LAB ZERÕ

營業中

休息中

🇭🇰Lab Zero - 排隊刨冰尖沙咀Cafe口味：4/5服務：4/5環境：4/5性價比：4/5推薦？：😋裝修不錯 - 工業風裝修以灰色為主調，天花板掛有一朵朵會自動升降既雲朵燈，加上特登畫左位出黎有個影相位比人打卡，感覺都幾Chill。位置尖東近紅磡 - 新開張，門口都幾多人排隊。位置黎講係韓國街果邊，唔近地鐵站都要行一段路。星期日下晏呢啲放假時間都排左半個鐘左右。口味清新 - 甜品overall質素都好好，唔港排隊既應該會再黎😋1. 芋泥芋圓牛乳刨冰🍧 - 日式刨冰食落既口感細膩綿密！平時成日都好驚食刨冰會又凍又介口，但呢度既刨冰就冇呢個問題！加上芋泥佢地都整得幾滑好Smooth，一食落掘開刨冰入邊好多芋泥芋圓，好足料好飽肚。2. 蜂蜜焦糖脆脆北海道雪糕杯🍦 - 雪糕本身其實都幾香幾重牛奶味🥛但係焦糖脆脆食落雖然好食但真係比較甜。同雪糕分開食口感會好好多！3. 咖啡 - 老實講就真係飲唔出佢杯Americano用左啲咩靚豆，不過合格唔難飲既！價錢 - ～HKD270地址：尖沙咀金巴利道 68 號地下 B 舖

繼續忙裏偷閑系列，嗰日同朋友去咗尖沙咀新開嘅日式刨冰cafe🥰除咗刨冰之外，仲食咗好多精美嘅鹹點😋由環境到餐點都好賞心悅目，去完成個人會超級滿足！🥰新店嚟講佢都算非常旺場，嗰日我去係平日下午，而且仲落緊雨但見到佢嘅門口都keep住有好多人排隊等入嚟幫襯，睇嚟大家都好想快啲試吓呢間新嘅Cafe！😝而且佢個空間幾大我諗都有差唔多成千呎，裝修係走簡約時尚工業風路線，成個場好闊落好舒服，除咗主要用餐區，佢仲有一個打咭區可以等你係度打卡，鍾意享受美食兼打卡嘅人應該都幾鍾意呢度嘅環境🙆🏻‍♂️嘢食方面，我哋先叫咗幾個鹹點，有鹹點嘅安排啱晒我呢啲要食鹹嘢嘅胃，陣間食刨冰屬於甜品係另一個胃嚟呀哈哈😜佢嘅鹹嘢全部都好特別，而且走fusion嘅路線😋1️⃣大阪燒酸種吐司🥪佢喺酸種吐司上面鋪滿大阪燒嘅材料好似椰菜，木魚絲等，再加埋天婦羅炸蝦，煎帶子同埋煎蛋，最後淋上埋神來之筆大阪燒醬汁，成個擺盤好精緻，食落去就好有大阪燒嘅味道，fusion 出色😆2️⃣腐乳卡邦尼意粉🍝呢個真係超特別，我冇諗過可以將腐乳加落去整卡邦尼意粉，但係出奇地夾喎👍好有驚喜3️⃣芝士咖喱牛肉薯條同埋芝士黑松露薯條🍟前者嘅味道好特別，好少食到呢隻味，

六月初去過一次門口，不過見到太多人喺室外排隊，當時仲要係下午一點到兩點嘅時間，所以就離開咗，再搵時間嚟食🍽️ 終於終於完咗一個project可以放假，趁星期一晨晝2點前去😎 雖然已經無咁多人，但都要係室內得多10-15分鐘左右🕒.第一次係被IG嘅food blogger介紹💩形雪糕吸引咗，仲可以食冰🍧 所以即刻叫埋豬爸一齊去打卡📍.去到鋪內，好似入咗去雲層入面，好多雲係天花板上面，仲可以升降添☁️ 門口嘅位置只可以用作打卡使用，各位女士記得要著靚靚去打卡啊👗.Lab Zerõ不設網上及電話booking☎️ 所以大家最好揀家日子同時間去用膳，如果唔係就要好似啲人咁係門口掛隊啦☝🏻❤️尖沙咀必打卡網紅店❤️芝士咖哩和牛肉醬薯條 $68醬汁非常特別，鍾意食薯條嘅我好欣賞呢款醬汁嘅薯條，咖喱唔會好辣，連唔食得辣嘅豬爸都話好食🍟蒜香明太子櫻花蝦配珍寶帶子意粉 $138起一碟珍寶帶子意粉只有兩粒珍寶帶子，而味道非常之香又容易入口，好好食😋 兩個人share食就啱啱好香水檸檬梳打-凍 $40普通嘅一杯檸檬梳打，不過呢一杯梳打水特別多汽，名為香水檸檬梳打，係可以飲得出有一陣香甜嘅味道喺入面Hone

