LE-TA-SU 一人一鍋

營業中

休息中

呢間LE-TA-SU一人一鍋之前次次經過都見到好多人排隊，今次提早嚟，終於唔洗等！餐廳提供多款唔同既套餐，有各種既湯底味道同肉類選擇，一人一鍋嘅套餐真係好方便，可以嗌自己中意食既菜品。今次揀左LE-TA-SU套餐 $105/200g，套餐仲轉埋壽喜燒，一送到嚟見到嚟牛肉幾靚，而份量都多，另外套餐有新鮮生蛋，野菜盛合，白飯或者可以加烏冬，仲有碟小食，真係夠豐富！呢個套餐性價比高，又夠飽，味道仲唔錯！仲見有期待限定新出既蕃茄芝士湯，我見都好多人嗌，賣相幾吸引，下次咁啱係附近既話會再嚟食，不過如果多人等就未必等咁耐啦。整體嚟講，味道唔錯，份量又夠（有部分套餐可選150g/200g/300g），可提供唔同份量，而價錢方面都算合理，大約$150內食到一個套餐，仲要免加一‼️未嚟試既朋友要嚟試下啦。

⭐ 評分：★★★★☆ (4/5) 獨食火鍋的儀式感 ---🍖 壽喜燒肩胛肉套餐 (150g) ✅ 特選壽喜燒湯底： → 關東風醬油甜香平衡，不會過鹹，涮肉後越煮越濃郁。 ✅ 肩胛肉： → 油花分布均勻，輕涮十秒即食，肉質嫩滑帶微微嚼勁。 ✅ 追加牛五花 (+$18)： → 油脂更豐腴，建議先涮肩胛肉再吃五花，味道層次更豐富！ ---🥗 配菜組合 🥬 LETASU野菜盛合 → 白菜、金針菇、南瓜、蘿蔔等，份量足，吸飽壽喜燒汁超入味。 涼拌芝麻菠菜 → 清爽解膩，芝麻香氣濃，平衡肉類的厚重感。 🍚 白飯 → 日本米煮得粒粒分明，淋壽喜燒汁拌食是靈魂吃法！ ---💡 性價比分析 - $116套餐包：肉150g+野菜+飯+小菜，免加一，新城市廣場地段算超值。 - 追加建議：牛五花$18有50g，加購價合理，肉食獸必點。 ---🏢 環境 & 服務 - 一人一鍋：獨食不尷尬，衛生又方便。 - 自助調味料：可自由調整口味。 - 夜食建議避開7-8點高峰。 ---📌 總結 「沙田區高CP值壽喜燒！$116免加一食到日本風味～」 👍 優點： - 湯底，肉

沙田新城市廣場最近開咗間LE-TA-SU一人一鍋，真係令人好開心，終於喺沙田可以享受到一人份嘅日式火鍋！呢間店大部分嘅湯底都係比較清淡，尤其係佢哋嘅昆布湯底，飲落去非常清新，完美襯托出肉嘅原味。我試咗佢哋嘅和牛，肉質好嫩，唔需要加太多調味就已經好味。店裡仲有好多新鮮嘅蔬菜可以選擇，搭配埋肉一齊煮，食落真係超滿足。呢間餐廳環境都好唔錯，空氣流通唔會好焗促，感覺十分舒適。裝修方面，走無印良品風，簡約又有設計感。LE-TA-SU不論係食材質素、湯底選擇定係用餐環境，都做得非常好，絕對值得一試！

沙田肉肉打邊邊-LE-TA-SU 一人一鍋Fb:下一站豬欄; IG@Pig7stationLunch 去沙田新城市廣場，見到呢間餐廳門口已經有人龍，oh..咁夜晚咪仲更加難得等位🙈等左15分鐘左右終於有位啦，都幾方便，點左個LE-TA-SU套餐同壽喜燒肩胛肉套餐，食肉獸都可以根據磅數去決定份量架🙂上枱嘅時候大大碟好吸睛，肩胛肉肉質唔算滑，都有d鬆散，反而牛舌有驚喜，肉質比較有彈性😀Overall 有d失望，牛肉唔係太驚喜，如果要等好耐位就未必值😅

閒日經過不用排隊. 之前試過星期六朝早已排長龍等開門. 我都係其中一份子. 11:30 開門. 11:00已有人排緊,  但我都係11:20 先埋去.  最後都能安排倒入座.  今次呢餐係在下午茶時段入座, 閒日. 不用排隊. 雖然說是限是 70分鐘. 但下午茶時段. KEEP住有位任坐就應不會趕你走吧. 不過正常一小時內都應該能完全地食晒成個餐.喜歡這間餐廳是, 肉是即場刨出來, 所以十分新鮮, 而且肉味濃 . 價錢抵食, 呢個價格有咁既質數. 絕對超值. 百零蚊至二百蚊左右一個人頭費用 已吃到飽飽唔想食晚餐了. 暫時試過極上出汁湯底 + 壽喜燒湯底.  當然壽喜燒湯底較出色. 豬肉片也好吃, 平時我麻麻地豬肉片, 但這裏面煮出來很好吃. 牛舌也不錯.  牛肉當然都好合理既質數.所以整體, 如想簡單烚下烚下, 走入店吃一份餐就最好不過.   每份餐還可點一份蔬菜. 所以一定很均衡.   此餐廳我是推介的.  唔要求. 價錢合理食倒咁既質數, 無投訴.

