Lanala (The ONE)

營業中

休息中

健康乳酪cheese cake-尖沙咀Lanala今次有機會試到Lanala原味同超級雜莓味既cheese cake 😉 Lanala 係第一間用希臘乳酪做既cake, 希臘乳酪更有營養價值、更少糖分同更濃厚細滑質地方面比較硬身，有別於平時嘅cheese cake，可能會食唔慣😂蛋糕價錢唔算平😅promotion $98/2件，健康無價😅尖沙咀The one 同中環威靈頓街都有分店架😊 健康之選，食咗都唔邪惡🙂

今次享用既希臘乳酪芝士蛋糕有兩隻味道, 包括:全新推出既超級雜莓(使用100% Super food)同經典口味(原味). 我平時有食乳酪, 亦有食芝士蛋糕, 但我都係第一次食乳酪芝士蛋糕🤣. 兩隻口味都好重乳酪味, 反而兩者混合後我覺得少左滯既感覺, 因為酸酸地既乳酪會更開胃令到我好想再食多幾件. 我幾鍾意個蛋糕口感:上層乳酪mousse好似凍豆腐咁入口即溶; 底層既厚身芝士餅底好脆口, 兩者一咬食做成好強烈既口感對比. 配上一杯冰凍既有氣熱情果果味汽水, 再住係Café既Corner位一邊睇住雜誌; 又一邊望下商場上既人流, 享受下午既休閒時光.

之前拎到張lanana嘅換領卷，可以換一件原味同一件雜莓味～咁今日我就滿懷期待去換啦，點知去到已經換曬，叫我第二日再黎換🥹由於張卷聽日就過期而且我聽日唔得閒再黎，所以就想今日用埋，問咗佢地可唔可以換同價錢/價錢平啲嘅其他款，佢地就話唔得，咁我唯有就淨係換咗一件原味啦🥺其實成件事佢地都係依照規矩處理，係冇問題的，不過作為一個顧客黎講，就覺得佢地嘅處理唔夠彈性同埋唔夠為顧客著想🥹其實每個顧客黎換蛋糕都係抽時間過黎，難得搵咗一日得閒結果冇得換，都好難抽時間聽日即刻再黎，如果下次可以換同等價錢/價錢平啲嘅第二款就好了，畢竟大家嘅時間都好寶貴㗎嘛🥺咁講翻蛋糕方面啦，size比我想像中要細舊好多，仲細過我嘅掌心🤣個乳酪都ok嘅，係比出面美心個啲要軟同埋濃味少少，不過個餅底就一般般，比較淋同埋牛油味唔係好香～整體黎講覺得性價比就麻麻地，好細件而且偏貴，出面應該會有更好嘅選擇～話時話我覺得佢個乳酪同十字牌個個好似，可能因為乳酪都差唔多味🤣大家想知lanana 咩味嘅話都可以試下十字牌個乳酪，先$10😂😂

見咁多食評讚好👍🏻，所以去試試，其實佢地D蛋糕－D都唔平$88一件😌，不過見開係尖沙咀區貴D都正常，但服務就真心麻麻地，自問要求唔算高，衛生都希望做得好少少吧。叫店員清潔一下張枱，態度好唔友善，因為食件Cake 都想打吓卡，最後先知道原來佢係一位經理，可能覺得自己職級關係唔應該叫佢，想問問一吓佢個名，聲稱私隱關係唔可以講，之後再問佢貴姓，竟然話姓氏都係私隱，其實咁驚客人投訴，點解態度唔做好D呢，嬲到我今次係第一次打OpenRice反映，希望成功刊登🙇🏻‍♀️🙇🏻‍♀️

朋友生日😊！想快快手買個蛋糕🎂送比佢，經過尖沙咀the one 4樓，見到呢間 Lanala,因為本人比較趕時間，所以想了解多啲每個蛋糕的餡料，邊一個比較啱我朋友食，我當然知道Menu入邊有寫啦，但原來問多兩句了解，詳情．．．店員會好不耐煩，當時店舖不太忙，重要係身為一位經理，之後一肚氣咁離開！永遠再唔會幫襯呢啲店舖！原本又開心嘅心情變得很差，😤😤！😡😡😡😡😡😡😡😡😡😡😡😡😡

