影片
更多
2018-05-15
464 瀏覽
個名改得啱：Little Old Town, Everthing is little!總評：唔抵，味道一般，環境一般，服務更一般。3個菜一杯嘢飲400幾，個份量真係⋯⋯會唔會香港租金真係咁悲哀，我又覺得未至於令一間食肆個價錢同份量不成正比到咁，因為味道都唔值。材料我都唔覺會咁貴！新鮮？稱不上。唔知因為6點幾太早冇乜人，定間食肆真係大家都知道唔值得去第二次所以冇人？我同男朋友見到餐牌幾吸引就入咗去試。我地揀咗好耐，因為大家都未想食住，諗住慢慢睇慢慢嚟。之後我地就叫咗以下三款大頭蝦冬陰功湯$98 二人份量其實味道不俗但都未覺得好好飲，睇相好似好大，但係我一個女仔個手掌都比佢大...裏面有兩舊開邊蝦，即係一隻咁多。之後每飲一啖都有超多啲香料要吐出嚟，成煲香料多過湯，係唔可以好順咁飲一啖，一啖都唔可以。最好味係哩個咖喱炒蝦，個醬汁係好味，撈飯係唔錯。可惜，價值188，一共有兩隻蝦咁多啊！唔知做咩幫我切幾刀令個份量睇落去係以為會有4隻。一隻90幾、我去泰國食都係30幾幾隻，真係唔知原來一隻蝦嚟到香港係咁貴。其中一隻個頭黑黑地，都唔敢吮，唔新鮮。最可惡就係哩個招牌蟹肉炒飯！！公平啲講，張圖我地食咗
總評：唔抵，味道一般，環境一般，服務更一般。3個菜一杯嘢飲400幾，個份量真係⋯⋯
會唔會香港租金真係咁悲哀，我又覺得未至於令一間食肆個價錢同份量不成正比到咁，因為味道都唔值。材料我都唔覺會咁貴！新鮮？稱不上。
唔知因為6點幾太早冇乜人，定間食肆真係大家都知道唔值得去第二次所以冇人？
我同男朋友見到餐牌幾吸引就入咗去試。
我地揀咗好耐，因為大家都未想食住，諗住慢慢睇慢慢嚟。
之後我地就叫咗以下三款
大頭蝦冬陰功湯
9 瀏覽
0 讚好
0 留言
大頭蝦冬陰功湯$98 二人份量
其實味道不俗但都未覺得好好飲，睇相好似好大，但係我一個女仔個手掌都比佢大...裏面有兩舊開邊蝦，即係一隻咁多。之後每飲一啖都有超多啲香料要吐出嚟，成煲香料多過湯，係唔可以好順咁飲一啖，一啖都唔可以。
咖哩炒蝦
$188
9 瀏覽
0 讚好
0 留言
最好味係哩個咖喱炒蝦，個醬汁係好味，撈飯係唔錯。可惜，價值188，一共有兩隻蝦咁多啊！唔知做咩幫我切幾刀令個份量睇落去係以為會有4隻。一隻90幾、我去泰國食都係30幾幾隻，真係唔知原來一隻蝦嚟到香港係咁貴。其中一隻個頭黑黑地，都唔敢吮，唔新鮮。
招牌蟹肉炒飯
12 瀏覽
0 讚好
0 留言
最可惡就係哩個招牌蟹肉炒飯！！公平啲講，張圖我地食咗三啖先記得影。
講係招牌我仲期待咗下，點知你唔講係蟹肉炒飯，我以為係蔥加蛋炒飯，無論賣相同食落去都係。話曬都成舊水一碟（around)啦，蟹肉真係你搵搵俾我睇....😑又冇味，所以前面講要用個咖喱汁撈飯我先覺得有味。
仲有杯薄荷檸檬梳打，薄荷多咗啲，就係一杯苦苦地既有汽水，我都唔知叫唔叫OK，唔識欣賞。
份量既問題，我地半個鐘內就食曬咁滯，得番我飲幾啖一直要吐香料既湯，個侍應就急不及待咁執曬檯上既嘢咁滯，得番杯嘢飲同我個碗湯，兩杯水。其實出面都冇人，其實我入咗嚟都冇一個鐘，其實唔洗咁趕㗎喎⋯⋯
想叫多碟既念頭都打消咗，搵笨既！
張貼
