Little Mermaid Bakery

營業中

休息中

約咗老公係尖沙咀食晚飯又未到時間，於是去行下海港城。 行經city super附近，已被那些麵包所吸引，香噴噴到不得了。 雖然價錢頗貴，物有所值啊。 因大部份材料用上日本貨，而且都有很多選擇，實在無從入手。 今次試咗cheese tart 和cream cheese danish， 兩款都好好味道，可能自己太喜歡吃芝士喇!

睇op見呢間想去試下, 買左楓糖丹麥條, 12蚊, 好貴呀, 食第一啖, 覺得普通啦, 再食又幾好食wor , 入面好似蜂巢咁, 好鬆軟 , 特別呀, 甜甜地, 外面香脆之後行左一陣city super, 又再黎買多件草莓酥, 7蚊, 好細架咋, 都ok啦呢個

$5。芝士波波：剛巧新鮮出爐不久，芝士波波十分香軟，芝士味卻普通，不太夠濃，但質地真的很軟熟，size和別店的相若星期六、日才有售賣

二月上旬‧陰天要跑，也要吃點澱粉質在肚才感覺能量十足，這裡的麵包出名貴，但又剛巧碰到吞拿魚包出爐，肉痛的感覺，敵不過想吃的欲望，就連另一薯仔煙肉包一同買了來吃。吞拿魚包鬆軟，吞拿魚醬不多不少，加上沙律醬，很好吃。當然熱烘烘的包，是無限加分。另外的薯仔煙肉包就硬一點，但也好吃，吃了兩個包，飽飽。不過要31蚊的，真的貴。

同朋友食飯, 見甜品癮又黎(應該係cake癮), 去左隔離買cake~見到佢地都算多款式, 就買左一條長條型既榛子朱古力蛋糕 (可惜無影相)廿幾蚊一個, 但係超好食, 拍得住酒店水準, 外面是朱古力榛子包住好濕潤的朱古力蛋糕, 唔算甜到好漏果d, 個size唔太大個, 剛剛好, 而且食到最後好似有d想再食不過又唔係, 果d feeling好特別!我覺得可能我未食過d人介紹既貴朱古力蛋糕 (好似tony wong等等), 所以, 我會話呢件暫時係我食過既朱古力蛋糕中最好味既一個……..我仲邊食邊飲住牛奶, 效果更加一流呢。

$7。Chocolate Sticky。朱古力冬甩：向來認為改錯名的它，其實就是麻糬、糯米慈的東東，細細粒，外層舖滿可可粉，味道略苦，外皮煙韌軟熟的，這次吃覺得內裡像是心太軟般的朱古力漿稀了些，沒以往濃濃的可可味…份量也少了哦，或許是因為由不同的製餅師所製吧…有別也是正常的。<每次到訪必吃！雖然如同大家所說，小、貴！但個人認為物有所值，不妨一試！>$14。Golden Cheese Brea。金黃芝士烤餅：咬下好香濃的芝士味，內裡全是溶溶的芝士，雖然份量並不多，但其香味已湧出，而薄薄包身的質感則有點煙糯，不像麵包的口感。<愛(士)人士必愛>$14。Cheese Tarte芝士撻：列明是New item！即管試試，花邊的撻底做得不錯，不會鬆散，但不太香，沒多大的牛油味，淡淡的芝士味，芝士餡料也不會散落。<整體來說，個人覺得只是一般而已>

路過麵包店，愛麻糬波波的我怎能錯過呢，當然立即進入覓尋至愛跡影……雖並沒有麻糬波波系列，但在失望之際卻找到驚喜…$7。朱古力冬甩：是否改錯名，怎算是’冬甩’ 呢？其實就是麻糬,糯米慈的東東，細細粒，外層舖滿可可粉，味道略苦，外皮煙韌軟熟的，內裡則是像心太軟般的朱古力漿，咬開立即傾巢而出，朱古力漿甜入心，超正，愛朱古力的你絕不能錯過！