此店以希臘乳酪作招徠，在甜品店林立嘅香港地之中，算是略為罕見。廢話唔多，直接進入食評。火龍果芒果希臘乳酪芝士蛋糕味道：成件蛋糕味道最突出嘅係消化餅，之後係淡淡微酸嘅乳酪味，而水果味就排到最後最後，只有非常輕微的芒果香，幾近於無。火龍果味更是從頭到尾都沒有出現過，但火龍果本身就無咩味，呢點非戰之罪。口感：間店雖然強調希臘乳酪，但食落並無咩特別「乳酪feel」，同一般奶凍差不多。好多其他食評稱讚佢「輕盈綿滑」，呢一點我不否定。畢竟用咗希臘乳酪，自然會比純cream cheese輕盈啲。不過，如果賣到$88一件，都只得一句「輕盈綿滑」值得講，咁就真係好普通了。當你將乳酪芝士蛋糕連同兩層jelly一齊放入口中，你會明顯感受到jelly嘅質感，而乳酪嘅質感就不太有辨識度，導致每一口都好似食緊有乳酪味的jelly，再加上小小水果味的餘韻。餅底就是消化餅底，同市面上隨處可見嘅cheese cake餅底無分別，但由於乳酪味同水果味都不出眾，結果就是餅底喧賓奪主。賣相：整體都係紫色漸變，都幾養眼，芝士蛋糕同水果jelly層次分明，好睇。蛋糕上面有兩粒芒果，外表就同佢嘅味道一樣，唔生唔熟又唔甜，令件蛋糕外

呢間蛋糕店以希臘乳酪芝士蛋糕作主打，相信大家對佢哋嘅日本蜜瓜希臘乳酪芝士蛋糕都唔陌生喇😚～妹豬仔早排去尖沙咀行街，見到呢間蛋糕店喺商場開咗分店，就俾呢個紫色蛋糕吸引住，於是買咗返屋企同屋企人開心Share🤗！.🔸 (6吋, HK$588)呢個係蛋糕店嘅全新SuperFood系列蛋糕😍。蛋糕外觀呈紫色，切開後同希臘乳酪芝士呈現紫白色漸層，顏色十分夢幻💜！.呢個蛋糕選用咗優質澳洲SuperFood天然水果粉(包括：藍莓🫐、黑莓、紅桑子及士多啤梨🍓)，由於以冷凍抽乾技術製成，所以濃縮咗高達60粒新鮮雜苺嘅營養成份🙌🏻，蘊含豐富纖維、維他命C、抗氧化物，有助增強免疫力，改善心臟及消化系統健康👍🏻。.加上蛋糕以希臘乳酪製成，相對上有較高嘅鈣質同蛋白質含量🤗。而且比起通常用到嘅忌廉芝士更健康，因為希臘乳酪有豐富嘅活性乳酸菌，對腸道健康好有幫助，就算食多幾啖都唔怕肥，真係零負擔💚！.💡妹豬仔話你知💁🏻‍♀️～整體來講，呢個蛋糕顏色十分夢幻，好啱打卡😍！而且食落濃厚而綿滑，配合SuperFood天然水果粉，莓味香濃，微酸帶甜，感覺清爽又輕盈，好適合夏日享用😋。.(以上價錢僅供參考，一切以蛋糕店為準)

Lanala最近係尖沙咀The ONE新開咗分店，發現佢哋推出咗最新Super Food系列蛋糕🍰，係採用Super Food天然水果粉製成，同時保留水果嘅味道、纖維同營養😮，仲用咗希臘乳酪代替普通乳酪，糖份較低，營養價值亦更加高🤩！⠀⁣⁣𝐈𝐧 𝐦𝐲 𝐭𝐮𝐦𝐦𝐲😋⠀⁣⁣1. 超級雜莓希臘乳酪芝士蛋糕 6‘ ($588) ❤️口感細滑，係用優質澳洲藍莓、黑莓、紅桑子同士多啤梨嘅天然水果粉製成，依然保留到莓類味道酸酸地嘅味道🫐🍓，食落唔會膩，每人切小小食，食完再添啲都食唔哂了😂！之後如果朋友想要好味又健康嘅cake choice，我都會大推依個🎂👍🏻！📍 Lanala 尖沙咀彌敦道100號The ONE 4樓L410號舖

