Lilium

營業中

休息中

Lilium係太古坊附近嘅巷仔裏面，好多附近返工嘅一team一team人係入面食，睇嚟有質量保證。叫咗個下午茶紅燒牛肉牛丸麵做當做late lunch，份量都好大，有三大舊牛肉同兩粒牛丸，仲有小棠菜，我就揀咗走莞茜。牛丸彈牙多汁，牛肉非常軟腍，帶有膠質，口感豐富，而且煮得好入味，牛肉同湯底都係濃而不咸，食完唔會好口渴! 加上面頭炸蒜同蝦米調味，非常惹味。麵底可以揀台灣麵、冬粉等等， 台灣麵麵質滑腍，同我係台灣食到嘅一樣~ 下午茶仲包一杯飲品，凍檸茶入面有巨量檸檬，茶底仲可以係手機落單嘅時候揀濃啲/ 淡啲，非常抵讚呀。雖然餐廳係巷仔入面，但係室內環境都幾雅致，有啲台灣文青feel，窗邊仲有一排好似pici咁嘅窗口位置。價錢合理又好味，之後都會想再嚟試埋鹽酥雞滷肉飯。

最初被這位於鰂魚涌餐廳嘅淡綠色門面吸引。每次到太古坊工作都很喜歡嚟這商業鬧市中的悠閑寫意綠洲食飯。今次同同事嚟食個豐富嘅late lunch…鯛魚鹽酥雞飯鯛魚配照燒醬汁肥美嫩滑、鹽酥雞酥脆香口.有雙重享受！紅燒牛肉牛丸新竹米粉湯底香濃，紅燒牛肉又腍又入味，配新竹米粉特別爽口。迷你生煎包這個小小生煎包煎得脆身，咬落充滿肉汁⋯.係我每次嚟都會點嘅小食！炸地瓜條雙色地瓜條外觀顏色靚。微甜香脆炸得剛剛好唔油膩肉燥A菜清嫩爽脆嘅油麥菜配搭鹹香肉燥，清清地美味又健康。

經過鰂魚湧想食台灣嘢 上網搵到呢間餐廳 就想嚟試下 ， 點知搵下搵下原來要穿過巷仔 先見到呢間裝修得咁靚嘅餐廳 🐿️🐿️🐿️👉🏻 紅燒牛肉牛丸麵•冬粉麵條爽口，湯底鮮甜， 紅燒牛肉都好大件同埋煮得好淋 🐿️ 揀咗標準大細面底都唔少 細食嘅朋友可以喺點餐嘅時候叫扣底 ：）👉🏻 生煎包：生煎包外脆內軟， 係韭菜餡料 ， 餡料都好多 同埋多汁🐿️🐿️🐿️👉🏻 凍檸樂👉🏻 鹽酥雞擔擔飯, 轉新竹米粉：擔擔風味嘅鹽酥雞搭配新竹米粉， 鹽酥雞調味都唔會好鹹 ，非常香脆，雞肉都好嫩滑， 唔係好辣，配上香濃奶茶，絕對是一個讓人回味的組合。👉🏻 麻辣皮蛋：麻辣皮蛋 麻而不太辣，非常之香氣撲鼻， 以小食嚟講份量都唔少，好抵食🐿️🐿️🐿️👉🏻 滷水雞翼3隻：滷水雞翼滑嫩多汁，滷汁入味，正🐿️🐿️🐿️LILIUM整體環境好舒適， 綠色嘅主題 同埋植物擺設 都令客人覺得都好舒服， 適合與朋友聚餐， 而且食物都味道都好好 性價比好高🐿️🐿️🐿️🐿️

今日突然好想吃牛肉面，閨蜜說她有好介紹。跟著她來到鰂魚涌海光街商場，轉到最後的位置有間餐廳，個名好特別，LILIUM，不知是甚麼意思，只知道牛肉面好好食。😋餐廳簡潔寬闊，中午人很多，生意很好，我們肚子餓了，每人點一個套餐，認真試一下正宗台灣牛肉面。牛四寶面＄92（牛腩，牛腱，牛肚，牛丸）轉冬粉配熱奶茶五香牛肉面＄80 配熱檸檬水兩碗面用青花大碗盛滿，好大一碗，配料滿滿，面香粉滑，原來冬粉即是粗粉絲，特別韌性爽滑，粗面很香，牛腩牛腱煮得很軟，入口即化，牛丸很香，爽口彈牙，面湯裡有炸蒜香菜，味道倍感吸引，大大一碗粉面，我們十分鐘就解決了，食得滿足又過癮，奶茶香濃，檸檬水清新，中午有這樣麵食，真是能量滿滿，💪💪下午繼續行街shopping 。😘😘