之前已經聽過唔少人話呢個嘅甜品好好食，今日終於去到試（要排隊），不過排都值得，因為真係好好食呀。我一心係諗住芋頭去的，我係芋頭迷，但坊間好多芋頭冰都勁大香精味，又無乜芋頭味，唔好話芋頭，就算係其他味嘅刨冰，出面嘅刨冰好多都係得啲好藥水味嘅糖水.....今日個芋頭冰嚟到嗰陣好有驚喜，賣相係紫色同白色好靚，面層有芋頭同一埋芋頭蓉，我已經覺得好驚喜，係真正嘅芋頭蓉，好香好滑。食到下面，啲牛奶冰都好有驚喜，好滑好綿，而且好香好香，食得出係用好好嘅牛奶去做，唔係用奶精，食到停唔到口，雖然係咁，但一個冰成100蚊本身都覺得算貴，直至我食到中間⋯⋯中間竟然有好大好大舊芋泥！係真正嘅芋泥！我喺第二到食芋頭冰甚至係台灣都未試過咁足料，最後我地兩個女仔食晒份量超大嘅芋頭冰，好滿足，希望下次再去試下其他甜品！

呢間cafe近期好hit，事關佢嘅裝修都幾特別。一入門口，就會見到打卡區，個邊佈置幾靚，有灰色嘅泡泡梳發供客人坐，周圍圍繞住仙人掌等各種熱帶植物，而頭上有嚿緩緩升降嘅雲朵燈，成個畫面睇，的確幾美觀，令人爆發少女心，好啱打卡ᵒ̴̶̷̤ꈊ˂̶̤̀ 唔怪得之咁多人慕名而來。可惜我哋去嘅當天，岀面好多人排隊，我哋都只好拿拿臨影完食完就算，廢事阻到其他人，所以影唔到好多靚相৹ᵒ̴̶̷᷄́ฅᵒ̴̶̷᷅৹不過嘢食質素都算唔錯，滿載而歸～✎ 蒜香明太子櫻花蝦配珍寶帶子意粉 明太子味同蒜味濃，令到成碟好惹味。當中有充滿咬口嘅煙肉片同滑嫩而好厚身嘅帶子，而麵條嘅口感都好彈牙，整體十分高質！✎ 炸海苔魷魚炸到幾脆，而炸粉唔算多，味道似鹹蛋味加紫菜味，食落幾香口！沾埋芥末醬食，一流！✎ 凍青提梳打少少酸，青提同梳打味濃，食到最底仲有爽口嘅青提肉同埋啫喱。

今日排隊40分鐘，前提係，只係7-8個人係我地前面，差不多排到嘅時候，見到內面竟然有3張二人檯冇人坐，因為最前面排隊係三位顧客⋯⋯有顧客建議可以比兩位嘅坐先，被拒絕🤣🤣話三位顧客未坐，就要繼續等，姐係只要三位顧客冇位，其他人就永遠要一直排隊，明明可以擺多一張凳比人，就可以大家歡喜，但個個服務員都真係打份工嘅心態，黑口黑面工具人咁！唔知老闆係度嘅時候班工具人係咩狀態！講返杯嘢飲，希望只係失手，雖然係青檸，但酸到苦澀！！！結果排隊40分鐘，坐左10分鐘走人！但客觀的講，裝修的幾好！仲有希望培訓下員工抹乾淨張檯係最基本啦！

