Loooop (已結業)

前幾日終於去大坑食到呢杯超級靚嘅雪糕！🍦五點幾去到見到落左閘，以為無開，點知店員同我示意，七點半會再開， 於是就去附近嘅cafe 飲杯野，食住cake 等。望穿秋水，終於等到呢杯雪糕！我揀左POOL ($50), 即係藍月雪糕配牛油曲奇杯，乳酪脆粒，燒棉花糖，同可食用嘅海洋生物米紙裝飾。另外可以揀無食用米紙既雪糕，價錢會便d ($45)。呢杯雪糕係由上至下，左至右，除左棉花糖枝棒，全部都食得落肚！靚係好靚，得意係好得意，但係其實味道黎講並唔係好驚喜，唔可以話好食，雪糕亦溶得幾快。個曲奇杯我只係食左小小就無食，因為實在太滯，而且唔係特別鬆化同香。枝燒棉花糖仲奇怪，唔知點解我覺得有啲似食緊燒魚蛋咁。淨係計雪糕同上面啲乳酪脆脆叫可以接受，上面啲海洋生物都好得意！呢杯雪糕個樣真係無得輸，真係好靚，不過味道真係好一般，我一定唔會食第二次！

朋友大讚好特別而且好好食搞到我鬼咁期待，點知⋯當日係9月25，同朋友係維園睇完中秋紙紮公仔(XD)之後諗住食甜品，咁我就同佢地推介呢個咁靚嘅雪糕，大家都滿心歡喜手拉手轉住圈咁行過去⋯到左之後我就叫左blue moon，個店員話藍色雪糕係藍苺加波子汽水味，例牌電話先食，跟住第一啖放入口⋯eee⋯除左朱古力醬有朱古力味，個雪糕都冇佢講個d味嘅⋯食多啖都真係得個甜字，其他配料都係普通。而個咖啡味曲奇杯一d都唔好食，質地有d似紙皮，味道就真係好普通。到張米紙，就米紙味，同有d甩色。總括黎講我唔會再去，同埋我suggest兩個人share 1 杯，都幾飽下。

單純帶孩子來貪得意, 他揀了 POOL , 應該是為了枝燒焦的棉花糖吧!只需要一部軟雪糕機及這個創作工作間, 一盒盒可愛的小裝飾就散在碟上等待雪糕姐姐精巧地砌上。終於輪到我們這杯 POOL , 需要兩位雪糕姐姐分工合作, 共同努力。首先當然是吃那枝燒焦的棉花糖, 棉花糖從冷藏庫找出來, 仍然是冰凍硬身, 不過因為燒焦了而做成外熱內冷及外軟內硬的chewy效果。  至於彩藍色的軟雪糕, 有人說過是薄荷味亦有人說過是波子汽水味, 我只知道軟雪糕是溶得比較快及與面頭的乳酸粒同吃會更美味。  而米紙製成的小裝飾及雪糕杯身廣告紙是有幾分似沒有甜味餡料的威化餅, 淡而無味；雪糕杯並沒有預期的乾爭爭, 咬下去也是脆的, 不過吃完是真的會很飽。縱使OK臉比較多也不乏潮聖人群。

今天同小女放學後帶她試試這間開在大坑，話連紙都吃得的雪糕。1款系原味 cone ，另1款咖啡味。面上的蛋白 mushroom 可愛做型精美可口，另1個小型朱古力 cone 加金珠珠趣口美味，2款都是 yogurt 因為當天沒 ice cream offer , 但 yogurt  not sour ， not sweet ，just perfect 😋。雖然有點貴，亦會下次路過再幫親😊

之前聽說過大坑開了一間雪糕店，特別之處在於連其杯也是可以食用的，是日藉著到大坑晚飯的機會，終於可以一試啦~去到的時候人不多剛好不用排隊，店員也很落力為我們介紹，只有五款選擇，配以不同口味的曲奇杯、軟雪糕和裝飾物，我們就揀了望上去最特別的Blue Moon啦。賣相絕對攞滿分，呃like之選！藍色的特調雪糕食落有點波子汽水的味道，不算太甜，算係幾清新的口味，表面灑了朱古力漿，蜜糖星星及不同圖案的米紙，據說還有爆炸糖，可惜我們食落口都不太覺得有食到~ 然後向可以食得的曲奇杯進攻，可惜比較令人失望，沒有鬆脆感只有一股硬實的口感，與想象中並不一樣！最後我們把雪糕清光了，但係個杯就只食了幾啖就無食了，這樣一杯賣相遠比味道出色的雪糕盛惠50蚊，真的不太值，不過衝著其滿分的賣相，貪新鮮試一次也無妨

