LA Restaurant & Dessert Bar (已結業)

LA Restaurant & Dessert Bar - 性價比高西餐今日嚟到旺角介紹一間位於通菜街的一間西餐廳，面積不算很大，但井井有條，燈光柔和非常舒服，有多款多國菜選擇，價錢亦經濟。Pearl Couple Set晚市套餐， $278有餐湯、主菜、意粉和甜品，相當抵食紐西蘭西冷牛扒有一定厚度啲牛扒，五成熟度，表層燒烤得微微香脆，內裏肉汁滿滿，色澤粉嫩，牛味香濃，配上燒肉汁味道更佳。香草橄欖油蜆肉意粉濃郁的香草味加上橄欖油，令意粉變得順滑易入口，蜆肉數量多，啖啖肉。 伯爵茶奶凍伴雪糕茶味濃郁的奶凍加上香甜的雲呢拿雪糕，頂層再有香脆的焦糖脆片，層次豐富的一款甜品。

放工大概7點到餐廳 因為預約左所以去到即刻有位坐見到都有好幾張枱係留座 後尾食完都有人係門口等緊位我地嗌左一個松露野菌意大利飯 加左30蚊加湯同餐包個湯同平時飲既白湯一樣 味道都幾好而個餐包係烤到好乾身同脆口 個蕃茄醬好好食 加係麪包上面幾夾個飯睇下去好似幾清淡咁 但食落去好香既松露味啲飯軟硬度適中 而且又入味 仲有一片片既菇菌另外就嗌左威靈頓牛柳 5成熟切開橫切面唔錯食個陣加埋啲醬 一啖食落去 好滿足入面既蔬菜有烤過同調味 所以食落去唔會太清淡 啱曬我呢啲重口味既人🤤我嗌左一杯蜜瓜沙冰 上面有啲細粒既圓形蜜瓜球 雖然無咩味 但係加左之後造形可愛啲😂.總括嚟講 價錢又唔太貴 食物質素都幾好而且店員態度幾好 上菜或者收走啲碟個又陣 都會提我地小心

行過旺角見到呢間環境幾好既西餐廳，叫左一個兩人set $288，套餐有一個主食一碟麵仲有甜品/沙律，仲跟埋蒜蓉包同餐湯。主食加左$60轉5成熟嘅澳洲穀飼西冷牛扒，牛扒充滿肉味同有嚼勁，麵食叫左香辣蕃茄大蝦意粉，食落都吾錯大蝦好新鮮，跟餐嘅凱撒沙律亦都好開胃。整體成個set份量好夠，食完好滿足，性價比好高，絕對會再幫襯。

平時都好少去通菜街食飯，因為成日覺得嗰度啲餐廳質素一般，朋友就介紹我去呢間LA restaurant，話價錢合理而且啲嘢食高質素。本身我都唔信，但係見到價錢咁合理就陪佢食一次。第一頁已經見到有二人套餐，即刻有啱食嘅嘢，就費事煩直接揀個二人餐。首先有法包，法包仲去搭蕃茄醬，一粒粒蕃茄酸酸甜甜，法包口感又夠晒香脆，好match。另外仲有個甘筍忌廉湯，味道濃郁，太好飲所以都要慢慢飲，開心啲XD 套餐方面可以按照個人喜好選擇凱撒沙律或精選甜品，我哋就揀咗沙律，有大量的沙律菜，仲有芝士粉，鹹肉及粒粒脆包，口感一流，最適宜作為開胃菜。烤三文魚配檸檬牛油汁 勁驚喜嘅菜式！表面嘅外皮仲係keep住乾爽香脆，而且裏面嘅三文魚仲唔係100%熟晒，質感軟林林，充滿水份，而且唔會過鹹，趁住仲係熱辣辣夠Juicy好快就俾我哋清晒。松露野菌意大利飯 意大利飯份量都好大，松露味道清香，粒粒飯都沾滿松露及野菌粒，啖啖香味，飯粒不會太硬，剛剛好。熱檸檬菜蜜作為是日完美的句號。

