Life Toast (希雲街) (已結業)

🔺生命有限工司今日經過CWB扮靚做facial💆🏻‍♀️於是搵下呢頭有咩特別野食見到呢間店嘅三文治賣相好吸引😻小編都等左10分鐘左右先入到去因為每份三文治都係即刻新鮮製作 而且店嘅座位唔太多👌🏻.泡菜豚五花芝士滑蛋🐷泡菜酸酸辣辣好開胃 又夠爽脆😋豚五花醃得好惹味 炒得好香滑蛋中和返無咁重口味整體好好味☺️☺️.燒牛肩胛厚洋蔥溫泉蛋🐮溫泉蛋滑嘟嘟好動L🤣洋蔥好清爽鮮甜 牛肩胛調味適中 無上面個款咁濃味😛.三文治加$15有汽水、薯條/炸紫薯🍟小編揀咗紫薯 食完三文治先食都仲係好脆👍🏻呢度仲有好多款小食揀 有機會再試🥰

Follow @pigfoodiexhk for more food!🐷💛#pigfoodiexhk_包包==========📍銅鑼灣爆餡吐司 -- 生命有限工司🍞近排香港多咗好多買吐司嘅小店，呢間喺希雲街嘅小店開業無耐已經好受歡迎，琴日就同@foodievez一齊黎試下💕-----------⭐軟殼蟹親子滑蛋吐司（$68）賣相好吸引😍面頭有大大隻軟殼蟹，睇見都流晒口水😍軟殼蟹炸得好脆，食落好香口🙊炒蛋嫩滑，蛋香亦好濃郁💕中間仲夾咗生菜可以解下膩👍包體烘過，口感微脆，仲有好濃嘅牛奶香😆包入面搽咗蟹籽醬，食落酸酸甜甜好開胃😍整體唔錯值得一試😋----------⭐慢煮雞胸牛油果溫泉蛋吐司（$55)雞胸食落唔鞋口，尚算嫩身👍牛油果食落好creamy好香💕不過溫泉蛋熟咗少少所以唔算好流心😂呢款相比之下無咁重口味，輕盈少少🥰----------整體黎講食物質素唔錯，有誠意，值得支持😍惟舖頭坐位唔多，可能都要排陣隊先入到。 另外由於食物係即叫即整，製作需時，所以唔太建議趕時間嘅時候黎食喔🙊-----------賣相：8.2/10味道：8/10性價比：7.2/10回頭率：7.7/10-------

去到大概有4-5個人排我地前面，等左20分鐘之後發現有人遲過我地黎但直接入去買野食跟住坐低左，我地入到去問原來係要自己搵位，但餐廳外完全沒有指示，沒有店員幫手，白等左20分鐘。 入到去非常逼夾，好混亂，店員唔係好知自己做緊咩，我地企係入面企左10分鐘先有人幫我地落單，到有位之後坐左接近14分鐘都無人執檯，要叫佢先會執，好啦，千辛萬苦終於叫做settle down，點知，等左45分鐘佢先同我講我叫既薯條無貨，叫我轉另外一樣，再等多15分鐘野食先到，邊有一間餐廳係比完錢後要等1個鐘先有野食。至於野食，我叫左佢個招牌軟殼蟹包，另外叫左個牛肩包同炸雞粒，個軟殼蟹包係唔錯，價錢合理，但個牛肩包就麻麻，死鹹，好似有d夾硬整道菜出黎，而個雞粒就勁厚粉，食唔到雞肉咁濟。總括而言，排隊方面指示真係要改善，指示非常唔清晰，野食得個軟殼蟹包值得食，同埋等食物既時間真係太誇張耐, 前後等左90分鐘先食到個包

之前去韓國，每朝食早餐都一定會去有賣吐司🍞嘅早餐店食😚嗰度啲toast出名爆餡juicy，一直都掛住嗰度啲味道🥺所以見到銅鑼灣新開嘅Life Toast，就即刻沖過嚟試試佢🥳-🦀軟殼蟹親子滑蛋吐司🍳-佢全部toast都係即叫即製，一上碟就覺得waaa好大份好多料👀個包熱辣辣，甜甜地，好香嘅牛油同蜜糖味🧈🍯啲麵包係每日新鮮製造🥨我係夜晚食咗少少野之後去嘅，喺店出面徘徊嗰陣，店員話得返三份，好好彩有得食😚佢嘅餡真係好豐富🤩有大大隻嘅炸軟殼蟹🦀日本蟹籽，炒滑蛋🐣生菜🥬同埋一粒細細粒嘅泰國柑桔俾你jit落個蟹度🍊軟殼蟹炸得好酥脆，外脆內軟，而且蟹肉好juicy，仲要好大舊😋蛋炒得好滑好香🤪佢除咗唔同口味嘅toast，仲有好多小食可以揀🥰下次再去試埋先😛😛-評分：8.5/10價錢：$68-📍 生命有限公司Life Toast 銅鑼灣📍

早排在銅鑼灣食木糠甜品屋的時候，發現隔壁有一家叫「生命有限公司」的小店，名字玩食字，logo圖案頗可愛。當時因為太飽，所以事隔一個星期才回這裡看看。本來只是在門口研究餐牌，沒想到店主（？）剛好站在店面外，於是開始介紹起推薦的吐司款式，這時才發現他們原來剛開業三個星期，也難怪讓人感受到一股熱情的感覺。燒牛肩胛厚洋蔥温泉蛋吐司，最吸睛的莫過於上面的溏心流心溫泉蛋，蛋的熟度剛好，不會過於流心而讓蛋黃流到手上，卻又保留到流心的口感，上桌的時候有「動L」的效果（請自行想像），蛋上撒了一點點辣粉更提味。溫泉蛋下方是滿滿的牛肩胛和炒洋蔥，厚洋蔥增加口感，牛肩胛不韌不油膩，估計有醬汁調味過，味道剛好，吃完不會太膩。麵包烤得酥酥軟軟，口感和韓國Isaac吐司差不多。除了吐司，可以額外加SET，包括汽水+薯條/紫薯餅，或者汽水+小食。小食選擇了炸雞粒，上檯時不算熱辣辣，但仍然脆身，加上微微微辣粉，比某炸雞伯伯連鎖店好食幾百倍。可能剛開業不久，所以每一個離開的客人也會問一下食後感，感覺很認真熱情對待每一位客人。整體來說，吐司出色，單價平均50多起，價錢在銅鑼灣區可以接受，重點是好態度好服務，可以encore