Little Old Town (已結業)

呢間餐廳其實一路都有食開既。今晚有朋友過嚟呢頭做嘢，所以約咗佢嚟呢度食lunch。以前lunch排隊要等好耐，唔知係咪因為呢排德福開咗好多食店。所以而家只要早少少去嘅話一定馬上有位。不過就限時食45分鐘。對於我哋呢啲打工仔來講，食個lunch 45分鐘都係合理嘅時間。lunch黎講，其實嘅選擇都好多。朋友叫咗個海南雞飯，而我就叫咗個燒豬頸肉冬陰公湯。而味道方面一直都keep到有佢既好水準。而且環境都好舒服，適合同朋友傾下計， 一啲侷促同埋好嘈嘅感覺都冇。

九龍灣一向都係我食飯既選地之一，睇戲前行左陣，就揀左呢間未試過既Little Old Town試下啦。６點鐘尚未到食飯高峰期，唔洗等位就入左去啦！炸魚餅炸到個皮脆卜卜，微微既辣令到食落更香口！食過好多間炸魚餅，呢個可共並列三甲之內。招牌海南雞（例牌）要加錢先會有飯，我地加左＄１８雞油飯。雞都算嫩口，但冇咩雞味，不過份量多，連埋３款醬食都不過不失。泰式大頭蝦炒金邊粉大頭蝦好大隻，炸得好靚，上面淋滿酸酸甜甜既汁。金邊粉味道亦一如平常的泰式炒金邊粉一樣，值得一試！薄菏青檸梳打冇咩味，下次唔會再叫，不過配返濃味食物，當中和下。

午膳時間去左德福，呢間店主打東南亞菜，限時入座45分鐘，時間剛好夠食個午餐就走，要另收加一服務費。叫左個泰式燒雞腿湯金邊粉，加$8配洛神花特飲。隻燒雞腿味道唔錯，肉質頗嫩，另外有甜辣醬同少少酸青瓜做配菜，口感清新，配湯金邊粉，食落搭配得宜。洛神花特飲少少酸，唔算好飲或難飲。

Lunch同同事食泰國菜，平日來泰國餐廳都主要吃海南雞飯，今次試試新口味，吃辣野先！看完餐牌後，我決定叫燒豬頸肉🥩冬蔭功湯配河粉。冬蔭功睇落去好辣，味道都可以，但椰奶嫌唔夠多，味道不大重。至於豬頸肉方面，皮脆香口，好味道！至於同事方面，就叫左炒貴刁。賣相不錯，但味道一般。另外，我地亦有叫香茅豬排🥩冬蔭功金邊粉～豬排size夠大，而且亦炸得香口，配上醬汁，味道不錯！最後，我地仲叫了個泰式燒雞腿河粉，雞腿配搭甜酸醬，好味總括來說，除左冬蔭公湯味道稍微遜色點，其他食物質素也挺好，如價錢方面能再調低一點，相信會提高吸引力！

今日去左德福二期食lunch, 雖然一早係Gulu 拎左位， 但都係要等啦， 等左都幾耐。啲冬陰公湯都ok, 但偏甜， 香茅味唔夠，塊豬扒估唔到係炸， 麻麻地。雞脾都可以， 豬頸肉份量唔夠，得幾片太少。薏米水幾好， 唔太甜， 養生之選。整體都可以

行過見餐牌相片幾吸引，冇睇comments 就入去食，主要叫左虎蝦同拼盤，拼盤比較濃味，每款兩件，雞翼好迷你。蝦得兩隻，肉身size只手指公般大，而且霉霉地，完全冇其他野配搭賣188元，十分失望。眼見附近枱既貴刁不是貴刁，炒飯亦冇咩料，客人們都有微言，是否週末就是這樣? 再仔細睇睇餐廳既裝修，其實只外表靚，入面其實都係茶餐廳枱櫈，188元兩隻蚊型蝦真係好貴! 我諗食個海南雞飯或通菜就ok, 海鮮就真係no next time!

