更多
2011-04-24
24 瀏覽
今天一心諗住去ICC食HIGH TEA,點知冇得訂位,要WALK IN排隊等位,已經早左半小時去...條龍長到咩咁,仕應話就算排到上去都已冇晒HIGH TEA SET,所以即刻轉場,最近的選擇就係W HOTEL,但去到都FULL晒,要等30分鐘或以上先有位,冇辦法,因為係假期所以勁多人,唔想再晒時間所以就去左圓方行下先,過左幾個字仕應就打嚟話有位.餐廳屬於型格的,D櫈有些係好長的,好似好舒服,不過我地唔係坐果種,只係普通轉轉櫈及SOFA,望到ICC呀.MENU有兩張,一張係HIGH TEA SET,另一張竟然係LOW TEA SET,我地諗左一陣叫咩好,冇理由食HIGH TEA唔叫HIGH TEA SET架,於是3個人叫左HIGH TEA SET FOR TWO,跟住加左杯飲品及叫多一份FISH & CHIPS一齊食啦.飲品我叫左荔枝綠茶,朋友叫左朱古力鮮奶咖啡及鮮奶咖啡,等左一陣就嚟啦,每個坐位旁都放左一些雜誌可供閱讀,都幾細心呀,餐廳感覺似酒吧多一點,唔似食高茶的地方.TEA SET唔係傳統的三層高既碟上架,係兩個圓碟上的,兩加埋用蒸籠放既鬆餅及曲奇,好似怪怪地咁.唔似食緊HIGH
MENU有兩張,一張係HIGH TEA SET,另一張竟然係LOW TEA SET,我地諗左一陣叫咩好,冇理由食HIGH TEA唔叫HIGH TEA SET架,於是3個人叫左HIGH TEA SET FOR TWO,跟住加左杯飲品及叫多一份FISH & CHIPS一齊食啦.
飲品我叫左荔枝綠茶,朋友叫左朱古力鮮奶咖啡及鮮奶咖啡,等左一陣就嚟啦,每個坐位旁都放左一些雜誌可供閱讀,都幾細心呀,餐廳感覺似酒吧多一點,唔似食高茶的地方.
TEA SET唔係傳統的三層高既碟上架,係兩個圓碟上的,兩加埋用蒸籠放既鬆餅及曲奇,好似怪怪地咁.唔似食緊HIGH TEA呀.
賣相都好別緻的,味道就要試下先知啦,先食鬆餅,可配奶油CREAM及果JAM,個鬆餅已扣分啦,唔鬆既,似蛋糕多D喎,好麻麻呀,個奶油CREAM及JAM跟其它地方的都好似有點出入.再試下其它的,咸點都幾多款,有三文治,麵包夾住唔同既CREAM,蛋糕,甜點都係一些TART,兩杯慕絲之類,其實我沒有深刻印象那一種比較突出,比較精緻及賣相吸引,都係好普通的呀.
我杯荔枝綠茶都幾重荔枝味,不過真的甜左少少,朋友們的咖啡佢地都話OK的呀, 仕應忙個不停,所以服務都係一般,叫曖水俾左熱水及要叫幾次先有.環境唔夠舒服及清靜,只係覺得好似去食快餐一樣,不過係貴的快餐,唔似食HIGH TEA啊....
張貼