Little Mario's Pizzeria (Life@KCC )

營業中

休息中

環境方面：４星餐廳里面的桌椅都幾寬敞，可以隨時合併座位或者分開，一兩人或者一大班人都能夠容納，開PＡＲＴＹ應該是個不錯的地方。外面還有一大塊落地玻璃，可以看著外面來往的行人車輛用餐，幾好ＦＥＥＬ。食物方面凱撒沙律WITH煙三文魚：５星一眼望落去就見到沙律的份量勁足，尤其是煙三文魚超級多，佔據左成配沙律的一半。煙三文魚的肉質很軟滑，再加上下其他沙律咬下去口感豐富，很新鮮清爽，而且沙律有淋上醋及一些芝士碎，非常開胃，感覺很抵食！帕爾馬火腿ＰＩＺＺＡ（加菠蘿）：４星賣相幾好，餅底有點硬，女孩子的力氣比較難切開，但用叉子扎下去咬起來就覺得餅底很脆口一點都不硬！帕爾馬火腿、火箭菜、莫扎里拉芝士和巴馬臣芝士調得不錯，食落味道咸香，加埋菠蘿甜甜地，幾開胃，不知不覺“咔咔咔”的咬完了一大個ＰＩＺＺＡ。蘑菇闊條意粉：４星我喜歡它的汁很多，成份面沒有乾巴巴的，而且汁充分滲透進面里，感覺很JUICY。同時，份量都很足，香濃惹味！自家醬汁雞翼（８隻）：５星雞翼很好食！真的很好食！本身雞翼就煎得很鮮嫩可口，之後配上餐廳的自家製醬汁和點點檸檬汁，酸之餘又有咸香，食到我停不到口！如果不是因為已經有太多野食，我絕對會

今日去咗葵涌行街,經過見到一間餐廳,見到裝修得好整潔即刻入去試吓。Little Marion’s Pizzeria 餐廳地方都算寬躺,坐得非常舒服,感覺好舒適。煙三文魚沙律 118 元 三文魚份量好多而且全部都好大片，色澤新鮮，三文魚有一陣煙熏香味，口感非常肥美，沙律菜都好翠綠，整體味道清新。松露卡邦尼意粉 118 元我最鍾意意粉加咗煙肉同蛋，令到味道層次更加豐富，松露味道非常香，而意粉煮到啱啱好，無論口感同味道都做得好出色。雞翼自家醬汁 68元 八件雞翼煎到金黃色，賣相十分好，肉質嫩滑多汁，雞皮有少少焦香令到味道更加正。芝士三重奏 大批 148 元Pizza上枱味道好香，熱辣辣，加上芝士味道濃郁，入口食到香噴噴嘅芝士味，Pizza皮做到好香脆，而且仲係做得好薄，帶有少少焦香嘅芝士，味道更加有層次。整體味道都唔錯，店員非常有禮貌，下次再過葵涌一定會過嚟幫襯。

葵興staycation，因為book咗附近酒店。就探索下有啲咩食先。見到喺地鐵站對面有間食pizza環境幾優美。裏面裝修都幾特別，😉有南意嘅風格，好似去咗意大利咁。仲有玻璃望住出去街道，令我彷彿在繁華嘅都市中的休憩好地方。凱撒沙律加雞胸 ( $98 )凱撒沙律份量好多，雞胸都有十幾舊。啲菜好新鮮，唯一不足就係冇麵包粒。炸薯條配松露醬（$58）好大兜薯條，條條都連皮😋新鮮炸出黎熱辣辣！松露醬一啲都唔吝嗇，個醬入面有超多菇料，我哋可以再問佢攞多兜茄汁。薯條真材實料，咬落去唔係粉，實實淨淨㗎。外脆內嫩。Parma Ham Pizza ( $108 ）係葵興都食得到地道意大利風情，Parma ham略嫌過少。😅😅

葵興呢個地方真係好少黎，但係喺朋友口中介紹話呢間餐廳好適合小朋友，今日就試吓過嚟，原來搭地鐵都好近，行過嚟只係幾分鐘喺門口望入去透明嘅玻璃已經見到入邊有少量燈飾而且非常光猛，入面大約數十張枱，一推門入去職員已經非常有善歡迎我們由於時間太早，客人不算多只有兩枱，到我走嘅時候已經七點幾，差唔多坐滿了人了，仲好多人在門口等外賣芝士三重奏（大size ) $148一放低已經聞到香噴噴入面用三種芝士製成，古岡左拉芝士，巴馬臣芝士，莫扎里拉芝士，三種芝士混埋一齊味道非常濃郁鍾意食芝士嘅朋友一定要叫仲有拉絲嘅效果，今日帶埋小朋友嚟食，佢非常鍾意，一個人食咗三件，GG上面仲加有少量嘅茄汁芝士味香濃加埋酸酸甜甜更加食到停唔到口，Pizza剛剛焗起麵包皮仲好脆又夠晒熱凱撒沙律（ 煙三文魚）$118凱撒沙律可以揀配雞肉或者煙肉，蛋今日我揀咗煙三文魚，煙三文魚用鹽輕輕醃製過保留到魚肉嘅原味魚肉帶有一層薄薄嘅煙香味魚肉有彈性色澤鮮艷口感肥美豐富肉香久久不散蔬菜亦非常新鮮松露卡邦尼意粉$118同平時食開嘅卡邦尼意粉都一樣，入邊有煙肉雞蛋，今次唔同嘅地方就係多咗松露嘅味道，口感又滑豐盈有着濃郁嘅蛋香味而且意粉嘅軟硬