今日又係九龍灣食午餐。去左尼間 little old town.第一次食尼間專門新加坡菜。lunch hour係德福廣場真係遲左一分鐘都可以多人甘多。幸好尼間問介唔介意搭台。我地立即見唔使等位，當然話好啦。甘就即刻可以入去坐啦。仲坐左張卡位，雖然對面坐左人，但等地一點也不介意呀。講番正題，我地叫左兩個lunch set。第一個係我叫既青咖哩雞飯套餐。青咖哩雞入面既咖哩味多奶，少少甜，一點也不辣。味道岩岩好。但我還是覺得咖哩汁稀左d。如果再濃郁就好好多。青咖哩入面除左有雞之外，還有笳子。另外，我要讚下個湯，因為個湯係熱既👍👍👍（本小姐好鍾意飲湯，但好多時，餐廳入面既例湯係唔熱既。）第二，我的朋友就叫左海南雞飯套餐，都不錯吃。我地仲叫左兩道小食。蝦柚子沙津，味道唔錯。柚子新鮮。味道佢夾左特別醬汁，可以一試。還有蝦餅，尼個蝦餅無得頂，熱騰騰的，外脆內彈口。好味道雖然總共都食左$2xx，但都滿意的午餐。

未入座，侍應已經同我講午市限時45分鐘。我即刻掉頭走。又唔係任食，更加唔係咩嘢排長龍既名店，憑咩限時45分鐘？就算任食火鍋好多都60-90分鐘啦。裡面有一半空檯，外面無人等位，點解仲要有咁苛刻既時限？記得之前食過一次，味道麻麻，好耐都無去過；計埋今次，以後應該唔使去，等佢執左之後換過第二間餐廳把啦。

星期六向德福商場行完街， 周圍搵下嘢食， 今次揀咗little old town， 因為貪佢唔使排好耐隊就可以入去食！ 入到去睇下menu有咩先，見到有龍蝦鮑魚喇沙，入面有波士頓龍蝦半隻+鮑魚兩隻， 仲要話每天限量20碗售完即止， 令到我好有興趣立即order試下好唔好食！ 上枱嘅時候賣相同相片嘅都差唔多， 食落就普通啦唔係太特別！ 至於菠蘿海鮮炒飯我就覺得失色咗好多， 本身諗住有原個菠蘿靚靚咁上枱， 但係原來係一碟碟頭飯， 所以呢個麻麻地啦！ 至於海南雞不過不失， 唔可以話好食但係亦都唔算難食， 雞肉都總算係滑身的！ 但係尚欠雞味， 食物質數有待改善！ 期望下次有機會再到餐廳嘅時候可以有進步喇！

不知所謂嘅晚間肥經理，態度惡劣，服務差！永遠都唔會再幫襯！有啲咁嘅經理我真係未見過。我用food gulu, 攞飛，職員見到冇人咪帶我入去坐一張枱，佢以為我白撞冇攞飛，不斷喺度大聲叫間接講緊我。有職員同我落單，有一味漏咗單想追番，望一望佢，佢擰轉面當睇唔到，仲要細細聲講好似覺得我問題。淨係識企喺度點人做野，個樣衰到冇人有，10點鬆啲就坐喺度，叫啲同事送菜俾佢食，大爺咁款。佢冇人投訴我乜都得！如果茶餐廳我都冇咁嬲！中等價錢咁嘅服務等執！

話説星期六要去九龍灣個邊上堂少食二期喔 所以今次簡左little old town 試下佢嘅東南亞午餐👅肉骨茶 $68呢個係馬來西亞嘅做法 藥材味都比較重唔似新加坡嘅 胡椒味濃🙈排骨 比較硬🤢 味道入唔到去裏面跟餐仲有油炸鬼 浸落肉骨茶 感覺唔錯😊

