La Vache!

營業中

休息中

店內環境氣氛相當好，坐既位都好舒適，燈光昏暗既環境，播住外國歌手既歌，侍應都係用全英文溝通，一時間好似置身於外國一樣，但侍應都非常有禮貌，由接待我去座位，到示意我選擇飲品。見到餐牌只有飲品，以為俾漏左食物餐牌，點知店只有一個SET，完全好似食緊日本既 ，唔需要你去諗，有法包同牛油﹑一個沙律﹑主菜牛扒配薯條。沙律食唔到有咩料，但好肯定係有核桃。五成熟既牛排，肉好可口嫩爽,一口咬落去美味極了。薯條炸得黃金色，好脆，而且唔會一口油，好味！

久仰大名，豈料不外如是。講緊係出名得一個Menu，食牛排薯條🍟嘅法國🇫🇷小餐館。牛排medium rare，真係煎得恰到好處，抵讚。可惜無牛味，直情無味，唔點有輕微蘑菇味🍄嘅醬汁，真係唔知自己食緊乜。口感軟綿綿，唔使點咀嚼。薯條幼身長形，脆口微暖，不過又係無味，薯味只能靠幻想💭。沙律🥗有驚喜，微酸醬汁配爽脆沙律菜，仲有合桃同櫻桃蘿蔔，開胃清新，如果可以添就好。麵包🥯亦幾香，合格。至於House 🍷 wine 澀如人生，不值一提🥲甜品🍮($128)同主菜一樣有啲overpriced，無咩層次嘅opera cake，無咖啡味，只食到有啲太甜嘅朱古力味，誠意欠奉。最後餐廳🍴音樂爆大聲，加埋當晚幾乎無間斷有人慶祝生日，會播更大聲嘅生日歌，如果想傾偈/拍拖👫就唔太建議，比較適合幾個朋友一齊熱鬧下🤩

呢間餐廳無餐廳，因為佢只賣一種餐，就係牛扒。但正因為佢只係做一款食物，所以就做得好專業同高質。牛扒煮得啱啱好，而且肉質都夠靚。食物出到嚟之後，佢哋會放蠟燭响碟下面，等你可以慢慢食，牛肉都唔會變凍。除咗牛扒之外，薯條都值得一提，因為佢係用牛肉既油去炸，所以非常之香

同朋友兩人聚會 揀左想食好耐既牛扒店呢間TST Central 都有分店CENTRAL 應該氣氛比較好 TST 就比較靜啲 牛扒肉味香濃 有candle 俾你keep warm 住幾細心 沙律🥗好味喎 吾會有苦菜 仲有合桃幼薯條 鮮炸熱辣辣 正正 好看圖吧

🐂相信好多人對尼間餐廳都唔會陌生，門口紅色既霓虹燈，餐廳只提供一款主食1️⃣🥩 Trimmed 10oz USDA Prime Entrecôte Steak (推介指數: ⭐️⭐️⭐️⭐️）牛扒揀左5成熟，牛扒本身有少少調味，所以其實乜都唔洗點已經好好食，牛扒厚薄適中，食落都有牛味，已經切好一件件，所以食起黎都好方便🍟薯條係任食，炸到勁脆好香口，帶少少咸味又唔會油膩🥗沙津超大碟，面頭有少少合桃肉，無配任何醬汁🥖麵包雖然係凍，但外層都仲係脆既，入面煙煙韌韌

氣氛超好嘅法式扒房好適合同媽媽慶祝生日餐廳還播上法文生日歌𝑗𝑜𝑦𝑒𝑢𝑥 𝑎𝑛𝑛𝑖𝑣𝑒𝑟𝑠𝑎𝑖𝑟𝑒 𝑚𝑜𝑚 🎂中午餐牌只有牛扒套餐，包括餐包、沙律同炸薯條▫️牛扒🥩牛扒份量十足，味道好經典肉味濃郁，油香平均配上餐廳嘅自家製醬，推介～▫️薯條無限添食嘅薯條，炸得好香脆▫️核桃沙律沙律非常新鮮，味道驚喜▫️餐包用餐後侍應將甜品車推來，逐一介紹每個甜品▫️無花果杏仁撻🥧杏仁味濃郁，無花果清甜無論口感味道都好好～▫️檸檬蛋白派蛋白霜甜道啱啱好中層檸檬餡清新每啖都酸酸甜甜，好過癮▫️Mousse de Pomme 🍸青蘋果味嘅雞尾酒味道清新

首先我要稱讚啲服務係超級好！一坐低就已經即刻有waitress過嚟問我哋係咪第一次食，再我哋介紹依到係冇menu 淨係需要選擇牛扒既temperature 啲薯條係任食 🍟 食食下野，離遠見到我地想斟水 係我哋準備拎起隻手嘅時候，就已經行咗過嚟幫我哋亦都會係咁問我哋需唔需要再fill薯條離遠聽到我哋想要茄汁 轉頭已經準備咗俾我哋超級friendly 講返野食，唔知點解我哋一致覺得 個薯條凍咗仲好食過佢熱嗰陣時😂會有一浸好特別嘅香味個扒有牛味得來 又keep到肉質好soft🥺不過佢個價錢係真係幾貴耐唔耐慶祝去食都可以

