉帶子好味!!如果配埋麵包就更加好!!<雞胸藜麥沙律>個汁醬好清新, 雞胸真係好滑好好食, 蔬菜好新鮮好開胃~主菜方面叫咗西班牙燉牛尾同埋西班牙海鮮飯!<燉牛尾>超級林!!肉質嫩滑!真係好好食, 下面仲有好滑嘅薯蓉, 呢個我比滿分!<西班牙海鮮飯>超級多料 , 一人份來講都幾大份, 其實兩個人都夠食 , 飯粒好入味好香, 有好濃嘅海鮮味, 超好食！最後叫左個好特別既sexy drink version甜品 6款入面4款甜品2款飲品 芒果酒好飲 打卡一流👍🏿

今日係妹妹生日，之前應承左佢帶佢嚟食呢餐西班牙餐廳。我自已都擔心會full booking，所以提早左一個月book位。餐廳環境有情調，好啱放工後同朋友一齊食飯傾偈，又唔似一般西餐廳咁拘謹。西班牙蔬菜牛肉湯。入口有好香嘅蕃茄味，味道偏酸帶小小辣。作為頭盤嘅湯，好開胃。湯入面嘅牛肉粒燉到好稔好入味，牛筋位都好易咬開，但又唔會無左牛肉嘅口感。風乾火腿鮮蕃茄醬多士鹹香嘅火腿配撘清新嘅蕃茄醬，入口先有火腿嘅鹹，再有蕃茄嘅清，兩者配搭得啱啱好。海鮮芒草醬番茄莎莎多士成個多士好豐富好吸引，上層嘅魷魚好彈牙，蕃茄莎莎同啱啱嘅蕃茄醬比，層次更加豐富。蕃茄味更加突出濃郁。鮮蝦蘑菇配忌廉芝士多士慢煮雞胸羅曼斯多士呢四款多士我想對期待呢款，雞胸唔會淡而無味，有好香嘅香草味。西班牙海鮮燉飯燉飯有原條魷魚、大蝦、蜆、青口、帶子等等，好吸引。飯底乾身香口，有小小飯蕉，愈食愈好味。仲有蘆筍粒、菇，個口感好豐富。仲夏水果茶。果茶茶底偏淡，有好清新嘅水果味，唔會好甜。

等咗好耐終於開返晚巿，可以約FD食飯，梗係食餐好啦！呢間餐廳主打西班牙菜。撞正落雨，先入到店內再收遮，過程中侍應都幾有耐性，企係隔離等埋我收完遮再安排座位。估唔中今晚咁大雨都幾多人幫襯前菜就㨂咗西班牙番茄凍湯配香煎帶子 $ 88呢種蕃茄凍湯(Gazpacho)用大量蕃茄餚製，天然健康，仲加咗煎香過嘅帶子同埋加咗少少紅酒油醋汁，家陣天氣咁熱係好啱飲 魷魚墨汁可樂餅兩件$38可樂餅用魷魚用墨魚同墨汁整成，墨魚味好濃亦帶點鮮味，加入魷魚碎豐富口感層次慢煮八爪魚配海鮮薯蓉 , 及黑松露蛋黃醬$118經過慢煮過嘅八爪魚，口感軟熟得黎又食到少少煙韌的質感。底下墊住嘅係薯蓉，旁邊配上黑松露蛋黃醬。另外廚師再灑上西班牙紅椒粉，香而不辣，帶點松露香味。香煎黑毛豬鞍配芒果蕃茄莎莎$188終於等到主菜上枱，香煎過既黑毛豬豬鞍上枱個陣就有濃郁嘅孜然香氣，豬鞍肉味香濃，肉質較為滑嫩無筋，油脂分佈亦相當均勻，相當惹味另外再點埋白酒（$68 ）配前菜同主菜，味道同氣氛即時昇華哂半份抹茶麻薯窩夫$88食到差唔多，就叫侍應加多半份抹茶麻糬窩夫，擺盤上亦見有花心思，兩個心心重疊住。另外望落勁多配料，包括紅豆🫘、抹茶雪糕、

This restaurant just like other normal cafe shops, the food quality is ok not bad, the environment is causal we having dinner too late and have no other choices at all and this one seems not bad and tried and i think having a causal meal is okFirst meal is cold cut platter including ham, sausages and cheese pieces, personally i’m not fan of cold cut meats at all, barely tried a small cheese slices which aren’t badGarlic Prawn with tomatoes Focaccia, i quite like this dish with yummy garlic sauce

