M Thai Restaurant (已結業)

平日到西貢WM Hotel人流很少，除了自助餐之外，未吃過另外兩間餐廳，今日到M Thai午膳。點了兩個Set Lunch：香辣大蝦金邊粉和印尼炒飯配雞肉串燒，頭盆有青木瓜沙律。青木瓜沙律🥗：好味，少少辣，份量也不少。香辣大蝦金邊粉：我選了小辣，餐廳都細心，另外再多上一碟辣醬（因為少辣真的不算辣😜）印尼炒飯配雞肉串燒：炒飯累嫌太濕，雞肉串燒還可以，最欣賞伴碟的炸蝦片👍🏻飯後加了每位$10的餐飲，Nespresso齋啡☕️整體來說：食物份量足，味道方面可以，價錢在酒店來說不算貴，環境清幽。在差不多的價錢花費之下，若想吃更美味的泰菜，在西貢實在太多，M Thai可能要再加把勁💪🏻

We had our X'mas lunch here.🥳🥳🥳 Fantastic at the set dinner price, $888 for 2 pax. The portion is definitely for 4 pax. We packed almost half of the food to home as dinner.✌🏻The must-try item is the roasted chicken, which is juicy and soft in texture. This was the second time we tasted the same dish, again, as our favourite dish among all food. Other than that, the Tonyum soup or the salad, or even the thai milk tea is great in taste. We, a family of 3, enjoyed the food and the place a lot!! 😊😊😊

第一次到WM Hotel 午餐，試一試它的泰菜歺廳！總括來講，環境寬敞舒適，裝修雅致，食物質數中上，服務尤其令人感覺窩心，十分滿意👍是近期少見在各方面都做得吾錯的歺廳！小食併盤賣相很好，蝦餅鮮味又彈牙，沙爹牛串的牛肉屬高質牛塊，軟糯有牛味，雞肉冇雪味，雞翼也炸得外脆內軟，佐酒佳品👍和牛炒寛粉，夠鑊氣，寬粉煙靭，有少少焦香，有些驚喜😊青咖喱雞脾湯麵很特別，吾太辣，夠濃味，絕對可試！酒店價錢也算合理，而家單點有八折，啤酒半價，黑啤味道濃厚，配泰式食品，又幾夾！平日消費300 有5小時免費泊車，停車場很大很光猛！

Staycation 包既二人餐不過main, 小食都只係得一份，初時都驚唔夠食好在佢main 既份量都調節左多dd, 特別係飯應該比左兩份既估計係考慮住客黎到西貢都想留肚出去試其他野所以個二人餐就得一個main用心良苦😂味道黎講整體都唔錯，用料唔係太差，又唔會煮到好油膩，食完係覺得清淡舒服，但個飯濃味人士可能略嫌淡環境都坐得好舒服，呢間酒店既餐廳定價唔貴，一般餐廳價，唔似平時酒店會mark up不過服務都係一般餐廳，千祈唔好expect 係酒店級別🙈

食完唔知食啲咩，四個人食1800蚊半隻海南雞小食拼盤炒雜菜菠蘿炒飯Pad Thai蟹肉奄列三個椰青一杯青檸梳打服務態度係OK，環境似間cafe, 我諗主要客戶都係酒店客人居多，估唔到一間普通泰國菜餐廳收費可以咁離譜，食貴嘢唔緊要，不過食完好似俾人搵笨咁。

上星期去咗西貢chill 一 chill特登去咗WM Hotel間M Thai試下就係因為貪佢環境靚去到亦都冇失望餐廳環境真係唔錯食物不過不失啦叫咗泰式肉碎生菜包，印尼炒飯、青擰疏打，大蝦海鮮冬陰功嘢食整體嚟講都算好食嘅生菜包夠味，少少辣冬陰功酸酸辣辣又夠香印尼炒飯就正常啦，唔知係咪因為唔係泰菜喺香港食泰菜好似好多選擇但咁好環境嘅泰菜真係唔多雖然望唔到個海但weekend喺西貢攞住杯嘢飲睇住啲人放狗放風箏食完嘢hea一輪再出去行下巿集睇下海又別有一番風味同去九龍城食泰國菜完全唔同感覺有機會試下夜晚嚟睇下夜景會唔會又有另一種感覺先