放工坐車時已經响apps攞定飛，但都由6點零鐘等到8點幾至入座。好在等待過程中有一田購物日幫我打發時間點咗個LETASU套餐300g，嗜辣嘅我點會放過要麻辣湯底吖，聲稱係藥膳鍋，有紅棗同幾條金針，百零蚊一人一鍋都算係咁，辣味足，不過叫得麻辣都一定有花椒，啲花椒殼要頻繁吐😆。嚟到至知300g原來幾大份⋯⋯早知要200g算啦，餐嘅蔬菜份量算大方，種類都唔少，而且頗新鮮，前菜有一小碟涼拌菠菜，比較淡口味。套餐嘅肉類有安格斯牛肩胛、牛舌同豬肉眼，所有都好鮮嫩，好在叫葛粉，口感清爽，好適合夏天食，索咗麻麻湯汁，好味得嚟又無咁負擔(因為唔係澱粉質)。有75分鐘用餐時間，整體都好好味。P.S. 個醬料盆，裝麻辣醬個罌好唔掂，裹面無哂之餘個罌好油淋淋，叫店員refill慢十拍。

沙田新城市廣場一人一鍋午餐壽喜燒牛肩胛火鍋壽喜燒汁夠甜兼帶淡淡木魚味道，而牛肩胛肉就嚡夾粗糙，不過牛肉味道濃郁，雖然嚡熠熠，好彩有蛋漿補救缺陷，幫助嘴巴與牛肉之間有較良好溝通，感覺牛肉配胡麻醬好味好多，有較佳層次香味，而柚子醋就開胃好食冇咁濟。牛肩胛用蕃茄湯煮味道都可以，但係壽喜燒汁更加適合做湯底。黑毛豬蕃茄湯鍋黑毛豬肉幼嫩，豬肉味道香滑，口感豐富肉香油脂又香，唔似美國佬牛肩胛皮粗肉韌，黑毛二師兄配蕃茄酸酸尾尾，非常之合襯，值得一食再食，更勝牛肩胛壽喜燒。而前菜菠菜麻醬太甜，味道牽強好一般。南瓜及蔬菜配壽喜燒食味可以，南瓜一煮好快就軟綿兼入口溶化。芋絲就煙煙韌韌要靠湯底增味，烏冬則OK不過唔夠軟韌一咬就斷。一人一鍋又係屬於大集團出品，價錢屬於有點貴，食物質素比較好而且又夠新鮮，食店裝修簡單日式年青化設計，餐具碗筷清潔乾淨，而店員有禮貌，非常勤快主動添加湯汁，午市特價餐都要收百多個大洋。

由於媽咪啱啱有返胃口，所以問佢你想食乜嘢呀，佢見到呢間 #LE-TA-SU 一人一鍋 佢話咁就食呢間啦近近哋，日式打邊爐清清地幾好呀！呢度係電子支付收費，入咗餐廳會有一個qr code畀你自己選餐，入面好多餐畀你選擇有牛有豬，因為入到門口聞到好鄉壽喜燒味，所以我同細佬老公都叫咗壽喜燒，爸爸就叫咗個牛油白味噌，媽咪叫咗個昆布湯。湯底好請唔會太濁，配返啲牛肉蔬菜剛剛好，因為我同爸爸媽咪好怕食啲好濃味嘅嘢，但係呢度個壽喜燒唔會太濃，我覺得會剛剛好，鍾意濃味嘅可能未必ok，佢可以配白飯，八穀飯，烏冬，葛粉，爸爸媽咪話八穀飯好食，細佬就話葛粉好好食好得意！

呢幾日凍左就食下火鍋啦，之前食過一次都唔錯，今次想食熱辣辣嘅野就食返佢……今次坐嘅位置有d 細蚊飛黎飛去，突然間有隻長腳蚊飛過黎！嚇親😱好彩佢飛得慢即刻用紙巾整死左佢，屍體係紙巾入面！隻蚊真係好大隻！樓面無人帶口罩都算了，入面廚房整野食得一個人帶口罩，其間有3-4個人不停出入廚房整野食都無帶口罩，刨肉嘅重要不停同人傾計，一路刨一路講，口水四處飛，幾好食都無用….樓面服務都算唔錯，但環境污糟，廚房衛生方面意識好差……