約咗一班朋友上屋企食飯就決定買個pizza加餸咁啱放工會經過little mario’s pizzeria就買個Pizza黎試下餐廳都裝修得好靚 好有格調而且位置都闊落餐廳有部份外籍侍應 所以用簡單英語對答Pizza啲選擇都好多我就叫咗truffle carbonaraPizza只需要$178 都幾抵食同埋天氣熱 就叫多咗杯嘢飲我揀咗lime soda with pineapplePizza大約等咗15分鐘就有得拎餐廳嘅侍應仲好好禮貌 倒咗一杯水俾我等侯Pizza有主要有松露醬， 煙肉，雞蛋， 芝士松露醬既份量一啲都唔吝嗇 每一啖都充滿松露味道 而且有一隻雞蛋放咗喺中央令賣相更加吸引而lime soda 味道酸酸甜甜 十分開胃 消暑一流👍🏻👍🏻

叫咗熊貓外送，個半鐘先送到。打去問佢話唔關佢事，係外送員拎咗唔走。但送到嚟其實仲熱喎？好啦，驚喜一浪接一浪咁嚟。一個pizza 係松露卡邦尼薄餅，睇相有綠色既火箭菜响面，但嚟到係無綠色嘢。另一個pizza Margherrta 蘑菇意大利風乾火腿，啲風乾火腿顏色好似用水烚既煙肉咁，口感勁難食。兩個薄餅都有嘢係common, 就係好韌，𡁻緊樹皮咁。啲薯條有勁多黑色好似燶咗火屎既嘢痴哂响面，我唔敢食。兩個意粉，1個肉醬意粉其實係肉碎意粉，唔好食又多油。另一個松露卡邦尼意粉又係勁多油，超難食。兩個都無乜味。最後個自家醬雞翼，佢首先入盒係全部雞皮向下擺，一了起睇個雞皮黑過炭。無黑果啲有啲位係見骨，好似比人搣咗咁。打去投訴，個經理話唔識中文，又即刻話比discount我下次再叫（你覺得我仲會叫你食？）。但之後又話你搵熊貓投訴唔好同佢講啦。勸各位想貼錢買難受就叫佢外賣啦！

未食過咁難食既餐廳，你貴但好食我都無所謂，Pizza硬到牙痛，味道又鹹，我飲水多過食野，仲要燶到發黑，我真係怕食完生cancer，食到一半已經食唔落。之後個肉醬意粉無味又難食，去茶餐廳都仲好食過你，咁叫你做咩，原價仲要成一舊水，值乜？btw叫外賣仲要無左薯條，野已經唔好食，仲送少左野，嬲到我即刻開account寫食評。老老實實唔好話平一半，你送俾我都唔食ok?見到咁多文字差評都知咩料，大家千其唔好中伏，我下次試餐廳一定會上網睇。

啲雞翼未解凍就煮，一咬開一陣雪味湧入口！即刻lur出黎！一睇：仲係粉紅色嘅！有冇搞錯！8隻雞翼，一半都生嘅！薄餅極硬！辣肉腸味鹹到食完一啖已經想放棄🤢未食過咁鹹嘅薄餅！啲黑松露薯條醬外賣送到黎已經係啲油同醬分離左，薯條都已經冧曬凍曬，但外賣係準時送到，未試過一間外賣係會送到黎個醬會咁😵

呢個係我openrice第一個食評 因為我真係好嬲!!!!!今晚叫左delivexxx外送. 半個鐘就送到黎一打開個pizza, dllm凍嘅!!! 係凍架!! 而個蒜茸包粒粒同意粉係熱嘅.. 所以唔關運送時間嘅問題事個pizza又乾又咸又硬 好似食紙皮咁!!啲芝士少得可憐 係我成世人食過最難食嘅pizza便利店果啲仲好食過佢!! 乜乜忌廉意粉煮到油水分離不特止個汁同啲磨菇都係苦架!!! 你冇睇錯 係苦!! 奉勸大家唔好嘥錢食呢間野 垃圾

