LAVA Bar & Restaurant (已結業)

行開太子去酒吧街行一轉 見到呢間酒吧環境唔錯 帶老豆入去食個晚飯 坐低氣氛真係唔錯 先叫左兩杯drinks - fruit punch and Shirley temple 不得不提呢兩杯野飲真係好好飲 唔會好甜 但好香果味 飲落去個人都會開心啲 第二就叫個牛腩包係好juicy既牛腩 加個厚厚既包夾住 食起黎既牛腩味好濃 好多汁 一路食 汁就一路滴出黎好入味 兩個main corse就叫左個黑松露忌廉意粉意粉係粗意粉 食落去忌廉味較淡 但有好濃既黑松露味意粉口感適中 份量唔算太多 一個人岩岩好食得哂第二個main course牛扒 七成熟 佢會切好哂黎煮 唔使自己再切 個人認為生多小小五成熟會更好 不過就老豆所以揀左七成 牛味好濃 咬落去都ok 算juicy 配菜煎起來都好香總括來說600內埋單都唔算貴 野飲的確係好飲 平時happy hour傾計吹水都唔錯

今天忙左一日，放工同事想去酒吧啤一啤，休息輕鬆一下，記得太子近警署附近的通菜街有多間酒吧，那兒比尖沙咀的清静一些，到了太子，見一間吧地方雅潔，燈光柔和，環境都好適合我們，而且有位女士熱情地招呼我們入座，那就試試這間LAVA Bar & Restaurant ！手工啤：多款酒精類飲品，同事選了手工啤，味道比生啤濃，說好好飲。炸魷魚配青檸辣椒：送酒的美味小食，外層好酥脆，魷魚有口感但不會韌，味道有青檸味和少少辣。西班牙海鮮飯：份量都好多，海鮮好新鮮，有大蝦、魷魚、大蜆等，味道鮮美。飯粒粒分明，吸收了海鮮的精華，十分美味。蒜香大蜆扁意粉：賣相相當美麗，用新鮮又大隻的蜆圍邊，正中是有口感又有蒜香的扁意粉，每隻蜆加有一片蒜片，蜆肉鮮甜中帶蒜香，十分美味！

今日星期日放假....去完大埔拜完神之後...就出去聯合廣場入下貨....行到行到攰攰地想搵間餐廳食下嘢.....點知行嚟行去都冇乜啱心水.....見到通菜街附近有間Lava bar & restaurant....又可以飲啤酒又可以食小食....一於走入去試下。見到佢哋裏邊嘅裝修陳設都好休閒....三五知己嚟歎返杯啤酒....食返個小食都幾唔錯點知入到去原來有好多唔同種類嘅食物架我哋第一道菜就叫咗呢一個....煎日本帶子Taleggio 芝士黑松露魚子醬好味到你耳仔都喐埋啊因為佢每粒帶子上面都有...粒粒肥嘟嘟脹卜卜嘅魚子醬而且粒帶子好鮮嫩彈牙坦白講我自己一個人都可以食曬三粒啊之後黎一個....Lava四粒煤（西班牙鹹鱈魚薯仔）....呢個菜真係好特別....我從來都未食過睇落去就似一舊炭...心諗好唔好食架..仲驚自己叫錯嘢點知一食落去...又幾好味喎因為裏面好軟熟..係有鱈魚同薯仔組合而成軟軟腍腍而入口到咗主菜...西班牙海鮮飯唔單止啲蝦大大隻....而且啲蜆肉都好肥美而且意大利飯都幾香口最後叫咗呢個燉蛋甜品...上面嗰幾粒果仁好好味🤣🤣🤣加上有塊熱熱地糖焦喺面...而且裏邊啲

係香港食西班牙菜一向唔平，而朋友就介紹依間酒吧餐廳，價錢相宜，食物味道都唔錯。餐廳唔大，星期四晚都好full，所以記得book左位先啦。雖然係酒吧，但播嘅歌唔會太嘈，適合同朋友聚會傾計，而我就揀左黎同朋友慶祝生日。LAVA慢煮牛腩 手工包 千層腐皮 $69今餐飯最中意嘅一道菜，慢煮牛腩好juicy，肉質腍滑 ，千層腐皮香脆得黎又唔油膩，食落口感豐富。手工包口感軟熟，味道帶甜，同牛腩惹味醬汁好夾，十分推介法國雞油野菌黑松露意大利飯 $198有少許失望因為menu幅圖係有大大片黑松露，可惜黎到只有黑松露碎。好彩黑松露味尚算濃郁，意大利飯食落creamy有咬口，而且份量十足。Fresh strawberry smoothie  $58對我黎講太甜，可能都係試下酒類會好啲。西班牙脆皮豬腩肉 $158我最中意嘅Tapas豬腩肉夠肥美，充滿油香，不過外層有少許硬。配上香甜蘋果醬，食落就無咁肥膩，不過如果再酸少少會更清新。焦糖燉蛋 $58面頭嘅焦糖好脆，而燉蛋又軟又滑，帶雲喱拿香，其實好大杯，不過比我影到好細份。西班牙油炸鬼配朱古力雪糕 $60之前係香港食過Churros都好失望，所以都strugg