星期日約左朋友係太古城睇戲, 下午係鰂魚涌一間餐廳食飯。餐廳主打台灣菜, 係海光商場一條小巷內, 入面位置幾寛落, 半開放式設計, 有一排bar檯可以望坐戶外環境, 用餐時聽住台灣音樂, 環境都幾舒適。我哋叫左牛四寶麵, 入面有牛腩, 牛, 牛丸, 牛肚。湯底鮮甜香濃, 牛腩炆得好夠火侯, 腍身入味, 牛𦟌爽口有嚼勁, 牛肚爽口, 滷得幾入味。麵條有幾款選擇, 我哋揀左台灣面條, Q彈軟滑。另外揀左牛筋牛丸麵, 牛筋炆得軟淋入味, 牛丸彈牙多汁有牛肉鮮味。

今次食咗間位於鰂魚涌嘅台式料理小店。呢個小店嘅位置相對比較偏僻，嗰日去店裏面唔算好多人，去到啱啱好有下午茶，一望覺得幾抵就入咗去試吓。裏面嘅裝修都有少少文青Cafe feel，幾舒服。同朋友每人嗌咗一個set，嗌咗滷肉飯同花枝丸配地瓜薯條。雖然係下午茶，但份量其實一啲都唔細。味道方面唔差，滷肉飯更加係用珍珠米，幾有誠意。地瓜條同花枝丸食落熱辣辣，應該係即叫即炸。另外有個沙律仔，幾加分。見幾平所以都嗌咗兩份小食，生煎包同台灣腸。台灣腸就普普通通，同食開嘅台灣腸差唔多，不過都算幾大條；生煎包真係幾特別，扁扁地有少少似煎餅咁，但食落都會爆汁。而下午茶set係跟嘢飲嘅，我哋就嗌咗杯冬瓜茶同埋凍咖啡。冬瓜茶唔會太甜，唔錯；凍咖啡都可以飲到咖啡豆嘅酸味，幾好。總括嚟講，個下午茶真係幾抵食，而且靜靜地慢慢食冇人趕，如果喺鰂魚涌想靜靜地食個tea，依度都算係個唔錯嘅選擇。

鰂魚涌街道後巷，有間薄荷綠色的隱世小店，主打台灣菜，空間寬敞，環境都幾舒適。中午時間去到座無虛席。我點咗紅燒牛肉牛丸麵，牛腩煮得軟嫩，手打牛丸彈牙又多汁，湯底有牛肉香，但味道唔太濃。 麵底還可選台灣麵、新竹米粉，及冬粉。台灣麵口感滑身。另外，鹽酥雞滷肉飯亦相當唔錯！鹽酥雞咸香夠味，五香粉香氣十足，炸得乾身唔油膩。滷肉飯入面嘅肥瘦肉比例剛好，醬汁香甜，配上飽滿的珍珠米及溏心蛋，每一口都有滷汁嘅香味，令人食到停唔到口小食方面，加$19 就有滷水大腸，味道軟腍入味；滷水雞翼+$19，雞翼肉嫩多汁，但滷水味唔算重。

星期六同三個同事去咗鰂魚涌做嘢，做完之後差唔多係食Tea嘅時間，所以住喺頭附近嘅同事就帶咗我哋間餐廳。講真，如果唔係喺投注開，都唔會搵到呢間餐廳囉……佢喺商場嘅入面，個門口有對正屋苑，而非商場……四個人食咗$184 ，包飲品，平均每人46蚊，當食late lunch/early dinner，都幾唔錯。我哋嗌咗鹽酥雞肉燥飯、紅燒牛肉台灣貢丸麵（啲台灣麵真係好正）、生煎包（$28/六隻，包飲品，仲平過平時散叫嘅$25/三隻）、紫薯西多士，全部都包飲品，正！不過，我個人而言就比較喜歡傳統嘅煉奶西多士或者花生醬西多士啦。

