Life Cafe (已結業)

其實早係幾年前都有幫襯“Life Café”, 但係次次黎幫襯飲嘢同食小吃, 點知上個月同朋友慶生日,黎食左一次晚飯之後一試難忘,所以極力推介其他朋友黎食, 噙晚又同朋友去” Life Café”食dinner,今晚我地一行9人,所以點左7個set dinner加其他嘢食, 首推係#4既海鮮忌廉扁意粉,另外,係#1既蒜蓉忌廉蜆肉蘑菇意粉,佢地個忌廉汁勁creamy同”漏”,簡直係超正,想再試埋佢果紅酒汁,所以叫左個紅酒汁腸仔長通粉,酸酸地好開胃,但食落唔係好似紅酒汁,似蕃茄汁+少少白酒多d,另外,吞拿魚同三文魚火腿長通粉,不過不失,之後叫左兩款雞翼,蜜糖個款好普通,但特色個果好味呀!全晚最令人失望既係7” pizza, 一睇以為佢係鑊仔pizza,但係食左唔似,因為比鑊仔pizza更難食,希望佢地下次會改善. 仲有,黎呢度主打真係飲咖啡同朱古力,呢兩款有品質保證, 其他如乳酸特飲,花茶都麻麻,Smoothie 真係唔好飲, 太淡. 其實,成晚值得一讚既係呢度既服務,我地都自知係嘈喧巴閉同麻煩既一族,但係服務我地個位女仔係好好人,我地要求既餐具同水都絶冇say no,(可能心中咒罵我地,

31/10(五) 7:30pm有聞此店即將壽中正寢,趕上尾班車呷嚐其頗具口碑的咖啡.我倆特意抽空到"Life Cafe"晚飯,一試虛實.踏入Cafe內,一室暖調色佈局,已沒以往cafe的烏煙瘴氣.要挑剔的是梳化座跟餐桌高度極不協調,進餐時五臟遭擠壓著.吃了兩客意粉晚餐:火腿吞拿魚意粉配紅汁$56,炸帶子煙鴨胸扁意粉$65,白朱古力及草莓Cappuccino.火腿吞拿魚扁意粉配紅汁--意粉炒得不夠香,幸而彈度及蕃茄醬味道還可以;吞拿魚立方體若干粒,份量滿慷慨的!炸帶子煙鴨胸扁意粉--洋蔥絲炒扁意粉,鹹度稍欠;而炸帶子雪味輕,質地彈口;鴨胸亦對胃口,煙熏得入味軟腍.草莓Cappuccino--也許被Pacific Coffee的double shot寵壞,總嫌普通的capp不夠濃郁;然而,輕清草苺香,泡沫綿密水準,口感細緻,已屬水準以上!白朱古力--即White Mocha;朱古力的甜度適口,口感同樣幼滑!服務方面比一般cafe優良及專業,結帳時還附送$20優惠卷,或能再度臨別秋波...

第一次寫食評,坦白說,是有私心的原因:這裡有最好的hot Mocha,但卻快將結業....意粉屬於al dente的, 唔會軟弱無力..哈.客人唔多,位置問題吧! 因為食物環境真係相當不錯ar!我可以擔保,佢o既hot mocha比任何一間咖啡連鎖店好.伙記們亦都好細心.如果因為經濟問題...要關門,實在太可惜.因為,會用心做咖啡的cafe真係少之又少看到食評...又經開旺角油麻地.就支持一下啦!如此好的咖啡...不應該消失啊

話咁快落左堂，同同學慶祝小妹的生日，地點是LIFE CAFE。地方不算難找，環境同氣氛都好，有人話個裝修似salon.....樓底好高，又有梳化坐。叫野食先，白汁很不錯，濃郁但有點膩。餐飲最差是我那杯橙汁，多渣呀～同學中有人叫花茶，大家見到要加錢都沒人附和，後來才發現可以加水的，下面仲有個靚靚座保溫，我下次一定要叫！姐姐攞蛋糕出黎啦，佢地服務都好好，不過，下次不要把蠟燭插在我的加菲貓蛋糕的嘴巴位置，心痛。。。。。第一次食到咁有水準的CAFE，環境同服務都好好，欣賞～