朋友話尖沙咀新開了一間Cafe，跟住平日下晝時間去試吓，可能係新開去到都有啲人，但係不需要排隊，直接就可以入座。環境方便，除咗門口有一個打卡位，其他一啲好嘅景都冇，同買都好吵，所以試吓嘢食，食物方面都算ok, 都係Cafe嘅價錢，偏貴咗少少唔算抵食，嗰個價錢大把Cafe可以選擇最後就係侍應的態度，特別係一個長頭髮女侍應態度特別差，好禮貌咁問少少野都黑口黑面，連朋友都話侍應態度麻麻，朋友已經係冇咩要求嘅人，真心態度差真係以後唔會再食！試一次就夠！

即興去朝個聖打個卡，啲野食一般，服務都一般，我地無訂位，同埋好似無得訂位，門口排左大約30-45分鐘就入座，入座無限時。我地兩個女仔，叫左兩個主食，一個甜品，兩杯飲品經典漢堡&蒜香帶子意粉，漢堡普普通通，意粉蒜味都夠，幾好食海鹽焦糖刨冰，啲鹽落得唔夠均勻，帶幾個部分特別鹹薄荷朱古力+牛乳雪糕，薄荷味好淡，個雪糕唧得好醜呢個係打卡位，比人排隊輪流影相，張凳好矮好林好凹，我朋友佢正常人都難坐，大肚既我表示我坐低左起唔返身😂

最近真的比這家 𝐝𝐞𝐬𝐬𝐞𝐫𝐭 𝐜𝐚𝐟𝐞 鋪天蓋地洗版本來我是喜歡等熱潮過去才去探店的人（沒在管流量密碼這件事 (๑˃́ꇴ˂̀๑)但意外地看到很多非廣告真．好評（？）而且還有與 @bakerism 聯乘的甜品所以決定去訪一訪是不是又美又好吃！12:00 開門 我 12:10 到達已經剩下最後一張桌子了而且菜還未上齊 門外已經一條大長龍所以我吃的很趕 拍也很趕 避免阻人用餐 ( 〃 ˙꒫˙ 〃 )☞ 芝士和牛肉醬意粉 𝘞𝘢𝘨𝘺𝘶 𝘊𝘩𝘦𝘦𝘴𝘦 𝘚𝘱𝘢𝘨𝘩𝘦𝘵𝘵𝘪 𝘉𝘰𝘭𝘰𝘨𝘯𝘦𝘴𝘦 $118醬汁開胃有誠意 味道咸香 意粉軟硬適中 不錯吃！☞ 蒜香明太子櫻花蝦配珍寶帶子意粉 $68𝘔𝘦𝘪𝘵𝘢𝘪𝘬𝘰 𝘚𝘦𝘳𝘨𝘦𝘴𝘵𝘪𝘥 𝘚𝘩𝘳𝘪𝘮𝘱 𝘸𝘪𝘵𝘩 𝘑𝘶𝘮𝘣𝘰 𝘚𝘤𝘢𝘭𝘭𝘰𝘱 𝘗𝘢𝘴𝘵𝘢帶子有驚喜 新鮮且口感十足 同行者好喜歡 ⁺⸜(●˙▾˙●)⸝⁺☞ 芝士黑松露薯條 𝘊𝘩𝘦𝘦𝘴𝘦 𝘍𝘳𝘪𝘦𝘴 𝘸𝘪𝘵𝘩 𝘉𝘭𝘢𝘤𝘬 𝘛𝘳𝘶𝘧𝘧𝘭𝘦 $68因為上菜有點慢 人也真的有點多幸好他們先上這個解決我的餓感 ˃̣̣̥᷄⌓˂̣̣̥᷅ 不過不失 ～☞ 芋泥芋圓牛乳刨冰 𝘔𝘪𝘭𝘬𝘺 𝘛𝘰𝘳𝘰 𝘒𝘢𝘬𝘪𝘨𝘰𝘳𝘪 $98相對正餐，甜品出色