以我認識既calzone,係唔係咁。 我真係好想知點樣可以做過咁核突既calzone出黎，好晴顯係將個pizza底對摺，再求其加啲料入去當交貨，反正外賣自取博你唔會返轉頭。

今天下雨天，同事們想吃薄餅，而想起KCC地舖有一間西餐，因此大家選了這間。葵涌難得有pizza食，滿心歡喜去外賣自取。拿回辦公室之後，一打開，同事感覺到非常驚喜。夏威夷薄餅的味道吃下去有啤酒的味道，十分之有意外驚喜；葡撻的味道十分有趣，當中沒有蛋味，反而有咖哩味；而意大利飯最厲害，當拿起一口意大利飯，當中有一條像似芝士的東西，近鏡一看，喔！原來是一條極長的頭髮附送。正呀。如果想食有驚喜的餐廳可一試。

長週末尾，到這家特色意大利餐廳食晚飯。可能係星期日又比較早，六點多到餐廳就只是我們一枱，可以專心做好每一個菜。這店的Pizza是出名有特色，口感鬆軟又有柔嫩感，有啲似日式麪包的口感，聽聞粉團也是即叫即做的，特別有意思喎！然後，就係呢個招牌雞翼，好像有點柚子蜜嘅味道，酸酸甜甜的，特別開胃啲。除咗呢兩樣，今日仲試一吓他們的意大利雲吞，雪吞既賣相同一般嘅唔一樣，有啲似熱食嘅雪米遲，粉團口感比較大，用車釐茄來加點酸味入口會好一點，未能帶來什麼驚喜。整體環境和食物都不錯，值得一試再試嘅餐廳。

今日食咗個二人餐@$288Indian Masala Thighs (+$10)少少辣，充滿着印度香料亦都有少少煙燻嘅氣息，雞件都醃得非常入味。雞肉唔算太多汁但係一啲都唔乾。共有三大件，好食又相當抵食。Margherita 9"一心嚟就係食呢度嘅pizza。每次都係簡簡單單想食Margarita。蕃茄醬芝士羅勒嘅香味互相緊扣，份量亦都控制得剛剛好。薄薄嘅Pizza咬落topping非常juice，餅底亦都非常可口。佢個麵餅本身亦都充滿筋性。好味。Meat Lasagna (+$10)今日這個千層麵有點失色。雖然佢嘅芝士依然香厚軟綿綿。肉嘅份量亦都相當慷慨。但係今日這個千層麵有啲煮過淋，肉醬雖然多但係冇乜肉味。如果佢可以落多啲牛肉碎落去肉醬入面就會更加香濃。雖然不至於唔好味，但只能說不過不失。第一次喺餐廳見到佢有二人及四人晚餐嘅選擇。埋單$339其實係幾抵食嘅。今日星期日晚上人客亦都係唔多。覺得佢哋嘅經營亦都不容易。希望佢哋捱得住撐落去。用佢哋這裏薄餅嘅質素而言，同區應該算是第一。這裏仍然係我會推薦的。

今日和太太去食這間店，一入到去叫一杯咖啡和炸芝士，服務員話今日咖啡機壞咗，芝士條賣晒。試諗吓一間店舖下晝1:30鐘，可以話賣晒，請問這間店點樣預貨？唔緊要，叫一杯青檸梳打，一杯凍朱古力， +1個炸雞柳，一個意大利辣肉腸pizza，一個煙三文魚凱撒沙律。青檸梳打淡得了來，梳打水居然冇氣的，請問是青檸水還是青檸梳打？並且沒有青檸味。至於凍朱古力，我相信一般茶餐廳好飲過佢。辣味炸雞柳，沒有辣味，嗰啲肉質超粗糙，提供嘅醬汁，好似水一樣，稀如水一樣，請問點樣可以將醬汁掛在雞柳上？至於個煙三文魚沙律，那些炸麵包，我相信係過咗氣，完全一啲都唔脆口，至於個Pizza，好似食咗一斤鹽喺個口到一樣。而且面頭嗰啲汁，太多，太稀疏，係一攤水咁樣放喺個Pizza上高。如果大家想花錢食這間店，倒不如過對面新葵興花園食薩莉亞好過。最少人哋平，而且冇咁多鹽，對身體健康點。但係話說回頭，這些服務員，亦都未至於黑口黑面，服務態度還好。

從來冇食過咁鬼難食嘅肉醬千層麵😭😭😭真心超難食、超垃圾嗰隻！！！！！水汪汪都唔知咩嚟，d肉碎又霉😖😖😖食咗一倆啖即掉，完全浪費食物同$！另外嗰個Magic Mushrooms14''都唔好得幾多~總之，唔會再幫襯呢間野~~~~