前幾日母親節同屋企人去食飯，之前食過呢間幾次，印象還好！最鍾意食芝士蟹餅。店員話咁啱推出咗新嘅a la carte menu（好可惜冇咗芝士蟹餅😭）不過新嘅菜式都唔錯，最推介係西班牙海鮮燉飯！因為西班牙餐廳一定要叫paella，雖然好似加咗價，但係都幾足料，其他嗰啲都係好少海鮮。 我私心俾滿分，因為有我最鍾意嘅八爪魚🐙！八爪魚好大，夠彈牙！而且成個海鮮飯都夠晒海鮮味。其他嘅食物整體來講都唔錯，而且上菜速度足夠快，啱啱好食完一樣就接着另一樣，呢樣非常重要‼️不過位置稍為有點擠迫，建議他們更換大d既枱，或者換一啲細啲嘅碗碟。

午市walk in (不過應該可以電話book位)🤗🤗環境唔錯 優雅別緻🙂西班牙辣肉腸特式餡餅 ($108 + 1)Upgrade 左個lunch set 就多左個甜品同沙律喇🥰沙律上有青瓜 哈蜜瓜 清甜又清爽😆Main Dish精美既擺盤 令人胃口大開🥳🥳食落完全冇辣味..比較似茄汁+肉粒既味道(同我幻想既唔多1樣)👀甜品望落似cheesecake 其實係海綿蛋糕底 味道不過不失🧐

因為疫情緩和，心情特別好，所以決定去食下午茶餐😁😁很久沒有去厚福街了，感覺很陌生似的😅由於一早訂了位，所以準時在15:00到達，然後慢慢挑選美食，因為太多選擇，所以很辛苦才決定到😂美國牛肉芝士漢堡配黑松露薯條Wow! 好多🍟🥗配上分量十足嘅🍔，特別好味鮮三文魚牛油果焗飯好香芝士味加上三文魚牛油果，特別開胃！黑松露鮮蝦忌廉意粉鮮蝦🦐都彈牙，忌廉意粉ok 朱古力布朗尼窩夫比想像中好味，可能我太喜歡食甜品了，又雪糕又有布朗尼窩夫加了$15飲特飲（百里香蜂蜜綠茶）覺得好抵飲😄

La Postre餐廳以藍色為主題, 外觀非常之引人注目, 由於疫情關係已經好耐冇去旅行, 而去到呢間咁有西班牙特色嘅餐廳, 就好似好似去咗歐洲旅行, 你間餐廳嘅特色菜有點少得海鮮呢, 當日也點了一個西班牙海鮮飯1.西班牙海鮮飯一上到菜不得不說真係好落足材料😋, 有半打好大隻嘅半殼青口，還有幾隻大蝦和蜆，其實還有散落的小蝦米，海鮮滿滿，加埋燉煮咗咁耐嘅飯🍚, 粒粒都好飽滿充滿湯汁, 濃郁純正 , 基本是一口飯，一口海鮮的搭配, 呢個既份量又係好多, 足夠兩三個一齊share2.意大利雲吞大大粒一啖一口, 好有滿足感, 配埋林上面嘅忌廉汁真係好juicy😆性價比：🌟🌟🌟🌟/5味道：🌟🌟🌟/5衛生：🌟🌟🌟🌟/5回頭率：🌟🌟🌟/5

¡Buenas tardes！😃👋🏻（午安！）就小雞我來說，西班牙是我其中一個一生人要到一次的地方：當聯想起馬德里的皇宮、巴塞隆拿的地中海海岸、格拉納達的主教堂，心中就會不自然地熱血沸騰起來😡😡不過還未見到出走的希望，通往西班牙的道路仍未開通，只好借美食舒緩一下出走的慾望，地點是尖沙咀厚福街的一間西班牙餐廳🍴環境🌴完全感受到餐廳的歐陸風格：由門口的裝修、座位的設計、燈光的光度等，都為食客帶來獨特的視覺效果😮門口的大鐘更是非常eye-catching ，成為客人打卡留念的地方🕰食物🍩享用西班牙菜，必然會聯想到Tapas。Tapas意指西班牙的餐前小食，原自13世紀的國王阿方索十世的法令，直至今時今日。Tapas 包括有乾盤、冷盤和熱食三大總類，是一般會同酒類一同享用的料理🥘今次我們order了三個tapas：可惜沒有美酒相伴🍷😂另外還點了三個主菜和甜品🧇1. 是日餐湯：忌廉湯🥣2. 沙律🥗3. 西班牙多士拼盆🥪（$138 for 3）🔸 三款不同口味的多士（黑毛豬火腿、烤甜蕃茄、沙甸魚）：多士咬下去頗香脆，火腿的味道也香口；沙甸魚稍有腥味，自己不太喜歡🤥4. 西班牙蛋餅🥞（$138 fo