講到近期最HIT嘅cafe一定係呢間！連平日晏晝到訪都要排一個鐘。餐廳店面幾大，樓底夠高幾寛敞舒適，門口仲有個仙人掌伴漂浮雲朵打卡位。除左主打嘅日式刨冰、聯乘THE BAKERISM嘅獨家限定甜品，鹹點小食亦係誠意之作。絕對係回頭之選！▪️芋泥芋圓牛乳刨冰 $98完全係為左呢個冰而黎！面頭有一大pat芋泥，入口幾香芋頭味，保留左啲芋頭蓉同芋頭粒，不過質地較黏稠 唔似平時個啲咁順滑。估唔到食到中間都仲有芋圓同芋泥！芋圓意外都唔會變到好硬，相當煙韌，不過芋香偏淡。刨冰以日本直送冰磚製成，口感綿密，每一啖都好香甜，唔會話食到底就無晒味~▪️特級濃厚黑芝麻刨冰 $128估唔到呢個更有驚喜！食到中間竟然有軟滑濃郁嘅黑芝麻雪糕！由頭食到尾都好重黑芝麻味！入面仲有蕨餅增添口感，有咬口得黎唔會太韌。▪️大阪燒 酸種麵包 $138酸種麵包烘得超酥脆，配埋椰菜絲、酸甜醬汁同沙律醬，味道十足大阪燒！面頭兩粒帶子超大超厚肉，煎得岩岩好，口感軟嫩。炸蝦香脆唔油膩，唯獨粉漿偏厚。想打卡仲可以加$15要隻太陽蛋~▪️腐乳卡邦尼意粉 $118呢款就相對失色，食落比較似一般有加忌廉嘅carbonara，腐乳味較淡。勝在意粉軟硬

去左間呢期好ᕼIT嘅ᑕᗩᖴE😁😁我畀左佢個幾舊雲同甜品吸引左我去排隊。。當然我係會早到去等位個啲啦。。佢平時開1200。。我1120就到左。。講真我預1145嘅。。個日巴士超快。。咁早到就早啲排下啦。。我想講我排第一。。其實排第幾都無所謂。。因為大家都想排隊打卡個個位係唔會畀你坐。。每個人都係行過去或者攞啲野食去個度影相。。最重要第一輪你食唔到就唔知下一輪係幾時。。所以我揀左早到😏😏講到野食。。熱食嘅選擇都算多架。。為左食佢啲甜品。。我就咁叫左意粉同小食。。剩返我就叫左勁多甜品喇😏😏熱食我覺得正常發揮。。唔會好差。。到甜品佢個雪糕同刨冰都好多人叫。。我就當然叫晒。。佢每樣甜品都可以加雪糕。。我黑白雪糕都試晒。。真係好滑亦都超濃味‼️必叫‼️仲有佢個刨冰一落口超綿。。怕酸嘅我。。朋友揀咗士多啤梨。。我都食得好好味品酸👍🏼👍🏼呢兩個甜品食得一試。。我亦都叫左ᗩᖴᖴOGᗩTO。。又可以加雪糕仲加到好多野。。呢間ᑕᗩᖴE啲甜品真係好正。。加埋佢嘅雲👍🏼👍🏼可以一試👍🏼👍🏼..🍗ᗷᑌᖴᖴᗩᒪO ᗯIᑎGS🍝ᗰEᑎTᗩIKO SEᖇGESTIᗪ SᕼᖇIᗰᑭ ᗯITᕼ ᒍᑌᗰᗷO SᑕᗩᒪᒪOᑭ ᑭᗩ

📍LAB ZERÕ (尖沙咀)尖沙咀金巴利道68號地下B號舖人氣飄浮雲朵cafe ☁️ 假日同朋友黎到打卡cafe,當日大約排左一個鐘先入到去。餐廳門口有個好靚打卡位，上面雲朵會上下移動的。樓底好高，工業水泥牆身，掛上浮雲，非常療癒。夏日炎炎，想試刨冰🍧同甜品。☁️蒲燒鰻魚漢堡$148原條蒲燒鰻魚，內裏有半生熟煎蛋和漢堡扒，份糧大。漢堡包充滿牛油味，旁邊有黃金薯條，非常美味☁️蒜香明太子櫻花蝦配珍寶帶子意粉$138珍寶帶子有兩粒，表面都煎到金黃色。明太子沾滿每一條意粉，配上櫻花蝦和蒜蓉，非常惹味。意粉份量比較少。☁️ 牛油果香蕉奶昔$58香蕉味比較重，牛油果唔係好飲到，creamy ，排咗一個鐘真係勁口渴，即刻解暑。☁️ 黑芝麻鮮奶加芝麻雪糕$66黑芝麻味道重，表面芝麻雪糕要另加$20，不過好快就溶咗啦。整體都好好飲。芝麻雪糕係期間限定的。🍧芋泥芋圓牛乳刨冰$98💜刨冰有多款口味揀，店家使用日本冰磚，製冰機都是日本製造。刨冰口感細膩棉密，牛奶味濃郁，非常消暑，內裏有大量芋泥，芋圓煙靭，增添嚼感。🍨提拉米蘇$78用酒杯去盛載tiramisu ，感覺好高級，酒味比較濃郁，整體好creamy#尖沙咀#