今日愛麗絲好開心，因為佢終於食到佢好想食好耐既紙藝雪糕，聽聞係連包住雪糕既招紙都可以食埋落肚，好似好得意咁😍 同小新去左大坑玩既呢一日，愛麗絲點都把握機會要食Loooop呢間雪糕店😍企係舖頭外，已經會俾佢既裝潢吸引，主要以粉紅丶湖水綠同金色為主，帶有西式復古既味道。愛麗絲急不可待，拉左小新入去，點左杯POOL，係藍月雪糕 (即係藍色既雲呢拿雪糕😂) 配香烤棉花糖，雪糕上插滿唔同海洋動物既紙牌公仔，所以係一杯以海洋為主題既雪糕，原價就$45，要埋食紙配飾就係$50，一場泥到，梗係要試下食紙啦😂首先，個雪糕好滑，味道就冇乜特別，只係個雪糕係藍色特別靚😂 而雪糕上會有乳酪脆粒，不過就有點兒太酸😳 至於個杯就係牛油味既，不過食到底就會有啲硬咬唔到。另外就係舊棉花糖喇，店員係即是用火槍燒既，不過唔知係咪啲棉花糖本來係雪係雪櫃，就算燒一燒佢，咬落口都唔會有一絲絲，痴lup lup既感覺，唔係BBQ個啲口感😂 反而係好似普通棉花糖，只係有少少香烤味。最後係啲紙喇，雪糕上既動物紙牌同包住雪糕既招紙都食得既，不過就冇味既，但都幾得意，係Loooop雪糕既特色。雖然Loooop既雪糕味道唔係話特別好食，但

沒多久兩口子便來到近日在instagram被一眾人士「洗版」的《Loooop》，剛才的悶氣已徹底消散。原以為又要排隊，不知是否因為剛才的大雨，竟！！然！！沒！！有！！人！！等！！候！！店子的裝潢都很可愛…瓷磚上的金屬logo…牆角下、溶化了的「微笑雪糕」…雪糕粉飾區…多款圖案的紙飲管…桌上放有不同顏色的六角形碟子，以為可拿起，原來是跟桌子黏在一起，純粹是裝飾而已。對了，店子的餐紙巾及匙子也很美啊，近年有不少地方也用上木製的匙子，雖然是即棄，總比塑膠製來得較環保。店子有數款不同主題的雪糕，並有「可整杯食用」及「杯子不可食用」兩個版本供選擇，價錢方面後者較便宜，不過「可整杯食用」仍店子的賣點，所以我要了前者。POOL（$50），這款的主題是海洋動物。我原打算把雪糕拿到別處才慢慢拍照，可惜它實在太軟身，店員粉飾好再上桌幾秒已開始「塌」了，所以這次的照片不太美（雖然平日的照片亦只是平平）。我先KO負重量最高、亦是令雪糕「塌」了的主因：烤棉花糖，選這款多少是為了它。外層以火槍輕輕燒焦，吃來軟綿而帶煙韌，不過甜度頗高。雖說我這客是「可整杯食用」版，「但我唔會白癡到食埋支紙飲管嘅…」據坊間人士說這淺

食完重口味的印度菜, 在回家的途中發現有家門面雪白清秀的雪糕店。名字都好可愛「Loooop」。店內只有只五款雪糕: MOON、ZOO、POOL、XOXO及Ice s' More Bar。全部賣相美艷, 難怪店內食客全部都是妙齡少女, 除我老公外。雪糕店最大gimmick就是由雪糕到杯到包裝紙都食得, 原來食紙是印了食用色素的米紙。真係有創意, 難怪雪糕店開店不久便走紅。店內這張poster 好吸引, 果然女仔愛甜品, 價錢不是是重點。相反男人(我老公)見到杯雪糕要$53便ee哦哦~~$$$傳單都吸引, 可是底色粉色系列, 但配上白色字而且front應該只是有6。。。點睇?!店內設施極簡單, 只有這部雪糕機。難怪「新聞透視」早前介紹甜品店, 提及「成本低、利潤高、入門門檻低」。店內員工2名, 不消1分鐘便把軟雪糕放上topping擺得靚靚俾客人影相影餐飽。XOXO ($53) : 軟滑牛奶雪糕配紅絲絨曲奇杯, 鮮草莓, 草莓脆粒, 凍干草莓脆碎粒, 朱古力碎, 閃亮主題食用裝飾紙。店員建議先食頂部用脆糖包著粒士多啤梨。外層脆脆, 士多啤梨鮮甜。雪糕入口軟滑, 味道其實同「富豪雪糕車」的

