Le Grand Pokka Cafe (已結業)

我的姊妹係Pokka 的忠實粉絲， 佢已經有這裏的會員卡好多年了， 之前還幫我申請了一張。 今次餐牌有新的菜式， 我們選了澳洲m7和牛$227， 紐西蘭肉眼扒 300g $164， 鐵板三文魚炒飯$98， 加熱咖啡兩杯$36。我很喜歡飲這裏的咖啡，無論凍咖啡和熱咖啡都很好味， 咖啡味香濃 鐵板三文魚炒飯～ 自己調教醬料，之後可以倒在鐵板上自己煮， 味道微辣， 非常惹味。紐西蘭肉眼扒 300g～ 鐵板上有一個好處就是可以自己控制牛肉的生熟度， 這件肉眼扒肉質鮮嫩， 非常好味。澳洲m7和牛～和牛肉味香濃， 沙律菜新鮮， 薯條脆卜卜好好味。相信有很多人都食過 Pokka， 食物質素就見仁見智， 但服務質素就有待改善。

Pokka 以往係同朋友一聚又無限時嘅好去處今次再去時間發現轉哂餐牌得返扒餐可以叫其他嘅食物都無而且扒餐又無得揀幾多成熟侍應話因爲俾客人自己整，決定幾成熟問題係塊版根本唔夠熱轉頭就凍左啲肉就生歐歐咁，血淋淋！咁樣，點食wo ？！侍應好快手幫你收盤，但又無人加水！似乎係叫客人快啲食完走嘅策略！今次嘅體驗真係令人失望無哂以往吸引嘅食物，轉做扒餐都唔緊要，但應該要做到出色嘅扒餐。宜家扒又唔好食，真係好唔吸引呢！

食物:「👌🏻鐵板牛肉漢堡扒鹿兒島黑豚腸咖啡蛋包飯$128」這個不錯，漢堡扒雖然細，但都厚身的，漢堡扒牛肉味濃，黑豚腸口質特別，咖喱味濃但不辣，唯一缺點係個蛋包飯不完美。「👌🏻太平洋海鮮稻庭烏冬$118」海鮮種類多份量普通，但湯底味道很清淡。「👎🏻卡邦拿拉巴馬火腿意粉$128」忌廉同奶味突出，但芝士味很淡，食幾淡就會好漏口，加上火腿份量很少，不建議食。👎🏻服務:下午茶黎計算中等價錢但服務係零分，由要杯水、落單、埋單等都要叫好耐先有侍應理會，裝修美麗環境都算闊落，但服務好差。

以後都唔會去再食poka cafe 因為已經唔係以前嘅pokka cafe 入到餐廳menu轉曬焗住人哋食扒叫咗一set價值198嘅和牛 一set 133蚊嘅肉眼扒 又無餐湯 餐包 仲要加29蚊先至有side dish🙄🙄最重要係佢哋嘅蒸餾咖啡令我非常失望 非常難飲 完全唔係以前飲開嗰隻 日本蒸餾咖啡詢問員工點解啲咖啡變曬質佢哋話老闆叫佢啲一早沖定曬啲咖啡 真係好難好難飲成個餐館 啲人都係食緊扒 仲以為自己去咗花園餐廳講到味道又唔係特別好食!後來我走嘅時候攞咗去餐廳嘅卡片發覺樣嘢poka cafe 中文名係……百階香港有限公司我懷疑本來嘅pokka cafe已經消失咗啦已經比某大陸公司收購 因為我食完之後我覺得成件事都好大陸以後唯有多啲幫襯ucc啦ucc都冇嘅話就真係要飛去日本食啦

有親戚送了一張戰斧牛扒coupon 比我，所以就拉大隊，一行15人去食晩飯，由預約book枱，到埗，order，上菜，結賬，職員都是冷冰冰的（尚可接受及理解）。當天食物水準只有一般水平，served我們的supervisor全程黑面及不耐煩，（反而上菜的一男一女侍應卻笑容滿面），雖然在座朋友沒有出聲，但個個面有難色，令我真的覺得很難受。作為一個前線服務員，用這種待客態度，實在是趕客，永遠blacklist

今天下午茶時間去了旺角雅蘭上面二樓間pokka cafe，入到去只有下午茶menu都係平時其他pokka那些嘢食，仲有兩張pokkaxCP扒餐的Menu，一張得幾款牛排，一張就和pepper lunch 果啲差不多。於是我叫經理哥哥來問一下有沒有其他menu，哥哥和我講「冇其他係得nie 幾份啦」於是再睇下有冇甜品食，結果係冇如果我係打算吃飯或是拉麵的我應該是可以座低食的，但我是有心去食麥麥厚多士和新地的，只有很迷茫地行出。吃了二十年的菜式沒有了！