有時經過呢間鋪，每一次都一定大排長龍，真係忍唔住要試一試佢，佢開11:30，未開舖已經有10個人排緊，咁11:30就準時入去。叫咗個薩摩牛餐250g，轉烏冬。啲擺盤幾吸引，佢一送到嗰刻係開心，但係食落就好傷心。除咗個三塊薩摩牛，下邊啲牛，冇咩味，又鞋，又韌。係點打都好韌,就算係就咁碌佢六七秒就即刻食，都係好韌。食得好辛苦，就好似折磨自己一樣。其他湯底，烏冬，菜，瓜，基本同其他日式打邊爐冇分別，正正常常。最後總結，如果要排半個鐘以上，呢間冇咩特別之餘，啲牛仲要幾差，水又要問佢拎。真係去日式任食打邊爐仲好，有魚蛋菜嘢飲任拎，啲牛都仲要好過佢。

由開店開始，一直都好想試門面都好靚，見食評都唔錯今日終於食到！我地喺假期大約兩點鐘左右開始排隊，等咗大約45分鐘左右就入到，排隊時間尚可接受，行一陣街就到，最緊要好食！佢都有唔少選擇揀，仲有肉嘅份量揀，因應自己胃口決定👍🏻我地分別揀咗牛五花同期間限定餐牛肉質素相當唔錯👍🏻個letasu蔬菜併盤顏色都好鮮艷同新鮮，我地都覺得可以唔使加錢要本地嗰隻另外加咗錢轉烏冬，質地都唔錯，正😋雖然每人都差唔多$150左右，不過整體都質素中上，會再encore!

我地叫左88蚊 滿腹牛肉套餐，點知上菜，牛肉極肥，大部份是脂肪，叫服務員換，佢竟然話因切牛肉機已洗，所以無得換，要下次再幫親先有得換，是否因我地是學生，所以便不受尊重，我對此服務態度極為不滿，希望貴公司可聯絡我及作出合理解釋

又一間日本過江龍登陸香港，一人一鍋終於可以多個選擇。上網睇到話平日都好多人等位，所以今次提前喺GULU拎籌‼️我係5點頭拎嘅籌，都要19:10先嗌到。留意返用餐時間只有75分鐘，建議入座前就睇好食乜😋套餐主要以牛肉🐮同豚肉🐷為主，因應份量而分咗唔同價錢。每一款套餐都會包埋蔬菜盤🥬份量都有誠意㗎，有齊蘿蔔菇生菜娃娃菜油麥菜。我哋分別揀咗①LE-TA-SU套餐$135 300g ②壽喜燒肩胛肉套餐$122 250g。①套餐轉埋壽喜燒湯(+$8)，有牛肩胛肉豬肉眼同牛舌。感量肉量好多，其中比較有驚喜嘅係牛舌，冇乜牛腥味之餘口感都幾腍；而肩胛肉就反而麻麻地，食落有啲韌。②呢個套餐嘅牛雪花多啲，比較好食。我哋仲加咗一碟芝士竹輪$28，都有4粒，價錢都算公道💁🏻‍♀️呢間一人一鍋對於我嚟講喺值得再幫襯，只要記得提前拎籌，未夠鐘都可以行住街等。📍LE-TA-SU沙田沙田正街18-19號新城市廣場一期1樓105號舖

預先係Gulu拎飛 一落到去就食得☺️ 限時75分鐘🙂‍↕️ 我叫嘅係200g豚肉片火鍋 加$9蚊有我至愛壽喜燒湯底🥘 另外烏冬要再加$6蚊❣️ 其他配料要各樣額外加錢‼️首次送黎嘅係蔬菜盆🥬🥬 有南瓜蘿白冬菇 同各式菜類 個排陣真係幾靚幾岩打卡🤩 豚肉片後上 而200g嘅份量都幾多幾足夠 如果係女士一個人食 一定夠飽🤰🏻 另外我個餐有雞蛋送埋🥚場內坐位都舒服 但就比較嘈吵 2人用餐通常要搭埋其他人枱😗 服務人員都有耐心幫忙加湯之類 加埋Soda drink埋單一個人around $$$130左右💰💲💸💸 如果有竹輪或者丸類送埋會更好🤣🤣嗯 總結 天氣凍凍地 過下口癮係唔錯嘅😗😗

🐮東京過江龍一人一鍋位於沙田新城市中心，長期都有人排緊隊🤣 小熊貓今日唔趕時間，所以想一探究竟受歡迎原因～餐廳提供多款湯底味道及肉類套餐選擇～ 由於一人一鍋嘅關係，每個人都可以根據自己喜好同食量去嗌😋唔使再擔心邊個食唔食得辣同食唔食呢款肉🤣🐮 壽喜燒肩胛肉套餐150g $98小熊貓就叫咗個最穩陣嘅壽喜燒味道☺️ 佢嘅牛肉一睇已經覺得好靚，肉同油脂均勻，顏色鮮艷，食落口好新鮮好重牛味👍🏼 另外套餐包有新鮮生蛋，野菜盛合，白飯同涼拌芝麻菠菜～ 小熊貓覺得呢個價錢性價比高，同埋都夠飽💛 溫馨提示：呢間餐廳真係好多人排隊，小熊貓就算一個人食都等咗一個小時～ 所以如果要快食或者趕時間嘅你就要認真考慮吓