LOG-ON Café (已結業)

Log-on 行得多, 原來Log-on開左間Log-on Cafe, 膽粗粗入去試下。間野以半自助形式經營, 先自行到收銀處落單, 但不收現金, 一定要用電子支付, 之後會被安排坐位, 然後有職員會送餐到枱上。我叫左個帶子意粉配柚子汁, 柚子汁對我嚟講只用作沙律上, 原來配在意粉上都唔錯, 少少酸, 幾開胃, 唔錯。 碟野份量對女仔來講算夠的, 但對男仔來講就......

服務勁差，大部分職員都係好似譚仔姐姐咁操唔咸唔淡既廣東話，但態度同禮貌方面差人地成條街.....門口沒人留守，入座安排極度混亂！不停先讓2人位入座，但最後都要求我們3人分2邊坐！咁點解唔一早安排我地入座？入座後見到有4人枱又話唔可以轉，要留比下一位客人（下位客人原來係2人）！！食物上桌,上第3份時職員反問我地點解分開左坐！！食物唔熱，暖only心情差更加覺得d野食難食！！响city super食過n次野，未食過一次係咁差既！好少比劣評，但今次唔比唔得！

呢度有唔同款式既美食，今日就簡左咖啡同小食，有意想不到既口感，真的不能只看外表哦😅泡沫咖啡（凍）呢杯啡奶比較多，比較喜歡奶多既朋友仔就啱哂你啦😜（我本身比較喜愛濃啡），所以少奶多啡味會比較啱我口味，獲得我嘅芳心既🤣🤣🤣朱古力鮮奶咖啡（凍）呢杯未飲前會以為好甜，一向對甜麻麻地既我會比較抗拒朱古力鮮奶咖啡，但係，一試左一啖，竟然，係甜度剛好，我係會接受既甜度喎，難得啊😳😳香脆軟殼蟹呢款向來都會油膩，仲係會好少肉添，點知，點知，點知，唔係喎，隻蟹係無想像中咁瘦架🤣🤩真的意想不到嘅下午茶😌😌

最近先知LOGON唔止賣玩具日用品,而家係太古開了一間CAFECAFE主打輕食同日本菜,幾岩口味 有時間所以今次過黎食下飯無限時用餐,好岩坐低飲野聊天,唔洗下下搵地方坐有蛋包飯,日本咖哩飯,仲有意粉可以選擇最終決定北海道帶子野菜意大利麵配柚子汁番茄闊麵配北海道帶子 意粉跟餐加飲品$10一杯制作時間約10分鐘,飲住檸茶等先,茶味幾濃色夠深 最近減甜唔加糖漿所以開始識分茶味番茄醬汁掛滿每一條粗身闊意粉,帶點微辣同濃郁番茄酸香帶子好大粒好鮮味,有水準另一款完全係和風口味,個汁味道係比較淡,有少少醬油既味道,類似炒意粉口感有好多唔同既日本新鮮蔬菜,感覺上食落好少油同健康 帶子同樣都係煎過先上一樣大粒鮮味LOG-ON Café 太古太古城道18號太古城中心2樓260-261號舖評分7/10平均消費$150

LOG-ON Café全港只得一間分店, 所以每次去太古城中心都會光顧!波士頓龍蝦香芒蟹肉包配薯條 $128龍蝦肉質鮮甜彈牙👍🏻雖然拆咗肉份量未算太多, 但醬汁配上香甜芒果, 口感多層次, 食埋熱辣辣嘅粗薯條都唔覺膩, 又充滿夏日氣息! 略嫌沒有沾上醬汁嘅包比較硬。雪花蟹腳蝦仁配明太子忌廉汁闊條麵 $108意粉一端上枱已經香氣撲鼻😍 雪花蟹腳微微燒香, 忌廉汁香而不膩!整體食物質素高, 加上餐廳定期update menu, 一定會再encore!

