Lilium

營業中

休息中

鰂魚涌海光街巷內有好多較簡陋小店，部分剩係做外賣，但原來行前幾步別有洞天，有呢間容納到大約50人嘅台灣餐廳，裝修都好別緻，店舖外圍嘅窗戶打開就可以搖身一變成為bar 枱位，天氣好嘅時候坐係半戶外都幾舒適。午市我地叫左鯛魚鹽酥雞飯餐同埋紅燒牛肉牛丸麵。鯛魚鹽酥雞飯餐好開心有魚肉嘅選擇，吸收優質蛋白質又可以配搭鹽酥雞，過過口癮。飯餐仲配有糖心蛋同埋少量配菜，整體都好滿意👍🏻👍🏻。紅燒牛肉牛丸麵麵底可以簡台灣麵或者冬粉，我地簡左台灣麵，但有點同預期唔同，似金邊粉咁。但牛丸彈牙多汁，牛肉都好軟腍，仲有棵小唐菜，整體都算滿意👍🏻。