星期五放工，約了朋友吃飯鬆一鬆。通菜街一帶有許多酒吧，似乎每一家都各有特色，這家餐廳以西班牙菜作招徠，餐廳面積不大，燈光微暗，只有十多張桌椅，氣氛不錯。翻開餐牌，有不少西班牙的特色菜式，例如Tapas前菜、烤乳豬、海鮮飯等。⭐️MAHOU$58 點了一杯西班牙啤酒，呈琥珀色，泡沫雪白，入口微苦帶甜。⭐️意大利原條鹽焗鱸魚$158+時令蔬菜（小）＄30這道菜在魚肚釀了香草調味，再以鹽覆蓋全條鱸魚，焗出來的魚就像一具「木乃伊」，哈哈！嚐一口，魚肉嫩滑鮮美，鹽焗鱸魚不但沒有一股鹹味，還鎖住了魚肉的鮮味和香草味。⭐️西班牙海鮮飯$260配料有蜆、墨魚和蝦等。海鮮新鮮，尤其蜆，又大顆又鮮甜，還有我最愛吃的番茄！米飯結實有嚼勁，吸滿了湯汁，一口一口吃，配搭不同的海鮮蔬菜，讓人回味呢！⭐️Lava分子蜂蜜海綿配意大利雲尼拿雪糕$72夢幻的淡藍色配上海綿雪糕，再點綴幾顆士多啤梨，賣相精緻。分子蜂蜜海綿的口感較濕潤輕盈，配上一口雪糕，滿足了我對甜食的渴望。▫️這家餐廳小小一家，挺適合朋友聚餐，一邊享用美食，一邊把酒聊天。

充滿青春,少年時回憶的太子酒吧街.好耐都冇去過太子酒吧街啦,經過都好少入去飲野,聽同事講話附近有間好有誠意又幾好食既西班牙菜餐廳,咁岩男友放早,喜愛西班牙菜既我就比機會男友請我食餐飯啦~~呢間bar 以為飲野為主 野食應該一般般下酒菜,order完上菜不得了,即刻鬧個同事(何只幾好味呀,仲好好味呀,明知我鐘意西班牙菜又唔早點介意我去)。。。而且抵讚係服務熊度都非常好~~嫩驚喜係太子酒吧街有這麼出色的餐廳。 味道,服務,價錢,質素都值5⭐⭐(韓國A+牛柳甜椒雞油菌火箭菜沙律)韓國牛柳真係超軟滑 好有肉味帶甜 齒夾留香 火箭菜好香,配合起黑醋無得彈,200蚊一份沙律係稍稍貴左啲,但係太子有高級餐廳質素又值喎慢煮牛腩手工包.千層腐皮以為叫3樣野。。。一個沙律一個tapas加個飯會唔夠飽,點知原來都好足份量同料呀。。個飯夠阿足量,大讚海鮮好鮮。。。蝦好爽好鮮甜,蜆好大隻好甜好好味。。咬落去卜一聲家~~~260蚊好抵

今天又在太子那邊放工， 舊同事打嚟話咁啱今晚冇飯食，睇下我呢隻飯腳如何， 攰攰哋我只限制佢話只能夠去太子旺角等地。行出太子站近旺角警署運動場道就有好幾間唔錯嘅食肆。 見到有間酒吧餐廳氣氛唔錯，好似都有啲嘢落肚，就行咗入去試試。望望四周及餐牌， 原來係走西班牙餐廳風格路線， 主打很多手工啤酒， 正喎仲有不少西班牙小食。先來一杯Virgin mojito先聞到清香的薄荷葉味， 飲落味道唔係得梳打， 飲到最尾都keep到味道， 青檸和薄荷葉味味很足。有汽天然紅菜頭紅茶48有好濃烈的蔬菜汁味， 但係有汽又有點茶味， 甜甜酸酸，幾特別， 個樽竟然有啲似咳藥水。西班牙薯仔奄列 $72西班奄列熱辣辣用鉄pan上，蛋香撲鼻，切开有薯仔和洋蔥， 健康的西班牙小食。慢煮牛腩手工包千層腐皮 $69牛腩用香料醃得入味，已撕成幼絲囗感柔軟亦有口。配上類似京式的手工包帶甜， 還有脆口的炸腐皮 ，整體味道豐富很特別。蒜香大蝦扁意粉 $148蒜味唔算濃， 蜆肉肥美帶有淡淡酒香，剛剛熟未收縮， 極道鮮甜， 海鮮味極濃。 扁意粉有彈性， 蘸上蚬汁精華吃不停口。羊扒配火箭菜沙律$210Ordered 了8成熟， 表面煎得

