M18 (已結業)

早上要到樂富辦點事，出了地鐵站便找個地方吃早餐，經過這間M18，座位非常擠迫，不過見到店內人頭湧湧，心想食物也許不錯吧。排隊的客人，大部份是買麵包和飲品的，應該都是趕上班的邨民。看看menu，普通份量的早餐都是三十多元，心想還沒試過這裡的食品，也不算趕時間，就決定試試一款歐陸All Day Breakfast。找了位子坐下，一張極為細小的圓檯，堆著3-4個人，椅子也不舒服，開始後悔叫了一個$59的早餐。等了很久，終於有位不說一話的年輕服務員把早餐放下。噢! 賣相也不錯啊! 煎蛋、茄汁豆、蕃茄、腸仔、煙肉，都是食物本身的正常味道，沒有問題。可惜的是那件煎雞扒，皮硬肉更硬。最失望是兩件多士，一件微微烘過，一件白白的，已心感不妙。雖然不想浪費，但這麼厚的多士不香也不鬆脆，要兩件吃下實在好有難道。

忽然想食all day breakfast 但要去食好味出名既 通常要走到上中環地區 但原來樂富都有得食 仲要價錢ok質素唔錯60幾蚊有齊腸仔,煙肉,太陽蛋,多士,蕃茄,同蘑菇 包埋一杯飲品 小店雖然細細間 但環境企理舒適 仲要地段方便 真開心又有多一個食all day breakfast既好選擇

雞扒煎蛋蕃茄湯螺絲粉早上返工之前食呢個螺絲粉包保精神爽利，先講湯底，係超級濃既蕃茄湯，甚至濃到好似蕃茄蓉咁勁，甜酸比例o岩o岩好，十分開胃。之後就係螺絲粉啦，軟硬程度亦都恰到好處，吸收左湯汁之後味道更豐富。燕煎蛋既厲害之處就係蛋黃仲係流心狀態。雞扒就煎得外皮香脆，肉質嫩滑，食落仲充滿肉汁。最後飲返杯熱奶茶，舒服曬，可以去返工啦。

發現了這裡也有芝士撻, 已經有好多芝士撻整定, 唔需要特別排隊等出爐,但芝士撻都可以KEEP 住暖暖, 而且是半流心, 芝士雖然比較淡但芝士味都好香濃來得真實, 而且仲有得堂食, 唔使拎住個芝士撻周街食 價錢仲好抵食, 仲買5送1, 有機會要買6個 如果M18 有開多D分店就好, 係九龍區要特登黎到樂富先有, 好唔方便

I have no interest in cafes at Lok Fu shopping arcade . Therefore, I just walked a short distance outside the shopping centre looking for eateries. I saw M18 which served 5 dinner sets including three kinds of pizza and two kinds of spaghetti. Breads and cakes are also provided. I saw Maxim promotion at a counter. I asked the cashier whether it is Maxim’s Caterers Ltd and the answer is positive. I could say this is high-class version of fast food café. Orders food at counter and takes drink by m

近日發現左呢間食早餐既好地方，平時去買麵包食既時候已經覺得唔錯。呢度食西式早餐為主，上圖是我最喜歡的4號餐，可選兩款肉類，而我最愛的雞扒要加$4。首先講下塊麵包，烘到好鬆脆，搽上已解凍的Cream狀牛油後才食，配合排包本身的小小甜味，簡直一絕。再黎講下個炒蛋，剛剛好的熟成程度，十分嫩滑之餘還帶些許液態狀，而且當中有著重重的牛油味，食得出用功的地方。之後就係雞扒啦，點解加4蚊都要食呢，因為佢真真正正做到外脆內軟的感覺，每一次食既時候，表面上的雞皮都被煎到有點脆口，但里面的雞肉仍然鮮嫩多汁，沒有一次令人失望過，而且size都算大塊，加上表面上好夾的甜甜酸酸蕃茄醬，真令食肉獸的我大滿口福。最後飲返啖奶茶，整個感覺好滿足，好完美。

返工的疲累，唯有美食可以補償！今天就來到此店，喜歡這里的装潢，旺中帶静，坐位舒適！食物當然是优質啦！焗蝦多士！多士上蝦肉鲜甜，加入洋蔥、沙律酱同焗，有多重味道，再加上小番茄作點綴，令多士色、香、味俱全！軟心芝士撻！外脆內軟，軟心又香又甜又滑，芝士味極濃，非常好味！真想再來一個呢！咖啡很濃，偏苦，不夠香滑！

I was highly recommended to come and try the local version of this Cheese tart that is originally from Japan which I had tried and and loved. my first impression was looked fine , but the proof is in the cake itself. my first bite was very dissapointing because there were no taste of cheese what so ever, not one part of it tasted of cheese at all, it was a combination of eating a half baked cheesecske without cheese and full of egg whites , that melted when broken into, even my wife thought it w