其實我對Cafe一直沒有太正面的感覺, 總覺得它是個烏煙瘴氣的地方(因為之前有過不好的經歷)。是夜慶祝組員生日, 選擇了Life Cafe慶祝, 到訪前懷著戰戰兢兢的心情。地方都算難找, 沒有人帶路必定會迷路啊!! 然而, 我想說的是, 整晚都玩得好盡興, 最大的原因是服務實在一流, 地方令人好relax, 服務員對客人如朋友般, nice加friendly!!! 原來有誠意的cafe是存在的我給壽星女的禮物就是自製蛋糕一個, 為了給她驚喜, 偷偷地吩咐服務員放入雪櫃, 實在感激他們的配合喔。我們還未吃晚飯, 這裡有set dinner供應, 質素也不馬虎呢。當然少不了再order 一杯drink啦。小妹點了蒜香蜆肉意粉, pasta是linguine, 是我最愛的扁意粉!! 汁料在red sauce和white sauce之間選了前者, 味道酸酸甜甜, 質感較為稠身, 沒有新鮮的蕃茄, 應該有不少茄膏作怪, 稍為甜了少許。蜆肉份量一點也不孤寒, 又不會細細隻, 食極都仲有, 心中大呼難得難得!!嘻嘻!! 反而蘑菇好少, 不打緊吧, 小妹吃太多菇會肚痛呢。整體來說這菜式都唔錯, 可以一

今次係為左搞exchange的farewell所以book左依間cafe...一行8個人去到~好多大學生都在旁邊一起玩wo~去左樓上, 個天花好靚~~正~~ 叫了個set dinner...$50蚊度...白汁蜆肉扁意粉...仲有杯野飲~間cafe寧靜隱蔽，食物水準中上，是交心的好地方。唯一美中不足, 就係d chair有d難坐...大家玩得好盡興:-)約定去完exchange之後,半年後，再見。

其實本人黎過這間cafe都六七次了，黎咁多次的原因，就是念念不忘它的白汁扁意粉。可能是本人對濃稠的白汁有特殊的偏好，所以覺得特別好食。今天同女朋友去食，叫了個garlic clam白汁扁意粉︰賣相不錯，表面加了不少的香草。唯一是面的意粉不太夠熱，中間裏面的熱一點。飲品叫了焦糖咖啡︰賣相不錯，口感一般，飲到最尾較甜。環境很好，我很喜歡，時常到這cafe寫東西，尚算安靜。服務員態很好，當我叫他幫我同女朋友加水時，他提議幫我們換過杯水。總的來說，以這樣的價錢在油麻地食到這樣的環境及有heart的食物，算是不錯了，值得一試。

昨日聖誕節晚跟朋友一齊去這里開party，地方有花時間悉心佈置，仲有小禮物呢... 我們一行十幾人。之前已經來過呢個cafe 好多次，佢飲野選擇好多,本人有d 推介俾大家:1) 搞滑冰(本人覺得曲奇，mocha 同埋芒果最正)2) LIFE 特飲- STRAWBERRY SHORT CAKE3) 花茶- 玫瑰花4) 小食- 蜜糖雞翼5) 小食- 薯角6) 意粉餐- 白汁長通粉/意粉(呢個餐幾抵，包一杯$32 或以下之飲品)不過昨晚是聖誕節大日子，我地一早訂好位，很喜歡服務員非常誠懇，對客人的熱誠。價錢合理，以節日來講已經非常好。美中不足係附近全部的人都食煙，要忍受好多煙味，困係入面都幾辛苦。同埋坐0個張椅不是太舒服，坐久了就會覺得累，尤其是比較高的朋友們仲辛苦。係呢度開PARTY 係一個幾好的選擇，服務員的誠懇令到本人一再而三地幫襯，而且食物及飲品水準真的不錯。試過好多旺角區樓上的CAFE唔係飲野唔得就係食物唔好或者價錢太貴。本人覺得做一間CAFE唔需要收得咁貴，大眾化價錢才吸引，太貴反而影響自己本身的水準以及客人的期望，價錢SET 得貴期望會很大。