肚餓時走入黃色厚福街，由頭行到落尾，好似都食過哂，最後俾街尾「可使用消費券」幾隻大字吸引左😝無計，再唔用就過期，無奶油要蝕俾正苦既😒餐廳環境唔錯，西班牙風壁畫、家俬、餐具，暗調燈光，滿有情調。餐牌可以用「美輪美奐」黎形容！鮮艷既顏色加食物既大頭，大大刺激我既口水腺🤤西班牙炒飯- 上檯賣相一流，海鮮比預期既多種類&份量，但唔似炒飯，似risotto濕濕黏黏的。青口夠鮮甜，但大蝦同蜆就略厭失色。飯既口感尚可，唔會太軟。飯粒被汁包住，酸酸地、辣辣地，但食到辣椒就GG了😅（利申本身譚仔最多食到中辣但一定要飲野😛）藍青口白汁闊條麵- 白汁好味，creamy得黎有三色椒中和一下膩味，但青口細得黎唔甜，可以省略🙃但佢dinner set另配西班牙菜湯、蒜蓉包、是日小食- 甜椒肉丸，係抵既！菜湯一般水準，蒜蓉包一般水準，肉丸反而有驚喜，有肉香味，甜甜地都幾開胃😋抺茶麻糬窩夫- 期待切開既時候會有拉絲既效果、食落會有qq既口感，但呢一切只能期待去第二間餐廳繼續尋覓🥲只能說，窩夫大份飽肚，麻糬唔講唔覺佢存在，但整體係太甜左d。幸而配料蘆薈清甜，面頭綠茶brownie好食。雪糕普通來貨不過不失。

行過俾湖水綠色嘅外圍吸引住，加上佢午市套餐價錢都幾抵就入去試下，但整體食物水準都好失望😮‍💨頭盤沙律同餐湯各一🥗沙律生菜吾新鮮，個邊黃黃啡啡，個汁應該係芝麻醋汁，但吾知係咪落左好多芝士粉，食落口個口感‘好鞋’。唯獨個士多啤梨夠新鮮🍓餐湯係煙肉洋蔥忌廉湯🍲質地好水汪汪，又淡無乜味，不過有好多煙肉、雞絲同洋蔥，有返啲口感。🥘西班牙海鮮飯由原本好期待到變成成餐最失望🤢係擺盤較靚同海鮮夠多。lunch set最貴係佢，但上枱發覺做法吾正宗，就咁整完個海鮮燴飯放上鐵盤，無焗過/收乾水。味道係番茄燴飯帶黑椒嘅辣。完全吾值$185蚊。🍖BBQ 豬肋骨個BBQ醬好重中東醃料味，食落有孜然粉嘅味，覆蓋晒啲肉味😳同落成份都好乾身，不過好多肉。跟薯餅嘅配搭都幾新鮮😂🍰甜品係菠蘿慕絲蛋糕好淡，吾甜又無乜味。餐飲🍓Mojito 🥤凍cappuccino 無酒精嘅mojito ，士多啤梨梳打，吾太甜幾好味。凍cappuccino無乜泡似水無味。雖然成個環境好舒服，設計幾有格調，同事服務都好有禮貌，但如果想食西班牙菜就唔使特登試呢間，寧願俾貴少少食其他。

平安夜周圍食飯都係咁多人，所以簡單咁揀一間餐廳入去，基本要求係唔使等太耐就已經OK！最終排咗一個鐘（算快喇！）西班牙蒜片蝦伴意大利蕃茄麵包蒜片蝦唔夠熱，所以食落啲油有少少「瓊」！麵包好食嘅，如果係熱辣辣嘅油點麵包就一流喇！凍肉拼盤（開心果凍肉腸、莎樂美腸、西班牙風乾火腿、曼徹枱羊奶芝士）唔算係好食嘅ham，坦白講係啲cheap雞火腿，叫做有個火腿凍盤滿足西班牙嘅特色⋯叼草三文魚伴鮮蘆筍黎麥個煙三文魚都係一半貨色，唔算好食！西班牙海鮮濃湯（記得影）12小時慢煮西班牙傳統乳豬伴焦糖菠蘿個乳豬係好食嘅，出面脆皮，入面乳豬肉嫩滑，加埋個乳豬醬都唔錯！慢煮牛柳配惹菌菠菜芝士餡餅個慢煮牛柳都好食嘅！但個菠菜芝士餡餅就好似淋咗，唔算好食！聖誕樹頭蛋糕我明白聖誕節，除非你預早book啲貴貴靚靚餐廳，如果唔係嘅話就唔好要求太高！因為成餐飯好多嘢都係「整定」，所以好多都唔夠熱，同埋啲凍肉同三文魚都係入貨，如果可以入靚小小嘅貨就好啦！當然都明白成本限制喇，所以都坦白講，成餐飯整體嚟講唔算好食，只係俾個藉口你，聖誕節算係不過不失！