La Rose Noire Bakery (已結業)

有d失望,好dry,其實唔係難食,只係冇想像中好食,對於ciabatta,覺得delifrance好食過佢了~

個面好脆,上面有杏仁同糖霜,覺得好食過牛油牛角酥~

apple turnover - 冇咩蘋果, 個酥好好食~裡面就有d失望了~blueberry pie - 個pie好正~ 個jam都重藍莓味, 好食過apple turnover

$15一個原來重"un"過chewing gum!我就鍾意喇,因為我鍾意有得"咬"既包包~哈!個staff知哩個包好un好un的所以佢同我切成好多好薄的真係細心

我鍾意哩間野既staff~好nice,好funny~中式包唔多好,食過佢既特大菠蘿包($6),唔係好食又唔係難食西式包最讚!!!淡酸味法包($12) - 好似全麥法包,好多穀麥在內, $12條~抵!香草蒜蓉軟包($12兩大個) - 超勁garlic同herbs味~蒜蓉軟包($12兩大個) - 同上咁正~只係冇左herbs~土耳其包($10) - 好軟, 偏偏的, 上面好多芝麻, salt食的~特大蕃茄洋蔥包($10) - 個skin激"un", 鍾意食有咬口既包既你一定鍾意~好多蕃茄但冇洋蔥bagel($5.8) - 好大個呀~甘筍軟包($10) - 好似生命麵包咁大,好軟,唔咩甘筍味

有時都會係度早餐返公司食,呢度d muffin味道ok,但係仲貴過文華..大個既要十幾蚊啊,細個都要5,6蚊,但係味道當然不及文華啦,好耐之前係causway bay果間惠康買過la rose既scone,覺得唔好食,太乾身啦,好似乾"kun"咁,但係其他既包好似bagle果d,都幾好味;同意呢度既staff 好熱情咁叫人試食,但係我覺得佢地係對d外國人係比起香港人熱情~~

我都好鍾意o黎依度買麵包做lunch，佢個scone同文華有得比，就其是blackberry scone，大大個裡面仲有好多blackberry；仲有bagel都好正gar。而且佢凡有五穀類做的麵包，係特別好食。

之前講great bakery,oliver's super sandwich都成日提起呢間bakery,尋日終於叫editor add左入黎database啦!我時不時都會o係度買麵包返公司做早餐嫁!最常買o既就係VIP raisin scone,以前$8一個,而家$9一個.呢個scone同oliver's super sandwich早餐同茶餐裡面個scones係一模一樣o既!其質地較乾身,而且唔甜,所以我鍾意叮熱個scone,再搽d士多啤梨果醬,配杯咖啡或者english breakfast tea就o岩o岩好!佢前o個排仲出過一個oreo scone,長方形,較raisin scone細,反而要$10一個.說穿左,oreo scone就係plain scone添左d oreo餅碎.我食過,認真覺得麻麻地,食唔到oreo o既香味,而且仲比original o既乾!唔知係咪滯銷,過一排就無得賣啦!順帶一提,呢度有麵包加熱服務,而且成日有免費試食!d staff仲熱情到,你耍手擰頭話唔試,佢地都係咁挾舊麵包"質"俾你試!