Lab Made 分子雪糕專門店 (已結業)

去大坑團年飯前在附近閒逛逛時就想起份子雪糕，即使下著微微冷雨亦不忘來個冰凍的「餐前小吃」。今期4款味道最吸引我的就是我的飲茶必點菜－流沙奶黃包。職員端上雪糕時我第一個感覺是有一點失望，因為很多時候他們都會在雪糕面略加點綴，可是這次就沒有了，不過份子雪糕外表是其次，味道有多「像真」才是最重要。吃第一口感覺不太甜，淡淡的奶黃香欲不怎麼特出。吃時慢慢細味會感覺到有像奶黃流沙粉狀的口感，整體來說味道還可以，值得一試！可能當我每次想起Lad made新味道時都會期待有驚喜才能令我滿足呢！

前幾晚，同朋友去左香港既拉麵街（登龍街）食拉麵，食完就諗住喺附近食甜品，忽然想起 對面街有間分子雪糕店，行到過去，竟然執左.... 之前我係到發生左一件事，有興趣的話，可以睇返我之前的文，真係無咩服務質素可言。人就係咁犯賤啊！無就要，有就唔恨，哈哈！因為忽然之間好想食，結果我地由登龍街就行左去大坑總店，其實行過去都唔係好遠，又啱啱食左成塊炙燒肥豬肉。今次都係有四個口味既，咁我就揀左呢個叫做“正能量”的味道$46，佢係渣打馬拉松20周年的限量版味道， 雪糕杯招紙都係特別設計的，印著渣打馬拉松的圖案。雪糕既味道系香蕉燕麥味，食的時候都會食到一粒粒的燕麥片夾雜在入面，味道同感覺都好似食緊個d energy bar / smoothies，而香蕉味都好自然，唔似係添加物，上網睇返原來係用原條香蕉做，所以味道都唔太差的！雪糕仲會有一塊寫著20字樣的波鞋形燕麥曲奇餅， 不過口感就比較硬，而上面的糖膠都唔會好甜，都算貼題的。同行朋友點左焦糖燉蛋味，我試左一啖，覺得蛋味幾濃，但係焦糖味就好似唔太明顯，可能要食上邊個塊透明糖片先會食到卦？相比之下，自己就冇唔鍾意啦。今個星期的四種口味！ 我地買左兩杯雪糕

與同事一齊到大坑食甜品 可惜嘅係間店竟然未開 超掃興好彩有間 Lab Made 可以頂住先 做個第二最愛朱古力夠濃又夠香 味道係重朱古力味嘅甜其實係濃味多過甜 好大杯 而且個杯好重 好好味好好飲

店名:Lab made分子雪糕專門店地址:大坑布朗街6號地下好味指數:8/10價錢:$44腐竹雞蛋糖水味道跟中式腐竹雞蛋糖水非常相似，雪糕很軟滑，入面有腐竹，很有趣。上面的兩粒賣相很像白果，但食落係卜卜脆的，食到最後時苦味慢慢滲出來，模彷白果的味道非常迫真。 

芝士撻熱潮席捲香港，食肆紛紛推出芝士撻產品。崇光百貨地庫的Bake cheese Tart仍大排長龍，小妹仍無緣一試。早前試過Maxim's Cake Lab的芝士撻，是夜，相約友人到大坑飯聚。例必早到的小妹，獨個兒往Lab Made 碰運氣。適時，店內竟然仍有火焰雪糕芝士撻，yeah﹗收銀處旁，貼有火焰雪糕芝士撻的介紹單張，以及內部結構圖，讓客人對其結構有進一步的了解和認識。工作枱一側，放有一個熱餅櫃，內放有牛油酥餅撻皮。適時，除了小妹，店內還有兩名女子，也點了一個火焰雪糕芝士撻。落單後，店員姐姐取出兩件硬身的芝士味雪糕，並在𦸨面層撒上適量砂糖，再用火鎗把面層燒至焦黃，成一焦薄脆焦糖玻璃層。奇怪的是，芝士雪糕竟可以抵受高溫而不易溶化﹗？原來，是因為雪糕用了分子技術製作之故。接著，店員姐姐從餅櫃中取出牛油酥餅撻皮，又用火鎗稍稍加熱，再用工具小心翼翼地把燒焦黃了的芝士味雪糕放進撻皮內，最後把整個撻放入紙杯中間，即大功告成了﹗火焰雪糕芝士撻$22的冰火效果不算十分突出，只有微暖。然而，芝士撻著實頗為好吃的﹗外層乃口感偏硬實且帶牛油香氣的香脆牛油酥餅撻皮，中間乃流心且芝味十足的芝士雪糕，再加

我的人生目標就是要吃盡世上的芝士撻嗎？冰火芝士撻意念創新，確實與別不同。芝士味雪糕帶鹹鹹的味道，與奶味挺合襯，面頭亦有焦糖脆面，一鹹一甜共融。可惜，撻皮實在過於乾、硬、實、薄，比較似普通的盒裝餅乾。撻皮雖熱，但卻未能溶化雪糕，雪糕仍然內心冰冷，溶心效果不突出。

Lab Made 每三週便會轉換雪糕口味, 我經常密切留意, 今次發現推出全新口味的伯爵茶焦糖脆 ($46), 愛伯爵茶的我必要第一時間試試。看着店員悉心地製作, 在壓滿整個杯子的伯爵茶雪糕 上唧了雪白的忌廉, 再淋上淡黃色的焦糖醬 和灑上一些金色的脆粒, 賣相不錯。每次品嚐Lab Made的雪糕總有驚喜, 別以為只是簡簡單單的伯爵茶雪糕, 吃時發現還混入了脆口的焦糖碎, 幼滑中多份口感, 而啖啖清香的伯爵茶味中亦多份甜美, 吃時再拌上輕滑的忌廉, 還有輕甜的焦糖醬, 更加香甜吸引, 配搭合宜。最意外是脆粒 並非平時所吃的又硬又勁甜的糖珠粒, 其相當鬆脆, 甜度中等, 雪糕加上所有配料同吃, 滋味! 但若然可加重伯爵茶的味道, 則更令人吃得滿足。前排先吃完伯爵茶撻和伯爵茶雞蛋仔, 今次又來伯爵茶, 真的越來越喜歡它, 不知下次可為大家介紹什麼伯爵茶美食呢?