最近天氣反覆，很多互外運動都要暫停，唯有到旺角室外逛街。Shopping過後，我們就到了位於女人街的一間西餐廳醫肚。😌裡面播放了很Chill的外國音樂🎶，令人很輕鬆。而牆身就掛着擺設，環境也挺舒服。看了餐牌後，就點了以下菜色：🥗香煎半熟帶子藜麥沙律 $88先來一客沙律，帶子半熟剛剛好，火喉控制不錯，配上新鮮沙律菜，感覺很fresh，而藜麥則很有咬口。而最重點的部分是柚子醋，酸酸甜甜很開胃，令人食指大動。🥣餐湯+🍞蒜蓉包忌廉湯很足料，充滿濃濃的忌廉味。而湯除有磨菇之外，還有蜆肉，相當足料。蒜蓉包則很香脆，最驚喜有🍅蕃茄他他醬，酸酸辣辣照惹味。🐮威靈頓牛柳 $198 威靈頓牛柳挑選了5成熟，酥皮外層配上熱燙燙的牛柳，一嚐鎖住肉汁，很juicy!而酥皮內層則配上了肝醬，感覺很特別。🥬蔬菜方面則有🍅蕃茄、🍄菇、翠玉瓜和🍆茄子，不得不讚蕃茄煎得很多汁呢！🥭芒果沙冰 （+$15）芒果沙冰絕對是消暑之選，杯照高身，飲下去超冰涼，而芒果肉亦切得很細粒，吸管剛好可以吸進口內，絕對是相當貼心！總括來說，也是很不錯的用餐體驗呢！女人街確是有很多隱世小店，希望之後可以發掘更多！😙

呢排經歷考試週，試後梗要鬆一鬆，除咗放下晚餐假，仲要對得住自己個胃～久未出＂角＂，知道呢排女人街的美食店鋪林立，先食老公至愛的西餐廳，揀咗呢間LA，食物夠廣泛，仲有甜品揀~環境行簡約風，燈光柔和，感覺舒適。我哋一人叫咗一個主食，加＄30可轉套餐，有餐包丶湯同飲品跟～最先嚟餐湯，今日係蜆肉蘑菇湯，如果中意酥皮湯，可以加錢加配添～個湯好濃郁，白雪雪，好creamy，配埋個脆卜卜多士同沙沙醬，Perfect match，跟住嚟老公的西冷牛扒，就我叫七成熟，厚度適中，表面煎得甘香，帶有微微焦香，食落牛味濃郁，點埋燒汁味道更佳，配菜都烤煎過，焦香鮮甜，睇得出廚師用心~另外我哋叫咗一飯一粉，飯叫咗穩陣嘅野菌黑松露意大利飯，正常意大利飯會半生熟米，但呢個飯煮到就熟嘅狀態，既保留到意大利飯嘅口感，每粒飯都索晒黑松露嘅精華，野菌做得爽口清新，個人就好喜歡。最後嘅意粉我order咗個仔最愛嘅蜆肉系列，香草欖油蜆肉意粉～呢個有驚喜，不但賣相吸引，用料好足，隻隻蜆都有肉，不但係新鮮蜆，仲有十幾隻配料又多樣化，　除咗用香草同欖油嚟烹調外，仲加入咗九層塔，係一個色香味俱全嘅意粉，我個仔差唔多自己食晒碟意粉。呢度旺

-🔸炸魚薯條 $56🔸煙三文魚薄餅 $88🔸紐西蘭西冷牛扒 $128-好耐冇喺女人街覓食，同朋友揀咗依間地方闊落嘅西餐廳食嘢，吹水都坐得舒服啲。小食叫咗炸魚薯條，份量比想像中大份，炸魚熱辣辣亦外脆內軟，加埋粗薯條仲有沙律醬，性價比好高啊！西冷牛扒叫咗五成熟，食落肉質剛好，亦都一樣係大大塊好抵食。再配新鮮瓜菜作伴碟，健康有營養。最後叫多咗份pizza，薄脆餅底配大量咸香嘅拉絲芝士，同煙三文魚係絕配呢！

最近少左出街食飯，突然好想食西餐，就同男朋友再次到訪我地都好滿意嘅西餐廳。雖然上一次叫嘅野好好食，好想再叫返，但我地最後都係決定簡食啲未食過嘅野😛-今次黎到發現轉左新menu，好靚🤣餐包係蒜蓉多士，另外配左個類似蕃茄沙沙嘅醬，多士好香脆，蒜蓉味唔會太濃厚，配埋個蕃茄醬食落好fresh；而餐湯係蘑菇蜆肉忌廉湯，依舊好濃郁🥰-💎墨西哥辣雞薄餅冇想像中咁墨西哥風味，亦都唔係好辣，但係個味道係好食嘅，薄餅好脆身，好快就食哂😂💎威靈頓牛排（七成熟）肉質好嫩，個sauce食落有少少少少豆豉(?)嘅味道，但係好食，又係勁快就食哂🤣🤣💎墨汁海鮮意大利飯意大利飯依舊好有水準，個人覺得飯嘅軟硬度適中，好濃海鮮味，份量亦依舊好足，好抵食👍🏻