星期六帶左娘親去食西班牙菜 本身都唔知佢岩唔岩食 但佢又話想試新野於是黎左呢間Lava由於我係個雞蛋愛好者 前菜諗都唔駛諗就嗌左個西班牙薯仔奄列 好出色呀！入面仲有洋蔥架 同啲芝士薯仔perfect match仲有呢個紅菜頭火箭菜salad 啲配搭正正常常 意料之內 但啲汁少左啲 我娘親略嫌太乾之後終於到主菜 西班牙海鮮飯$260 份量幾大 個汁又幾match 啲飯煮得岩岩好 三個人食會岩岩好 不過我地兩個女人都食得哂 哈哈仲有呢條意大利原條鹽焗爐魚 $158雖然幾大條 但都失望左少少 因為未熟哂 同埋苦苦地 我同娘親食左一半都無再食落去了最後埋單$6xx西班牙菜價錢黎講較經濟 都幾大份！本身都想試試個甜品 但係個飯令到我地好飽 下次有機會再帶娘親黎chill chill

今晚是浪漫之夜🌹同男朋友想去chill下去左～太子酒吧街～因為想食野多過飲野就揀左間貌似中檔次餐廳😋果然合晒心意 介紹下個浪漫晚餐先：1）日本帶子，芝士黑松露魚子醬一見到menu有帶子就配黑松露就觸動左我依個黑松露控喇😂上碟時好香松露味，食落外熱內軟 煎得岩岩好🤤2）黑松露煙肉旦汁意粉又係黑松露點可以唔叫呢🤤🤤佢地既意粉粗度同口感比較特別 出面少有，因為較粗身，有唔少醬汁都係麵條上，特別好味😂而個醬汁都係出面少有 應該係自家調配 誠意之作呀！3）美國安格斯西冷牛扒點左7成熟，岩岩好！有牛味，如果多兩件就好喇🤤不過依個價錢已經好合理👍🏻飲品方面只係叫左杯fruit funch,因為女人個幾日唔掂酒精🙈下次再去一定要點杯cocktail chill chill佢

位於太子的LAVA Bar & Restaurant，是一間很出名的西班牙菜餐廳。曾聽不少人說這裡的刈包好好吃，作為一名包控，怎能不光顧一下呢。Lava慢煮牛腩刈包$69二話不說把想吃的食物柯打好啦，便乖乖等食吧。刈包是台灣食物，沒想到竟是西班牙餐廳的招牌菜呢。麵包類似饅頭，把中間刈開，塞入慢煮牛腩肉，腐皮和紅洋蔥，口感豐富，麵包鬆軟，惟牛腩調味不太足。西班牙炸薯粒$65每次去西班牙餐廳，總會吃不少薯仔，一齊充滿能量吧。薯仔切成四四方方的薯粒，薯粒四面微焦，帶著一層厚薯皮，內裡粉糯有口感，配伴溫泉蛋和蕃茄香椒汁，微辣惹味，太好吃啦。西班牙薯仔奄列$72熱呼呼的西班牙烘蛋，終於上台啦。烘蛋非常厚肥，微焦的蛋皮內，藏著層層材料，非常豐富，例如薯仔片，香蔥等等，簡單材料，加上少許調味，已能令人慾罷不能啦。

呢間嘢係太子站附近，落車大約行十分鐘就到，都幾就腳。一到步其實都唔係好覺佢係餐廳，因為佢設計都偏向於半開放式，好似歐洲盛行嘅酒吧咁。廚房同街外嘅景況都可以盡收眼中，加上枱上嘅爉燭同店內昏暗柔和嘅光線，令人有種好放鬆嘅感覺。我地叫左黑毛豬火腿小麥包，黑松露帶子，慢煮牛腩包，蛋汁意粉，分子雪糕，焦糖燉蛋，同兩杯佢推薦嘅嘢飲。每道菜上菜嘅時間好好，一份接住一份，等待時間唔長。首先黎到嘅係兩杯嘢飲，我果杯係藍莓鮮奶，我一飲就愛上左，因為佢藍莓味同奶味調得恰到好處，口感綿滑，非常開胃，真係好好飲。跟住係火腿小麥包，佢嘅包係自家制，好脆口，同48個月嘅風乾火腿不論口感同味道都好夾，分量好足，有六份，中意火腿嘅我可以一飽口福，係一道唔錯嘅前菜。再來係黑松露帶子，擺盤好精緻，而呢道菜比較驚喜嘅係黑松露並冇搶走帶子本身嘅味道，佢嘅醬比較淡口，做左一個好好嘅調和效果，帶子鮮嫩，口感十分好。之後就係慢煮牛腩包，呢個係侍應推薦，亦係佢地餐廳主打之一，結果係冇令我地失望!佢個包幾有咬口，牛腩好腍好入味，仲有啲油汁令個包唔乾口，加上洋蔥去平衡油膩嘅感覺，成個包非常高質! 之後就係主菜蛋汁意粉啦，佢個汁好cream