今日同個朋友黎食晚餐，入到去覺得環境唔錯。跟住叫野食啦！叫左過白汁海鮮長通粉，同杯草莓紅茶啦，我個朋友就叫左個龍利柳飯，同草莓綠茶啦。咁等左陣兩杯野飲送黎，我杯草莓紅茶係好大杯，但係一o的都唔凍，仲要唔係用草莓整，係用粉沖！好似飲緊葯水咁....我朋友過杯都係一樣用粉沖...等左陣過白汁海鮮長通粉黎啦，食o既時候覺得唔夠熱，只係暖暖地，味道有o的似家樂牌通粉。之後到我朋友個龍利柳飯黎啦，個龍利柳好乾，一o的汁都無！之後埋單要140幾蚊！我肯定係旺角用140幾蚊，可以食到梗好o既餐廳囉！

裝修又真係好過附近d cafe, 不過d波波chair 真係低左dapple pie , 幾有心機,起麻唔係現成整兩整就賣都要焗呀,煎呀咁要出到黎,賣相唔錯,都幾好味banana mocha shake,banana 味勁過咖啡味,但又仍然飲到咖啡味,個杯入面用d朱古力醬整d花紋幾有心思,唔中意咖啡,又或者想試下咖啡可以叫呢款我去個日係saturday, 原本冇人smoking,但係過左7 點就多人,就有人smoking, 又有d蚊滋飛黎飛去如果唔係d蚊滋,我會留耐d

1. Cappuccino: 加有cinnamo，milk foam打得都算smooth，味道不錯。2. 凍香草朱古力: 雖然不太覺有herb味，但朱古力奶味道濃郁，不太甜，而且很smooth。3. Waffle with 花生醬伴香蕉: 夾餅味道達水準，惟不是很脆的那種。香蕉有約6片，但花生醬太少!飲品和食物的質素整體上都不錯，但店內大部份客都是煙民!

因為見到雜誌講。。咪去睇下，順便去食DINNER店外望間CAFE幾高格調。。。入到去見到兩個ZONEZONE1係高雅D，坐得會好舒服ZONE2見到D 圓LOOK LOOK O既椅子好得意。。。不過坐落去唔係太舒服，不過。。。，我提議D SEAT變做圓LOOK LOOK O既SOFASET DINNER選擇好少，得三種我地三個人叫了三種唔到O既SET DIN份量都OKAY，三個都係女仔，不過男仔食真係唔係好夠啦～～飲品都算大杯侍應服務一流，潮人黎GA我個人應為呢到係開PARTY O既好地方好多人帶部NOTEBOOK黎SURFING

環境都唔錯~~好清靜~(係內街)有好多野玩~~服務都好好~~果日我地去搞左個小型生日PARTY, 買左個蛋糕, 個侍應就馬上問係唔係雪~~同埋真係任勞任怨~~(哈~)食物就真係唔錯~ 不過作為一個男人就應該唔多夠~~哈~~飲品就好多選擇~夠份量~夠味~我地11個人坐左3 個幾鍾唔好意思先走~~嘻嘻~一個人$40 到埋單~

聽人講砵蘭街開左好多caf所以黎睇睇質素如何,呢間個樣好似好d,所以入去試下。叫左個酥皮蘋果批同薄荷朱古力cappacinno, 蘋果批同一般唔同,底係一層酥皮,上面敦左好多應該係煮過既蘋果片,仲有d肉桂粉係面,味道幾甜,但係好在又唔係好漏,算ok!我未見過薄荷朱古力cappacinno,今次第一次,呢度既cappacinno都幾多泡,加左d薄荷味幾清新,朱古力味剛剛好,唔會太濃,不過我覺得咖啡唔算好香。環境方面,旺角區黎講算係咁,不過我幾鍾意佢天花版波波形既吊燈,幾別緻!