前幾日同屋企人去MThai食飯，發覺佢地原來轉左新menu,問返經理先知原來係而家廚房轉晒泰國人廚師,想轉返泰國人泰北既口味。頭盤嗌左個生蝦刺身🦐，好特別，因為依度係用赤蝦黎做生蝦刺身，比一般既大隻，口感好滿足。另外再叫左個蝦餅🦐，有4舊再切開一半，蝦膠都比較有彈性，炸得又ok主菜我地嗌左個炒椰菜苗，可能係依家轉左廚師，口味唔同左 炒得有少少重口味😂跟住黎左個泰式船麵(估唔到依度可以食到)，分量都係一人份量，有安格斯牛肉同泰國肉丸，店員會湯面分開，上菜先會喺你面前落湯，湯底濃郁而甜，都有少少泰國風味😋。再黎埋個龍蝦金邊粉🦞，普普通通，只係個名貴啲既Phad Thai最後平日黎食都有8折，free parking 仲有5個鐘，幾吸引。

假日去西貢WM酒店Staycation🏖Package包左佢地間渡假風情泰式🇹🇭餐廳M Thai既二人午餐裝修行簡約低調風格，全深色木系餐桌椅🪑，營調格調氛圍，坐落舒適悠閒🛋本身唔Expect太多，畢竟都係酒店餐廳，點知意外地幾好食🤤📍WM 酒店住宿計劃特式二人午餐🍱📍海南雞配香茅油飯🐣🍚無諗過佢既油飯真係好有黃油香♨️，粒粒飯都好入味，唔經唔覺就會食完成大碗飯🥣。海南雞都好嫩滑，唔算多骨，有齊平時三種醬料。📍泰式風味沙嗲串燒 4 串 (雞肉2串 及 豬肉2串)🍢串燒聞落已經有好香炭燒味，肉質鮮嫩，外面香脆可口，沙嗲醬香辣🌶適中，唔會蓋過串燒本身香味。📍泰式芒果椰汁糯米飯🥭可能係夏天，芒果當造，食落鮮甜多汁。糯米飯充滿椰香味🥥，軟糯飯粒加埋半鹹半甜椰漿真係岩岩好！📍飲品兩杯🍵好神奇地竟然會提供特色中式茶飲，想養生就揀左玫瑰普洱茶，玫瑰花香🌹濃郁，普洱茶香濃鬱；另外仲揀左鐵觀音，清香撲鼻😜

味道很一般，尤其冬阴功海鲜汤，感觉就是调料兑了很多白水的成品，温度、酸度、食材新鲜感都不足，就是环境很好，价格也不低，人倒是不多，相对安静。就当花钱买个纳凉好去处吧。

難得去WM酒店staycation去左package包嘅M Thai食lunch揀咗主餐：蟹肉瑤柱蛋白炒飯冇諗到會咁恐怖一筆碟炒飯就見到成舊洗碗嘅清潔鋼絲係啲飯入面😠😠😠🤬🤬🤬會唔會係咁呀 炒飯果陣廚師點解會睇唔到????雖然話餐飯係包埋但酒店package都係真金白銀比錢買架!!!然後野飲我知道係包嘅但就唔知包啲咩問個女侍應幾句就已經西哂面依家我地黎食野係受氣?勸籲大家冇咩事真係唔好幫襯!!!!!

