LAVA Bar & Restaurant (已結業)

話說朋友係前幾日生日，所以今日就特登book咗間餐廳同佢慶祝。餐廳嘅裝修很有格調，用左好多木材同紅磚去做設計，令餐廳散發出一種英倫風味，再加上唔同既燈光效果，營造出一個好放鬆嘅氣氛。入座之後餐廳職員有向我地提及今日新鮮既來貨同埋介紹唔同既酒精飲品，十分貼心。最後我同朋友決定要廚師發板，品嚐下廚師嘅推介。先來嘅有一杯啤酒同埋一杯cocktail。Mahou係一杯黎自西班牙既啤酒，飲落香醇，帶麥香。Cocktail方面叫咗 Pina Colada，餐廳用左blend既方法去整，打碎左冰塊，令口感更軟綿。味道方面唔會太甜，菠蘿汁同Rum嘅比例恰到好處。前菜黎左兩隻西班牙生蠔，生蠔上面有藍色嘅蘋果gel同埋魚子醬。生蠔放左係一個箱上面，箱入面係唔同嘅沙石、海草同埋貝殼類，帶出一種新鮮同海洋嘅氣息。生蠔食落十分creamy濃味，加上蘋果gel同埋魚子醬係背後淡淡咁襯托著生蠔既鮮味，十分高質。沙律方面，比左個「法國雜蕃茄，水牛芝士，水牛芝士雪」。沙律用咗個雪過既扁型水晶球黎盛載，除咗十分型格，亦幫助沙律保持在低溫中。味道方面，番茄十分甜，配上沙律醋，酸酸甜甜好醒胃。另外，水牛芝士亦都同蕃茄十分夾，

1月生日嘅我，朋友到 6 月先得閒請我食飯 🤣🤣 無乜所謂啦，志在見面傾計啫 💖訂咗星期五晚 7 點，去到先話我哋知由於星期五，如果有客等位我哋得個半至 2 小時用餐，即時灰咗，點解訂檯時唔講呢，咁我哋可以揾過第 2 間嘛！由於我放工早，午餐又食得飽，所以喺土瓜灣行去太子，行到去可以想像有幾熱，我已經出動埋手提風扇都好熱。 。 。坐底都未安頓好朋友又未到，佢就想我叫嘢 😡朋友到侍應就即刻嚟介紹食物，好似好想我哋快啲食完快啲走咁，介紹我哋食生蠔，又強調陣間有張大檯，可能會無架啦… 我哋都叫咗 4 隻，起晒肉好好味，但其實無都可以叫其他食物嘛!另外叫咗脆脆豬，原來係豬皮上面放啲西班牙火腿，其實塊豬皮無乜味 😓炸魷魚配青檸辣椒，份量小，魷魚都係無乜味，好似炸粉點泰式汁。薯仔奄列正常返啲，但我記得食過係啲薯仔切到一片片，佢好似唔係。到最後佢哋都唔需要我哋早交檯，前後坐咗 3 個鐘 😄佢哋啲餐具有啲其怪，係比隻夾同匙羹，攪到我哋無义用 🤣🤣

原本睇某大台介紹嘅餐廳，見到呢間啲野食好吸引，姑且試一次。一行五人被安排坐門口位，本身唔係問題。可惜佢度門係長開，夏天夜晚難免會多蚊。問侍應可否閂左度門，佢竟然回應話比啲止痕膏我地搽😑😑😑邊有喺室內食飯比蚊咬嘅道理🙄叫左個意粉，明明係有叉嘅。但台面每人只係有鉗同匙羹。問侍應可否比叉我地，點知佢話個鉗就係叉🙄🙄🙄好了，終於到食物了。侍應哥哥好好人地為我地推介美食。我地一共叫左三個主食一個小食。食物等左差唔多20分鐘先到。先泥羽衣甘藍八爪魚其實羽衣甘藍同八爪魚係無問題。問題喺個汁度，真係唔識點形容。咸咸地，但一啲都唔夾。再泥大蒜蜆肉意粉蒜無蒜味，不過有苦味🤨🤨🤨🤨意粉明顯未熟，蕃茄味道奇怪，係得蜆還過意得去。再來西班牙海鮮飯。醬汁太濃，略帶苦味，海鮮ok，係加埋腸變好咸。全場最好係得脆皮豬腩肉，外皮真係脆到有聲，半肥瘦，夠油香。總括而言，服務質素參差，環境令人不舒服，食物水平差劣。沒有下次，加不推薦。👎