同同事收工之後就一齊落旺角食夜晚行左圈決定食西餐於是就入左呢間餐廳澳洲榖飼西冷配燒汁牛扒要左7成熟肉質粉嫩好Juice加上燒汁真係唔錯！餐包跟湯一起上既餐包睇落無乜特別食落口香脆可口再加埋番茄醬，酸酸甜甜好開胃炸軟殼蟹牛油果🥑🍕軟殼蟹炸得香酥薄批底 加埋大量芝士大滿足黑松露酥皮湯餐湯好有驚喜係黑松露湯阿真係好好飲，湯好幼滑濃濃黑松露味加多小小錢要左酥皮酥皮浸係湯入面 超正 蟹肉焗牛油果🥑原隻牛油果切半入面充滿蟹肉同沙律醬面頭係一塊芝士微熱既牛油果 口感順滑 再加上蟹肉抗疫期間熱飲可以無限添飲

今晚同男朋友去咗旺角女人街搵好嘢食❤️見到有間新餐廳我哋都未試過又好耐冇食過西式嘢所以就入去試吓裝修格局都幾好而且座位闊落風格啱年輕人❤️😛見到價錢都幾相宜 我哋兩個都嗌咗套餐❤️咁首先會有餐湯同蒜蓉包今日嘅餐湯係南瓜湯 濃厚嘅南瓜味😍飲完都覺得有少少飽肚蒜蓉包牛油味好香!! 好鍾意食首先第一個主菜我哋要咗德國鹹豬手成隻豬手嘅份量好大😛🤪抵食 推介兩個人來講真係好正而且外皮佢哋整得好脆入面嘅肉好鹹香而且仲有啲德國鹹菜伴碟旁邊仲有佢哋特製嘅醬汁添第二個主菜我哋要咗威靈頓牛扒佢哋嘅酥皮做得好輕薄所以食落去特別有牛油酥香👍👍👍正而且切落去牛扒嘅熟成度處理得好好好正!旁邊仲有少少沙律同埋薯菜我哋本身驚唔夠食所以額外要咗一個薯條❤️薯條係新鮮炸起仲加埋有茄汁🤗我哋每一個餐仲有兩杯嘢飲可以揀返自己鍾意嘅餐飲🤪good同朋友仔嚟都好推介

女人街的食店比起其他同區的食店來得更價廉物美，店舖面積較少，要有排隊心裡準備。餐廳晚餐款式不少，更可將廚師推介的單點菜式轉為套餐，二人套餐亦有兩款可供選擇，是夜選了較便宜的二人套餐。凱撒沙律二人套餐有沙律或甜品二選一。凱撒沙律賣相不俗，足夠二人享用，沙律菜新鮮爽脆，麵包粒及煙肉粒脆卜卜的增添口感。法式洋蔥湯 番茄沙沙配牛油法包餐湯很多時都是紅湯或白湯，法式洋蔥湯作為餐湯很少見。洋蔥湯做法很傳統，湯面放上一片烤過麵包，洋蔥湯味道很鮮甜濃縮。法包配上番茄沙沙，比一般的只奉上牛油法包來得更有誠意。番茄沙沙酸酸甜甜，味道很開胃。紐西蘭西冷牛扒配燒肉汁紐西蘭西冷牛扒厚厚的很有咬口，肉味香濃。七成熟的西冷很對板，血水已收又未至於過熟。煙三文魚香草番茄汁闊蛋麵闊蛋麵煙煙韌韌，配上香草番茄汁，酸酸甜甜的比煙三文魚更為吸引。

