La Postre (厚福街) (已結業)

今日係妹妹生日，之前應承左佢帶佢嚟食呢餐西班牙餐廳。我自已都擔心會full booking，所以提早左一個月book位。餐廳環境有情調，好啱放工後同朋友一齊食飯傾偈，又唔似一般西餐廳咁拘謹。西班牙蔬菜牛肉湯。入口有好香嘅蕃茄味，味道偏酸帶小小辣。作為頭盤嘅湯，好開胃。湯入面嘅牛肉粒燉到好稔好入味，牛筋位都好易咬開，但又唔會無左牛肉嘅口感。風乾火腿鮮蕃茄醬多士鹹香嘅火腿配撘清新嘅蕃茄醬，入口先有火腿嘅鹹，再有蕃茄嘅清，兩者配搭得啱啱好。海鮮芒草醬番茄莎莎多士成個多士好豐富好吸引，上層嘅魷魚好彈牙，蕃茄莎莎同啱啱嘅蕃茄醬比，層次更加豐富。蕃茄味更加突出濃郁。鮮蝦蘑菇配忌廉芝士多士慢煮雞胸羅曼斯多士呢四款多士我想對期待呢款，雞胸唔會淡而無味，有好香嘅香草味。西班牙海鮮燉飯燉飯有原條魷魚、大蝦、蜆、青口、帶子等等，好吸引。飯底乾身香口，有小小飯蕉，愈食愈好味。仲有蘆筍粒、菇，個口感好豐富。仲夏水果茶。果茶茶底偏淡，有好清新嘅水果味，唔會好甜。