鰂魚涌都係商業區 所以假期基本上都冇咩餐廳會開 今日紅日去鰂魚涌見到呢一間餐廳好勤力咁樣開舖咁我就入去試下佢個早餐啦 入到去啲員工我親自咁同我哋打招呼個裝修都幾新潮 都坐得幾舒服喎 呢度用櫃桶式嘅餐具平時用呢種餐具最怕入面好多昆蟲好污濁點知呢一間呢餐廳係超級乾淨仲會有提供呢個膠匙羹同鐵匙羹 等我哋容易啲去揀餐具去食唔同嘅菜式沙爹牛肉新竹米粉煎雙蛋多士一間收埋咗喺角落嘅餐廳度竟然會有新竹米粉食 新竹米粉出名幼身或如果唔即叫即整嘅話一定會勁快林 而呢度淨係即叫即整好味 仲要唔使加錢 沙爹牛肉嘅份量非常之多呀西式早餐有煙肉雞扒蛋茄汁豆沙律菜多士 份量非常之大 隻蛋厚到又係即叫即醒又熱又好食 雞扒又香又脆身食完令人樂而忘返 試完呢間 如果我喺鰂魚涌返工 我應該會成日過嚟食真係幾好食㗎

Lilium 台灣店舖鰂魚涌海光街 13至15號海光苑地下3至4號舖 坐港鐵鰂魚涌站A出口步行約三分鐘 門面大方精緻，店舖氣氛非常之柔和，空間感足夠， 同朋友食下午茶選這店舖也很不錯😊 麻辣皮蛋： 黃金皮蛋配秘製麻辣醬油，芫茜放在面上，皮蛋加上麻辣醬非常之香甜，有小辣美味。 牛四寶麵: 爽滑湯麵配上牛腩/牛健/牛肚/牛丸等， 香濃牛肉清甜湯底。 以上4種都超級軟綿，咬入口好有質感😋 牛展入口咬爽，牛丸真係好有彈性同埋多汁，牛健質地非常之好軟唸，牛腩醃得好入味， 整體成碗湯麵非常配入得好👍 府城蝦卷配炸雙色地瓜條: 城府蝦卷有兩條餡料超足蝦肉，咬入口有蝦肉味😋 配上黃番薯 紫番薯炸得非常之有功夫，入口香甜👍 還有中間清爽沙律，食得非常之滿足👍 迷人生煎包三隻: 韭菜肉餡食落唔太油膩加上包內有汁感👍 咸檸漆沙冰和熱齋啡，完滿下午茶👏

每一次嚟到鰂魚涌內街嘅呢一間餐廳都覺得份外寧靜，位於內街嘅一間台式餐廳，主打台式料理，提供高性價比嘅豐富餐點，店內嘅環境非常舒適，冷氣亦都好足夠，配合柔和嘅音樂，以及木系青草色作為店內的主要色彩。今天我與朋友來品嚐他們的午市套餐，我們點了兩份不同的飯餐，每份餐點也跟一杯飲品，我們分別點了一杯凍檸檬茶及凍檸檬水。台灣香腸滷肉飯非常大盤的香腸滷肉飯，台灣香腸聞名於世，但係有一定的甜度和非常好咬口，爽脆的香腸配合滷肉飯多汁，上面散滿了香蔥，配合肥瘦均勻的滷肉，真的可以吃完一整碗飯。鯛魚鹽酥雞飯有兩塊軟滑的鯛魚，感覺有一點日式魚塊的味道，配合傳統的鹽酥雞，鹹香椒鹽的味道，真的有去了台灣的感覺。