每逢假日仔仔最鐘意去太古坊中心Log-on食午餐。因為响呢度食完野可以食埋雪糕。其實媽媽都好鐘意呢度嘅Cha Cha 雪糕😋跟餐加$25，大大杯雪糕，既香滑又重奶味。卡邦尼意粉$110 （連飲品）Size正常，配料有火腿、磨菇、溫泉蛋、洋蔥等......意粉軟硬適中，汁醬味道豐富creamy，仔仔每次必食！芒果窩夫配雪糕 $100 （連飲品）三塊窩夫，可惜整得比較乾身，食落無咩蛋微溫唔夠熱，只配少許芒果醬，如果配埋cream會更加好味。

出街唔想hea食茶餐廳或者food court，去Log-On Cafe 我覺得係唔錯嘅選擇。呢度食西式野，選擇種類多，有麵、飯、小食、沙律、burger、All Day Breakfast。如果唔想食飽肚嘅食物，坐底飲杯野食件cake，或者食杯雪糕又得。我地最鐘意呢度Cha Cha嘅牛奶雪糕😋😋跟餐價只係$25蚊，平常就咁買一杯要38蚊。卡邦尼意粉係仔仔每次必食之選，多汁又夠creamy，芝士味濃，煙肉又多，意粉份量適中，高質美食。

兩個人食晏吹吹水既好地方呢度食lunch 時間都唔算難等位，黎到等一陣已經可以入座但呢度係要自己出去order 野食同俾埋錢先既，order 完坐埋位就會有人送餐埋黎，都還可以既，環境都夠光猛乾淨企理我叫左呢個美國牛肉飯，揀左咖喱汁，牛肉本身醃左，好味既，唔會好多肥膏痴住👍🏻👍🏻份量都算ok,飯係珍珠米，少少煙韌，個蛋就正常發揮同埋份量夠多同事叫既天掃羅蝦飯都係咖哩汁，試左隻蝦，都係ok 既，不過得三隻，真心應該會唔夠飽🤣餐飲方面，我叫左杯cappuccino 正常野，ok 既😋同事就加左六蚊飲熱豆奶，無試到無法評論，但個樣睇落正常

每次女兒上溜冰課前，也心思思要吃番個美味午餐，這樣才有力氣去跳去轉，今次她想到太古溜冰場上一層的Log On Cafe 吃番個靚靚午餐，她拿起menu, 仔細打量一番後，就點了吉列蝦日式咖喱蛋包飯，大概等了15分鐘，一碟熱騰騰又軟棉棉的吉列炸蝦日式咖喱蛋包飯就端到女兒面前，女兒一口一口地吃，她讚賞吉列蝦很脆卜卜，炸粉不太厚，剛剛好，咖喱香甜美味又不辣，啱晒佢呢啲連胡椒粉也吃不到的人😆😆，不到10分鐘已經吃清光了，吃飽飽，開心滿足地去上溜冰課💪🏻💪🏻

同朋友行完山去太古城諗住食少少野，見到呢間log on cafe唔係周圍都有，就簡左佢，食物選擇正常，甜品外貌吸引，我地叫左一個雞肉pizza,芒果pancake同窩夫，仲叫左兩杯芒果熱情果沙冰同菠蘿草莓果茶，個pizza係薄批，好好味，另外兩杯熱情果沙冰上到黎真係嚇一跳，因為真係好大杯，一杯兩個人都夠飲，而杯菠蘿草莓果茶味道都唔錯，大家下次黎到都可以試下，唯一有少少失色嘅係兩個甜品，食落有d dry,不過好彩有杯雪糕，加埋雪糕食就無咁dry

平時好少係太古食晚餐，因為睇戲前時間唔多，行咗陣見到Log-On cafe，好似都唔錯！餐廳裝修主要白色偏日系，都幾文青。食物選擇都唔少，有西式同日式，而且甜品選擇都好多，好吸引！最後揀咗和牛意粉同蛋包飯，再加個小食。呢到係需要自己去收銀處落單，然後會俾個號碼牌你放枱面，職員就會送上餐點。澳洲M6和牛肉眼蘑菇意大利麵配燒肉汁 $138：呢個價錢有和牛都幾抵食，意粉份量適合女仔，男仔應該唔夠和牛肉質都嫩，個人覺得調味唔夠反而磨菇入味，整體唔錯吉列廣島蠔蛋包飯 $88：醬汁可以揀日式咖喱汁或者香草蕃茄醬，嫩嫩的蛋當然配咖喱汁🤤個人覺得咖喱汁唔辣，睇落好多汁，但只係剛好，如果汁再多啲就好廣島蠔剛炸起，外脆內軟，正！而且一啲都唔腥，隻隻都好肥美！另外加左+$6 博多屋豆奶，唔...冇咩特別，豆味唔算濃，但因為冇點加糖，係好舒服既味道(天然feel?)芝士煙肉焗薯條$48：份量唔多，但焗燶左，芝士帶苦味，中間既薯條淋晒，唔脆個人唔推薦總結：環境闊落，職員服務都好好，好有禮貌！ 食物方面都唔錯，下次試下甜品先！