呢間法式餐廳🍴環境真係超浪漫🌹佢地最特別係淨係賣一款牛扒同埋任食薯條🍟牛扒好厚身肉質嫩滑 牛味濃郁 仲好juicy🐮可以任添嘅薯條都好正 炸到好香脆金黃色 外脆內軟綿 一定夠飽😍

一直都想試呢間，係因為佢既薯條係任食😂但個人認為個set都唔咪好抵，要俾300尾既價錢，但得法包、牛、同薯條（當然水係任飲既），真心薯條任食又如何？食得幾多呀？牛好似係有10oz，但唔覺得舊牛有幾出色，佢既呢個價錢我都可以係Ruth’s Chris Steak House 食到牛仲要有埋前菜加甜品，抵食勁多同好食勁多。所以對於呢間餐廳既評價係，可以任食薯條囉，甜品又要加錢，又冇前菜，只係齋食牛，冇乜特別。

5月份約了兩個好耐無見嘅朋友，所以lunch就相約去呢間慢慢食，慢慢傾，鍾意佢唔需要點菜，只有一款牛，我們點了三杯嘢飲，然後喺度傾偈，點知上飲品時，個 waiter 將杯嘢飲到咗落我朋友個身上，OMG🫣，個 waiter and waitress 即刻攞d 紙巾俾我哋，然後問我哋需唔需要掉位，當然大家個 mood 沉一沉，我朋友話唔需要。之後佢哋每上一樣野，就 say sorry 一次，唉，算啦！不過埋單時，沒有收飲品錢，還送了一件cake。牛 : 我們要了5成熟，都可以，盤下有蠟燭點着，所以不會令到牛肉凍，肥油都不會凝固👍🏻麵包 : 非常好食😋蛋糕 : 普通 (是賠償品)

呢間餐廳真係好適合無論生日慶祝或者鍾意食薯條嘅人瘋狂去食，因為點一份牛扒平均一個人大約先三百幾蚊，但係佢會無限供應薯條，而且最重點係佢嘅薯條係新鮮炸出嚟，熱辣辣非常好食！我哋嗰陣時嘅牛扒大約揀咗五成熟，依然係非常多汁，唔會煮得太熟。之後我哋重點左佢哋嘅house wine，三個人share價錢都唔係太貴。重點係我哋喺嗰度坐左傾偈差唔多兩個鐘，但係佢哋都冇趕我哋走，態度仲非常好。所以我下次會再去幫襯佢哋多次，同埋再講多次佢哋嘅薯條真係好好食

呢間餐廳一直都好受歡迎，餐廳6點開門，但6點前已經有人排隊，所以建議早少少去等。餐牌只有一個，就印係餐墊上面😆 一份牛扒，薯條任fill。$398首先，會上左餐包同沙律。沙律菜好fresh，仲有啲核桃粒。牛扒我地叫左medium rare，因為佢會有火係下面一直熱住，所以呢個熟度幾岩食開medium嘅我地。食落有肉汁，牛味好香，唔會鞋身亦唔會韌。而個薯條係最驚喜，因為係岩岩炸起，好脆！鹽分配平均，份量岩岩好，提升左薯條嘅香口！我地fill左兩三次🤣好多人仲會黎幫朋友慶祝生日🎂，店員會播生日歌，全場人一齊拍手祝佢生日快樂😆 通常果啲主角都會好尷尬，如果想朋友紅都面曬，記得帶佢地黎呢度啦😂👍🏻

成日都見到好多情侶嚟呢間扒房度撐枱腳 首先佢個氣氛真係好浪漫 裝修又靚 好有feel💑呢度嘅賣點 除咗係佢嘅肉眼牛扒之外 就係佢無限量任添嘅炸薯條🍟牛扒肉質都嫩滑 牛味都幾濃郁 而且仲好Juicy 薯條都炸外脆內軟 幾出色！

#ftf_尖沙咀Ribeye $398⭐️⭐️⭐️⭐️⭐️呢個價錢應有嘅質素，肉質腍得黎有口感，唔會韌，但又唔係用鹽死拿乸嗰隻腍，牛味濃郁，本身上面已經有黑椒提鮮，個人比較鍾意唔點汁，點左反而冇咁原汁原味。🤤個餐包埋麵包同沙律菜，但呢啲都真係屬於配菜，唔係重點，冇乜特別，哈哈哈！薯條任食！⭐️⭐️⭐️⭐️⭐️佢啲薯條真係條條都咁脆，炸得夠乾身，識落毫無油膩感！啲店員好蠱惑，毫不吝嗇成日想幫我添加，佢應該想我變肥，雖然我絕對有能力1 Tray tray咁食落去，但係我驚俾人Blacklist，所以放佢一馬！Opera cake $128⭐️⭐️⭐️呢個價錢覺得有啲偏貴，可能好食嘅cake太多，又或者我食太多好食嘅cake，所以唔太驚艷到我，但食完都會覺得開心嘅！☺️回頭率🤡🤡🤡🤡🤡性價比🤰🏻🤰🏻🤰🏻🤰🏻#feedtiffood #吃吧孩子 #吃到懷孕

呢間由$328已經開始嚟食。 但嚟食一次，就加一次價？舊年7月食先$348，跟住就$368，上星期食已經加到$398？當然，再要收加一添。 但咁加法，性價比不高囉。