去WM Hotel staycation Package 提供午餐。位於酒店LG非常方便，連M Thai 特色二人午餐。座位非常有特色。餐廳好大，座位非常闊落。泰式串燒串燒金黃色，點上醬汁，香口唔油膩。 海鮮喇沙湯底椰香十足，加上微辣香氣，特別惹味，椰海鮮沾上喇沙汁，鮮味更突出。

放假同女朋友行西貢，見到呢間泰國餐廳位於wm hotel，環境幾好 揀咗呢間試下。柚子沙律👉🏻沙律味道好奇怪，同出面食開個種唔同🤔青咖喱雞👉🏻好咸 完全唔知點繼續食落去，自問都食得好重口味豬肉沙嗲串燒👉🏻份量少 味道一般 樓下串燒仲好食過佢餐廳嘅質素同價錢完全唔成正比，係一般茶餐廳40 ,50蚊嘅水準、劣質茶餐廳嘅服務👎🏻呢餐飯十分之失望，食得好辛苦 完全係俾錢買難受，整體對我嚟講 唔會有下次，中伏😤！！

So I was having lunch which is included in my staycation package. It came with 4 chicken satay and the main cause was seafood Lasa. Everything taste like paper. Feels like all the ingredients cook separately. I am very very disappointed. The staff was okay but they try to take a way the dish when there is still veggie on my chicken satay plate. I will rate it like a 2/10. P.S ( the only things which taste good was mango slices comes with that sticky rice. Sticky rice is bad tho way too sweet )

西貢WM Hotel都屬於新酒店，環境清幽寧靜，酒店裏面有幾間餐廳，裝修都好新淨，上次試過M Square西餐覺得唔錯，今次就試埋M Thai Restaurant泰國菜。裝修現代簡約風格，昏暗氣氛有格調，深木色傢俬，米色咕𠱸大藤椅，環境休閑舒適，有度假嘅感覺。⊛泰式肉碎生菜包 $138一上枱已經聞到香噴噴，肉碎裡面用泰式香料調味，炒得香、鹹、酸、少少辣，清爽生菜包住惹味肉碎卷埋一齊食，覺得生菜可以多兩片。⊛泰式冬陰功海鮮炒飯 $168面有兩隻大蝦，海鮮粒都算多，飯都炒得粒粒分明，熱辣辣炒得香，淡淡酸辣味道，但冬陰功味唔夠特出。⊛泰式燒牛肉 $168感覺唔太似燒，覺得似普通煎牛扒，雖然牛肉裏面保持粉紅色，但口感比想像中靭，個汁係夠泰式嘅，酸酸辣辣，蘸埋個汁食增添泰國風味。⊛薄荷青檸梳打 $55薄荷味道清新，梳打解喝，青檸糖漿就甜咗少少。酒店嚟講價錢唔算好貴，食物就正常水準啦，可能諗住喺酒店食會有啲期望，所以落差會大咗。環境同服務都好滿意，我哋直頭同包場無分別。相比起西貢墟一啲泰國餐廳，價錢貴少少，但係環境就舒適，食物就無咁泰式風味，各有各號喜好。#M Thai Restaurant地址

星期五晚收工帶兩位外藉同事去食飯，早兩日就訂定位，一行到去，嘩⋯⋯咁靜嘅，心諗Lai 嘢⋯⋯會唔會中伏🥶🥶🥶，啲人行過唔知會唔會指住我地笑儍仔，呢間嘢都去😅😅不過真係要坐落先知其實都唔差嘅😊😊，感覺有如免費包場🤩🤩🤩嘢食，服務，環境我都覺得幾好，係唔明點解三個人比張長梳化枱我地，攪到食嘢要飛象過河咁🤔🤔我覺得圓枱或者普通方枱大家會食得舒服啲。價錢其實又唔貴喎⋯⋯三條友叫左四杯酒，兩支sparking water，大頭蝦冬陰功湯，豬頸肉，沙嗲雞串燒，春卷，泰式炒椰菜苗，菠蘿炒飯，埋單都唔使$1000（如果喺西貢市食，其實差唔多錢，話晒都係酒店，係冇出面咁熱鬧姐)，同隔離嗰間泰X，我一定揀M Thai。最衰真係收9點😒😒😒⋯⋯