Weekend女人街附近幾乎都要排，呢間都唔例外，8點去到full house等左陣。成晚得一個女侍應對十幾台客，睇見佢都忙🥲。二人餐最抵，$278有齊湯、包、兩款主菜、甜品同飲品。晚餐可以用$30加配一款小食，有焗蠔、焗龍蝦或者鵝肝多士，當晚無曬龍蝦，要左鵝肝。🍴鵝肝多士 $30多士夠脆，鵝肝肥美，比想像中濃味同好食，但換下個碟會靚仔好多😂大家都話好似酒樓個茶杯碟。🍽餐包估唔到係蒜蓉多士，仲有蕃茄莎莎。多士好夠脆，蒜蓉味唔算出，但配埋酸咪咪嘅莎莎就好好食。🍽南瓜湯 質地稍杰，味道帶忌廉香同南瓜甜味。🍽西冷牛扒第一款主菜揀左牛扒，request五成，切開大約七成，不過食落唔鞋，都食到牛味。值得一讚啲配菜，有燒茄子、脆玉瓜、雞髀菇同薯仔。每樣都有調味，唔係水煮，連沙律菜都加左醋汁。🍽煙三文魚茄汁寬條麵預設配長通粉，但當晚賣曬，就揀左轉寬條麵。呢碟好食到叫男朋友唔好同我爭😂寬條麵口感好好，帶煙韌。茄汁味酸酸甜甜，夾埋洋蔥、青椒食，好好食。🍽伯爵茶奶凍伴雪糕跟餐甜品黎講，呢個上台有哇左聲，以為就咁一個奶凍，隔離放雪糕，點知又幾有心機❤️底有Oreo碎，跟住係伯爵茶奶凍，頂有球雲呢拿雪糕。可惜奶

《平民版威靈頓牛柳推介》✨估唔到喺通菜街都可以搵到經濟實惠嘅威靈頓牛柳，當然唔錯過呢個機會要試吓啦～因為我哋嚟到嘅時候時間都比較早，所以未算好多人，可以靜靜地享受呢個晚餐🤍威靈頓牛柳（$188)$200有找嘅威靈頓牛柳真係第一次見，而且仲要係set dinner連埋餐湯、蒜蓉包同埋飲品，cp值好高！質素方面，塊牛柳因為比較厚身嘅緣故，所以切起上嚟要用多少少力，同埋好容易令到塊酥皮同牛柳分開咗，不過依然唔影響佢嘅味道。黑椒汁係放喺牛柳嘅下面，所以切完嘅時候可以順便點啲黑椒汁嚟一齊食～🤍夏威夷pizza（$78）最鍾意食薄批嘅Pizza，而呢個Pizza就正正合晒我嘅口味～呢個Pizza嘅材料相對簡單，有火腿、菠蘿同埋芝士。菠蘿嘅味道好鮮甜，火腿唔會太鹹，所以令到芝士嘅味道好出～🤍Cookie Sweetie（$45）係一杯Oreo朱古力沙冰，上面仲有一球雲呢拿雪糕，對於而家呢啲天氣，消暑解渴真係一流。沙冰入邊嘅粗沙粒比較多，所以飲咗好耐都未溶，可以慢慢嘆足成餐飯！💰人均消費：約$150

西洋菜街兩邊不嬲都多餐廳， 而且價錢都好大眾化，呢間西餐廳二人套餐都只係$278， 加埋一都只不過三百幾蚊跟餐有湯有餐包，是日餐湯是忌廉黑松露湯忌廉湯比較傑身，不過好夠熱唔會凍冰冰，餐包是香脆蒜蓉包配蕃茄沙沙醬，都ok唔錯餐可選擇凱撒沙律或雪糕， 我哋揀咗沙律， 好大碟，一啲都唔似跟餐沙律主菜三選一，點了紐西蘭西冷牛扒， 五成熟燒得剛好，唔會好韌， 還有一些燒蔬菜和薯蓉作配菜意粉三選一，點了香草橄欖油蜆肉意粉， 意粉略嫌有點唔夠熱，味道正正常常

星期五晚嚟到， 7:00餐廳基本上滿座，都幾多人嚟食是日晚餐 點左個2人餐 主菜係燒春雞及煙三文魚配長通粉 附有凱撒沙律同餐湯主菜部分，燒春雞皮脆肉嫩，餐廳主廚做到鎖住肉汗但不干身，而且味道剛剛好，適合愛食肉的男士 而薯菜則一般而煙三文魚香草蕃茄長通粉味道十分惹味，鮮蕃茄整成的汁剛剛好的酸度令人胃口立即提升，配上煙三文魚又剛好match到彼此，想不到2者能配合到，長通粉則吸收2者的精髓加上淡淡香草，令人十分滿足而沙律以及餐湯算正常水平而最後餐廳環境也算高上，適合拍拖晚餐地點。