藍莓芝士蛋糕就食得多啦，但用希臘乳酪整嘅藍莓芝士蛋糕就未試過，所以喺尖沙咀經過Lanala嘅時候，就俾佢吸引左啦。一向都知希臘乳酪係健康食品，亦係近年大家追棒嘅Super Food，所以小編今次就試吓用希臘乳酪整嘅芝士蛋糕係咪都咁好食先！🎂超級雜莓希臘乳酪芝士蛋糕希臘乳酪芝士蛋糕嘅賣相同一般芝士蛋糕好相似，而且粒粒飽滿嘅藍莓🫐係蛋糕面，真係幾吸引架。切開蛋糕之後原來仲靚😍，因為蛋糕入面係紫白色漸層，感覺好夢幻。蛋糕食落唔會太甜，充滿莓香，酸酸甜甜咁，唔係剩係死甜，整體嚟講較為清新。😋對於鍾意食甜食🍰，但又怕肥怕唔健康嘅朋友，絕對可以試吓呢個由Super Food做嘅蛋糕💪🏻，入面有士多啤梨、藍莓、黑莓、紅桑子，而且又有希臘乳酪，食完都冇罪惡感呀！🫶🏻

心情悶悶地嘅時候最鍾意食甜野經過The One嘅時候見到呢度嘅蛋糕真係好靚呀即刻買件氹吓自己跟住我就買咗火龍果芒果🥭希臘芝士蛋糕同牛油果🥑希臘乳酪芝士蛋糕🍰火龍果芒果希臘芝士蛋糕口感輕盈柔滑，希臘芝士 嘅香滑同埋火龍果同芒果🥭果香好鮮甜 真係好清爽底部都有啲酥脆嘅餅乾b好特別☺️牛油果希臘乳酪芝士蛋糕希臘乳酪芝士好綿密細膩 而且有啲微微酸味加埋牛油果🥑 有豐富嘅奶油同果味好好味 😋食完之後 心情真係即刻好返好好味 😋 真係好推薦大家試下呀

Lanala (尖沙咀)尖沙咀彌敦道100號The ONE 4樓L410號舖。上個月好朋友生日係中環分店買左原個6"白桃玫瑰希臘乳酪芝士蛋糕，當日個個食完都話感覺健康又好味 😋。星期六係The One行街見到竟然開左分店，即刻忍唔住即場食左兩件mini cake ($68)🍰 。分別有「火龍果芒果希臘芝士蛋糕」同埋「超級雜莓希臘乳酪芝士蛋糕」。呢間店舖嘅蛋糕最特別之處就係用上希臘乳酪作為主要成份，比起傳統上經常用到嘅cream cheese健康得多，所有蛋糕都係低糖，注重健康同埋怕肥嘅大家都可以放心食多d喔 🤭。而家仲做緊夏日優惠，$98有兩件指定款式蛋糕，比起原價都平左唔少架

🌸《Lanala · 甜品 · 尖沙咀》-𝐅𝐨𝐨𝐝 𝐑𝐞𝐯𝐢𝐞𝐰 食評 🍰希臘乳酪芝士蛋糕 $68/mini slice芝士味道好香濃得黎食落唔會好似美國芝士蛋糕咁膩👍🏻入口好似食緊乳酪咁，入口即溶，好味得黎唔會太甜💖健康之選-🍰牛油果希臘乳酪芝士蛋糕 $68/mini slice表面係牛油果口味既芝士慕絲，中間係金奇異果肉和無花果乾製成既啫喱，酸酸甜甜，比起傳統濃厚既芝士蛋糕輕盈，食完完全無罪惡感🙆🏻‍♀️-📍 Lanala@lanala_sweets 尖沙咀彌敦道100號The ONE 4樓L410號舖-環境：🌸🌸🌸🌸🌸味道：🌸🌸🌸🌸🌸服務：🌸🌸🌸🌸🌸衛生：🌸🌸🌸🌸🌸性價比：🌸🌸🌸🌸🌸Revisit: 🧡-#hkfoodie #foodbitxh #foodbitxh_tst #hkeat #hkig #hkfood #hkgirl #香港美食 #instafood #hkfoodblogger #打卡美食 #instamood #hkrestaurant #englishreview #luxuryfoodstyle #香港好去處 #打卡餐廳 #相機食先 #香港美食指南 #香港美