LAVA 慢煮牛腩 手工包 千層腐皮.鋪頭嘅招牌菜點可以唔試吓，牛腩好入味配上手工包唔會覺得太鹹，而且中間仲有一層脆卜卜嘅腐皮，夾埋一齊食就絕配！西班牙式炸薯粒配溫泉蛋蕃茄香椒汁🇪🇸.溫泉蛋汁同薯仔粒味道好夾，而且仲有蕃茄汁撈埋一齊食會有幾種層次，而且份量亦都好多，如果淨係去飲啤酒不妨叫埋呢個小食！🥔殼飼羊架配火箭菜沙律.羊架叫咗七成熟，食落去唔會太硬，雖然用咗好少調味料，但係食羊肉嘅鮮味已經值回票價！手工啤 - Damn Lemon Beer 6-4 Lemon.呢隻手工啤味道偏向淡d，檸檬同啤酒嘅比例係4:6，飲落去有淡淡嘅檸檬香味感覺好清新，如果嫌普通啤酒太苦可以試下呢個！🥃

大大隻蒜香大蜆配扁意粉 充滿海鮮味😋鹽焗原條鱸魚 鎖住所有肉汁 魚肉仍然好嫩滑😯🐟芝士焗黑松露魚子醬帆立貝 好邪惡但係忍唔住擺晒入口🤤手工啤又好 紅酒又好 放左工大伙兒落黎太子一路食好西一路飲酒傾計都幾滿足!!—————————————————————————#太子#酒吧#spaghetti #scallop #wine #食左先講 #拍拖好去處 #hkfoodie #bar #cheese #cheers🍻 #食好西 #lavabarandrestaurant

2019年03月10日 星期日晚上9點鐘入去三個人 總共叫左3個食物1個主食 以及 2個小食-炸魷魚配青檸辣椒 $881. 魷魚同炸粉嚴重分離2. 炸粉好硬3. 魷魚無味4. 之後向四眼店員反映，店員回覆: 魷魚係無味嫁，啲汁就好好味。多謝你反映意見-黑松露意大利煙肉蛋汁意大利粉 $1581. 下單後約30分鐘上枱2. 好耐無食過生嘅意粉3. 意粉未煮熟、硬4. 蛋汁奇怪無比-西班牙薯仔奄列 $721. 正常、夠熱、有味PS: 送的咖哩味蝦條幾好

星期四晚唔算好full餐廳裝修幾有情調 用咗紅磚牆 幾有歐洲酒吧feel枱同枱之間幾近 會有少少嘈店員服務態度幾好👍🏻🦐西班牙式香蒜虎蝦 $148一上枱就聞到香味 店員有介紹黃色💛係檸檬醬青色💚係青檸 兩隻醬都酸酸地幾Fresh 檸檬偏酸 有6⃣隻虎蝦 虎蝦味幾濃🌮LAVA 手工包 自制日式叉燒 千層腐皮 $69饅頭包皮幾軟熟 中間有兩舊好脆嘅五花腩🐽 啲汁有少少酸應該係用咗黑醋 腐皮整到好脆好特別 一啖咬落去成個包外脆內軟好juicy😋 店員話個包要蒸所以要等一陣🍺KENTUCKY Bourbon Barrel Ale $75After taste幾正 唔會好澀🍻10% Service Charge💰