平時好少係太古城食飯， 但成日去康怡都去到悶， 就走左去log on食日式咖哩蛋包飯。我揀左咖哩炸豬扒蛋包飯， 個咖哩係好日式， 唔辣又有少少甜， 咖哩醬好多， 鍾意撈飯既人一定好開心。蛋係好滑，但冇咩蛋香， 反而個炸豬扒好出色， 食落去係好脆， 食得出係係即叫即炸，豬扒係薄身， 炸衣唔算厚。份量大， 我都食剩2塊仔。加6蚊有埋餐飲， 我叫左咖啡，但唔算好飲， 不過成個餐94蚊食日式lunch唔算貴。我見甜品menu都好吸引， 下次會試下。

悠閑嘅咖啡店☕️地方簡潔，依家枱與枱之間都分隔得好遠...餐牌選擇都多，有意粉、pizza、龍蝦包...仲有美味嘅日式咖喱蛋包飯呀！平時食蛋包飯D蛋都煮到比較乾同冇蛋味，Log-on cafe嘅吉列咖喱蛋包飯我就覺得好好味，淡淡咖喱香，唔辣小朋友都食到，吉列蝦同豬扒炸得鬆化香脆，蛋好滑，有水準！如果唔食咖喱可以改為番茄汁，不過我就覺得冇咖喱汁咁好味啦。喜歡的可以飲埋佢哋嘅咖啡，咖啡香濃幼滑，值得推介😊價錢：$88/款好味：⭐️⭐️⭐️⭐️環境：⭐️⭐️⭐️⭐️CP值：⭐️⭐️⭐️⭐️(5個⭐️滿分)

配好眼鏡過左$1200原來有靚靚公主杯墊換到bo，但要做左太古城會員先，點知又有$50餐飲卷就殺黎之前睇好ne間開緊期間限定公主餐廳，比想像中設計得靚靚，打卡位都多。除左可以用$50卷仲有拿住張收據在隔離logon可以以優惠價～$116換到粉紅系列限量版公主（私認為美人魚個隻最靚靚）。唔多肚餓就叫款芒果pancake配牛奶雪糕，芒果層層都有帶微甜，pancake 煎得岩岩好，牛奶雪糕牛奶味重，但係就比較甜同埋溶得快。飲杯玫瑰草莓牛奶，玫瑰味hold住曬全場。

這次來到太古城中心, 目標當然是公主. 除了有小遊戲之外, 還有LOG-ON Café, 這裡變身成為公主餐廳, 不少佈置也做得挺有心思, 場內就有不少客人以公主裝束應戰.士多啤梨菠蘿果茶 +$28: 8.5分, 先來杯士多啤梨菠蘿果茶, 是士多啤梨為主, 菠蘿為副, 比平日喝開的果茶更甜美. 最重要是大大杯, 解渴一流.溫泉蛋卡邦尼闊條麵 $98: 8分, 主食只選來溫泉蛋卡邦尼闊條麵, 把蛋汁撈勻, 闊條麵沾上蛋汁, 對小朋友來說, 當然易入口.雜莓窩夫 $88: 7.5分, 窩夫有三大塊, 質感一般, 也嫌不夠熱暖, 吃到尾是有捱回去的感覺. 當然, 軟雪糕部份是高水準的, 因為是Sweets HouseCha Cha的出品. 軟雪糕質感滑溜, 不會有冰感, 牛奶味奶香突出, 而抹茶味的抹茶帶回甘但不會有苦澀的感覺.紅豆抹茶芭菲 $68: 8.5分, 是份量相當大的紅豆抹茶芭菲, 一個人要吃光, 應該不太可能. 軟雪糕部份繼續有水準, 配上紅豆蓉, 粟米片, 豆腐布甸, 以及抹茶寒天, 是甜美而豐富.期間限定的LOG-ON Café迪士尼公主版, 是各位公主的朝聖地. 當然, 這