📍尖沙咀𝑺𝒖𝒑𝒆𝒓 𝑩𝒆𝒓𝒓𝒚芝士蛋糕Super Food做甜品 • 配色有層次味道有驚喜突然感覺八月好長 長到要用甜慰勞心靈有個念頭好想食cake!!!!➡️ 揀左𝑺𝒖𝒑𝒆𝒓 𝑩𝒆𝒓𝒓𝒚希臘乳酪芝士蛋糕每啖入口充滿粒粒雜莓粒有口感🤍還有分明的三層漸變配色很吸引（圖2-3 ➡️）𝑺𝒖𝒑𝒆𝒓 𝑭𝒐𝒐𝒅系列之蛋糕採用希臘乳酪以澳洲藍莓、黑莓、紅桑子 &士多啤梨作主幹製作成天然水果粉蛋糕微甜果味濃連不嗜甜的朋友都感覺清新🤤對餅底有個小小情意結感覺好似細個自己整cheesecake時大愛整碎消化餅舖平做餅底的畫面👧🏻但餅底的確和cake 很匹配會因為餅底而想食多件📌雖然今次食cake是希望渲泄但是次食了個大健康的蛋糕一點也不罪惡😂因為同時進食大量雜莓具抗氧化/增強免疫力/幫助消化系統等效果～下次希望試下日本草莓希臘芝士蛋糕🙌🏻現場有小量自成一角的位置（尾2➡️）high tea 也會舒適👄認住門面易啲搵（尾圖➡️）

成日係度唸，上天可以賜我一件又好食又唔會變肥既甜品日日食就好了，今日係The one行街比我見到呢間Lanala既甜品店，專門以100%希臘乳酪製作既cheese cake，簡直係keep fit首選。🔸超級雜莓希臘乳酪芝士蛋糕呢個超級雜莓真係超級不得了，佢地用左100%優質澳洲Superfood的水果粉製作，果味濃郁，芝士蛋糕口感嫩滑，而且食完都絕對無罪惡感🥰🥰🔹白桃玫瑰希臘乳酪芝士蛋糕呢個白桃玫瑰的賣相超級吸引，一層粉紅jelly鋪滿果肉和玫瑰花，中間一層芝士蛋糕，底下仲有一層餅底，口感層次感超豐富，真係值得一試💋💋🤤

The One永遠都行唔厭佢竟然開咗中環嘅一間我一直好想食嘅蛋糕，最令我吸引嘅一定係佢個哈密瓜蛋糕但太大個唯有試咗其他希臘乳酪嘅芝士蛋糕先見佢有推廣價忍唔住即刻買返兩件佢全部嘅蛋糕都係用咗希臘乳酪整成嘅芝士蛋糕🍰比起平日嘅芝士蛋糕感覺更健康，而且賣相好靚好吸引佢而家夏日推廣$98兩件迷你裝希臘乳酪蛋糕今次我買咗白桃玫瑰🌹同埋火龍果芒果🥭白桃玫瑰賣相真係超級精美，食落去仲要好香玫瑰味有玫瑰花瓣又有玫瑰做成嘅啫喱同白桃果肉，而火龍果芒果味除咗有芒果果肉，仲有紅肉火龍果同芒果做嘅夾心啫喱而佢有氣飲品都好好飲加入左希臘乳酪嘅關係芝士味唔算好膩，消化餅嘅餅底都好香，迷你裝真係啱晒我哋女仔而設仲可以喺打卡位坐低食，港女真係無法抗拒，即刻真係會影多兩張相