LAVA Bar & Restaurant (太子)⚜️西班牙式炸薯粒 配溫泉蛋 蕃茄香椒汁⚜️.第一個上菜嘅就係呢個炸薯粒，每粒外脆內軟，配上溫泉蛋流出嘅蛋黃汁同埋底部嘅另一種汁蕃茄香椒汁，酸中又有蛋香，好好食！ ！ 非常出色！ .⚜️LAVA慢煮牛腩手工包•千層腐皮⚜️個腐皮咬落脆到不得了，配上慢煮牛腩，味道新奇，可以一試.⚜️榖飼羊架配火箭菜沙律⚜️羊架七成熟，一碟有三大舊，食落都juicy，個人覺得都幾香！ —————————————————————-環境：⭐️⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️.📌LAVA Bar & Restaurant (太子)太子通菜街236號地舖

這裡午膳，很驚喜的用心製作，我最喜歡春雞很嫩有口感，那意大利飯也非一般的製作。 亦要讚讚餐湯，實在用料味道都講究，令人驚喜。另價錢十分超值，食材有質素，一定再來幫襯。like!

之前都有黎過Happy hour 同食過小食，餐廳唔算好大，但環境都算唔錯，坐得幾舒服，岩三五知己黎食下飯飲下野。今次賀友人生日，知道佢鐘情於西班牙餐，就事先book左呢間Lava Bar & Restaurant!趁仲有Happy Hour(到830pm)，我地先落左野飲order。呢度有各種手工啤、紅白酒、cocktail同 non-cocktail既選擇，當晚我地叫左Sangria, 白酒Riesling同Estrella 啤酒。HH時段飲真係好抵，最後我地都叫左3round野飲。餓喇！我地先叫左個「法國菜苗沙津·48個月黑毛豬火腿·脆烤藜麥」，有驚喜！法國菜苗好爽，加上藜麥同甜香蕃茄仔，每啖都好甜好有咬口，配合埋黑毛豬火腿，呢道菜十分開胃。之後叫左個必叫既西班牙海鮮飯加配龍蝦，賣相已經話到俾我地聽「堅足料」。得半隻龍蝦，我地合共4人實在不太夠分，但好彩其他海鮮份量都ok，要讚佢地既蝦、蜆同魷魚都係新鮮大隻，同飯底一樣食落好入味。西班牙小羊肩·希臘乳酪·法國甘荀 - 羊騷味略重加有少少苦，羊肉配乳酪食味道都夾，但由於苦味較重，本人食得較少。意大利原條鹽焗鱸魚 - 整條魚佢冇落太多

太子酒吧街估唔到有得食法國藍帶廚師煮既美食，仲有手工啤酒飲。如果想飲下手工啤酒又多想試下藍帶廚師既手勢, 就可以試下呢間叫左店員推介既法國青口，法國空運藍青口，雖然睇落好細隻，但食落超好味，好creamy又滑劣劣，加埋白酒煮，帶出鮮甜既味道，送酒一流！我揀左麥之戀人，好易入口，超重麥味。朋友仲叫了一枝手工啤酒whisky cask, 幾特別！趕到係Happy hour 8點半前落order , 平DD ✌🏼主食叫既呢個西班牙海鮮燉飯，除左望落好大份，食落都好足料，可以感受到滿滿既誠意，更要兩個人先食得哂！

西班牙的回憶，盡是美好的。恰好朋友聚會，朋友推薦這間西班牙酒吧兼食肆，趁機回味一番那些年曾在巴塞隆納品嘗過的西班牙美食。剛坐下，店員便通知happy hour 將完（2030），所以急忙點了飲料。白色的是pina colada，混有椰香同檸檬味嘅cocktail，其他三杯則是手工啤（樽連杯）。幾喜歡佢不同的酒配不同的杯。青口（店員是日推薦），其實都無嘜特別......脆皮豬腩肉，這道菜最合口味，但不宜進食太多。西班牙海鮮炒飯，比起那時在巴塞羅納所嚐的，欠了海鮮的鮮味。不過份量是絕對足夠四五人享用的。整頓晚飯，四人共消費千零，味道和價錢尚算均衡，值得一試。

