Lazy Pasta (已結業)

朋友介紹話呢間好好味，咁我就試吓啦，佢話遇到戴眼鏡嘅男店員會好味啲。我同店員講，自己冇食過呢間，有冇乜嘢推介，點知個店員答我冇…咁我就是但叫一個啦。落完單之後，店員會即刻煮，所以都係熱辣辣嘅。返到屋企打開個盒，有少少嚇親，因為真係好少蝦仁，買相睇落去有啲寡。但係蒜蓉味同辣味都好夠，所以啲扁意粉食落去都幾惹味。份量嘅話，男人可能唔夠食。如果鍾意食意粉嘅話，試吓呢間都冇妨，因為呢度附近好似都冇乜西式意粉食。

lazy pasta真係冇改錯名我去落單點陣就冇咩事，餐牌話冇天使麵，我本身都係想食青醬雞肉意粉到我太太落單果陣，佢叫咗麻辣雞煲闊條麵“唔該要麻辣雞-”“冇雞”佢等咗幾秒諗住可能店長會提議下其他肉，但係佢咩都冇講，連望都冇望我太太“咁可唔可以要蝦？”“得”“要闊條-”“冇闊條麵”“咁有咩揀？”“得意粉”“哦，咁意粉囉”由落單去到收錢，佢係完全0眼神接觸，好似我哋落單係得罪咗佢。不過唔緊要，香港大把食肆都係咁，嘢食好食咪當收貨。但係邊有喺太安樓咁多人去食宵夜嘅地方8點已經咩料都冇？ok, 佢整好咗我哋攞返屋企食。真係好笑，我要意粉佢就俾咗闊條麵，啲麵仲要煮到勁淋，青醬仲要冇乜味唔知係咪溝過生粉水定點，雞又真係得幾粒。麻辣果個除咗麻辣之外都冇乜其他味。咁講真50幾蚊嘅意粉我都唔會有咩大期望，但係都唔會去到一間外賣店連單都落錯，咁嘅味度質素，只可以話食得飽。咁lazy不如讓返個舖位俾其他會俾心機嘅舖去做。食果陣冇心機影相，當我lazy啦

新鮮即煮好味意粉，大大盒，味道比想像中好，卡邦尼汁濃濃，熱辣辣，仲有必備蛋汁。青醬意粉有驚喜，叫左2盒，两樣都比想像中好味我同我老公2個人食，食唔曬。下次都會要黎幫襯！

同事買外賣叫左一個卡邦尼寛意粉一個蕃茄忌廉海鮮意粉結果兩個粉調轉左 🤦🏻‍♀️🤦🏻‍♀️咁都算啦 小問題黎點知一打開盒見到一舊舊蛋碎都唔係好開胃一d都唔creamy 味道亦好淡意粉係即叫即炒預左係烚定哂意粉再炒可惜意粉烚過左火 口感太淋 麻麻地買個叮叮意粉都好食過佢 至於個蕃茄忌廉海鮮意粉同事都係覺得味道太淡而且唔夠汁整體黎講又係麻麻地不過同事話店員非常熱誠有禮貌去叫外賣話轉頭拎店員好好提佢慢慢唔洗急 希望味道上可以改善下有機會會再試下既