生日約左兩個BFF小聚，我地揀左旺角Le Grand Pokka Cafe。呢間Pokka真係旺中帶靜，又夠就腳👍🏼👍🏼內部環境舒適整潔，好適合幾個朋友靜靜地傾下計！沙律係女生必點的菜式，呢份沙律有我最喜歡的牛油果🥑同大蝦🦐我比較中意清清地嘅沙律，所以唔落醋都巳經覺得好好食了！另一好菜推介係意大利煎飯～最底層係意大利煎飯，食落口感好特別！有啲飯焦嘅感覺，同時又帶點軟熟。中間嘅雞肉熱辣香脆，平時唔多食雞嘅我都愛上它了！最頂有堆沙律菜調和油膩感～大家有機會記得一試😉

今晚去旺角雅蘭搵野食，好多間食店門口都有很多人等位，但這店唔駛等位，食物款式多樣化，便入去食了。要了一份晚餐：西冷扒、有沙律及飲品。士多啤梨白桃茶，茶味好濃，味道不太甜。牛扒七成熟，很嫩滑，夠牛味。炸魷魚、雞翼薯條拼盤，魷魚圈和雞翼都很細隻，數量少，雞翼很乾，食剩很多薯條。龍蝦湯帶子米粉(意大利粉）有三大隻帶子，龍蝦湯很香濃，令整碟米粉好好味。這裡食物份量夠大，還是我們三人食量細呢？居然食剩很多，要打包拎走。

今晚 情人節set A 餐 南瓜海鮮湯，主菜雞卷肉做到好滑， 內餡料 係菠菜, 外脆 內軟，做到好好味，加上選用 茄蓉汁， 配搭新鮮，頭盤糸 砌成玫瑰 煙三文魚，選用日本 芥末，很好味，甜品做得好 精彩, 好好味。今年情人節餐整體Good Good Good.

La Grand Pokka 點解會去食：2018-12-18 約咗兩個打同學敘舊，原本都冇諗住食呢間餐廳嘅，但係周圍都實在太多人等位啦，所以去咗間又快又可以食到野嘅地方，就去咗呢間啦。食物新鮮程度：⭐⭐⭐⭐巴馬火腿忌廉意大利軟飯，熱辣辣嘅意大利忌廉完飯，配埋一大塊巴馬臣火腿，味道清得來，集中左係塊火腿嘅鹹香味上面，稱得上簡單的美。食物合適溫度：⭐⭐⭐西冷牛扒：其實我個人就覺得食牛扒唔太應該配燒汁，又或者佢唔好懶醒咁將嗰啲汁淋係牛扒上面，等個客人自己選擇囉定係唔落囉；但坦白講塊牛扒又煎得幾好。煎豬扒：因為我都唔記得咗佢個懶型嘅名啦！淨係記得佢塊‘知’扒，沾到嗰邊窿晒，成塊拍鞋颯颯咁，叫人點食呢？食物驚喜程度：⭐⭐⭐⭐️單骨雞翼，嘩！黎都真係嚇鬼死，個三跳一跳，離一離，啲雞翼乾到阿媽都唔認得，驚喜唔驚喜呢？—————————————————服務員態度：⭐⭐⭐️可能當晚都算係好多人啦，所以佢哋嘅服務較為慢熱，不過態度都唔算差嘅！—————————————————最重要系。。。我會唔會再去？重遊指數：⭐⭐⭐

時間過得真快, 又一年, 不過上次黎食到今日都唔夠兩個禮拜, 無他ge, 在旺角就腳又方便, 今次食lunch set, 有成十個, 好多選擇, 我揀咗西冷扒紅酒汁黑酷同廚師精選(是日精選係迷你帶子龍蝦汁意粉, 仲有餐湯或沙津, 是日餐湯係蟹肉南瓜湯, 緊係飲湯啦, 再加多兩個沙津, 櫻花蝦沙津同凱撒沙津, 試多d嘢嘛, 靚女經理仲話我聽啱啱返咗法國蠔, $29一隻, 唔係貴呀, 就加兩隻櫬下d沙津, anyway未上菜之前好想飲d甜嘢, 再加杯紅豆綠茶凍奶.綠茶加凍奶好香滑, 配上紅豆有趙口, 個presentation都幾靚.蜜糖餐包好食, 配蟹肉南瓜湯好夾.凱撒沙津醬汁酸酸哋好開胃, 而羅馬生菜又好新鮮爽脆.法國蠔好creamy, 有蠔味, 配上檸檬汁同茄汁 (個茄汁特別調較過好配合食蠔) 好好食.櫻花蝦沙津個汁酸酸辣辣好開胃, 配上櫻花蝦同豬肉鬆好香口.迷你帶子龍蝦汁意粉, 龍蝦汁好濃, 而意粉軟硬適中, 唔太淋唔太硬.西冷扒紅酒汁黑酷, 西冷扒七成熟, 嫩口, 好食, 配香脆炸薯條, Yummy, 侍應生仲好醒目, 自動跟上茄汁同芥末, Good service.最後餐啡,