星期三晚，去完霸王山莊食晚飯後，就去咗海運行街。經過我最愛的Little Mermaid ，即使在金融海嘯下，但都忍唔住要買幾個。custard 包：custard 只fill 到3/4個包，唔夠多。雖然食到尾有好多custard 咇出黎，但開頭幾啖都只得齋包。優良面粉，面包白淨鬆軟。丹麥條：第一次食，大概15 cm 長。外層有一層薄薄的沙糖，甜甜地。但就做得較實，唔夠酥香鬆軟。圓圈包：無以咁大個，縮咗水。但味道一如以往，好香，好軟，有夠甜。服務員很有笑容，有禮貌！

feb 15, 09,開餐前嘅小食,叫咗 : 1) 楓糖丹麥條-唔知幾時丹麥條有原味,楓糖味同芝士味-本來想賣芝士味,但問過店員盤上嘅芝士條仲熱唔熱之後,佢check過之後話已經唔熱-如果唔熱,即喺唔會有芝士拉絲嘅機會,所以改買楓糖-幸好仲喺微暖-外圍嘅微甜絲絲,+埋麵包嘅層遞感,絶對滿足當時極之肚餓嘅我-但如果牛油味重d,就肯定更香氣4溢 - 店員服務好好,見我要知道芝士條仲熱唔熱,特別穿上透明膠手套去試溫度.........真喺要讚

己經想吃cheese cake好耐啦, 終於行過這間餅店, 見到D蛋榚好靚, 買了一件New York Cheese Cake, 芝士味夠但稍甜了少少, 餅底腍左D, OK啦. 食完都非常滿足.個女仔好好人, 問我有冇Citysuper張銀色卡, 買餅會有95折.

Me the chestnut mania can't help resist trying its new release the chestnut danish...to my surprise the crispy danish is comparable to those in L'atelier, inside wasn't only filled with chestnut puree but little pieces of crunchy chestnuts as well.$14@ bit pricey yet it worths the bucks

對上一次係買佢既合桃包, 今次又想試點新口味, 行了一個圈...我發現係唔可以買方包類既慢慢嘆, 因為食用日期只有一天, 於是最後選了 提子及紅莓麵包, $28, 長度大約六, 七吋, 唔知係咪撞邪, 咁貴都買!今朝食咗一塊無番烘既...太煙韌, 難以咬斷, 然後將其餘的放入焗爐稍烘....脆脆的....唔錯, 提子及紅莓數目好多, 相信這些都是值錢的地方, 如果喜愛這些乾果類既食家會喜歡, 我就覺得貴咗少少!

我最愛吃的麵包是……丹麥條：外脆內軟的丹麥條，很好吃，不太甜(很多麵包店的丹麥條，都會被一層糖漿蓋著。但這蜓的丹麥條是不會的。)紅豆包：對我這紅豆迷來說，所有日式的紅豆包，都是我的至愛日式蜜瓜包：有一回吃了一個剛出爐的蜜瓜包，真是十分好吃。外層有脆脆的曲奇皮，麵包是熱熱及軟綿綿的！我覺得它比熱呼呼的港式菠籮包更美味全麥包：我覺得它的麥香不足夠，但是麵包的外層脆脆的，包身都十分軟熟玄米鬆餅：很軟熟的英式鬆餅，有點煙韌。若玄米可以香濃一點便更好了

昨天想去買水鞋....可惜太多人掃貨, 唯有放棄, 走黎買下食物! 呢度既貴包...令我一定會買既係合桃包, $22, 仲要買個大既, 於是今早烘完再跟同事分享, 包芯軟熟, 但合桃已少了, 有點失望, 以為沙田分店唔出, 專登係度買, 但水準有點下降了!

到尖咀，又點少得黎mermaid買d面包呢！今次買了個大大圓圈包、朱古力冬甩、apple pie、custard bread同peach danish。買完之後即刻食個朱古力冬甩 & apple pie (太心急食，所以無影相)朱古力冬甩口感好特別，唔似冬甩，似糯米糍多d，個皮好煙韌；一咬之下，內裡的朱古力醬一湧而出，不太甜，朱味濃。apple pie 都好正，好新鮮，個皮好脆；餡又多。大大圓圈包custard bread同peach danish返到屋企至食。全部都十分新鮮，custard好香好軟滑，又夠多。Dnaish不洗多講啦，都係咁正！服務抵讚，因為個收銀員見我隻手沾到朱古力冬甩上的朱古力粉，識得主得遞張紙巾俾我！