最近大熱的咖啡廳 當然我也要去打一下卡🫶🏻咖啡廳中午12點才開始營業 我跟朋友下午1點去 店舖已經坐得滿滿 好不容易才坐到沙發的位置 打卡位置是長期空置的 所以大家不怕坐不到好位置 可以放心一定能拍到好看的照片 只是如果週末去應該要排隊拍照🤭食物方面 點了一個意粉 一個漢堡 跟兩杯飲料🍝蒜香明太子櫻花蝦配珍寶帶子意粉 💰138意粉配上一大堆明太子 煙肉 帶少蒜香味 但意粉對我來說口感有點硬 帶子大粒 表面煎至金黃色 香口 🍔經典漢堡 💰128由漢堡扒 洋蔥 蕃茄 雞蛋 芝士組成 煎蛋以半熟形式鋪在漢堡的頂層 切開時蛋黃汁滲到漢堡內 混著芝士溶跟醬汁一起吃 惹味 而且漢堡扒煎得剛好 牛味香濃 🥤🥤🥤🥤🥤🥤🥤🥥椰子咖啡 💰50🍮焦糖牛奶咖啡 💰45提醒一下想去打卡的朋友記得要早點去🫶🏻

📍 LAB ZERO HONG KONG好朋友籌備咗好耐嘅Cafe終於開張喇! 一開張已經話題性極高，吸引咗好多人嚟排隊🥹#試食小日記🗒 入面主打工業風嘅裝修，天花板一粒粒飄浮嘅白色雲感覺好夢幻☁️一入門口就有一個打卡位，入嚟嘅時候要排隊，但係打卡就唔使😆🍝腐乳卡邦尼意粉雖然係主打甜品，但係佢嘅主食一啲都唔馬虎🥰 都幾多創新嘅菜式例如呢個腐乳卡邦尼意粉，少少辣味多咗層次感，我個人覺得可以再重啲腐乳味🤤🥪大阪燒酸種麵包都係其中一款創新菜式，識落真係有大阪燒嘅感覺，另外帶子夠新鮮同天婦羅蝦都好夾～🍨Affogato比我想像中份量更大，本身覺得價錢都幾高，但係原來佢加咗成粒可麗露落去，本身一粒都已經唔平，所以其實都唔算貴🙌🏻🍧芋泥芋圓牛奶刨冰做開酒吧都知道冰嘅質素係好影響出嚟個成品🙈店長話佢哋特登用日本直送冰，可以令到啲冰口感順滑啲，同埋冇咁易溶～而且非常足料，由第一啖到最尾都充滿晒芋泥，如果專程嚟食冰嘅建議空肚過嚟食😹超飽肚

朋友介紹呢一間新開嘅靚靚Cafe，位於尖沙咀，金巴利道的《Lab Zero》，透過落地玻璃，你會見到餐廳裏面一朵朵白雲從天而降，感覺好夢幻。新開期間排隊比較多人，但都不會令大家失去雅致。門口有個好靚嘅打卡位，唔會俾人入坐的，主要供大家打卡用。排隊時候或者食完嘢都係最好時候。排咗起碼半個鐘，終於都輪到我哋。叫咗一個抹茶刨冰，裏面有紅豆同埋小丸子，超級好味！加多一杯凍咖啡，今日已經第二杯了，所以只係黐咗個friend飲啖。冷氣有啲凍，好彩有帶褸。環境同食物都好吸引！