Boxing day緊要安排吓節目啦, 今日去睇水行俠, 及兩日前book定戰斧牛排, 聖誕節食好d, 經openrice訂位方便, 仲可以儲哩數添.套戲真係好睇無冷場, 都係講番嘢食先, 去到餐廳門口, 靚女店長問我有無訂位, 我話訂咗openrice兩位, 就帶我哋去坐卡位, 好舒服, 仲準備好餐具及訂坐牌, 好細心, 剩食肉唔得架, 於是加咗個櫻花蝦沙津, 咖啡及慢慢地等7成熟牛排.沙津新鮮, 雞肉嫩滑, 仲有豬肉鬆同櫻花蝦, 最欣賞個泰式醬汁, 少少辣, 好野味, 食落好開胃.牛排啱啱好7成熟好嫩口, 配佢果個用燭台加熱的醬汁, 好配合, 好好味, 兩個人食啱啱好.聖誕甜品, cup cake好cute.最後來杯Pokka皇牌咖啡.

食物 - 嗌咗兩個lunch set：Set B（BBQ燒雞扒芝士定食+味噌湯）：- 味噌湯無味，可以當茶飲- 定食附送一個小食，係唔知咩汁浸冬菇，食咗半塊放返低- 雞扒普通，算無雪味；個汁似茄汁多過燒烤汁；芝士普通；成個餸好普通，住宅區茶記$55碟頭飯質素- 份量雖然下會常，但平時算大食又怕徙嘢食嘅我都食唔落去，食剩咗半舊雞扒同兩啖飯Set F（唔記得咩汁煎豬扒+羅宋湯）：- 羅宋湯好稀，無味，可取嘅地方係溫度適中- 跟湯個包幾好食，成餐嘅亮點- 好抱歉真係唔記得咗主菜個汁係咩，食完都唔知個汁係咩，總之啡色，鹹鹹甜甜咁- 個豬扒食落似超市雪藏雞扒，可能我哋記錯餐牌，或者其實係食緊分子料理用雞扒扮豬扒- 豬扒有部份過燶- 搭配豬扒嘅係有幾片過生嘅青瓜，同兩粒算好食嘅車厘茄飲品 - 由於以上兩個餐嘅質素完全耗盡我哋兩個嘅胃口，無餘地再嘆咖啡，所以求其嗌咗兩杯凍奶茶。除咗茶味過濃之外無咩特別服務 - 正常，以近乎坐滿嘅入座率（竟然）算understaffed，但服務都算唔差，辛苦哂價錢 - 以咁嘅食物收我近$150，令我不禁慨嘆香港地租金真係好昂貴上一次食已經係幾年前，喺其他分店，不過係食

成日覺得pokka cafe 既食物唔係特別好食，又賣得貴。所以平時都唔會食佢。今次係貧友仔要求下，入去試下le grand同普通pokka cafe係有咩分別我食左時日晚餐既蘋果豬扒配意粉，貧朋仔食牛肉蛋包飯。餐湯係“希希“地洋蔥湯，味道淡，不如你都係比返忌廉湯我把啦主菜上碟，豬扒分量好大，大到我覺得d汁唔夠，要叫佢比我d汁我。食落係普通厚切豬扒一塊，好彩既係冇overcook.貧朋仔評價蛋包飯味道ok d, 係d牛有少少韌，佢都清左碟既。如果咁既價錢，旺角大把選擇，唔會再黎食,早知去翠wah食個扒餐仲好服用方面，人手睇落充足，但冇咩服務可言，叫佢比杯水叫幾元。叫佢比d汁都要幾次。成問餐廳最好即係d位夠寬闊lor

我諗大家都知咖啡嚟講Pokka無得輸, 我差不多一個禮拜都會嚟幾次, 依樹地方就腳方便, 坐卡位的話, 傾計一流, 店長及店員服務又好.呢個禮拜剛剛做緊大優惠, 大大戰斧牛排半價, 買 coupon $498, 堂食正價加一 $98.8, 不過要三天預訂, 今日終於有得食, 店長細心問我要幾多成熟, 及薯菜, 我跟住問佢幾成熟最好, 佢話7成再擺多陣就perfect, 結果係Master Chef節目大廚成日要求既粉紅色, 充滿肉汁, 好淋, 點牛排燒汁洽到好處, 我哋兩公婆食一件, 好飽, 對於食肉好獸嚟講好滿足, captain仲好醒目, 上菜時另外俾一把比較鋒利既牛排刀, 芥茉醬及茄汁. 件大牛排響大酒店食要 $1500 加一, 依樹真係好抵食.完美粉紅色, 充滿肉汁. 好淋, 肉味濃.$498 coupon最後, 加杯蘇門塔臘萬特寧咖啡, 香滑味濃, 最啱食肉獸.