蘋果金寶相信大家對lab made都唔陌生, 專出分子雪糕既佢地，令到食嚟食去都係個幾隻味既人來講都幾特別、幾突破同幾新鮮。雖然司令講呢隻一味，已經因為換menu而冇左，但司令覺得都幾值得講既。因為佢應該會再出，不過要等待。蘋果金寶雪糕上面放左少少蘋果金寶上去做topping，一拎上手聞一聞就已經有好香既蘋果金寶味，引死人！食落都ok，真係有蘋果金寶既味，而且即整夠晒新鮮，但始終就比司令想像中既味道有啲出入。司令都係比較鍾意食返確確實實既蘋果金寶多啲😅，同埋始終熱既蘋果金寶好味啲。

🙊第一啖食落有少少接受唔多但食下食下又覺得個味道好熟悉好似屋企煲既腐竹薏米糖水唔太甜有淡淡既蛋白味 中間夾雜好多腐竹粒略嫌薏米較硬身 入囗同雪糕唔夾味道一般性價比較低 不太建議呢款

路經大坑見到久仰大名嘅lab made, 當食甜品就試試啦～是日口味有芒果西米露，雞蛋腐竹糖水，朱古力薯片同士多啤梨益力多。。我揀咗芒果西米露，有香濃芒果汁，鮮芒果肉同粒粒西米，賣相金黃討好，味道偏甜，作為普通甜品嘅話整體都幾好。。但係標榜為份子雪糕嚟講，質地同普通雪糕冇咩分別 (可能我唔識食)，係滑滑哋但唔見得有過人之處，令一心試新嘢嘅我有少少失望 不過據知lab made會定期轉新口味，款款都唔係出面雪糕店有提供嘅，所以如果下次有機會嚟到，都會試吓啲crossover過下癮~

分子雪糕進去香港已經有好幾年歷史，但原來是由Lab Made引進，創始人學藥劑出身，讓人在產品中也見到不少science的元素。這次嘗試的雪糕是海鹽焦糖口味，不得不說，看店員做雪糕的過程也是一種享受啊。不過更有趣的是新產品冰茶系列，有蜂蜜青蘋果和玫瑰荔枝兩種口味。店員會給兩個杯子，大杯是藍色，底下落乾冰，所以不斷揮發出白色煙霧，飲料也會有很多氣泡，這時，要把小杯中帶有口味的濃縮液倒入大杯中，顏色就從藍變紫，雖然知道是化學中最basic的酸堿度導致，不過應用到飲料中，還是讓人大呼驚喜。一杯42元的價格，有些貴，但值得嘗試～

熱浪襲港，在街上hea走，已教人喘不過氣來。Lab Made今期(16/7/15 - 5/8/15)與利賓納合作，crossover為大家帶來兩款夏日透心涼消暑美食 - 利賓納夾餅和賓雪奇緣。利賓納夾餅有一球半的淡紫色利賓納味雪糕，入口酸甜有致，極為清爽醒神，中間夾雜了濃香且具嚼勁的花生醬脆脆，頂層有忌廉、果醬和一塊夾餅，蠻特別的組合。另一款取名為賓雪奇緣的鮮紅色甜點，乃混入蘋果粒的利賓納蘋果雪葩也。入口，冰感十足，夾雜了香腍甜美蘋果粒，口感不錯，然，酸度也蠻強勁的，教小妹吃不消﹗

店名：Lab Made 分子雪糕專門店地址 : 大坑布朗街6號地下好味指數：7.8／10價錢：$44藍莓燕麥乳酪Labmade每兩個星期轉一次口味，今期有#藍莓燕麥乳酪 ，一杯有1.5球。雪糕夾住燕麥脆脆口感好特別，而且雪糕本身的味道亦很清新，加埋藍莓醬好似甜左少少。

上個禮拜在fb睇到見到出左太興奶茶雪糕已經勁激動身為奶茶狂熱fan屎點可以唔試!!不過其實唔係特登來試的, 係食完肉骨皇過來~menu~其實幾隻味都幾吸引,但唔理了~~~奶茶~~比完錢就等~收銀姐姐唔係特別友善....好奶茶...!!!不過食食下都幾"漏"...兩個人share好d...其實仲有幾粒奶茶jelly仔, 不過冇乜味o岩架喇, 如果唔係真係太"漏"了...

LAB MADE份子雪糕真的是我超超超超級喜歡的雪糕,原因是它比普通雪糕多出一種特別的質感,而味道亦較清新.最近天氣真的非常非常炎熱,在街上我的小背心也濕得若隱若現,不吃一個雪糕實在難以消除炎熱的感覺,剛巧經過LAB MADE份子雪糕,實在難以抵擋誘惑呢雖然十分多人,但其實只是5分鐘時候雪糕已新鮮出爐,蜜糖味道非常清新,而雪糕亦十分滑溜,份子雪糕比傳統雪糕的分別是它多出一種冰鮮的感覺,咬下凍凍的口感與別不同夏天才剛開始,相信還會來多幾次