影片
營業時間
今日營業
08:00 - 19:00
星期一至日
08:00 - 19:00
以上資料只供參考, 請與餐廳確認詳情
响銅鑼灣希慎道紥根咗咁多年，都無特別介紹下呢條小巷，有咖啡飲、有Bagel食、仲有香港小吃！💛Le Petit Cafe 專賣咖啡，同朋友各要咗一杯Mocha Latte 同Cafe Latte，咖啡好香好滑，仲可以要求用瓦杯，可以慢慢响度Chill住飲，傾下計。如果要外賣，店主亦好樂意用客人嘅自㩗杯，減廢！💚旁邊仲有一間都係賣咖啡，亦有Bagel賣，輕食好啱。再行入啲有港式小吃，都係歡迎大家自備器皿。💚
繼續閱讀
朋友介紹有個露天地方hea 就一齊去去到先知係一個巷仔 佢有個燈牌係巷仔入口 唔望唔會知入面有人做生意巷仔有幾間鋪頭黐住 有果汁同嘢食賣 感覺好似一家人咁 有傾有講 而呢間cafe地方細細 一邊係鋪 一邊係bar枱有幾張櫈 bar枱嗰邊有好大幅牆畫 好似去咗外國咁 嗌咗一杯americano 唔酸又唔會好似連鎖嗰啲溝到好淡 飲完精神咗 又可以去搏殺同staff傾咗好耐計 乜都傾 有時遇到陌生但有共同諗法嘅人好正好正 希望多啲人識佢地 不過得一至兩個人沖咖啡㗎咋 人多唔怕等耐少少～
繼續閱讀
呢間咖啡舖嚴格黎講係只做外賣生意，因為賣咖啡嗰邊嘅舖位係得一小格，所有野都係啱啱好夠位擺。如果客人想坐低飲，可以喺舖頭對住一條嘅長巷仔坐，或者放杯咖啡喺枱企喺度飲。小編本身覺得呢度環境唔算好，所以唔係特別有興趣，不過朋友想試就一齊去左飲咖啡。好彩有去試，因為啲咖啡真係好飲我同朋友都叫左杯latte，一大一細。因為我地喺嗰度飲所以就叫佢地唔洗比個蓋我地。朋友嗰杯放左一陣先影，所以冇氣泡，但本身都係好滑的，拉花又靚呢度嘅咖啡味道唔算濃，但好夠味。溫度黎講係暖至熱，入口啱啱好，又唔會太凍或凍得好快，所以係真係一杯好咖啡🥺 同埋啲泡好滑呀
繼續閱讀