😕呢度再帶多次頭盔 做人最緊要誠實知道呢間雪糕一直幾受歡迎賣點係成個雪糕連杯同紙都食得搞噱頭賣相靚 係呢個年頭要紅既原素雪糕的確賣相不俗 但一拎上手影相時 睇圖可以見到雪糕尖端熔到唔似樣前後十秒時間都無由於鋪頭得企位 於是女朋友拎左出去食左兩啖已經滴到成手都係雪糕至於雪糕極似膠質吹波膠味麥當勞雪糕質地都比佢更好食用上爆炸糖的確特別但前後食唔夠十啖 杯都食唔到已經熔哂價值半百既雪糕 實在有啲失望

大坑美食多，大家也知道，我久不久也到大坑尋找美食， Loooop 還未開的時候，Facebook 已經被瘋傳了，人氣非常高！我當時已經鎖定了她，我一定要來吃她，可惜之前時間太忙了，近期才有空去吃她，不過也是一件好事，錯開的人流，我去購買當天人不是太多，不用排隊。她們的位置是在轉角位置，裝潢是走甜美的路線，老實說我在吃之前，是非常期待的。我點的是 Blue Moon，賣相真的是滿分，如同藝術品一樣，故事好似細說登上月球要經過努力、持續往前再可以到達目標。味道方面絕對是失望的，藍色的特調雪糕，店員說每個人吃到的味道也不一樣，可是我跟友人只吃到甜，沒別的了，再說說配料吧，表面灑了朱古力、蜜糖星星及米紙，吃第一口時感愛到爆炸糖在口腔中跳躍，其實我完全看不到爆炸糖的，但感覺滿特別的，朱古力就沒有什麼特別，就是平日吃的普通貨色，當我把米紙吃下時感想是厚、沒味道，總覺得跟雪糕格格不入，完全跟我想像中不一樣的，最後就是疑似是朱古力味的雪糕杯，但我吃不出朱古力味，也沒有鬆脆的感覺，只吃到的是硬，真的不吸引，索價五十大元，浪費了我吃甜品的機會！ (怒)

同朋友係大坑食完飯後，發現近期成日係FB、IG見到有人post出黎呃like嘅雪糕店就係附近。阿來我作為雄糾糾嘅男子漢，本來對呢啲女仔用黎呃like嘅雪糕就冇咩興趣，但見到佢嘅雪糕係連紙都可以食，於是係好奇心嘅驅使下就行左入去…呢度嘅雪糕大約係$50蚊左右，如果唔要果層紙可以食得嘅紙就可以平$5蚊，但阿來入黎就係為左搵紙黎食，於是好爽快咁就放低左一百個大洋，買左兩款雪糕。第一款叫做Moon，係用星空黎做主題。藍色雪糕（阿來實在食唔出係咩味），淋上朱古力醬、爆炸糖、朱古力脆米、蜜糖星星，再加埋一啲太空船造型嘅紙牌，都真係幾有太空嘅感覺。另一款係Pool，唔知大家有冇發現佢全部雪糕名都有兩個Ｏ字呢？而呢間雪糕店店名亦都由係Loop字再加上兩個O而成，的確玩味十足！同樣都係藍色雪糕，本身想試下其他味道，但因為每款雪糕有指定嘅雪糕味道同曲奇杯，所以係唔可以自己轉。Pool即係用海洋黎做主題，最特別嘅地方係有一枝烤到微焦嘅棉花糖。呢個雪糕設計上好有創意，再加埋可以食得嘅紙的確幾有gimmick。不過，佢嘅曲奇杯可以話係一個敗筆，不但偏甜亦過硬，所以現場亦見到好多曲奇杯未食哂就被人丟棄，希望未來可