今日唔想飲酒，估唔到黎到太子嘅酒吧街，都可以搵到好嘢食。是日精選，法國生蠔，新鮮有海水味，幾清甜。炸魷魚圈，自家調過味，幾好食。自家製慢煮牛肉包，慢煮牛肉加入咗香料，味道濃郁，包入面加左炸腐皮，令到成個包嘅口感豐富左好多，亦都幾有特色，我都係第一次食👍🏼主菜有黑松露意粉，意粉較粗身，麵質彈牙，每條麵都好掛汁，但又唔會水汪汪，做得幾好食。肉眼扒，已經切好四件上碟，擺碟幾靚，配上甜甜地嘅芥茉醬，依然食得出濃濃嘅肉味，因為本身怕生，所以叫咗七成熟，不過都依然做到幾juicy👍🏼👍🏼

經過太子，梗係睇下有冇邊間BAR想試啦我同朋友又想食主食，所以最後都揀左依間。安排左二人位，都幾舒服。比依個手工啤menu 吸引左 十五十六之後就叫左下面個支。荔枝啤 都幾重荔枝香味，唔重酒味，啱女仔飲下不過飲得多覺得有少少甜，所以share 飲就啱。牛腩手工包一咬落去就滴汁，個包有少少油，但都幾juicy既，加上有d脆腐皮，口感幾得意。份子甜品蜂蜜蛋糕配vanilla 雪糕可能我唔識欣賞，我就覺得一般，不過朋友好似都幾滿意最後，我覺得上菜有d慢，不過慢慢飲住野傾下計都ok 既

今日起太子做完野叫左個朋友過黎一齊食dinner之前經過lava bar幾次見佢都幾chill 一直都好想黎試今次終於食到以一間bar黎講 起食物方面佢都有幾多選擇而且菜式都幾特別 起其他地方好少見因為2個人夜晚都唔食咁多野 所以主要叫小食鴨胸鴨肝沙律 顏色夠繽紛搶眼鴨肝入口即融 而且味道好濃郁鴨胸煮得剛剛好 夠味配埋西瓜同埋橙食都幾fresh慢煮牛腩加千層腐皮手工包好特別既材料食落有幾種口感腐皮香脆 牛腩入味又juicy 手工包夠軟幾得意但大家食既時候要小心啲腩汁流哂出黎雞油野菌黑松露意大利飯開頭會驚雞油會太油點知食落又ok黑松露同野菌配合得天衣無縫正！甜品要左招牌分子蜂蜜海綿蛋糕食落果然好鬆軟 入口就融Gelato都好滑好好食上面個綿花糖好驚喜2個人仲叫左枝荔枝啤酒share飲真係夠哂chill

雖然唔太好去酒吧，但係要去飲吓嘢之餘又可以享受美食的話，清吧絕對是我的其中一個好選擇。呢間餐廳大門好開揚，而裡面排咗幾張大大小小的方枱，坐在一角望著 bar 枱，在柔和燈光和音樂配襯實在好 feel。另一個吸睛位就是門口旁邊掛起的波衫，深夜來睇波會是另一種氣氛。看看餐牌，除了不同款式的美食之外，仲有手工啤。牆上仲有手工啤 10 强，對於初次來店或者想試手工啤的人來說是個温韾提示。我們各自點了一杯果汁，有 橙汁 和 葡萄柚汁，冰冰涼涼好 refresh。煎日本帶子，TALEGGIO芝士，黑松露魚子醬呢味菜排得好靚，帶子表面很香，裡面很軟身，將黑松露魚子醬一齊放入口，魚子醬的濃香在口腔內散發。而浸住帶子的是融化了的芝士，味道淡淡的帶點奶香。西班牙脆皮豬腩肉呢味菜好似燒腩仔，一片片薄薄的，表皮脆卜卜，而且半肥瘦的腩肉軟綿綿，無論是當主食，或者送酒都非常合適。法國雞油野菌黑松露意大利飯 (黑松露 1g)野菌黑松露鋪滿飯面，香味係咁飄出來。最正一定係意大利飯，撈埋個好惹味的汁，有好香的雞味同埋非常滑溜。