星期日夜晚7點幾，諗住係太子附近行下，見到呢間酒吧餐廳，幾靚幾舒服，又無煙味，就入去食D野，順便等場雨細D再走。一入到去，真係不得不讚，員工非常之細心同好態度，主動幫我地放好D傘，又介紹返有咩好食。由於唔係好肚餓GE關係，所以都係點左一份小食，一份正餐都一杯啤油，2個人SHARE。雖然外表細細碟，但係都幾足料。起初以為個獲仔係熱GE，點知原來只不過係一個容器，但都幾靚。味道黎講唔錯，個蕃茄香椒汁係幾特別幾好食，配合埋D蛋汁，唔會太咸唔會太甜。不過又係可惜，是但我一心以為成隻溫泉蛋會係個面，點知面果舊係個好稀GE蛋白泡，而隻蛋基本上一黎到就同D汁混為一體，見唔到個蛋型! 如果有成隻溫泉蛋乳到就好啦。份量適中，一個人食岩岩好。成個賣相都唔錯，雲石花紋GE碟加上少有GE粗意粉，感覺上幾特別，幾有心思。不過可惜，食落個個味道黎講就無咩特別，一般般，而且個意粉太淋，如果多返D生骨就正啦。小弟不才，完全無記到個酒名。不過唔緊要，佢得3款GE Draught Beer，第一款就係啦。呢杯酒好好飲，又易入口，又有果味，酒味都比較輕身，飲完完全無果種啤酒臭味，好值得一試，特別係對唔太鍾意濃味啤酒GE朋友

今晚約左中學同學食飯，太子啲cafe爆曬book唔到，cheesecake factory 又冇得book,見到ig提過呢間bar好似都幾吸引，咁就來試下環境都幾好，但隔離枱好鬼嘈，我地傾計都有啲難度黑毛豬沙律沙律菜加左黑醋，好香好開胃，同埋都幾fresh ,topping 都幾有趣黑毛豬就渣啲，每人分到兩啖，唔算嫩，肉味亦欠奉推薦度：薯仔奄列一個手掌咁大嘅煎pan, 造型的色可愛味道幾好，入面好多洋蔥，蛋汁好多一開始仲以為食薯仔會好飽，但食落又冇咩薯仔喎，女仔食就岩曬推薦度：安格斯牛扒個擺碟同個碟真係好靚～就算求其影都幾好睇黃色個啲仲以為係mustard,點知係南瓜汁，真係估佢唔到安格斯牛有筋.....切到啲血汁流曬出來都未切斷呢張都睇到條筋好清楚推薦度：啤酒名字由左至右對應receipt由上至下的名稱，中間個枝太苦唔推薦我地3個女仔食完後唔夠飽，又去左食糖水哈哈味道環境我覺得一般，蘭桂芳一帶啲bar價錢差不多，但味道和環境會更好

話說朋友5月29日生日但朋友生日當天係地球既另一邊旅行緊奶油包只好等佢去玩完返嚟再食生日飯朋友係西班牙遊學過想食西班牙菜朋友就推薦左LAVA Bar & Restaurant試試去到覺得LAVA Bar & Restaurant好有酒吧feel但都係梳化椅坐得好舒服而且好有氣氛(係嘈左少少...因為有好多人幫襯)一坐低奶油包就叫左個Draught Beer因為奶油包好鍾意飲Draught Beer而朋友就叫左個手工啤同埋一杯士多啤梨Smoothie野食方面我地叫左Tortilla (西班牙薯仔奄列)薯仔控覺得好味可能因為熱辣辣仲加埋有蛋同onion朋友話香港食既份量同西班牙既有出入西班牙既係會好飽肚之後因為在場既奶油包同朋友一行3人都係薯仔控繼續叫左個係薯仔既菜--Patata Bravas (温泉蛋烤焗薯仔粒) 流心蛋加落薯仔度食好正..而且薯仔一D都唔乾身之後仲有Paella (西班牙海鮮飯)朋友一邊食一邊懷念係西班牙既日子海鮮都幾新鮮蝦都好大隻下蜆肉都好味最後仲有個拼盤有Ham同芝士奶油包覺得呢個唔算特別不過Ham同芝士都好味既呢個朋友生日飯奶油包俾80分食物係好食不過有D少貴