又係芝士撻啦喂⛳️今次嘅平民價芝士撻係正方形嘅!!其實我想問食芝士撻會唔會上癮架😂🔫 呢個芝士撻嘅蛋撻皮都好鬆脆，又好有牛油味，十足十一塊牛油曲奇咁~蛋黃中心仲係流心狀態，芝士味都好足夠，以呢個價錢黎講，有呢個水準好抵讚👍🏻 而且食完又唔會覺得好膩，仲有小小想追加返多個😂不過略嫌芝士撻吾夠暖！未有剛剛出焗嘅感覺 💁🏻

美心旗下的M18, 估唔到d包咁好食。可惜冇一間近我。All day breakfast: 個包好好食, 好香軟,少少甜....好想買返屋企食。其他d食物都幾好味.餐湯:唔夠熱, 不過就正常餐飲:好一般.....咖哩雞配農夫包: 咖哩好香, 雞肉就鞋d.....不過個農夫包好好食....流心芝士撻:好好食~~~雖然好邪惡....全個撻都係忌廉士, 香甜又奶味重......個皮又夠脆

店名：M18地址：香港樂富廣場G/F, L103-L104好味指數：8／10價錢：午餐$55-59 湯$6左上：三文魚碎蛋沙律法式三文治右上：煙三文魚磨菇忌廉意粉左下：蕃茄湯三文治份量好大，配料亦很多，碎蛋同三文魚一齊食好match!無得頂！！！意粉味道唔錯，份量亦都算多，不過意粉比較碎。蕃茄湯係比較結和濃味。 

難得去到樂富，當然即刻上openrice search下呢度有咩好嘢食。見到第一間就係M18，就試吓佢嘅招牌芝士撻啦。注意，應該係A出口一出轉左就係，唔需要根據呢度嘅B出口指示。芝士撻只係＄12個，仲有五送一優惠（但又有幾多個人可以食到六個呢？ 一定要同朋友些牙）。餅皮用咗勁重牛油，對於鍾意食曲奇皮嘅我來講，真係非常之正。餡料用左全cream cheese，足料，但食唔出落左其他芝士味，亦都冇拉絲效果，味道比較單一。但以呢個價錢來講，真係冇嘢好講，抵食滿分。

流心芝士撻 $12 (買5送1)買5送1之後一件先10蚊咋10蚊有得食流心芝士撻 真係幾抵呢間係樂富嘅M1 Bakery有得買拎番屋企丁番熱佢就有流心效果餅皮都幾香牛油味 同埋好脆芝士方面都唔差 都算得係濃味 但無Bake咁香但係唔洗排隊 價錢又平一半都係一個唔錯嘅選擇另外想講下其實係地鐵A出口出去先岩Openrice寫B出口結果兜勁遠

半熟芝士撻大熱，所以都想去食番個，沒空走出尖沙咀和銅鑼灣，但又給我遇上了M18，便決定一試。沒想到這芝士撻做的如此出色，不知道聞名已久的頭號半熟芝士撻味道又如何，但M18的芝士撻吃完足以讓人很滿足了。********************第一次見M18出了流心芝士撻，以HKD9/隻，或HKD32/4隻。不過現在已經是HKD12/隻，買5送1了，再沒有那麼平的價錢買來吃。看看賣相好吸引，還有是剛剛出爐的。我們剛好4人，便決定要了4隻/HKD32。看看這芝士撻多脹起，一個芝士撻都幾大個。沒想到吃下一口，餅底是曲奇底，很鬆脆香牛油味，然後芝士便流出來。其實為了影相，然後再吃，都放了幾分鐘了，已沒那麼熱的，但芝士還是這麼流心的。再多吃一口，芝士味真的是很香濃的，還沒有酸味，因為有些芝士熱了會帶酸味。這個流心芝士撻碓實做到流心之外，還是很香濃的芝士味。看看吃到最後，流心芝士還是很滑溜的。吃完滿口香濃芝士味，真的回味無窮，還有這麼大個的芝士撻真的讓你有飽肚感，很滿足的。

經濟又實惠晚餐配餐湯同飲品龍蝦湯來得合時係天氣咁凍嘅時候飲落去暖泣泣加錢轉特飲 鮮奶抹茶有驚喜 驚奇地好飲黑松露意粉夠熱又多菇 不過味道比較濃菠菜三文魚意粉 相對清一點第一次嗰份唔夠熱又唔夠汁 仲有隻蚊跑左落去所以同佢換咗一碟第二碟就好好多 至少夠熱同埋多啲汁 總結 環境清靜又適合傾計 價錢唔貴重點係唔使等位 非常好的一餐