個名改得啱：Little Old Town, Everthing is little!總評：唔抵，味道一般，環境一般，服務更一般。3個菜一杯嘢飲400幾，個份量真係⋯⋯會唔會香港租金真係咁悲哀，我又覺得未至於令一間食肆個價錢同份量不成正比到咁，因為味道都唔值。材料我都唔覺會咁貴！新鮮？稱不上。唔知因為6點幾太早冇乜人，定間食肆真係大家都知道唔值得去第二次所以冇人？我同男朋友見到餐牌幾吸引就入咗去試。我地揀咗好耐，因為大家都未想食住，諗住慢慢睇慢慢嚟。之後我地就叫咗以下三款大頭蝦冬陰功湯$98 二人份量其實味道不俗但都未覺得好好飲，睇相好似好大，但係我一個女仔個手掌都比佢大...裏面有兩舊開邊蝦，即係一隻咁多。之後每飲一啖都有超多啲香料要吐出嚟，成煲香料多過湯，係唔可以好順咁飲一啖，一啖都唔可以。最好味係哩個咖喱炒蝦，個醬汁係好味，撈飯係唔錯。可惜，價值188，一共有兩隻蝦咁多啊！唔知做咩幫我切幾刀令個份量睇落去係以為會有4隻。一隻90幾、我去泰國食都係30幾幾隻，真係唔知原來一隻蝦嚟到香港係咁貴。其中一隻個頭黑黑地，都唔敢吮，唔新鮮。最可惡就係哩個招牌蟹肉炒飯！！公平啲講，張圖我地食咗

放工路過，兩大一細要搵食，個鋪觀感唔錯，有位，坐得還好，仲有bb櫈，馬上坐低。叫咗一個咖喱蟹，炒碟菜，一個炒飯。咖喱蟹賣相糾紛，但係啲蟹肉會都梅既，淡到爆，全蟹近付空心，成隻蟹夾埋都無五份一係肉，好似帶咗一碟咖哩蟹殼一樣，痴線的！其他嘢一般般啦，炒菜幾好味，但咸，好細碟。薄餅，還好，其實無特別。菠蘿炒飯，唔係原隻菠蘿上個種，無乜菠蘿肉，得兩隻蝦仔，普通過不普通。一百萬個伏！各位未去千祈唔好去！九龍灣係美食沙漠，但估唔到伏到咁！

今天與舊同學聚舊,在九龍灣德福商場品嚐一間叫Old Little Town的泰菜館,先來一個前菜,鮮蝦金柚沙拉,驚喜是用料 有5cm長的中蝦,配上柚子,口腔立即清新起來......為第二味 的海南鷄打嚮頭炮,眼前的海南鷄很大碟,足夠兩人大飽口 福,叫了一碗鷄油飯配上無骨鷄件,成功吃出昔日在泰國的 獨有味道。 豬肉串燒可能不是熱吃,凍了才吃,未能吃出它的燒烤味...... 最後,新加波喇吵直接點擊我的味蕾,不算好辣但味道甚 濃,有海鲜、半熟蛋做配料,我更一口氣飲下裡面的湯,身 體馬上升温,頓感幸福!

與其說是泰國餐廳，我會話係東南亞餐廳。因為呢度嘅菜式唔限於泰國菜，例如冬陰公、泰式菠蘿炒飯等，亦都有其他東南亞菜式，例如海南雞同埋各類串燒，都好多選擇。海鮮喇沙，賣相同餐牌有出入，餐牌上顯示有一隻辣椒，圖片亦都顯示湯底帶紅色，所以我會期待係微辣。不過最後呢碗喇沙係一啲都唔辣，個人來說有少少失望。好彩味道可以接受，湯底係好味，配料都好充足，隻蝦唔會梅，配上芽菜嘅清爽，同埋魚肉嘅軟，一硬一軟，其實都好味。飛天通菜，係每一間泰國餐廳最基本既菜式，惹味可口，蒜頭、紅椒和豆醬比例唔錯，可能呢間係東南亞餐廳而非泰式餐廳，無左係曼谷街頭可見既霸氣炒菜拋鍋，通菜稍欠鍋氣，似家庭小菜。青咖喱雞肉，呢個稍微失望，雖然青咖喱汁好惹味，（我點了印度薄餅黎伴食）但係入面既雞肉寥寥可數，得4-5舊細細既肉，汁好多，肉好少，而且唔入味，不推薦！印度薄餅，不酥不脆，貌似係連鎖超市買回來既急凍薄餅。海南雞例牌，普普通通，雞肉尚算嫩滑，不過稍欠雞味，點上傳統醬油，都幾好送飯的。食物質素有待再進步，員工就好nice同有禮貌，環境都坐得舒服，鍾意既話，可以叫支象啤，一路食，一路飲。