較早前知道大坑開了一間連紙都可以食的雪糕店Loooop, 終於有機會去一試.這裡雪糕選擇不多, 只有五款.最後我揀了ZOO.杯雪糕賣相幾精緻.這是牛奶雪糕, 雪糕幾滑身, 牛奶味也算濃郁. 而雪糕筒口感和平日食的不同, 這個是較為厚身和硬.雪糕面仲有一個沾了朱古加醬和脆迷的迷你雪糕筒. 這個就幾脆幾好味.另外, 仲有放了一些可以食的紙裝飾.連包着雪糕筒的紙也可以食, 這個是賣點.食咗第一次後, 賣相是幾靚, 但口感也是一般, 我覺得雪糕筒略為硬, 相對其他的特式雪糕店, 這個較遜色一點, 試一次未必會再試.

上次試完紫薯, 今次再試近日人氣的紙藝雪糕。這家雪糕店的主要賣點是連雪糕杯都可以食用。我點了一個moon, 就是藍色的雪糕 (應該是blueberry味的), 配上朱古力脆脆, 星星脆米和朱古力爆炸糖, 上面還有一張張印上太空圖案的米紙 (可以食用的), 和自家焗製的朱古力曲奇杯 (杯上的招紙也是可食用的米紙啊!) 雪糕50蚊杯, 如果不要可食用的米紙和曲奇杯, 則可平少少45蚊。個人感覺這杯雪糕的gimmick是大於味道的, 雪糕一般, 原本寄望於朱古力爆炸糖會有一點舌頭上的衝擊, 但肉眼其實是看不出爆炸糖在哪兒的, 爆炸效果也非常輕微, 不用心感受是不會察覺到爆炸糖的存在。米紙雖然是可食用, 但米紙本身太厚, 好像食紙一樣, 只是這張紙會慢慢溶掉吧.. 曲奇杯也略為過厚和堅硬, 沒有曲奇的鬆脆。這種gimmick雪糕是可愛的, 但試過一次都足夠了!

可以食用嘅紙?一聽到已經心郁郁想黎試食遠道而黎朝聖一下,諗住會排好長龍,有排等,點知係無嘅 正呀!一路等一路睇住個姐姐整,真係要俾個like 佢,佢都好慘,整左成日雪糕杯杯都要逐粒逐粒放d裝飾上去,但都仲係keep 到杯杯都整到咁靚,無求其敷衍我地 非常好!好,等左約十分鐘就搞掂,攞果下都滿心歡喜,因為真係整得幾靚,但食落味道一般,唔太甜,食完都唔知係咩味嘅雪糕.........紙,食左一半就放棄左,我諗住張紙會有一d 特別嘅味道,點知係無嘅....同一般紙一樣個心仲係度諗,會唔會係老版整惑人,笑人傻仔,係度食紙=口=個杯諗住會好鬆化,但咬落都幾硬下,唔係幾好食不過唔硬又好快淋裝唔住個雪糕最後食晒d 雪糕就掉左個杯了呢個都係食一次影個相就算啦個樣真係好靚,但個味就真係無乜啦

隔左兩個幾星期我地又再返黎試第三款雪糕啦!冇辦法!實在太靚啦!而且味道好岩我地!今次揀左XOXO其實一直都有上網睇其他人POST既相見到杯雪糕有時整得好靚有時就整到麻麻地但我好好彩兩次黎食店員都好有心機整得好靚而且仲會好細心咁建議我地食左粒士多啤梨先影相真係冇得頂呀!超靚呀!今次黎到當然同樣相機食先啦!影左幾分鐘先開始溶算係咁啦!講返杯雪糕先!士多啤梨上面既糖醬好高好長咬左一啖仔甜甜地連埋士多啤梨一齊食個口感好特別外層既糖醬碎卜卜士多啤梨唔會酸一樣好甜食落好得意!雪糕好香滑連埋一粒粒紅莓脆粒一齊食少少酸口感好豐富至於曲奇杯我食唔出咩味對我黎講都係普通曲奇味不過食到最後有D論盡一路食個曲奇杯一路碎搞到趺到周地都係我地一人一啖慢慢食享受!其實我覺得兩個人食一杯最好唔會浪費左曲奇杯成杯食落岩岩好飽肚!總之呢餐就好滿足啦!