到鰂魚涌探朋友，朋友帶路，去一間於鰂魚涌海光街附近的台式餐廳＜Lilium＞。餐廳📍 鰂魚涌海光街13-15號海光苑地下3-4號舖，由港鐵鰂魚涌站A出口，過對面太古坊向海光街方向，大約1-2分鍾就到。餐廳以賣台灣牛肉麵、台式 滷肉飯、 鹽酥雞及台式小食等。🥢麻辣皮蛋芫茜香味加上麻辣醬汁， 掩蓋皮蛋的獨特味道，令這款小食更惹味。🥢生煎包以韭菜豬肉作餡料，外皮煎至香脆，中間餡料仍然多汁。🥢牛四寶麵（牛腩、牛腱、牛肚及牛丸）牛腩屬半筋半肉，筋部軟腍膠原豐富，肉部份結實大，有嚼口，蛋白的牛筋，牛腱入口軟腍，湯底濃郁。🥢府城蝦卷配雙色地瓜蝦卷軟腍有彈性，地瓜入口甜甜，炸至金黃脆口，再加上清爽沙律菜，非常好食的下午茶餐。🥤咸柑桔七喜咸柑桔的咸咸酸酸，中和左汽水的甜，非常好的配搭。

講真呢間餐廳嘅食物質素真係冇乜問題, 我每次都會叫滷肉飯, 熱咖啡, 所以可以肯定佢嘅食物質素係保持到的.因為時間就唔啱, 應該最少有幾個月冇幫襯喇, 今日終於有時間, 特登由灣仔落到嚟鰂魚涌, 講真呢一區都有其他餐廳不過我就都掛住佢個滷肉飯, 所以完全唔考慮食其他餐廳, 點知真係畀佢個服務激氣到我好有機會以後唔會再幫襯！！！我到餐廳嘅時候大約兩點半, 餐廳大概八成滿座, 但係仲有吉枱的. 仲有一張大枱, 好似係坐到六至八個人, 放滿曬“留座”嘅牌響枱面.我入到去我話一位, 收銀機有個阿姐指我去一張, 已經坐咗三個人嘅枱同人搭枱. 由於我都幫襯咗好多次所以熟悉佢啲座位係點, 我望到一張四人吉枱, 我就冇出聲自己行去坐, QR code落單, 本來都相安無事...滷肉飯嚟咗, 咖啡嚟咗, 咁我就開始進食啦.過咗五分鐘, 我仍然專心食緊我嘅late lunch, 突然聽到拍枱聲, 嗰下真係嚇咗我一跳！原來有個婆婆侍應想叫個客過嚟坐我呢張枱, 搭枱. 畀佢嚇完之後真係堅係有少少嬲嬲哋！！ 果位男士都見到餐廳最後有張二人枱, 佢就坐咗過去.之後我真係越諗越嬲, 拍枱呢個動作勁騎呢！！講真仲要拍

weekend同老公行咗去鰂魚涌食行過見到間鋪面裝修得好靚又坐得好舒服 冇乜人 ❤️😍仲要啱啱好2:00有下午茶添👍試咗佢個紅燒牛肉牛丸麵 同埋紫薯西多士紫薯西多士真係冇乜驚喜 。普普通通西多 。不過不失紅燒牛肉牛丸麵就唔同啦 。牛肉超級腍😍😍輕輕帶點胡椒味 牛丸好好好味 彈牙得來又Juicy 。仲有啲油脂 好味美中不足嘅係冇得加錢轉台式飲品 。剩係得普通奶茶咖啡美綠Weekend都有下午茶2:00開始👍👍

Lilium 位於距離鰂魚涌地鐵站只係5分鐘路程嘅海光苑地下，店內裝潢簡潔中帶點小清新，仲有一排整高枱打卡一流📸📸Lilium 主打台式菜，早餐、午餐、下午餐都有唔少選擇，而且價錢十分相宜，下午茶餐都只係由$30 起，仲包餐飲，真心超級抵食😆😆紅燒牛肉牛丸米粉麵底可選新竹米粉、冬粉、台灣麵🤗🤗我就揀咗新竹米粉，幼身嘅米粉掛湯力都唔錯。湯底淨係睇顏色已經知道相當足料正宗，飲完亦唔會覺得涸喉。紅燒牛肉超級腍，輕輕用筷子一夾已經可以分成細細舊，另外唔好睇牛丸賣相普通，佢咬落去完全係爆汁，超級Juicy🤤🤤飲品就加咗$10升級蘋果西打，原來係一樽樽而唔係調製出嚟。整體而言真係好似去咗台灣咁🤭🤭